|
درس سلم موسيقى و جيتار
إزيكم يا جماعة
انا عضو جديد و بصراحة انا حبيت المنتدى ده و حبيت اشترك و هابدأ بحاجة بسيطة يارب تعجبكم هاحاول اشرح جيتار ( ميلودى و كوردات لو ربنا ادالى عمر ) و كمان شوية سلالم موسيقية و قبل السلالم أقول نصايح للى عاوز يتعلم جيتار 1- الصبر و عدم اليأس و خصوصا فى البداية 2- حب الجيتار 3- إذا اردت ان تكون سريع فعليك بأن تتمكن من العزف ببطء 4- الجدية مع الجيتار أى انه ليس ملئ لوقت الفراغ فقط اوك ؟ نسيب الجيتار دلوقت و نرجعله بعدين و نقول كلام عام عن السلالم الموسيقية فى جميع الآلات ياريت إللى يحب يفهم الكلام ده يجيب ورق و قلم لان القرائة وحدها لن تكفى * مافائدة السلم الموسيقى ؟ كل واحد بيسأل السؤال ده و يقول المهم انى اعزف و خلاص يبقى لازمة السلم الموسيقى إيه ؟ الاجابة : أى اغنية لازم تكون ماشية على سلم موحد ولا تخرج عنه و إذا خرجت عن السلم فإن النغمات الخارجة تسمى نشاز لو انا سألت واحد عادى عن السلم الموسيقى يرد و يقول دو رى مى فا صول لا سى دو و هو واثق ان دى هى الإجابة , لكن فى الحقيقة ان ده إحدى السلالم الموسيقية و ليس كل السلالم معنى ان فى سلالم تانية يبقى لازم يكون لكل سلم اسم و بالتالى السلم المشهور ده اسمه دو ماجور Major و نلاحظ انه بدأ بـ ( دو ) و انتهى بـ (دو ) مع ملاحظة ان دو فى البداية لها تردد اقل من دو الاخيرة و كمان نقدر نقول بعد الدو الاخيرة يوجد رى ترددها اعلى من رى الاولى و هكذا بالمثل يوجد رى ماجور يبتدى و ينتهى بالرى و هكذا * ماهى القاعدة لتلك السلالم ؟ الفرق بين كل نغمة و نغمة حسب التردد بيسموه وحدة و تساوى 1 و لنأخذ الدو ماجور كمثال دو --(+1)-->رى--(+1)-->مى--(+1/2)-->فا--(+1)-->صول--(+1)-->لا--(+1)-->سى--(+1/2)-->دو قاعدة الماجور فى الجمع كما هو واضح من سلم الدو ماجور هى 1 1 1/2 111 1/2 واحدين , نص , 3 وحايد , نص :p و من السطر السابق نفهم ان دو +1 = رى رى +1=مى ............... و هكذا أهم ملاحظة ان : مى + 1/2 = فا سى +1/2=دو يعنى دول نغمتين الفرق بينهم 1/2 فقط سؤال : لو مثلا قلنا دو + 1/2 = ؟؟؟؟؟؟؟؟؟؟؟ إحنا عرفنا ان دو +1 =رى أما دو + 1/2 = دو دييز و نرمز له بالرمز ( دو # ) طبعا لا ينفع ان نقول مى + 1/2 = مى# لان مى +1/2 = فا ولو قلنا مى +1=؟؟؟؟؟؟:lol: طبعا من خلال ماسبق نقول ان مى +1=فا# ( يعنى فا + 1/2 ) لو اخدنا مثال آخر لسلم ماجور طبعا لا ننسى قاعدة الجمع 11 1/2 111 1/2 مثلا ناخد سلم الرى ماجور رى--(+1)-->مى--(+1)-->فا#--(+1/2)-->صول--(+1)-->لا--(+1)-->سى--(+1)-->دو#--(+1)-->رى طبعا نلاحظ ان وجود (دو # )و ( فا#) فى سلم الرى ماجور و عشان نتأكد ان السلم صح لازم ينتهى بنفس النغمة يعنى ابدأ بالرى و انتهى بالرى و ياريت لو حد يحب يعمل سلم و يكتبه كتدريب و نشوف ان كان صح و لا فى مشاكل و لو فى مشكلة فى كلامى ممكن اعيد شرحه شوفوا تحبوا اكمل شرح سلم الماينر miner ولا تحبوا نشوف شوية جيتار و بعد كدة نرجع للسلام :larg: اشوفكم على خير ياناس ياعسل :clap: |
:gem:
استاذ ايمت الدرس الجاي ;-) |
:? :shock: :?
اقتباس:
|
اتمنى ان الموضوع يلقى اهتمام :)
طبعا مريم استاذة و عارفة كل الكلام ده :clap: و مشكور جدا عزيزى hashtnasht على المساعدة و تفاعله :D و بصراحة مافيش حد قال عاوزين ندخل فى شرح الجيتار ثم نرجع للسلم ولا نكمل السلم اولا ؟ عموما انا هاقول كلام بسيط عن الجيتار طبعا انت كعازف جيتار لازم تحفظ نغمات الاوتار - 6 اوتار - من فوق لتحت بالترتيب مى أو E لا أو B رى أو G صول أو D سى أو A مى أو e و طبعا هانقول شوية ملحوظات 1- عندنا أول وتر و آخر وتر نفس النغمة ( مى ) يبقى إيه الفرق بينهم ؟؟؟ طبعا إحنا سبق و قلنا ان النغمة ممكن تتكرر بتردد مختلف بالتالى فإن المى الاولى ترددها أقل من المى الاخيرة 2- الترددات تبدأ من الاوتار العليا بالترددات المنخفضة ( صوت غليظ ) و تتدرج إلى اسفل فى الترددات إلى ان تصل إلى المى ذات التردد العالى ( صوت رفيع ) 3- نلاحظ عدم وجود بعض النغمات على تلك الاوتار ( دو - فا - لا ) و كمان الدييز مش موجود ( دو# - رى# ...................) إوعوا حد يقول ( مي# ) هازعل :p  و أهم مصطلح فى الجيتار هو الفريت fret ( انظر الرسم ) و هى عبارة عن خطوط من النحاس عمودية على الاوتار و عن طريقها نستطيع استنتاج نغمة من النغمات الغير موجودة ( بمجرد الضغط عند الفريت فإن التردد يزداد ) مثلا نقدر نعزف نغمة الـ (دو) أو (دو#) بالضغط على الفريت عند الوتر (لا) السؤال الآن كيف يحدث هذا ؟؟؟؟؟؟؟؟؟؟؟؟؟؟؟؟ الإجابة : إننا بمجرد الضغط على الفريت الاولى فإننا نزيد النغمة بمقدار ( 1/2 ) و لو ضغطنا على الفريت الثانية فإننا نزيد بمقدرا (1) .............و هكذا يصبح كل فريت تزيد 1/2 كمثال : مى +1/2 = فا اول وتر ( مى) فلو ضغطنا على اول فريت ( نزيد 1/2) سنحصل على الفا مع ملاحظة ان تردد تلك الـ(فا) ستكون منخضفة جدا ( صوت غليظ ) و آخر وتر ( مى أيضا :p ) لو علمنا نفس الشئ سنحصل أيضا على (فا) عالية جدا ( صوت مسرسع :frown: ) طبعا نقدر نحصل على اكتر من فا ( على سبيل المثال ) بترددات مختلفة كما هو واضح **************************************** إيه رأيكم نبتدى التدريب على سلم الدو ماجور ؟ دو = ( وتر الـ(لا) الفريت رقم 3 ) .......... طبعا رقم 3 يعنى نزيد 3 انصاف = لا +3(1/2) = دو رى = وتر الرى دون ضغط على أى فريت مى = وتر الرى الفريت رقم 2........... طبعا لا نأخذ وتر المى العلوى ( لانه تردده أقل من النغمة السابقة (رى)) و لا نأخذ الـ(مى) السفلى ( لان التردد اعلى بكثير من النغمة التالية (فا)) وإحنا عاوزين ترددات تزداد تدريجيا حتى يكون تناسق فى سماع السلم ....................... و هكذا كملوا انتم بقى فا صول لا سى دو و عاوز اشوف تفاعل شوية لو حد يكمل ياريت :frown: و لو حد مش فاهم أى جزء من هذا الدرس أو الدرس السابق انا تحت أمره |
الله يعطيك العافية انا عم دور على هيك موضوع من زمان ....
وانا ناطر الدرس الجاي على احر من الجمر ...:D |
موضوع حلوو..
بس ازا بتقدروا كمان تعلمونا على الدربكة(طبلة).. انا بعرف شوي بس بدي كمان اتعلم.. |
عزيزى yamen_h انا سعيد جدا لانى بقدم حاجة تفيد ولو بـ 1% بس المهم انك تذاكر الدروس + التدريب العملى لان من الممكن اكون فاهم كل حاجة عن الجيتار بس مش سريع أو مش متقن العزف و ده سببه انى مش بذاكر عملى
عزيزى ذاكرة الحاضر انا اعرف ان الطبلة اساسها إحساس اصابعك و لكن للاسف مش هاقدر افيدك فيها كتير رغم ان بها بعض الرتمات القريبة من الجيتار و لنرجع إلى استكمال الشرح نسيت ان اقول ان تمرن نفسك على وضع اصابع يدك اليسرى على الفريتات بالترتيب ( الاربع اصابع على 4 فريتات بالترتيب ) النهاردة راح اقول معلومات و مشاكل فى الجيتار كان المفترض انى اقولها فى البداية - زن فى النغمة و الزن ده سببه ان اصابعك غير قوى و يجب عليك عندما تضغط ان تضغط نحو الفريت fret ( انظر الرسمة فى المداخلة السابقة ) و لا تضغط فى منتصف الفريت بورد fretboard ( انظر الرسمة ) - كتمة فى النغمة و يرجع هذا العيب لسببين إما انك لا تضغط بقوى كافية أو انك عن طريق الخطأ تكتمها باصابعك - و معظم المبتدئين تقابلهم مشكلة و هى ان يضغط بيده اليسرى على وتر و يعزف بيده اليمنى وتر آخر و كنصائح للمبتدئين بعيدا عن الدروس السابقة عليك ان تتمرن على الضغط الجيد على الوتر ثم بعد ذلك حاول ان تمرن نفسك بحيث تعزف دون ان تنظر للاوتار لان بعد تلك التمارين سوف تتمرن على الكوردات ... و الكوردات ستضغط على اكتر من فريت فى وقت واحد و تعزف اكتر من نغمة فى آن واحد ماحدش عمل الواجب المرة إللى فاتت !!! عاوز اتأكد انكم استوعبتوا :oops: ان شاء الله المرة الجاية نستكمل السلالم و سنأخذ سلم الماينر و علاقته بالماجور ياريت الاقى تفاعل اكتر :gem: |
بعد شرح الماينر احضرت لكم نغمات (وماله) لعمرو دياب
سبق و درسنا الماجور 11 (1/2) 111 (1/2) أما الماينر 1 (1/2) 11 (1/2) 11 مثال (لا) ماينر لا --(+1)--> سى --(+1/2)--> دو --(+1)--> رى --(+1)--> مى --(+1/2)--> فا --(+1)--> صول --(+1)--> لا نلاحظ ان (لا) ماينر نفس نغمات دو ماجور , لذا يقال أن (لا) ماينر قرين دو ماجور . و لتجد ان الفرق =1.5 مقارنة بين الماجور و الماينر 1- من خلال المثال السابق القرين الماجور = الماينر + 1.5 القرين الماينر = الماجور - 1.5 2- أما الاختلاف فعند الرجوع بالسلم ( من النهاية للبداية ) مش مشكلة فى الماجور دو سى لا صول فا مى رى دو أما الماينر فإننا نزيد 1/2 على النغمة قبل الاخيرة (صول ) لتصبح صول # و يصبح السلم لا صول# فا مى رى دو سى لا |
آن الاوان لكى نرى ثمرة التعب البسيط و لنرى شئ بسيط جميل
لحن ميلودى (وماله) لعمرو دياب طبعا لازم نعرف السلم بتاعها (رى ماينر) و انتم تطلعوا السلم فى البيت النغمات التى تحتها خط نغمات ذات تردد عالى( مسرسع :lol: ) , أما التى ليس تحتها خط فترددها متوسط و لن نستخدم الترددات المنخفضة وماله لو ليلة تهنا بعيد لالا صول فامى رى فامى رى و سبنا كل الناس رى لا صول لالا# صول انا يا حبيبى حاسس بحب جديد فافاصول لاصول فامى رى مالينى بالإحساس لالا رى دو# رى مى دو ما انا هنا جنبى اغلى الناس لالا دو لا دو رى لا# جنبى أحلى الناس لالا لا# لالا# دولا :clap: قشطة يابا |
الله يعطيك العافية ...وانا متابع معك ...:D :clap:
|
مشكور على الموضوع او الدرس
وبدنا درس عن البيانو :o |
bravoo 3leek
really thanks alot..you are doing something great..and usefull :)
|
1 ملف مرفق .
نسخة مبسطة لحن الاغنية
عزيزى yamen_h :D انا احضرت الآن نسخة صوتية ( ميلودى) لحن و ماله و لكن ربما يكون الصوت ردئ لان المايك عندى جودته رديئة , و كمان عاملين فرح فى الشارع يعنى ربنا يستر :yahoo: لكن ماتخافش هاتقدر تميز النغمات عزيزى إيهاب أعتقد ان الاخت مريوما اعطت فكرة عن الكيبورد عموما , و كمان الاهم من معرفة البيانو هو معرفة السلم لانه اساس أى آلة :D |
عزيزى smumin
أنا سعيد جدا بكلامك و رد فعلك , و يارب تفيدك و تفيد باقى الزملاء :) :D |
عفوا يا مايكل ...بس بلا معلمية عليك ...
كأنو في بهالقطعة شي غلط ..يعني قصدي لما سمعتها بالتسجيل .. مالينى بالإحساس لالا رى دو# رى مى دو ما انا هنا جنبى اغلى الناس لالا دو لا دو رى لا# :D |
yamen_h
سمعتها لتانى مرة و مش عارف تقصد غلط فين ؟ يعنى مكانه اول الجملة و لا نصهاف ولا آخرها ؟ يمكن قصدك عشان ( لالا ) فى بداية ( مالينى بالاحساس ؟) ربما يكون ده قصدك لو هو قصدك ممكن تتعمل (لا ) واحدة فقط بس تطول زمانها , عادى تبقى صح بردو أما لو قصدك حاجة تانية ياريت توضح مكان الغلط بالظبط و نبحث فين المشكلة , انا شفت ان كان لازم إطالة فى ( انا يا حبيبى حاسس بحب جديد) حيث كان يلزم زيادة (فا مى رى) انا اكتشف كدة لما حبيت اغنى مع المقطع لكن العزف الصامت لا تلاحظ |
الله يعطيك العافية على هالموضوع
عم نستنى الكمالة يابي |
لمن عزف الميلودى فقط
عزيزى SchwarzerTeufel
فات الكتير ولا يبقى سوى القليل تم شرح الميلودى بسلالمه , و يبقى الآن شرح الكوردات و تنفيذها على الجيتار وبالنسبة للميلودى كل ماعليك هو ان تسمع اغانى و تحاول ان تعرف ما هو السلم لتلك الاغنية و ان تعزفها دون الخروج عن السلم ركزوا جدا لان الدرس هذه المرة كبير شوية و صعب و هو يناسب فقط الذين عزفوا ميلودى فقط الآن مع الكوردات الكوردات هى العزف على أكثر من نغمة فى وقت واحد لن تستطيع عزف الكوردات إلا لو كنت تعزف ميلودى لسببين مهمين
- لكل سلم (ماجور/ماينر)3 كوردات - لكل كورد 3 نغمات - يمكن فى اغنية واحدة نستخدم كوردات ماجور + قرينه الماينر مثال كورد دو ماجور + (لا)ماينر الخطوة الاولى :- معرفة اسماء الـ3 كوردات للسلم الواحد سواء ماجور أو ماينر الكورد الاول (اسم السلم) --(+2.5)--> الكورد الثانى --(+1)--> الكورد الثالث ملحوظة هامة :- سلم الماجور كل كورداته ماجور أما سلم الماينر ستجد اول كوردين ماينر و الثالث ماجور مثال (1) دو ماجور لدينا 3 كوردات دو , فا , صول ( كلها ماجور) ولا ننسى ان كل كورد 3 نغمات مثال (2) (لا)ماينر لدينا 3 كوردات لا (ماينر ) , رى (ماينر ) , مى ماجور بالتالى فان أى اغنية لها سلم دو ماجور أو (لا) ماينر فإننا نستخدم أى من الـ6 كوردات السابقة لكليهما الخطوة الثانية :- معرفة نغمات كل كورد الكورد الماجور له 3 نغمات النغمة الاولى (اسم الكورد) --(+2)--> النغمة الثانية --(+1.5)--> النغمة الثالثة و كورد الماينر نعمل عكس الماجور النغمة الاولى (اسم الكورد) --(+1.5)--> النغمة الثانية --(+2)النغمة الثالثة و لننظر إلى كوردات دو ماجور و (لا)ماينر كمثال :- أولا : كوردات دو ماجور كورد دو ماجور = دو , مى , صول كورد فا ماجور = فا , لا , دو كورد صول ماجور = صول , سى , رى ثانيا : كوردات (لا)ماينر كورد (لا)ماينر = لا , دو , مى كورد رى ماينر = رى , فا , لا كورد مى ماجور = مى , صول# , سى و لاحظ ان الكوردات + نغمات الكوردات لا تخرج عن سلم دو ماجور أو (لا)ماينر و هذا يؤكد ان حساباتك صحيحة ساحاول المرة القادمة شرح كيفية تطبيقه على الجيتار مع الصور |
الآن لنرى كيف نطبق هذا على الجيتار (شرح بالصور)
عند عزف كورد واحد ( به 3 نغمات ) فالمطلوب مننا ان نجعل الـ6 أوتار تعزف أى نغمة من نغمات الكورد مثال : دو ماجور = دو , مى , صول سنحاول ان نجعل أى كل وتر يعزف أى نغمة سواء (دو) أو مى أو صول إذا فعلنا هذا سنكون قد عزفنا كورد دو ماجور أعتقد ان العملية مازالت غامضة لديكم مثلا أول و آخر وتر (مى) لا مشكلة فيهم لان مى نغمة فى كورد دو ماجور أما وتر (لا) فغير موجود فى الكورد دو --> لذا سوف نضغض على الفريت رقم 3 لكى يعزف لنا نغمة دو .................................... و هكذا طبعا لن تستوعبوا إلا بالصور أولا : كورد سلم دو ماجور كورد دو ماجور = دو , مى , صول  هذا هو شكلين لكورد دو ماجور ( يفضل الشكل الايسر لانه اسهل ) سنجد على الرسم 3 رموز هامة
********************************* أهم الحركات المستخدمة فى عزف الكوردات بيس :- وهى خبطة سريع على اول 3 اوتار بالاعلى و يجب ان يتم فى بداية الكورد و يمكن ان يتكرر رولا :- وهى ان ينزلق اصبعك (من اعلى لاسفل) على آخر 4 اوتار من اسفل سنير :- و هى خبطة سريعة على آخر 3 أوتار بالاسفل هايهات :- و هى انزلاق سريع من تحت لفوق على آخر 3 أوتار بالاسفل كتمة :- و هى خبطة سريعة على آخر 3 اوتار ثم تقوم بكتمها سريعا بكف يدك لنأخذ هذا الرتم مع تكراره فى نقل الكوردات (لا) ماينر --> صول ماجور --> فا ماجور --> مى ماجور بيس .. رولا .. هايهات .. سنير ... هايهات سنير هايهات ثم بيس الكورد التالى و تكرار نفس الرتم طبعا هم 4 كوردات من سلم دو ماجور و (لا) ماينر و بكدة مافيش قدامى سوى تلقى أى استفسار :lol: اشوفكم على خير |
:clap: :clap: :clap: مشكو لمدجهودك الرائع :clap: :clap: :clap: |
:):):)
العفو عزيزى الجيتاريست :):):) |
شي حلو الله يعطيك العافيو خيووووو ...:D :clap:
|
و الله موضوع ممتاز منيح يللي شفتو , خصيصا أنو ما صرلي شي مبلشة بالغيتار بس ما تابعت , انشالله تابع على هالموضوع
مشكور كتير :ok: |
شكرا عزيزتى مريومة هذا بعض ماعندكم :D
عزيزتى إكزينا Xena رغم انى مش فاهم انت قلتى إيه لكن حاسس انه كلام حلو :cry: هو انجليزى دا يا مرسى ؟ هى مبلشة يعنى إيه بالعربى عموما شكرا لتشجيعكم على المجهود المتواضع هدا :D :D :D :D |
ادوات مساعدة للجيتار
كابو حزام تيونر الكابو تستخدمه عندما تكون متعود على عزف سلم معين و تضطر لعزف سلم آخر مثال : لو انا متعود على سلم ( لا )ماينر , و كنت مضطر لعزف رى ماينر الفرق بين الرى و اللا =2.5 = 5 انضاف نربط الكابو على الفريت رقم 5 و نعزف (لا) ماينر على اعتبار ان الكابو هو بداية الجيتار بينما نعزف سلم (لا) و الصوت يصدر نغمات رى الجزام طبعا معروفة وظيفته التيونر لضط الشد فى الاوتار فقد يحدث تمدد أو انكماش فى الاوتار مما يغير من صوتها فنحاول إعادة الضبط بمجرد العزف امام التيونر حتى نتأكد انه يصدر نغمات صحيحة و التيونر يوجد منه برامج كمبيوتر مفيدة و بصفة عامة يفضل ان تعتمد على اذنك بدلا من التيونر نصيحة أخيرة قد يقول البعض ان عملية حفظ الاوتار صعبة (أو أى عملية حفظ فى الموسيقى ) و انا بحب الفهم و مش بحب الحفظ العملية ليست فهم ولا حفظ و لكنها تعود فعندما تريد الذهب إلى منزلك هل انت تحفظ الطريق أم تفهمه ؟؟؟؟ بالطبع ولا حفظ ولا فهم و لكنك تعودت على الطريق إلى بيتك أنا مثلا متعود على ان وتر الرى دايما يتقطع :p خلاص حفظت مكانه و وتر الـ(لا) فوق الوتر إللى بيتقطع و وتر الصول تحت الوتر اللى بيتقطع :lol: |
بسم الله الرحمن الرحيم
مشكور جدا يا اخ مايكل على المجهود الكبير اللى انت بذلته معانا وبجد انا كنت بدور على خبره للتعلم جميع الالات الموسيقيه فهذه هاياتى منذ كنت صغيرا ولما لقيت موضوع كبير زى ده شكرا ليك وشكرا للمنتدى اللى بيوفرلنا كل شىء نتمناه السلام عليكم ورحمة الله وبركاته |
شكرا حبيبى نادر و يكفينى فعلا انى قدمت حاجة مفيدة
و شكرا جزيلا على كلامك الجميل و اتمنى انه بالفعل يفيدك |
اقتباس:
يعني بالفصيح لقد بدأت بتعلم العزف على آلة القيثار ... شكرا لك يا ولدي العزيز , هنيئا لك بما قدمت :larg: نراك في الجنة ... |
اقتباس:
ههههههههه معلش اعذرينى لانى مش واخد على اللغة انا لسة مبلش فى المنتدى :lol: اكيد مادمتى مبلشة فاطلب منك ألا تتعجلى و تدربى على ميلودى كتير قبل الكوردات و انا تحت أمرك فى أى وقت لو حبيتى أى استفسار , سواء عام او رسائل خاصة اشوفكم كلكم بخير و سعادة:D :D |
يااسلام عليك
موضووعك خطييييييير انا قاعده اقرا والجيتار معااي هع بس احس شوي مو مركزه << يمكن لاني مانمت عدل ههههه:p ويعطيك العاافيه |
كريزى لوليتا Crazy Lolita
شئ طبيعى وجود عدم تركيز فى البداية و انا سبق و قلت المشاكلة هذه مثل ( وضع اليد اليسرى على وتر بينما يدى اليمنى تعزف على وتر آخر ) أو نغمة مكتومة او زن فى النغمة عموما تلك المشاكل انا قلت حلها - الصبر مع حب الجيتار - إذا اردت العزف السريع فيجب البداية تكون بطيئة و مركزة - التدريب و فوق كل هذا فأنا تحت أمرك أو أى عضو يعرف الجيتار :):):):) |
بشرفي يا مايكل انك فشيتلي خلقي بهالموضوع ... لك من زمااااااااااااان وانا عم دور على موضوع زي ده ودولئت لئيتو :yahoo: المهم ... اولا تشكر يا باشا ومن دلوئت انته بقيت استاذي ثانيا انا عقلي جامد وتخين حبتين ... يعني لو الشرح يكون مدعوم بالصور يكون كتر الف خيرك وبس .... :sosweet: وعم استنا منك كل شي جديد .... :hart: :hart: :hart: :hart: :hart: :hart: :hart: :hart: |
أبو الطل سيدالكل
إزيك حبيبى انا ولا استاذ ولا حاجة ياباشا دى كلها مبادئ الجيتار و السلم مش اكتر بس مش عارف ليه حاسس انك ماعندكش جيتار عشان كدة مش قادر تستوعب بالنسبة للتدعيم بالصور ياريت تحدد إللى انت عاوزه بالظبط و انا هاجيبه من تحت الارض انا دعمت بالصور كلما رأيت انها ضرورى زى مثلا أجزاء الجيتار أو شكل الكورد و عموما انا تحت أمرك سواء عام أو رسائل خاصة و ده إميلى كمان - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عندك 3 وسائل اتصال اهوه و لا تتردد اشوفك على خير :):):) |
لك الله يخليلي اياك يا مايكل الغالي ... والله انك كفو واكابر ... :sosweet:
بالنسبة للغيتار انا من فترة قصيرة جبت واحد بس بصراحة انا صامدو بالبيت (يعني للعرض فقط :lol: ) انا بشكرك كتير كتير ... وانشالله منصير صحاب .. وعلى فكرة انا ضفت ايميلك عندي .. ورح تابع الدروس درس درس ;-) |
أى خدمة يابو الطل
بس هل جربت السلم الموسيقى حسب الشرح ؟ ولا الجيتار مازال للعرض فقط حتى الآن :lol: |
مشكووووووووووووووووووور كتيييييييييييييييييير عالموضوع انا بدي واحد يعلمني
عنجد مشكور:clap: :clap: |
والله موضوع جميل ورائع واتمنى ان نستفيد اكتر من خبراتك بس المشكلة انا مش فاهم النوتة اطبقها ازاى على الجيتار الحاجة الوحيدة اللى عرفت اطبقها كورد الc اللى فى الصورة الل انتا عملها :oops:
|
عزيزى انجل مان angel_man هل انت تابعت شرح النوتة ؟ و ان كنت متابع النوتة إيه هى المشكلة قدامك ؟ عندك النغمات معروفة على النوتة و تقدر تجيبها من الجيتار أما بالنسبة للكوردات انت عارف طبعا قاعدة الكورد ( ماجور أو ماينر ) هاتجيب 3 نغمات للكورد و تخلى كل وتر من أوتار الجيتار تعزف أى نغمة من نغمات الكورد التلاتة و هناك بعض الكوردات صعبة تتعمل زى مثلا كورد سى ماجور أو ماينر ......... الحل هنا هو الكابو مثلا ممكن تعزف شكل (لا) ماينر و تربط الكابو عند الفريت رقم 2 ( تزيد 1) و تعتبر الكابو هو بداية الجيتار -->و سيعزف كورد سى ماينر حيث ان : لا + 1 = سى و لو فى حاجة لسة مش فاهمها ارجو انك توضح إيه هى ؟؟؟؟؟:D عزيزى r000ry أرجو انى اكون قد افدتك :) :D |
أستاز مايكل العزيز .. أنا اسف لاني معت فتت كتير ع النت .... لاني بصراحة عم ادرس لامتحاناتي بالجامعة .. وبتمنى تستمر بدروسك المفيدة واا رح تابع انشالله معك :D
أخوك أبو الطل ..... تحياتي |
اتمنالك أحلى نجاح
و انت كمان ادعيلى انا كمان عشان عندى أعمال سنة أما الموضوع هون ماينقصه سوى الاستفسارات تحياتى :) |
| الساعة بإيدك هلق يا سيدي 17:18 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون