الحد الفاصل مابين ماتخشى أن تقوله وبين قوله
 

كثير أحيان بيكون في بتمي حكي بدي إحكيه, مو مهم طبيعة هالحكي وعدد كلماتو المهم هو أثر هالحكي ع المستمع وطريقة تفاعلو معو, بحسبها من اليمين وبجيبها من الشمال, شو بدو ( أو بدا ) تحكي, شو ردة الفعل, صح أو غلط, هلا ولا بعدين, أنا طريقتي هي زت هالحجرة من تمك وإحكي كلشي دفعة وحدة وبعدين قعود زبط لأني ماني شاطر بصف الحكي وتزبيطو مسبقاً يعني الحكي عندي إبن لحضتو, فبزت كلشي بجعبتي وأنا مغمض عيوني, وبشوف شو صار, يمكن خربت, يمكن عمرت , بس قلت اللي عندي, يمكن كبرت بعين اللي قدامي, يمكن صغرت بس عبرت عن حالي, يمكن ويمكن ويمكن, كلها احتمالات واردة, بس لوا بقيت هالكلمات بهالطريقة يمكن ماكانت لتطلع بحياتا ولظلت منسية ورا صف سناني اللولو, كثير بخاف هالخط الفاصل هاد مابين الكلام لما يكون بقلبك,سرك, قصتك وتفكيري المخبا, ومابين يصير كلمة طايرة مه الهوا, ومعادلة بتتفاعل بمخيلة وقلب اللي قدامك, أنا عم احكي هالحكي لأني لساتني متأثر من صديقة زعلتها بهيك موقف, كنت أكل هم هالحكي, وطلع مني الحكي, وياريت اللي كان ماكان.


وجعت راسكن ع الفاضي, دخيل الله لاتواخدوني:oops:

يسعدلي مساك بالأول, كلامك صحيح بالمية مية, بس أنا كنت عم احكي عن اللحظة اللي بتعترف فيها بشي لحدا, باللحظة اللي بتقول فيه شي مهم لحدا, كيف كان احساسك وإنت عم تلفظ كلمة بحبك لأول مرة للي بتحبها؟؟؟ شو بيكون احساس الطفل الصغير اللي بدو شغلة من إمو لتشتريلو اياه, فيزينها وبيقلبها ببالو شي مية ألف مرة؟؟ هاد هووي قصدي, طبعاً هاد مثال مو حصر, أنا كثير بمر بهيك إحساس, ودوماً بيظل إلو أثر فيني.
:D

ولا يهمك ابو شريك.اللي بدو يزعل يشرب من ميه البحر المهم الانسان يحكي اللي عندو بلا صف الحكي وبلا تزويق واللي عاجبه منيح واللي مو عاجبه ينفلق
وتحيا العفوية:clap: والامبريالية:shock::shock:

انا برايي انو لازم الواحد يقلب الحكي براسو مية مرة (متل ما قلت)

و يعرف شو عم يحكي.. و اكيد العفوية حلوة بس احياناً بتجرح

بالله؟؟:shock::shock: هيك لكن مية بحر ومابعرف شو :shock::shock::shock:وهي بينفلق:shock::shock:, بس أنا عندي غير, مابيصير يشرب من مية البحر أو ينفلق, طالما هوي بحمايتي, وبس قرر يترك حمايتي, بصير حاميه من جوة لجوا. وبشربو مي قناني:o:o:o

طيب إنتي بتفضلي إنو تقوليها وتجرح لأنو موبإيدك تمنعي جرحها, ولا بتكتميها وتظلي بنار كتمانها؟؟؟
شكراُ ع مرورك

يا ويلي التقيل يللي بدو يشرّب العالم من مية البحر ،، :p أنا أحياناً كتيير بفكر متلك بس والله في عالم ما بيهون عليي فيهون ..

بالنسبة إلي أحيانا بحس حالي بعرف إحكي و ذوق الحكي و أحياناً كتيير بحس حالي عفوي لدرجة الطيبة الزايدة .. بس الواحد بقى لازم يعرف إيمتا يكون عفوي و على طبيعتو و مع مين!! ;) ..

لأنو مو كل العالم بتستاهل طيبة قلبنا الأبيض :hart:

و كمان بضم صوتي لصوتك بإنو تحيا العفوية :clap: بس التانية منبقى منتحاسب عليها بعدين :p

أبو السييم

سيبك من هالحكي, قال مية بحر ومية شرب ومابعرف شو

يا رجل هلق تركتللي كل الكلام و مسكتلي السطر الأول :p

أنا بس بدي قللك إنو برأيي أهم شي يعرف الواحد إيمتى يحكي يللي بقلبو دغري و إيمتى يحسبها و يظبط كلامو قبل ما يحكيه ، هيية بترجع على حسب مكانة هالعالم يللي عم يحكي معون ..

يعني مثلا في كتيير أشخاص حكيت معون بشكل صريح و مباشر و بالنهاية علاقتي فيون تأثرت ( يعني شوي اتدايقو ) بس ما بيهموني كتيير .

و أحيانا إذا الأشخاص بيهموني ما بيحكي يللي بقلبي دغري لأنو ممكن يجرحون ، فيك تقللون نفس الكلام بس بعبارات أحلى يعني ممكن شوي نجمّل الكلام و خصوصاً إذا كان نقد أو اختلاف بالرأي .

يعني بالنهاية هي شغلة شوية تكتيك ( أنا هيك بسميها ) ;)

طيب أو السييم, بس اللعثمة والتردد رح تكون موجودة ولو تكتكت متل ماعم تقول, والأر السلبي رح يظل وارد, خوفنا منو موجود خاصة مع الناس اللي بنعزن

إلك سلامي

و الله يا حبيب يا bki هي قصة اللعثمة و التردد قصتها طويلة ، يعني لحتى الواحد يتخلص منها لازم كتيير يشتغل على حالو .

و الحل أكيد من عندك و بتبلش فيه من داخلك ، بقناعاتك .. هاد الحديث فيه يطول ..

منرجع لقصتنا : إذا بدنا نضل نخاف من الكلام يللي بدنا نقولو فما رح نعرف نحكي شي و رح نضل نتلبك و ما رح يطلع معنا كلام .. مشان هيك أول شي لازم تشعر بثقة عالية بنفسك و تقتنع إنك رح تحكي اللي لازم ينحكا دايماً .
بس في نقطة هي بتساعدني شوي مابعرف إذا ممكن تساعدك : لما بدك تحكي بأي موضوع مافي مشكلة إذا عطيت حالك لحظة من التأمل قبل ما تنطق الجملة .. ( يعني إذا صفنت شوي لمدة ثانية أو تنتين مو مشكلة ) هي لحظات ( الصفن ) بتساعدك على إعادة ترتيب أفكارك و اختيار الكلمات ، ممكن هي اللحظات تكون طويلة بالبداية بس بعدين على الممارسة بتصير عادة و بتصير تحس و كأنك عم تفكر بكل جملة قبل ما تقولها بس بأجزاء من الثانية .. هي شوي صعبة بس أنا عم مارسها .. :p

شو رأيك صديقي ؟ :D

لك أبو السييم, بالله عليك لاتفهمني غلط, حسستني إني تعبان ولازمني شوفة دكتور, والله انا بالحكي يبغزل غزل, وماعندي مشكلة بالحكي أبداً بس هاد مابيعني إنو مابيكون في تردد خوفاً من أثر الحكي, بس هالتردد بيكون بيني وبين داخلي, ولما قرر احكي ابق البحصة وبلا تكتيك ولاهم يحزنون, بتكتك أنا وعم أحكي, تكتيك مسبق مابيزبط معي والله:lol:

أنا ما بعرف اذا كنا صح او غلط بس انا كمان احيانا بلاقي انو انسب طريقه لهالحكي او لهالموضوع هي زته وبعدين بنشوف شو صار..بخصوص صديقتك..بيجوز زعلت وبيجوز مكانتك عندها كشخص في المجتمع منعتها انو تزعل وبيجوز انقهرت كتير وما بينت لك لانو هي بتكون احيانا صفه من صفات البنات..وبيجوز كمان تكون زعلت لانك خجلتها بشده اذا كان بخصوص الحب متل ما حكيت..المهم انا مشتهيه اعرف شو كانت ردة فعلها..ياريت اذا فيك تقول قول..وموضوعك جميل

احكي وفش حبيبي لا تخاف
وهاتلي بطريقك سيتامول

مع انو الحكي ماعليه جمرك بس لازم الواحد يشغل مخو ويعد عالعشره قبل مايحكي

والله انا عادة بفكر قبل ما حط الحكي هل بدي اجني فايدة من وراه والا لا
بس بعدين لقيت انو في ناس بتخليك تزتلا الحكي بوشها زت:sly:
وتوضح على قد ما بتقدر بس لا حياة لمن تنادي:shock:
وفي ناس اذا جاملتها وحكيتها منيح بتصدق حالها وبتركب على ظهرك:pos:
وفي ناس بدك تتفادى انك تحكي معها:jakoush: اصلا وفي وفي .......:?

لك ياعمي يللي بيقول انو بيقدر يفهم الناس كلها بيكون غلطااااااااااان:p:p

وعوافي:ss:

في مواقف كتيرة بدج كلمتي دج وياروح مابعدك روح

لكن .. فكرت كتير غير عادتي مااستطعت ابداً إلا أن أكون كما أنا ..

لأنو المجاملة والتملق كتير صعبين أكيد .