أخوية

أخوية (http://www.akhawia.net/forum.php)
-   المعهد العالي لتعليم الغرافيكس (http://www.akhawia.net/forumdisplay.php?f=93)
-   -   دورة أخوية عن الإعلان التجاري //باب التسجيل مغلق (http://www.akhawia.net/showthread.php?t=114708)

..AHMAD 16/12/2008 02:19

دورة أخوية عن الإعلان التجاري //باب التسجيل مغلق
 
سلامي يا حمامي

خيو انت وياه وياها مرحبا عليكن
اي طيب، قررنا بهالصرح العظيم الي اسمو اخوية انو نساوي دورة حول الاعلان التجاري، رح تسألني شو هاد الاعلان التجاري طيب التعريف بالاعلان التجاري رح يكون نقطة من النقاط الي رح يتم اعطائها بهالدورة لكن هاد ما بيمنع اني قدملكن شرح بسيط عنها لأخد فكرة عن الدورة
الإعلان التجاري يا صاحبي / صاحبتي / صاحبتي ( تم ذكر صاحبتي مرتين مشان ما يصير التباس انو عمي صاحبتي الاولى هي للدلالة عن صاحبتي GF بينما التانية للدلالة على صديقتي اختي ايا كان المهم هلق )

هالاعلان التجاري هوي عبارة عن تصميم - بانر - لوجو ... الخ تجاهو دائما ربحي أي له عائدات، وقابل للرؤية من قبل مئات ويمكن آلاف الأشخاص ولذلك التصميم او الاعلان التجاري بيفرق عن العادي انو لازم يكون أدق بالف مليون مرة، العادي ممكن شخص تنين تلاتة عشرة يعاينوه لكن بينما التجاري قابل للنقد دوماً فلزالك لازم يكون بسيط ومعبر عن الفكرة وواضح

طيب حاج لهون مبدئياً
متل ما بتعرفو في شوية نقط لازم نحطها هون مشان تكون الدورة واضحة للجميع

أهداف الدورة :
  • التعريف بالاعلان التجارى
  • التعريف كمان بمراحل ما قبل وما بعد التصميم اللي المعظم ( مو انتو انما المصممين بشكل عام ) بيتجاهلها او ما عندو فكرة عنها
  • تخطي مشاكل مشاكل التصميم التجارى واخطائو وتفادي الوقوع بالنقد السلبي يعني بمعنى آخر انو يكون هالتصميم متكامل
  • واخيراً تعريف بالطباعه ( كـ مرحلة الطباعة، انواع الورق، قياساتو، الأحبار، الانواع .. الخ الخ الخ ) لأنو هي من الأساسيات بالإعلان



تفصيل الدروس رح يكون عالشكل التالي :
  • الدرس 1 : الاعلان التجارى ... شو هوي وشو انواعو
  • الدرس 2: الالوان وانواعها
  • الدرس 3: الطابعات وانواعها
  • الدرس 4: مراحل عملية الطباعة
  • الدرس 5: انواع ومقاسات الورق شيت الطباعة
  • الدرس 6: اساسيات لازم ناخدها بعين الاعتبار لما بدنا نبدا بتصميم اعلان
  • الدرس 7: اساسيات لازم ناخدها بعين الاعتبار لما بدنا نبدا بتصميم كروت الفيزيت
  • الدرس 8: اساسيات لازم ناخدها بعين الاعتبار لما بدنا نبدا بتصميم البورشور
  • الدرس 9: كيف تصمم ورقة لونين فقط و كيف تصمم ورقة 3 الوان او اكتر
  • الدرس 10: كيف بتعمل مونتاج

هي النقط اللي رح نتناولها، ولكن هازا لا يمنع انو ممكن تطلع شي قصة جديدة براسي ( لحد ال 4 نقط كحد اقصى )
الدروس رح تكون عبارة عن شرح مختصر ( مختصر مش انو تمشاية حال ، انما رح حط النقاط المهمة جداً واتغاضى عن تفاصيل غير مهمة )

يتبع بـ مواعيد الدروس وشروط الانضمام

..AHMAD 16/12/2008 02:30

مواعيد الدروس :
  • رح تكون الدروس مره كل اسبوع اذا كان الدرس مدسم او درسين كل اسبوع ( السبت و الثلاثاء ) اذا كان الدرس بسيط
  • باخر كل درس رح نقول ايمتا الدرس الجاي

التطبيقات ونظام التصحيح :

  • التطبيقات رح تكون عبارة عن اسئلة نظرية واستفسارات وتطبيق عملي
  • التقييم رح يكون من 10 درجات لكل درس وتاني يوم لنهاية كل درس رح انشر نتيجة التقييم
  • رح تنعطى التقييمات على اساس مدى فهم العضو للدرس الي تم شرحو بالاضافة لعدد الاسئلة اللي حلها وحلو للتطبيقات وحماستو للدرس والدورة بشكل عام
  • الشرح بيكون ضمن ردّ العضو .. والتطبيق بيكون كمرفق ( او رابط خارجي ) ضمن الرد طبعاً


الجوائز و المكافأت :



الجوائز رح يتم الاعلان عنها فيما بعد
لكن مبدئياً رح تكون موزعة على 8 مراكز
جائزة للأول
جائزة للتاني
جائزة للتالت
5 جوائز ترضية :lol: لل 5 الباقيين ( الرابع الخامس السادس السابع التامن )



قوانين الدورة :

  • للاسف رح كون مضطر لالغاء اشتراك العضو من الدورة اذا طنشنا لمدة درسين
  • اى تطبيقات عملية مرفوضة بعد انتهاء مدة الدرس المحدده بيومين
  • التسجيل مفتوح للكل بشرط ترك تعليق انو عمي انا بدي اشترك
  • عند بداية الدورة رح يتسكر باب التسجيل .. ورح تكون الدورة فقط قابلة للقراءة والإطلاع فقط بدون تطبيق


باب التسجيل بالدورة مفتوح لمدة اسبوع .أي حتى تاريخ أقصاه 23/12/2008 يوم التلاتا .
اول درس رح يتم اعلانو على حسب عدد المسجلين



ودمتم بخير :D

LiOnHeArT.3LA2 16/12/2008 02:44

اقتباس:

تعليق انو عمي انا بدي اشترك

عمي انا بدي اشترك ..

سؤال :
التصميم رح يكون شلون وكيف ؟
وضروري نعتمد على برامج معيّنة .. !!

saman 16/12/2008 02:49

طيب اديش تكاليف الدورة !!! :o
وشو البرامج يلي بدنا نشتغل عليها ..(يعني ازا في غير الفوتوشوب ) :pos:

وبابا انا بدي اشترك :p

..AHMAD 16/12/2008 02:52

اقتباس:

عمي انا بدي اشترك ..

سؤال :
التصميم رح يكون شلون وكيف ؟
وضروري نعتمد على برامج معيّنة .. !!
هلا علاء بيك :D

خيو سؤال شلون وكيف ما فهمتا :lol:
بالنسبة للاعتماد عبرامج معينة فـ مو ضروري المهم النتيجة، المهم البرنامج الي بتلاقي حالك فيه ممكن تشتغلو عالرسام ترى :p

بس انو الاعتماد بشكل اساسي و 90 بالمية عالفوتوشوب

..AHMAD 16/12/2008 02:52

اقتباس:

طيب اديش تكاليف الدورة !!!
وشو البرامج يلي بدنا نشتغل عليها ..(يعني ازا في غير الفوتوشوب )

وبابا انا بدي اشترك
مابظن بيطلع براسي غير الفوتوشوب

واهلين سامان بيك :D

LiOnHeArT.3LA2 16/12/2008 02:58

اقتباس:

بس انو الاعتماد بشكل اساسي و 90 بالمية عالفوتوشوب
طيب ابو حميد .. على عيني وراسي ..
بس خيو
نصيحة بجمل ..
مشان يصير في عالم .. ومشان الموضوع يكون اسهل بشوي ..
بقترح انو تكون المواضيع بسيطة .. وما تفوت كتير بتعقيدات الفوتوشوب ..
الدين يسر .. :lol:

..AHMAD 16/12/2008 03:00

اقتباس:

طيب ابو حميد .. على عيني وراسي ..
بس خيو
نصيحة بجمل ..
مشان يصير في عالم .. ومشان الموضوع يكون اسهل بشوي ..
بقترح انو تكون المواضيع بسيطة .. وما تفوت كتير بتعقيدات الفوتوشوب ..
الدين يسر ..
لا لا علوء .. مافي اي تعقيدات ازا بتتطلع مرة تانية لفوق عالدروس بتلاحظ معظمها نظري يعني التطبيقات رح تكون بسيطة نوعاً ما :lol:

YaSeR 19/12/2008 23:31

عمي ,
انا بدي اشترك كمان , سجل اسمي

وسؤال عالماشي , ما بيطلعلنا هدايا لما نشترك ؟

..AHMAD 19/12/2008 23:35

اقتباس:

عمي ,
انا بدي اشترك كمان , سجل اسمي
هلا ابو اليسر... ما كنت عرفان الك اهتمامات ديزانجية

اقتباس:

وسؤال عالماشي , ما بيطلعلنا هدايا لما نشترك ؟
يا زلمي وين عيونك انت :pos:
اقتباس:

الجوائز و المكافأت :



الجوائز رح يتم الاعلان عنها فيما بعد
لكن مبدئياً رح تكون موزعة على 8 مراكز
جائزة للأول
جائزة للتاني
جائزة للتالت
5 جوائز ترضية لل 5 الباقيين ( الرابع الخامس السادس السابع التامن )

عالهامش ::: بخمسة الدورة :frown:

suryoyo 20/12/2008 01:07

سجلنا معك ........ :D

Sarita 20/12/2008 12:29

اكتوب اسمنا اكتوب عمي
وشكرا انو تزكرتنا عمي حميد
دمتم..!

مررررررررررررراد 20/12/2008 19:51

عمي انا بدي اشترك ..
-*-*-*-*-*-*-*-*-*-
الله يعطيك العافية ....

مررررررررررررراد 20/12/2008 19:56

عمي انا بدي اشترك ...
بس أنا ماعندي علاقة بالفتوشوب أنا بتعامل مع الفتوأمبكت...
دمتم ...

مررررررررررررراد 20/12/2008 19:59

الله يخليك يا عم على انك تذكرتنا ....
ياعم ممكن تسجلني...
بس أنا مالي علاقة بالفوتوشوب
أنا اتعامل مع برنامج أخر اسمو الفتوأمبكت.. :jakoush::jakoush:

Syrian Gay 21/12/2008 07:16

سـجّـل ..

satoman 21/12/2008 07:36

بما انو فوتوشوب حطولنا اسم خيو

marioma alghzayala 21/12/2008 10:40

انا بشجّع :?


الساعة بإيدك هلق يا سيدي 02:23 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03837 seconds with 11 queries