|
اللي بدي افهمو ليش يا منتدى حاطط منبر احوية الحر
اللي بدي افهمو ليش يا منتدى حاطط منبر احوية الحر؟؟؟؟:sly: اللي بدو يحط منبر حر لمنتداه لازم يتوقع كل شي..لازم يعرف انو كلمة حر اذا سمعا مواطن من شعبنا راح ينفس عن الكبت اللي بقلبو هون بهالمنتدى واللي بدي افهمو كمان ليش اي واحد بعبر عن رأيو بالسلطة والنظام بتوقفو عن المشاركة بالمنتدى وبتحولو عالمعتقل بدي اعرف بس شو الفرق بينكن وبين النظام اللي بكمم افواه الأحرار اللي بعبرو عن رأيون الحر ورجائي للقائمين عالمنتدى هاد اذا كانو مو قد المسئولية للمنتدى الحر يقومو بحذفو..وتقبلو اقتراحي لأني من وقت ما عرفت المنتدى كنت فرحانة كتير بس اللي صار من اسبوع بمنبر احوية الحر وتوقيف بعض الاخوة الاعضاء الى المعتقل بسبب ابداء ارائهم خلاني عيد حساباتي بتسجيلي بهالمنتدى:x... |
شو ليش ماني ملاقية ردود مع انو في مشاهدات عديدة ..
يا ريت حدا يسمع ندااااااائي.. |
مابظن انو كلامك صحيح يمكن الي عمتحكي عنن خالفو قوانين المنتدى من ناحية انن تعدو حدودن بالسب او هيك شي
وعلى فكرة الاخوية فيها اعضاء حاليا سجناء راي فكلامك مو منطقي ابدا :D |
اقتباس:
ليييييييييييييش |
اقتباس:
:D |
ما بظن انو 16 مشاركه كافيه باقل من شهر تخولك تحكي اللي عم تحكيه .. الّا اذا بتجيبي ادله ..
|
اقتباس:
بس لانو في احكام واعراف عامة للكتابة بالاخوية وتحديدا بالمنبر خالفا الشب يعني اخوية مش موقع موالاة ولا معارض لحتى ينحسب على حدا |
انا عندي بس تعليق صغير
اليوم دخلت على المنتدى لقيت كمشة مواضيع انحذفت من المنبر, ليش ما بعرف؟؟ يعني معقول موضوع صاحبو تعب علي وكتب في و الناس دخلت وتناقشت وتعذبت في ينحذف لانو واحد طائفي مريض دخل و كتبلو مسبة؟؟ طيب شو ذنب الموضوع؟؟ احذفو التعليق وخلوا الموضوع؟؟ يعني على هالحالة انا هلق بس ما يعجبني اي موضوع بدخل بحط في شوية مسبات بيقوم بطير ما بعرف يعني يبدو المشرف ما عندو وقت يقرأ الردود ويفلترها بقوم بيحذف كل شي!!!! |
اقتباس:
|
اقتباس:
اول مرة بشوف بهيك منتدى مواضيع ساخنة وبعدين يا بيحذفوا يا ما بقا يخلو حدا يرد عليها طيب يا جماعة المشرفين ليش ما بتحذفو السب وتخلو المشاركة ترى هيك بيتراجع منتداكن ... |
اقتباس:
بس قلت لحالي هاد اللي شفتو من البداية والله اعلم شو كان قبل.. |
اقتباس:
رجاء مرة تانية ما تكتب لحتى تكون متأكد من اقوالك انا صاحب موضوع مجزرة حماة وعلى فكرة الموضوع انحزف مبارح وكمان مشان رأي شخصي بالأستبيان تبع "بشار الأسد " انسبيت وانشتمت ولأني رديت حقي من الأخ "على كيفك "اجالي انزار بمخالفة وانو انا صرت المخالف وهوا ماعليه شي. طبعاً كلام الاخت وردة حماة صحيح مية بالمية بغض النظر صرلها شهر صرلها يوم هاد منتدى .وبإمكان اي حدا يعبر عن رأيو الحر وخصوصا ً بمنبر اخوية الحر وبترجى من الادراة معالجة الموضوع . وشكراً |
تحيّة و بعد
وجب َ الإيضاح و التنويه عن شيئين لا ثالث َ لهما : أولا ً إن جميع الإستفسارات بخصوص أي قضيّة من حزف إلى نقل إلخ .. مطرحا البريد مش المنبر . ثانيا ً نرفض رفضا ً قاطعا ً تأطير منبر أخوية الحر تحت إطار المعارضة أو الموالاة .. للتوضيح منبر أخوية ليس َ محسوبا ً على أي فئة .. منبر أخوية يرّحب بجميع الأطياف الوطنيّة السوّرية , يرّحب بمناقشة جميع القضايا الإجتماعيّة أو السياسيّة بكل حيادية و أسلوب مش رح نقول راقي إنما مقبول نوعا ً ما نأتي لسيل الإتهامات التي وجهت إلينا من قبيل ( كم الأفواه , قمع الحريات , الإرهاب الفكري و إلى ما زالك من إتهامات مغرضة لا أساس لها من الصحة .. ) نرفض رفضا ً باتا ً تحويل الموضوع لساحة صراع أو ساحة تبادل الشتائم , و نفضل حذف الموضوع بأكمله لو كان الموضوع من أرقى مواضيع الأخوية .. ( في حال كان رد مخالف ما في مشكلة منحذف هالرد أما يكون الموضوع كلو مسبات فا عوزرا ً . :lol: ) - أما بخصوص المتشدقيــّن اللي ما إلون بالأصر من إمبارح العصر , فا بإختصار النقد ممكن نتقبلوه من اللي بعدون مسجليّن , و لكل حادث حديث . و دمتم . |
اقتباس:
وهالمنتدى البايخ اللي ما فيه هدف وعلى هالترحيب الحار اللي ما صرلنا بالقصر من مبارح العصر وانا بفضل انسحب من المنتدى وخليه الكن وراح احكي لكل الناس عن قلة تأديبكن واحترامكن للأعضاء الأحرار. |
يا هلا ,
و سكري الباب و الموضوع بطريقك . |
| الساعة بإيدك هلق يا سيدي 05:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون