|
القدرة على الازدواجية ...... مرت عليك ؟؟؟
مرحبا شبيبة في شغلة صارت معي من كم يوم وانا لحد هاللحظة مدهوش منها في شخص بعرفه كتير منيح تبين اني انا مو بس ما بعرفه لا ولو كنت بعرفه عن جد ما كنت استرضيت طلع فيه طلع شخص تاني تماما شخص مو انه بيختلف شوي لا لا شي غريب العكس تمام يعني من شخص رائع متفاني طيب خدوم لشخص جاحد لئيم حقير مستغل شو بعرفني انا مو مدهوش منه شخصيا انا مدهوش من انه في عند بعض البشر القدرة على انه يكونو اكتر من شخص بنفس الوقت يعني اشخاص متل هدول كيف بيفكرو باي شخصية كيف بيقدرو يحترمو نفسن اصلا والله غريب انتوا صار معكن هيك شي ؟؟؟ |
اها صار معي اكتر من هيك
الي صاحبة انا تركتها صارلي 3 اسابيع السبب؟؟؟ نا كان جاييني عريس وكان في شبه موافقة طبعا قبل ما حب حضرتها حاولت تعرف مين هو وجابت رقم تليفونه وطلعت علي سمعه سيئة عالآخر وحكتلي انه الشاب الي اجا خطبك حكالي عنك اشيا مو منيحة ومشان هيك بطل بالصدفة انه قبل شي شهر شافني ووقفني وحكي معي وحكالي انه بتمنى يرتبط في حكيتله ما فيني اعذرني وان صدقا ما كنت بدي اياه اصلا بس حكيت انه مناسب المهم حكالي بتمنى توافقي علي حكيتله انا الي بحكي عنخ ما بفكر فيه فخبرني عن صاحبتي طبعا حكالي اسرار انا بحكيها الها وهو عرفها منها طبها هي طول الوقت شايفة حالها وانه هدول ناس بيئة وبكره الخاينين وليه البنات بغاروا المهم طلعت وحدة حقيرة وشو بيئة وما خبرتها شي بس حكيتلها نه هاد الشاب رد خطبني وان رفضت بس حخليهع يجي بيت اهلي افهم سبب الكلام الي طلعو من بعدها ما حكت معي جد انه ناس ازدواجيين |
اي بس انت كنت مو عارفة انها ممكن تعمل هيك
يعني تصرفت كشحص تاني تماما ؟ |
اي ..
مرّت عليي .. ومشان ما بعّد وقرب كتير .. هالشغلة فيي انا .. يعني انا " بتكيّف بحسب الظروف " اقتباس:
هلأ انتي اخدتا كأنو مثال بشع كتير .. بس انا بشوفا لأ .. شي حلو وكتير .. انك تكون مع كل الشخصيات .. لتعرف كل الشخصيات مانا ناقصة .. هلأ هون بتجي طريقة الاستخدام .. اللي بيستخدما لمصالحو الشخصية " ما بلومو ابدا " ..ولأ يا سيدي بعتبرو زكي .. واللي بيستخدما ليتعايش مع هالمجتمع .. ويقدر يعرف العالم شو بدن .. بما انو هوّي .. هنّي .. وقت بيكون معن .. وبما انو .. هالبلد بتلعن رب البني آدم .. وبتخليه كل ثانية شكل .. فا الامر ابسط من هيك .. وبعد شوي برجع لتعليقاتكن .. بما اني رح كون الطرف الآخر :o |
اقتباس:
انا متلك بتكييف يعني بكون مع الشحص البسيط بسيط ومع الشخص المثقف مثلا بحاول اني اتعلم منه او ناقشه او او حسب الحالة يعني بس صفاتي هي هي مبادئي هي هي يعني باختصار انا ما بقصد عن هيك انا قصدي انو الشخص يكون عايش كشخصين يعني قدام الناس شي كصفات ومبادئ وبينه وبين نفسه شي تاني يعني فينا نقول منافق |
مزبوط
انا ما توقعت انها هيك انا كنت شايفتها ملاك حتى كل اصدقائي ومهند خبرتهم ازا بعرفو حد منيح انه صاحبتي لطيفة وحابة تتعرف مشان تزوج؟؟؟؟ تخيلوا وصلت احكي لحبيبي عنها |
اي اي
فهمان عليك وحياة المحبة والسلام بس الفكرة هيي عبارة عن انو انا تطورت الحالة عندي اقتباس:
انا لحد هاللحظة .. ما قدرت لاقي هدول الشغلات .. |
اقتباس:
بجد عم تحكي ما معقول طيب انت هل من الممكن انك تتعامل مع شخص بشكل غير علاء يعني لا تقلي ما معقول تكون بدون شخصية معينة شخصيتك معك وين ما رحت بس بجوز انت طالم نفسك زيادة |
اقتباس:
وانا عم قلك ما في علاء .. شخصيتي ما بعرف وينا ؟ بتعرف نظرية ال Miror ? |
اقتباس:
بس انت بتعرف حالك اكتر اما النظرية لا ما بعرفها شو هي هات قلي |
اي خالي ..
نظرية الميرور .. هي عبارة عن ان تكون انتي مجرّد من كل شيء .. وعبارة عن مراية للشخص اللي قدامك .. فأنا اغلب الاحيان .. بكون الشخص اللي قدامي .. بكل ما في من مساوء ومحاسن وجنان وروقان وكل شي .. " اغلب الاحيان .. لأنو في احيانا بيضرب الجنان عندي .. وهون ما بقا اعرف شي من شي " .. هلأ هي النظرية بتفيد موضوعك .. انو اخي ما كل شخص ازدواجي هوي شخص مانو منيح .. بس لازم الانسان .. يحط الحد الفاصل ... بين الشخصيات .. والشخصية الرئيسية .. اما بالنسبة لمشكلتي .. فهيي انو انا ما عم لاقي الشخصية الرئيسية .. او بطل هادا الفلم اللي اسمو حياتي فبيكون عبارة عن تراكم بعض الشغلات اللي حبيتا بالشخصيات اللي عشتا .. " حبيتا ما بالضرورة تكون منيحة " ومنرجع |
يعني رح قلك شغلة
نادرا جدا جدا ماتلاقي شخص منسجم مع نفسو ودايما جوات الشخص في ازدواجية بكل شي يعني بتشوف مثلا الناس يلي بتقعد بتنظر عن الواسطات والرشاوي وانو بتلعن ابو الرشاوي وبس يصرلا شغلة بدها رشوة هيي اول العالم يلي بتقدم رشوة قلال جدا يلي بتلاقي افكارون منسجمة مع افعالون لهيك بتشوف كتير ازدواجية بالحياة العامة |
ايه مرحبا شباب حلو النقاش هاد بس متل ما قال الاخ او الاخت بنفسجه يعني الواحد بكون عندو مبادئ معينه بيضطر احيانا يتنازل عنها لانو هيك مجتمع ما بيعترف بالمبادئ وفي كتير شغلات رح تاكل هوا اذا بتمشي عالمبادئ هي بس كمان انا فهمت شو بدك تقول انتا عم تحكي على ناس منافقه بتلبس اقنعه وبتغير كل يوم شكل يعني اذا ما مضره عاللي حواليهن يصطفلو اما اذا وصلو لدرجة الاجرام وضرر الناس صارو مجرمين ونصابين فهي ماعاد فيها حريه هدول لصوص وحراميه ومخادعين بقا الوضع مختلف يعني انك تغير من مبادئك لتمشي حالك بهالدنيا بعتقد ما فيا شي والواحد غصب عنو بدو يعمل هيك يا اما يروح يعيش لحالو بشي غابه ولا شو رأيكن وبالنسبه لاختي بلاكيريس تعيش وتاكلي غيرا ما كل البلا من النسوان اختي في منن معقدات ما بدن حدا يتزوج ولا يفرح ولا ينبسط الله يعين
|
اقتباس:
بس كنت قول انه اكيد بينن وبين حالن هنن شخص واحد بتفاصيله المحددة بس بعد هالحكي صار بدها القصة اعادة تقييم :D اقتباس:
انه في كتير قصص هيك يعني انا مثلا ضد الرشوة بس والله يا اختي لما بدي اكل هوا وما يشمي شغلي بدي ادفع بس انا على كل حال ما قصدي على هيك انا قصدي على الناس الي بتغير جلدها يعني انت بتعرفيه شخص وهو جواه شخص تاني تماما يعني كصورة عامة مو كفرة وحدة اقتباس:
يعني انت عم تثق بشخص وتعطيه اسرارك على اساس انه صديقك الصدوق وانك بتعرفه منيح بالاخر يطلع شخص تاني ويكون عم يلعب عليك دور الصديق تصور الاذى النفسي الي رح يصيبك ما اكيد رح يضرو يعني لو ما في ضرر كنت ماحكيت بالموضوع يصطفلوا |
اقتباس:
انت لما بتكون صارع الناس بمبدأ معين ومابتحيد عنو (على اساس يعني) وفجاة عند اول مطب بتلاقيك عم تعمل عكسو ما هي هيي فكرتك يعني هالناس يلي بتلاقيون بالوجه شي وبالضهر شي تاني هدول ناس بيحكو بمادىء معينة وبيتخلو عنا فورا هيدي الازدواجية انك تكون عايش بوجهين |
باختصار وجهين لعمله وحده وثوب مقدر عليهم والشبه نفس الشبه وتاغدر مزروع فيهم يا قلبي لا تستغرب كل شي تشوفه عيونك كل شي بهالزمن جايز وكل شي ممكن يكون عدوك يرحم بحالك واعز احبابك يخون:adal:
|
هيدا شي بيصير كل يوم وبنعرفه وصار اله مطاعيم متل الانفلونزا فيك تمر عشي حكيم وتسأله
 |
اقتباس:
بس انا ما حدور وقول انا ضد الرشوة انا ضد الرشوة وروح ادفع انا عن نفسي لما انحطيت بمكان يسمحلي اخد رشوة رفضت وبشدة بس لما الواقع بيفرض علي ادفع او انطر شغلي بالدرج رح ادفع مابعرف يمكن انتي غير بس انا مثلا ما بقول شي وبعمل على الاقل ما بقول فهمتي علي كيف اقتباس:
اقتباس:
ما اله دوا |
| الساعة بإيدك هلق يا سيدي 14:17 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون