|
المسلسلات السورية حصريا .. على الفضائيات الأُخرى
في هذا الموسم الرمضاني بدأت شاشات التلفاز ببرامجها الممتلئة بالمسلسلات الكثيرة .. وإلى متى سيتم استغبائنا -وبشكل صريح وعلني - من قبل إعلامنا ؟ واليوم تم الإعلان عن إيقاف عرض عدد من المسلسلات منها " أسمهان " و " رياح الخماسين " رغم موافقة الرقابة عليها سابقا ! مع العلم أن المسلسل الاخير يتحدث عن سجين سياسي خرج من سجنه بعد 15 عاما وعن حياته بعد ذلك . كما لاحظنا وأعلن أحد الفنانين عن اقتطاع مشاهد من مسلسل "بقعة ضوء" على شاشة الفضائية السورية . ليست القضية بمسلسل ما أو بموقف أو مشهد ما ولكن .. لا أدري لماذا يتم إيقاف مسلسلات سورية عن العرض على شاشاتنا رغم أنها تعرض على شاشات أخرى ؟ ولا أظن إلا أن أغلبية العوام تملك " الستلايتات " ,, وهنا تكمن الدهشة فالمشاهد لايزال يتابع مسلسلاته المفضلة- ولكن على القنوات الأخرى - بل وبالإضافة إلى ذلك أصبحنا نتسابق لكشف المشاهد المقتطعة من المسلسلات على شاشتنا! ومن يكشف يربح .. خيبة الأمل فبحق الإله أي فائدة ترجى قد تتحقق من إيقاف عرض مسلسل ما على شاشاتنا..؟ سوى اننا نفقد ثقتنا بالإعلام وتزداد دهشتنا فما الخطر المحدق الذي قد يسببه عرض مسلسل ما..؟ أم ان هناك أخطار أخرى لا ندري بها ؟ |
اقتباس:
فعلا شي غريب انو يحذفو مقطع من مسلسل يطلع ألف مرة بغير قنوات, و بكل البيوت تقريبا صار في ستالايت... يعني أبعرف.. متل اللي بدو يركّب حنفية لنهر الفرات... |
بتخيّل الاعلام عالميا و بصوره عامّه وصل اليوم لوقت الفرس المروّض فيه عم يثور اي يعني الامور بلّشت تخرج من ايدين الرقابه اذا صح التعبير ..
الانترنت و الفضائيات و غيرو و غيراتو من وسائل الاعلام المتتطور و هون بتجي مقوله الباب اللي بيجيك منو ريح سدو و ستريح لتشتغل شغلها فبتقوم الدوله بحجب المواقع الغير قادره على انها تحط رقابه على معطياتها و بتشيل من المسلسل مقاطع من هون شوي و من هنيك شوي بحيث انّو اكيد في كم الف بني ادم رح بيحضرو هالمسلسل على القناه السوريه و بهيك بتكون المصيبه صارت نص مصيبه و بالتالي الكم الف اللي شافو المسلسل على قناه تانيه بكونو من ضمن الكم الف اللي ما عم يقدرو يفوتو على المواقع المحجوبه و الكم الف اللي عم يفوتو على المواقع بكونو غير قادرين يوصلو لشي تاني و هيك بيكون الحمل اخف بحيث انّو مش الكل عم يوصله كل شي .. عرفتي عليّ شلون :sly: ؟ |
غريب انو ماتعودتو على هل القصص السنة الماضية منع ياسر العظمة من مسلسو الشهير مرايا بسبب حلقة قلد فيها الرئيس بخطابة بالبرلمان وتحدث ساخراً عن التطويث = التطوير ... وع القنوات التانية عرضت ، وبشكل دائم بيحذفو الشي الي مابيعجبهم او بيطعج خاطرهم ، بس بعد سنة او اكتر بتلاقيهم عرضوها لانو الشعب كلو دري فيها وشافها
التاريخ عم يعيد نفسو مسرحية كاسك ياوطن منعوها بس دريد لحام عرضها ب أبوظبي |
كل ممنوع . مرغوب . وشعبنا كتير بيركض ورا الممنوع لحتى يشوف ( ليش و لـ شو بيرمز حتى انمنع ) ولحتى يتهرب من الرقابة ومقص الرقيب الي مفروض على تفاصيل حياتو . هل من الممكن ان الرقيب انسان ساذج الى حد لا يعلم به انه بمنعه يحصل على نتيجة مغايرة تماماً لما يشتهي .. ألا يعلم انه يلفت نظر الناس الى قضايا قد لا يعير لها احد اهتماماً.
|
ليش اسمهان عم يطلع عنا علقنوات السورية ؟
هوي بالاساس محسن بلال قال انو ما بينعرض قال لانو مشوه لعيلة الاطرش مع انو يللي كتبه واحد من العيلة |
اقتباس:
عنجد شي غريب اقتباس:
بس الأغلبية المواقع المحجوبة عم يبحثولها عن طريقة لفك الحجب والمسلسلات يلي ما عم تنعرض عنا صارو يدورو عليها أكتر عغير قنوات وصارت النتيجة عكسية تماما اقتباس:
وشغلة مرايا ما دريت فيها هي أول مرة بسمع مع أنو الكل مستغرب أنو ليش ما انعرضت اقتباس:
اقتباس:
كمان ومسلسل تاني لرشيد عساف تم إيقافو بعد قبول الرقابة بسبب تدخل أحد أمراء السعودية |
حتى أخر مقطع بحلقة الرجل البخاخ من بقعة ضوء
لما بيكرموه بحيطان السجن ليكتب عليهم . حذفت من على القناة السورية |
متل الي عم يغني بالطاحون:larg:
|
اقتباس:
انهم كلهم يعرفو عن انّو العلب التلاته موجوده فهي مو خبريه بحيث انهم رح بيعملو هجوم ساحق عليهم و العوض بسلامتك بينما لو انّو تنين منهم يعرفو عن البسكوت و واحد يعرف عن الشوكولا و تنين تانين يعرفو عن علبه الراحه فهيك انت بعدك بأمان لانو ما رح يفيدهم انهم عرفو عن نوع من التلاته اللي ما بيتاكلو الّا سوا .. هلئ عرفتي عليّ شلون :sly:؟؟ |
ب كلمة و حدة فينا نعبر عن واقع اعلامنا الخ$#
عوجا !!!!!!! |
كل العالم بالقرن الـ21
الا نحنا ... يا دوب فتنا بالعشرين الله يرحم أيام كانو يدفعونا ضريبة عالتلفزيون ....و حق البرامج و المسلسلات ..( أكيد أكتركون أول مرة بيسمع بهالحكي ) |
أنا بصراحة مع قرار إيقاف مسلسل كبجاية دم او فنجان دم و مسلسل العواجي يلي بيشجع على الاقتتال القبلي و العشائري و مو ناقصنا بصراحة ..
بامريكا حظروا مشاهد التدخين لانو بتشجع المراهقين على تقليدها ... فليش لأ نعم للحظر المدروس |
اقتباس:
|
اقتباس:
|
اقتباس:
|
اقتباس:
بس أي معك حق هي هيك القصة بالناقص كم ألف يعرفو متل ما قلتي |
اقتباس:
أنت شو عرفك أنهن بيشجعو الاقتتال القبلي العشائري يعني يمكن أي يمكن لا تاني الشي اي الحظر المدروس مشان الله المدروس . وبظن الحظر أغلب الاحيان عم يكون عأغلب الأشيا بشكل شبه عشوائي أو عشوائي كمان في شغلة في أشيا يعني قابلة لمشروع انو يندرس حظرها يعني رح تخدم كل افراد المجتمع مثلا حظر موقع إباحي مثلا ما حدا رح يعترض أو مثلا متل ما حكو عن فترة البرامح بالحزمة المحمية أو تنويه عنوع كل فيلم بينعرض وكل برنامج وهكذا .. بس في أشيا على أنو أساس بدها تندرس بتكون مثلا لصالح فئة ضد فئة يعني مو كل الفئات رح تكون مرتاحة .. فعلى أنو أساس بدنا نختار الفئة يلي بدنا نصف معها ؟ |
| الساعة بإيدك هلق يا سيدي 16:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون