|
شجار بين عائلة سورية وأخرى سعودية
شجار بين عائلة سورية واخرى سعودية في الرياض يفضي إلى مشاجرة جماعية وإصابات الحوادث تدخلت قوات الأمن السعودية لفك مشاجرة جماعية بين شبان سعوديين وسوريين في حي النسيم الشرقي في الرياض اندلعت بعد مشادة كلامية بين مواطنة سعودية ومقيمة سورية استخدموا فيها العصي والسلاح الأبيض. وذكرت صحيفة "الرياض" السعودية في عددها الصادر الأحد أن التحقيقات الأولية مع عدد من المقبوض عليهم كشفت أن "سبب هذا الشجار يعود لمشكلات سابقة بين الأسرتين (السعودية والسورية) واللتين تقطنان في حي النسيم الشرقي ويقطن في نفس الحي عدد كبير من أقارب الأسرتين". وعملت فرق من دوريات الأمن وقوة الطوارئ الخاصة ودوريات الحرس الوطني السعودية على تطويق الموقع الذي اندلع فيه الشجار. وأسفرت عمليات التطويق الأمني عن القبض على أكثر من خمسة وثلاثين من المشاركين في عملية الشجار (سعوديين وسوريين). وتسببت المشاجرة بإتلاف أكثر من عشرين سيارة كانت داخل الحي بتكسير زجاجها وإتلاف بعض أجزائها وتعود غالبيتها للمشاركين في هذه المشاجرة كما أصيب عدد من الأشخاص إصابات طفيفة. |
لا حولا ولا قوة إلا بالله
أشو هاد حرب |
يعني استغربت ماحدى نقل الخبر لهلق :lol:
و زعجني كيف ردود العالم سواء بسيريا نيوز أو بجردة الوطن نفسا انو مبين شغل زعران و علقات مهبيل بلشو العالم كل واحد يطلع عقدو أصلا هدول السعوديين و هدول مدري شو ... يعني في حال اتضاربو شلة شباب اردنية و شلة شباب سوريين " لنفرض " يعني شو ؟؟ نعم ؟؟ مافي زعران سوريين ؟ مافي زعران أردنيين ؟ .... هلأ نقطة كمان شفتا بين الردود هنيك انو بيجيك واحد مقيم بالسعودية بقلك معاملتنا سيئة و تمييز خيو مقيم انت يعني درجة تانية " بشكل طبيعي " لمجرد انو لازمك كفيل فهما انت غير موثوق به بهل البلد فذلك طبيعي تحس في تمييز .. و ازا مو عاجبك رجاع عبلدك معزز مكرم .. ازا نفسك عزيزة لهل درجة انت مهان من ساعة دخولك |
بس بصراحة . مدري ليش حبيتها العلقة :lol:
|
اقتباس:
عما يفشو خلئون بالجالية السورية نفس الأسلوب في كل العالم |
اقتباس:
خيو مين قلك انو هدول يلي تقاتلو مثلا بيتفرجو عل أخبار ؟؟ مين قلك مثلا انو بيستعملو الجرايد غير للمسح و التنضيف مثلا ؟؟ و مافي هيك اسلوب بالعالم هي طريقة تفكيرنا .. مشان هيك منفكر الكل متلنا |
اقتباس:
|
بتريد أجبك أمثال عندي خبرة عشرين عام غربة
و داير أكثر من 15 دولة |
أعلنت وزارة الداخلية السعودية عن إعدام سوريين اثنين بقطع عنقيهما بالسيف بعد إدانتهما بتهريب حبوب مخدرة إلى السعودية.
وذكرت الداخلية السعودية في بيان أنه تم تنفيذ حكم الإعدام بحق كل من فراس فيصل الأغبر من محافظة دمشق وفراس حسين مكتبي من محافظة حلب بعد إدانتهما بـ"استقبال الحبوب المخدرة (..) وتم تنفيذ حكم القصاص الجمعة في مدينة تبوك". وأعربت المنظمة السورية لحقوق الإنسان في بيان تلقت سيريانيوز نسخة منه عن قلقها إزاء "تنامي عقوبة الإعدام في المملكة العربية السعودية لا سيما تجاه المعتقلين لديها من رعايا الجمهورية العربية السورية". وناشدت المنظمة العاهل السعودي عبد الله بن عبد العزيز للتدخل شـخصياً لوقف تنفيذ أحكام الإعدام بحق السوريين المعتقلين في السعودية. وتعاقب السعودية بالإعدام على جرائم تهريب المخدرات و الاغتصاب والقتل والردة والاعتداء المسلح. |
اقتباس:
و لو كانو من دول غربية أيضا ماكانو مسون بشيئ و الأخ سيسر يعيش في قطر و أعتقد بتعرف قصة الدبملوماسيين اللي كانو وراء أغتيال الرئيس الشيشاني الأسبق في قطر تركوهم و عادو الى موسكو و أستقبلوهم أستقبال الأبطال |
على قد هالخبر ما ضحكني ... على قد ما زعلني .... عوائل بكاملها عم تتخانق لك شو هاااااااااد والله عيب عليهم
|
انه عادي يعني
بتصير كل يوم |
اخي الله يعين السوريين اللي بالسعودية ع هالعيشة وخاصة بالرياض .. عنجد عيشة مابتنطاق وسيئة كتير كتير يعني الله يعينن شلون متحملين العيشة بهيك بلد ومع هيك ناس مابينعاش معن
والمشكلة الحكومة عنا نايمة ع هيك موضيع وخاصة قصة الاعدام هي .. يعني انو شلون بيرضوا ع حالون معقول المواطن السوري صار رخيص لهالدرجة .. يعني ازا بلدنا مو سالة علينا مين بدو يسأل مشان كل مواطن سوري وين ماكان .. وباي مكان بالعالم مافي قدامو غير ياخد حسبو الله ولحالو بحالو .. لو مالو حدا يدافع عنو ازا مادافع عنو ياحسرتي .. |
اقتباس:
عموما.. اللي صار صار ... وبيجوز تكون هالقصة رادع لكل المهربين على الحدود ... انا سامع عن قصة شب سوري {مهرب} ورط {أمه} بقصة تهريب ... هالملعون كان مهرب المخدرات بأقراص الكبة عاملون {حشوة} ... وتبعون الجمارك عم يسألوها لأمه عنها فهي بكل براءة {مابتعرف} ناولت المفتش قرص وحلفت عليه يذوقه ... وانكشف المستور ... لكن الجمارك تركوا هـ{الأم} المسكينة بحالها وما عملوا معها شي لأنها ضحية .... وضحية مين {ابنها} .... هذا الابن برأيكم ما بيستاهل القصاص وبميدان عام ؟ دمتم بسلام ،،،، وتقبلو مروري من هووووون |
اقتباس:
على الهامش : أنا ماعمقول أنها سياسة ممنهجة بس أحد أقاربي كان جايب بضاعة من السعودية . والجمارك ماكانت ترضى تمشي البضاعة . بعدين خرجهم الشحين من الجمارك وعملهم بيان تصدير للأردن وتاني يوم طلعت البضاعة للأردن وهلأ البضاعة بالأردن وبدو يجيبها على سورية ! |
الخناقة ذكرتني بخناقة حارة السبع مع حارة أبو النار :p
وبخناقة البسطاطية مع صحابين المحلات ببرزة السنة الماضية وحضرتها شخصي :p. وشارك فيها العشرات بالسلاح الابيض وهرج ومرج وتكسير سيارات والشرطة واقفة على جنب عم تتفرج :p |
اقتباس:
يعني لو الحق على السعودي انت عم تفرض جدلاً انو السوري المدان باعتباره مقيم بالسعودية وهو مهان من لحظه دخوله؟؟؟ ممكن اعرف ليش هو مهان من لحظة دخولة؟؟؟ ياترى كل السوريين المقيمين بدول الخليج مهانين من لحظة دخولهم ولا بس الداخلين للسعودية افتراضك انو العائلة السعودية المتشاجرة مين قلنا انو هنن بيتفرجوا على الأخبار؟؟ وانت مين قلك انو هنن مابيتفرجوا على الأخبار كلامي من منطقك يلي انت فكرت فيه بها الموضوع ok |
اقتباس:
اقل الشي لازم بنعمل انو يتسفر لبلدو وهنيك بتحاكم ع اساس قانون بلدو مو ع اساس القانون السعودي اللي هو عايش غريب بهالبلد ومواطن درجة تانية وكلشي منقوص من حقو الا بالعقوبات بدن يصيرو اشراف ؟ بعدين هلأ لو كان سعودي بسوريا وعامل نفس العملة كان انعمل فيه هالشي ؟ بس للاسف الحكومة السعودية مكيودة ومابعرف شو وضعا بالضبط اتجاه سورية وحكومتنا وياحرام عبتتفشش بهالسوريين اللي عندن شلون ماكان .. ومو رايحة الا ع هالسوري المعتر .. اللي مافي قدامو غير ياخد حسبو الله ويدافع عن حالو بحالو قدام هالبشر لانو ماحدا سال عنو ;) |
| الساعة بإيدك هلق يا سيدي 13:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون