صفنااات المتة
ايييه كل يوم كالعادة وانا ناقع هالمتةةة,,,,بقعد وبستمخمخ عليها ,بصفن وفكري بروح وبيجي ,,,,ايه شو بدي قلك يالطيف على المتة شو بحبها.المهم بلا طول سيرة وانا صافن هيك انو ايمتى الله بدو يطلع في ويستجيب لدعواتي ......بعد شي ضربين تلاتة حسيت انو والله هالله مظلوم....انو يعني انا اذا شلت طلباتي لوحدن على جنب(هنن شي 10 طلبات) ايه ياالطيف شو عاجقة عندو طلبات....هلأ اول شي قلت يلي رح يطلبو منو هنن بس الفقرا وبحسبة سريعة ضربة عيني على افريقيا يعني فيها ابو شي 500 مليون واحد تحت خط الفقر ايييه هون وش عقلي على هالرقم,وبعد ماسحبتلي شفطة متة عنيفة قلت وينك انو يعني الفقير بس يلي رح يطلب لأ غلطان يابابا ,عندك الغني بيطلب يزيد غناه والمتزوج بيدعي على مرتو ومرتو بتدعي عليه والولاد بيدعو على بعض ايي يعني طلعتلك بنتيجة آخر شي انو كل بني آدم عندو طلب واحد على القليلة ,,,وينك ركز معي عم قول على القليلة,,يعني خليك معي انو عدد سكان الصين لحالها مليار و350 مليون نسمة هي الصين لحالها .بقى وينك ياصديقي حل عنو لالله شوي وحاج طلبات ,,استحي بقى العمى بقلبك
والى اللقاء بصفنة تانية
|
