اقتباس:
في قصة تروى عن المعرّي (صديق المتنبي.. وكل مين صديق المتنبي.. فـ هو صديقي) بتقول: مرّة ضجر أبو العلاء من إصابتو بالعمى (كان أصيب فيها بسبب مرض الجدري وهو عمرو 4 سنين).. المهم.. حمل حالو أخونا قال وطلع ع جبل.. بدّو يناجي ربّو.. ويشوف شو بيطلع معو. طلع الأخ.. قعد فترة.. ورجع نزل. هون سألوه الناس: إيا يابااا.. شو طلع معك.. خبرنا لنشوف؟ قلهن: كنتُ أسمعتُ لو ناديتُ حيّا..............ولكن لا حياة لمن تنادي |
اقتباس:
فهمتى غلط اخى قصدى بعباره اينشتاين تحول للمسيحيه يعنى المسيحية كديانه لا تعتقد انو خالق الكون هو الانسان اخى الكريم انا قريت عن حياه اينتشاين . و قريت عن نظريه النسبيه بهاداك الوقت لم يكن يفهمها سوى 12 شخص بالعالم و قريت كلام جميل قاله عن الله خالق الكون فيه كلام جميل ايضا قاله .. قال : ان دولة قامت بالطريقة التى قامت بها اسرائيل جديرة بالزوال و هاد الكلام خلى اليهود يزعلو منو كتير و ما يحبوه |
اقتباس:
حرام عليك و الله ما كان قصدى هيك اخى !!! الاسلام يحترم الاديان و اليهودية و المسيحية ديانتين سماويتين فى نظر الاسلام معليش |
اقتباس:
ولا يهمك (بس إنتي تعليقك كان غامض شوي) هلق صار واضح.. أوكي.. بس للأسف غلط :) بتقولي آينشتاين تحوّل للمسيحية (مو مزبوط).. والمسيحية ما بتقول إنو خالق الكون إنسان!! طيب.. ليش اليهودية كانت تقول هيك؟ الفكرة عزيزتي.. آينشتاين بكل شغلو وتفكيرو (ومن ضمنهن هاي الجملة اللي حطيتها أنا) ما كان مستند لخلفية دينية (لا مسيحية ولا يهودية).. سدقيني.. كان آخر همّو الدين أما بخصوص إسرائيل.. فـ هاد موضوع تاني.. آينشتاين انعرضت عليه رئاسة الدولة الصهيونية.. ورفض.. وقال بما معناه: (المعادلات أكثر خلواداً من السياسة) هو كان يتعاطف مع اليهود.. نتيجة الظلم التاريخي (آينشتاين نفسو تحارب كتير بألمانيا النازية.. حتى هرب هريبة) مرة تانية.. موقفو من اليهود أو من الدولة الصهيونية.. ما إلو علاقة بموقفو الديني.. واللي بيدل ع هالشي.. رسالة كتبها آينشتاين بعنوان (رسالة إلى عربي) وضع فيها طريقة لحل النزاع بين العرب واليهود (والطريقة كتير ساذجة.. قال يعملوا مجلس من الطرفين.. فيه رجال دين وأساتذة وعمال ومدري شو.. ويتفقوا!!) إذا فضيت شي نهار بنقل الرسالة من كتاب وبحطها هون ولو إنو هالرسالة بتبيّن سذاجة آينشتاين بالسياسة.. زلمة بالعلم.. خلّيك بالعلم.. شو بدّك بهالقصة :) الفكرة مرة تانية (وأنا بظن عم بحكي شي بعرفو) آينشتاين.. بكل شغلو ما انطلق من خلفية دينية.. لا يهودية ولا مسيحية ولا إيمانية بتاتاً. تحياتي |
عندما يصل فكر الملحد إلى التمييز بين عقيدة بشرية اكتسابية ناجمة عن حاجات البشر الإجتماعية، و دين منزل، عندما نقوم بهذا التمييز نفهم كيف يتجاوز التطور الحضاري عقيدة اجتماعية لا تهذف بالأساس إلى معرفة أسرار الوجود البشري
|
اقتباس:
لأن منلاقي كتير شغلات اثبتها العلم التجريبي بتتناقض مع العلم هذا و الله أعلم |
اقتباس:
|
اقتباس:
كل الشرايع بالدني.. شغل البشر وهوني السما وجهنّم.. وهوني المصير . |
اقتباس:
صاحبنا المعرّي.. من شي ألف سنة قال (لا فـُضّ فوه كمان): اثنانِ أهلُ الأرضِ ذو عقلٍ بلا......دينٍ، وآخرُ ديّنٌ لا عقلَ لهْ يعني الفكرة واضحة.. الدين بدّو إيمان.. بينما العلم ما بيمشي بالإيمان.. بدو عقل نقطة ع السطر . |
اقتباس:
ترا انا كتير بحب هالمقولة للمعري .:D |
اقتباس:
إذن حسب رأيك فلا يمكن التوفيق بين العقل والإيمان!? |
هلاء أنا كمتدين . كنت متوقع افتح الموضوع لاقي نقد بأدلة مادية واضحة صريحة . بس يلي شفتو صف كلام فلسفي أشبه بموضوع تعبير
كنت بتمنى لاقي شي ملموس . ناقش فيها أو يقنعني . أما اذا كان هاد نقد كاسح ومدري شو متل ماقالت ناي . فما بعتقد صعب حدا يصف شوية كلام ونسميه مثلا نقد عبدة الاصنام للماركسية |
موضوع رائع بالنسبة لكتا بابو فراس السواح انا قريتو و من خلالو صححت الكثير من المعلومات الخاطئة التي كانت لدي شكرا كتيير على المقال
|
شكراااااااااااااااااااااا ااااااا
|
الساعة بإيدك هلق يا سيدي 03:58 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون