|
3/2/2009
اليوم الثلاثاء
الثامن صفر 1430 هجري الثالث من شباط " فبراير " 2009 غربي الحادي والعشرون من كانون الأول 2009 شرقي التاسع من شباط 5769 عبري اطمئن هرب أحد المرضى من غرفة العمليّات بلباسه الأزرق, فصادفته ممرضة, فقالت له: خير ما الذي حدث؟فقال لها : هل سمعت ما كانت الممرضة تقوله في غرفة العمليات؟ فسألته الممرضة بتعجب: ماذا كانت تقول؟ قال المريض بهلع: كانت تقول اطمئن العملية بسيطة, وهذه ليست أول مرة, كن رابط الجأش, وحافظ على هدوئك!. قالت الممرضة: وما المشكلة كانت تطمئنك.! قال المريض ولكنها لم تكن تتكلم معي, كانت تخاطب الطبيب الجرّاح!!!. |
يا حرااااااااااام :lol:
بدو طاسة الرعبة عن جد:o:o |
اقتباس:
|
4/2/2009
اليوم الأربعاء
التاسع من صفر 1430 هجري الرابع من شباط " فبراير " 2009 غربي الثاني والعشرون من كانون الثاني 2009 شرقي العاشر من شباط 5769 عبري لمسة حنان إنَّ الرسائل غير الملفوظة التي نرسلها إلى الأبناء كثيرا ما تكون أكثر أهمية من الكلمات ذاتها, وكم قصَّر الأهل في مسح رؤوس أبنائهم وضمهم الى الصدور بحنان ومحبة ودفء! كم غفل الأهل عن أهمية القبلة والتربيت على الظهر والمداعبة وشيء من الملاطفة والحنان. |
اقتباس:
|
يا ريت الشباب .. واخص الذكور منهون يقرو هالكلمات ويعطوها حقها
لانو كمان في شي اسمو عاطفة الابوة بس عنا دائما مترتبطة كلمة بابا بالسيطرة والهيبة بعيد عن المشاعر الحقيقية يلي بيحملها الاب ما بعرف من وين اجا الاعتقاد انو اظهار العاطفة بقلل من هيبة ومكانة الاب عند اولادو:? |
اقتباس:
|
هيك كان ينقال وحياتك
يعني ولا مرة سمعت من صديقك انو اختلف مع ابوه.. وابوه كلمو كلام قاسي كتير ما بستاهلو الموقف واجت الام صارت تبرر انو بالبابا بيحبك بس ما بيظهر هالشي لانو بيضل بابا وانو مكانتو كاب ما باسمحلو اظهار هالشي ؟؟ اذا ما صار معك هيك موقف ............. صار قدامي ومع ناس بعرفون مرات كتيرة ..........اكتر من اللازم |
انو انا بحياتي ما سمعت هيك شي .. بس انو اول شي قلتيه تبعت انو مثلا يقلو كلام قاسي وهيك وبتيجي الام بتقلو انو بيحبك .. الخ .. هالشي اي موجود بس ما عمري سمعت انو بتقلو انو مكانتو ما بتسمحلو اظهار هالشي ؟؟ :?
بس طبعا الشي المعروف انو الام هي الحنان وهي الحضن الدافي بس هالشي ما بيعني انو الاب لازم يكون جبار وقاسي مع اولادو بيكون حنون بس اقل من الام ... |
يا عيوني يا سوا ربينا، سونا معها حق، فغالباً ما الأب بيخفي مشاعرو وبيظهر القسوة للدلالة عالأبوّة وتعزيز لمكانة رب البيت! وإذا هالشي مو موجود بمجتمعك، فهو موجود (غالباً) بمجتمعنا وكل مجتمع شرقي زرتو، متل لبنان ومصر والعراق... والفكرة هيّ هيّ النابعة من فكرة السلطة الأبويّة المطلقة اللي حكتنا مرة عنها الصديقة مروة. بعتذر من سام لأنا خرجنا عن موضوعو بس اقتضى التوضيح.
|
اي يمكن ...بس انو انا كنت عم قلها انو انا ما شفت او سمعت هيك شي .. بس هوي يمكن .. وشكرا ع التوضيح عم قرصان...:D
واسفين سام عن الخروج عن الموضوع..:D |
بالعكس تماما أنا متابع ومستمتع بنقاشكم
وارجو عدم اعتبار الموضوع لي انما هو لأخوية وللجميع كما يكفيني متعة انني الشرارة التي تتجد كل يوم لنقاشات متنوعة في مواضيع يومية مختلفة شكرا لكم فلولاكم يصبح الموضوع جامدا باردا:D |
5/2/2009
اليوم الخميس
العاشر من صفر 1430 هجري الخامس من شباط " فبراير " 2009 غربي الثالث والعشرون من كانون الثاني 2009 شرقي الحادي عشر من شباط 5769 عبري الأب المثالي هو الأب الذي يدخل بيته ويتحرّى أن تكون في يده هدية أو تحفة أو طرفة, فإن لم يجد فنكتة, أو حادثة طريفة , أو قصة شيقة محببة.والأب الفاشل من ينتظر أولاده- بصبر نافذ- لحظة مغادرته المنزل ليتنفسوا الصعداء. جنة المرء داره إن حسنت التربية وارتقى السلوك !. |
كتير صح
ونفس تعليقي السابق ................ عل بعض الاباء ( هي البعض كرمال سوا ربينا !!!) يقرو هالشي .. ويفهموه كمان |
والله مو البعض لازم تقولي على أكثر الآباء ...
|
اخخخخخخخخخخخخ
ع ايام كان بيت خالتي متل ثكنة عسكرية يعني بس يجي الاب ع البيت الصغار لازم فورا ينامو ولو كان عز الضهر ممنوع تشغيل التلفزيون ممنوع الضخك الا برا البيت .. ويعني المرحبا ما كانت تطلع الا بطلوع الروح ..... قال انو اب ومعبا مركزو ........... اكيد ولادو كان يحبوه بس اذا ضل بالبيت يومين ورا بعض كانت كارثة .. لانو لا الاصدقاء ولا الاقرباء من الصغار وقتها بيجي لعندون ..........حدى بيجي لهيك بيت بهيك وضع ؟؟؟؟:x |
اقتباس:
اقتباس:
|
اقتباس:
مين جاب سيرة انو كان ضابط؟؟؟؟؟؟؟؟؟؟ لا وحياتك لا ضابط ولا شي قال مهندس والعين عليه ............ يبدو ما صدق حالو صار مهندس :pos: وكونو شغيل وبيتعب فما عندو وقت لضجة الصغار :shock:.............. هيك ناس ما بعرف ليش بيتجيب اساسا ولاد:frown: |
| الساعة بإيدك هلق يا سيدي 00:43 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون