|
الرجوله..النخوه..حب الوطن.
تابعت مسلسل باب الحاره
من جزءه الاول واليوم الجزء الرابع قد عرض منه حلقتين ليس موضوعي هو المسلسل وانما الرساله التي اراد صانعو المسلسل ارسالها للمواطن العربي التركيز على النخوه والرجوله والشهامه وحفظ اعراض الناس كلها خصال وشيم عربيه يفتقر لها مجتمعنا ولا نجدها بيننا فقد اصبحت غريبه او من الاساطير في زمن اصبح كل الشباب العربي يهرب الى الخارج ويدعو ربه ان يحصل على جنسيه في اي بلد خارج هذا الوطن العربي ولم تعد للشهامه و النخوه من أثار فقد أختفت هي الاخرى في زحمه العولمه والماديات والشهوات الجنسيه . الرساله كانت جداااا طويله وتحمل مضامين وعبر كبيره , ياترى هل هكذا كانت الرساله أم كنت انا مخطئه ؟ اترك لكم الباقي وانتظر من يوضح لي الصوره أكثر؟؟؟؟ |
بالعكس بشوف انو باب الحارة بالأجزاء الماضية كان عم يعكس صور كتير سلبية ,,,ما رح احكي عن معاملة المرأة ,,,,بدي احكي عالظواهر المريضة يلي بدنا ياها تختفي بسوريا و باب الحارة رجع يعززها ,,,متل المشاكل بين الحارات ..الأنعزال الرهيب للناس بحواريها ,,,ضرب الشبرية ,,,و هيك شغلات ...
هلئ كمان في شغلة تانية ,,,,انو مفرجينا الناس ما كان عندها اي مشاكل مادية متل مشاكل معظ السوريين بالوقت هاد ,,,يعني اكبر مشاكلون هاد اتجوز و هاد طلق ,,و هي حكت على هديك و ما بعرف شو ...و الكل مرتاح ماديا و ما في مشاكل , ثانيا ليش في مية مسلسل عن حقبة الأحتلال الفرنسي ..و ما في و لا مسلسل عن حقبة الخمسينات ,,,يلي كان فيها شي من الديمقراطية و الحياة المدنية و يلي من الممكن تكون مثل جيد للسوريين بوقتنا هاد . لأ انا ما مع الناس تتأثر بمسلسل باب الحارة ,,,,ما بعرف شي عن الجزء الرابع ...بس الأجزاء الماضية ....شغل حويترية |
لك حتى بحقبة الأحتلال الفرنسي صار بسوريا اول انتخابات ديمقراطية رئاسية و برلمانية ,,,و صار كتير احداث قادوها سياسيين وطنيين بالفترة هديك ,,و مين ما بيذكر مجلس الشعب السوري يلي بسبب اصرارو و وطنيتو دخل العسكر الفرنسي و ارتكب مجزرة بحرم البرلمان و قتل معظم اعضاؤو .....و لا ما بيمشي الحال غير اذا فرجونا ,,,,سحب الشبرية و زعرنة بعض الناس و قصص حواري و صريخ نسوان ......
|
لك هالمسلسل تزوير للتاريخ
العمى بقتها مانو النسء اقوى من هلاء ودورهون كان واسع مو متل مو طالعين بس للت والعجن يعني انا بستغرب انو كيف الون عين هلق في مسلسل الحصرم الشامي واحد من المسلسلات اللي بيحكي شي حقيقي عن الفترات الزمنية بس ع اوربت مشفر |
لا باب الحارة لا يزال عم يكرس قيم سيئة.. وما قرب نهائيا عالرجولة والنخوة..
متل ما قال Elephant كان تكريس للمراجل الفاضية وخنائات الزعران ومشاكل الحارات.. عدا عن انو في اخطاء تاريخية لا تحصى.. وتشويه لصورة المجتمع الدمشقي..وبشكل خاص لصورة المرأة الدمشقية..وحتى لصورة الثوار بالغوطة يلي صورن المسلسل بغاية السذاجة.. وما شفنا المتعلمين ولا المثقفين ولا السياسين..وكأنو ما كان إلن وجود.. اقتباس:
|
مسا الخير
موضوع جميل ومفيد أنو نتطرق للأعمال الفنية اللي عمنشوفا على الفضائيات , وبالأخص مسلسل باب الحار لأنو هاي السنة الرابعة للمسلسل وما بقى يصدّي , واللي صار عليه كتير آراء متضاربة أتمنّى أنّو نبقى ضمن النقاش العقلاني والموضوعي الأخ القلعة والفيل ربما جانبت معظم الحقيقة بل عين الحقيقة في ردك الأول , ولكن الرد الثاني لا علاقة له بالموضوع المطروح , نحن نتكلم عن موضوع مسلسل بعينه شاهد معظمنا أجزاء منه وعند النظر إلى الأعمال الفنية هناك موضوعان مهمان , الأول يعود إلى رأي المشاهد وللمشاهد الحق الكامل في إبداء رأيه بالعمل سلباً أم إيجابا والموضوع الثاني هو الموضوعية والدقة في تحليل العمل الفني بالنسبة لباب الحارة كنت أمنى أن يغلق الباب قبل أن يفتح , ولكن العمل كان يملك العديد من مقومات العمل الجماهيري ومن عوامل الجذب للمواطن الصائم بعد أن يقوم بتعبئة معدته حد التخمة ويصبح غير قادر حتى على تشغيل عقله كان في المسلسل الكثير من الإيجابيات ولكن سلبياته كانت أكثر بكثير , وبالنظر إلى جهة الإنتاج نستطيع أن نتوقع نتائج هكذا مسلسلات فالحرب على العقل وعلى الثقافة قادمة بعنف من شركات الإنتاج الخليجية وليس أول انتصاراتها محاربة بعض أصحاب العقول الخليجيين العاملين في المجال الفني (أسرة مسلسل طاش ما طاش كمثال) فكما انصرت هذه الثقافة في مجال الموسيقا فهي قادمة بعنف في مجال الدراما |
اقتباس:
شكرا لحظورك وشكرا على رئيك والمعلومات والتعقيب اللطيف :D:D:D |
| الساعة بإيدك هلق يا سيدي 15:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون