مصدر ديبلوماسي تركي:اتفاق سوري - تركي على معاودة المفاوضات مع إسرائيل
 

أكد مصدر ديبلوماسي تركي رفيع المستوى لشبكة "إن تي في" التركية للتلفزيون أن وزير الخارجية السوري وليد المعلم أبدى لدى لقائه وزير الخارجية التركي على بابا جان على هامش مؤتمر اعادة إعمار غزة فى شرم الشيخ الثلاثاء الماضي، رغبة سوريا في معاودة المفاوضات مع إسرائيل بعد تأليف الحكومة الجديدة هناك، وبعد إزالة المعاناة التي خلفها العدوان الاسرائيلي على غزة.

الى ذلك، نشرت صحيفة "أكشام" التركية أن بابا جان إستطاع أن يقنع المعلم بمعاودة المفاوضات، بينما نقلت صحيفة "زمان" عن وزير الخارجية التركي "إن سوريا تطلب وساطتنا في المفاوضات وأن وزير الخارجية السوري أبلغ الي خلال مؤتمر شرم الشيخ أن سوريا تأتيها طلبات من دول أخرى من أجل الوساطة في المفاوضات مع إسرائيل، لكن الرد السوري كان أننا بدأنا مع تركيا وسنستمر معها".


المصدر: المرصد السوري

شو مشان قال دولة ممانعة !!
و عاملين فيها مراجل و الشباب ضربونا و سكتنا ...و ضربونا من جديد و سكتنا كمان ..لأ و لسا اسرائيل طلعتنا انو نحنا المذنبيين قدام العالم بسبب هالمسخرة بالكبر !!
شباب حدا يفهمني شو السياسة العامة بهالبلد ...يعني بكرا اذا وقعوا اتفاقية سلام شو موقفنا من حماس و حزب الله ...!! بسيطة ..الريس تبعنا رح يعطي الأوامر للناس مشان تتهجم عليهم ,,,و الناس نفسا يلي كانت تمدحن ,,رح تسبن !! عادي جدا

ما بعرف ليش شايف في علاقة بين اللحوسة السورية بالفترة الأخيرة و المحكمة الدولية يلي انا ضدها شخصيا ...

بالسياسة ما في شي مستبعد
حتى أتفه الأحداث
قد تصبح ذات شأن باللعبة السياسية

بتتذكر انو من شي شهر ونص في رئيس دولة عربية كان عم يحكي عن انو ما اخذ بالقوة لا يسترد الا بالقوة وانو المفاوضات بدون مقاومة هي استسلام مباشر حزرك مين هو؟؟ :lol:

ما رح تتوقع لا اتفاقية ولا شي , النظام من مصلحتو المفاوضات المفتوحة اللي ما رح توصل لشي واللي الهدف منها فتح قنوات الاتصال مع امريكا و التنعم بالرضا الامريكي والاوربي

يعني المسلسل من ايام رابين ومرورا بنتياهو و بعدين باراك تبع التسعينات رح ينعاد و ينعاد من دون اي نتيجة.

توقيع معاهدة سلام مع اسرائيل ممكن يرجع الجولان بس رح يهز النظام من جوا, رح يقضي على خطاب الممانعة اللي بحجتو عم يعملوا العمايل بهالبلد.

مشان هيك هي كلها تسالي و غزل مع اوباما وربعو