|
كيف تحضر الجن - طريقة مجربة
بما أنو يعني ...سيرة و انفتحت .... رح علمكون طريقة لتحضير الجن و هالطريقة مجربة .....و على كفالتي... بس لازم تتبعوها و تطبقوها بدقة * الطريقة : بتاخدو بيضة مسلوقة ( بس لازم تكون باردة ) و بتحطوها بكاسة و بتغمروها بالمي و بتتركوها لحتى تتعفن منيح ( حوالي خمسة أيام ) يفضل أثناء التحضير أنو البيت يكون خالي ...و يكون بمنطقة هادئة (و يفضل وقت الليل قرب الفجر ما بكون أغلب الناس نيام ) بتجيبو عود بخور + بخور تاني اسمو ( بخور عين العفريت ) بتبخروا المكان كلو ... بعدين بتنطروا خمس دقايق بعدين بتشعلوا شمعة عالأرض و بتمدو فوقها خيط (أو يفضل شعر مرأة ) و بتخلوه على مسافة من الشمعة ..بحيث ما يحترق ( انتبهوا ..ما لازم يحترق لأنو رح يستخدم لاحقا ..لصرف الجن ) بعدين ..بتقولوا بصوت منخفض (حضورهم ..حضورهم .. حضورهم ) 3 مرات بتأني بعدين بتبعدوا الشعرة أو الخيط عن الشمعة ..و بتطالعوا البيضة من الكاسة .. و بتعصروها بايدكن بقوة و انتوا عم تقولوا (اوووووووووووووه يالحضور بهالمقام بهالسفينة.. ظهروا من تحت البحر والارض .. او من فوق الغيم والفيض ) وتكرر هذه الجملة ثلاث مرات على الأقل بصوت مرتفع شوي يفضل هنا احضار دم دجاج خاثر ليكون له أثر النجاسة قليلا وبتحطوه على طرف الشمعة.... نظرا لأن الجان له علاقة قوية في حضوره مع الدم والنار... بعدها تقذفوا بالبيضة على الدم وتبدأوا بالتأوه المستمر و بتقولوا : "آآآآآآآآآآآآآآآآآآآآآآآآ آآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آه" بصوت غليظ على الأقل عشر مرات مع ارتفاع الصوت شيئا فشيئا لحتى تستثيروا الجن بالحضور... وهون رح تسمعوا طرقات خفيفة وأصوات.. لا تعيروها أي اهتمام بالبداية... ولكن استمروا بالتأوه والوقوف امام الشمع بالقرب من الدم الخاثر... وهون رح تسمعوا الأصوات ترتفع اكتر والطرق على الأبواب عم يزيد بهالوقت لازم تتماسكوا لأن الطرق على الباب رح يكون عالي بعض الشئ... * و هون رح تشوفو الباب انفتح ..و دخل عليكون شي 4 او 5 من الجيران عم يسبوكون ...و يسبوا الساعة يللي صاروا فيها جيرانكون بس للأسف بأصواتهون العالية ..رح يصرفوا الجن ... يللي انتو صدقتوا انو حضر :cry: |
.... :o :o :lol:
لك لشو كل هاللف والدوران هاد ....:? :shock: تعا المسا عالبيت واخلعلك لتر جن ..... :larg: ومن بعده اذا ما بتشوف الجن الازرق ..... عيب علي :yahoo: |
اقتباس:
عنا ...منشرب الجن مع الفطور بدك شي أقوى  |
اقتباس:
|
اقتباس:
|
و هون رح تشوفو الباب انفتح ..و دخل عليكون شي 4 او 5 من الجيران عم يسبوكون ...و يسبوا الساعة يللي صاروا فيها جيرانكون يحضروا الجيران معليش ... وإذا ما حضروا الجيران ... في إمكانية لحضور شي فرع أمني (على سبيل المثال)...:yahoo: |
:o:o:o:o
شو مشانك انتا...والله شكلك ضارب كم كاس مشكل وواصلة معك لحد التحشيش :) حلوة حلوة:clap: |
رح يحضر جن أندرين و لا شو هوي اللي رح يحضر .. :o
محشش بدرجة ممتاز .. تابع تابع:gem: |
ماد انت كاتب بالعنوان مجربة
بس لا تكون انت اللي مجربا هههههههههه احلى تحشيش |
اقتباس:
هاد تحشيش |
اقتباس:
 |
اقتباس:
قلت بفرجيكون ياهون شخصي |
اقتباس:
عندما تتأجج نار التحششيش .. تنأى الحشائش بالحشيش الحشحشش .. |
اقتباس:
و النتيجة مضمونة كمان:shisha: |
حشش عليها تنجلي
|
اقتباس:
مشروب يسبب التسطيل بعد الكاس العشرين...... :p شو مشان انواع الجن!!!!!!لك نحنا مو مصدقين انه موجود جاي الأخ يعطينا انواعه كمان.....ووين بعيش ومين بحب:jakoush::jakoush: |
انا الجن كلون تحت ايدي و امرتي ايمتى مابدك ببعتلك حماتي
|
ههههههههههههههههههههههههه
ولييي على تووولك بس صدق انو بالبدايه صدقت وكنت رح جربها هههههههههههه بلكي بيطلعلي شي جني يدرسني:p دستوووور:cry: |
| الساعة بإيدك هلق يا سيدي 23:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون