قانون الجذب استفسار
 

هلق من فترة

ايجاني كتاب اسمو السكرت

و معو فلم المهم ما كتير اهتميت فيه

بس من فترة رجعت شفت الفلم

اي فتت بالحيط
بيحكو عن شي اسمو قانون الجذب

انو الواحد هوي يلي بيجذب الشي

و انو في مثال

لا تقول للولد الا تلعب بالكبريت

قلو اترك الكبريت


طيب شو الفرق

:D

قانون الجذب افتكرت بتئصد تبع الأقمار اللي حطو نيوتن
بس لما عطيت المثال فهمت شوي
هلأ فيني جرب فيدك بالمثال اللي عطيته
هلأ شو الفرق ... بيجي بالتأثير على الطفل
فهو بيجذبه الفعل و ما بيهتم للنهي
يعني ازا قلنالو لا تلعب بالكبريت
فبيلعب بالكبريتلإنه على حد فهمي الفعل لعب جذبه
لهيك بنعطي أفعال مباشرة

بحياة الرب وصلك الفلم؟ من وين ؟ انا بدي اياه ما عم اقدر لاقيه.كتير سمعت عنو ..وجابو كم حلقه باوبرا عنو

اي هوي موجود ريمي

مممممم

هلق و انا عما تابع الفلم اليوم

قالو انو اذا الواحد بدو سيارة

يضل يفكر انو صار عندو سيارة و انو منين بدو يعبي البانزين

و وين بدو يصلحها

و من هالحكي
بيكون عما يجذب السيارة

بقا شو رئيكون

ايواااا
هي قصص العقل الباطن والإيحاء
بس أنا بعرف هيك شغلات بتنقال على الصعيد الشخصي
يعني واحد مالو حظ بالدرس :pos:
بيقولو اذا ضل ردد أنو رح انجح ورح انجح بينجح

أنا قبل هالمرة نزلت كتاب هون بأخوية عن قوة عقلك الباطن
بظن كان فيو نفس الفكرة يلي فهمتا منك

مرحبا شباب هاد الرابط لكتاب روندا بايرن بالعربي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

موعلم .. :D

حسب ما بعرف عن قانون الجذب اللي سمعت عنو من قبل .. عبارة عن .. سبب او .. تفسير للكلام المباشر وغير المباشر .. ومتل ما انحكى علاقة العقل الباطني .. بهيك امور ..

هلا للتوضيح ولو بدي ارجع لمثال السيارة اللي انت عم تحكي عنو .. وقت الواحد بصير بفكر دائما بالسيارة .. بانو انا بدي اشتري سيارة بس من وين بدي .. جيب مصاري لحتى البانزين .. بدي اشتري سيارة بس بركي بكرا خربت وما قدرت صلحها .. تفكيرك الدائم عم يكون .. عن السيارة وانو انت لح تشتريها مثلا بس خايف من الصعوبات التانية .. لزلك ببعقلو الباطني الواحد بكون متل شبه مآمن او بالاحرى انو .. انا بدي جيبا للسيارة وخلص ..

هلا هون كيف بتكون انت مآمن انو لح تجيب السيارة .. هلا بشوية بحبشة لو بتدور بالمواقع وبالزات عن قانون الجذب .. حتلاقي دراسات معمولة ومكتوبة كتير .. هلا العلماء .. وحسب ما بقولو انو الانسان لحتى يتبرمج على سلوك ما معين مثلا .. او على شي يعتاد عليه بدو من حدود ال 5 او 6 تيام الى ال 20 ل 21 يوم .. تقريبا .. طيب بغض النظر عن الفترة حاليا اللي بتختلف من انسان لتاني .. بهي الحالة انت لو عم تضل تفكر بهي الطريقة لمدة ما معينة بين هالفترة المذكورة بصير عندك .. جوا عقلك الباطني .. ايمان بانو اي انا خلص اشتريت السييارة او مو انو اشتريتا .. بس انو انا لح جيب السيارة اكيد .. بس المشكلة بقا بالبانزين وهيك .. ومن هون فيك تفهم للفلم كيف قلك انو اي انت هيك عم تجذب السيارة ..

هلا شريك الانسان بطبعو .. ميّال للتاثر بالجو المحيط فيه .. وكمان لو بتقرا وبتشوف .. انو الانسان بيتاثر بالموجات الكهرومغناطيسية .. الموجودة حواليك وهاد الحكي واقعي وموجود .. وقت بتكون رايح على حفلة ما معينة .. الجو اللي هنيك بخليك تفكر دائما انو انا لازم كون فرحان او انا لازم كون مبسوط لاني رايح على حفلة ..

فلنفرض انت مخطط لشهر تطلع فيه اجازة وتروق مع الشباب او شي .. وعم تجهزولو مثلا قبل بشهر او قبل بشهرين او شي .. منشان الكل يكون مزبط امورو .. طيب تعال لنشوف الفرق بين انك تحمل حالك وتطلع فجاة .. وبين انك تكون عم تفكر فيو من قبل فترة ما معينة ..

هلا انت بالشغل قاعد وكزا وفجاة بدقلك واحد .. بقلك انو مثلا بعد بكرة بدنا نحمل حالنا ونطلع .. عالجبل نصيف شي اسبوع .. انت قلتلو اي وطلعتو .. طيب هلا انت مثلا بعقلك الباطني عم تفكر انو اي بعد بكرا بدي ارتاح .. عم تردد هالجملة .. او بعد بكرا بدي كون مروق .. صح على يومين بس جرب وطلاع حتلاقي وانت هنيك انو لسا عقلك شوي مشوش .. يعني مانك 100 % مرتاح او مانك 100 % اخد راحة نفسية .. بضل في شي شاغلك بالك من الشغل من كزا ..

هلا لو عم تزبط انت بالطلعة مثلا قبل بشهرين .. عم تحجز عم .. عم عم تفكر انو يالله بعد شهرين ان شا الله بدا تكون الطلعة راكزة .. لح اخلص من هموم الشغل لح لح .. على فترة معينة صار عندك فكرة راسخة جوا العقل ومتل فيك تقول تسميها " عادة مؤقتة " انو انا لح كون مرتاح .. طلاع عالرحلة وشوف الفرق كيف لح تكون مرتاح فعلا .. وحتحس براحة .. وانو البال فاضي وانو انا هلا بعطلة .. ازا ما لح نقول انو 100 % فبنسبة اكتر بهديك الحالة بكتير .. وما تقل عن 90 % فينا نقول ..

لزلك ومن هون طلع هاد القانون .. اللي بينقال عنو قانون الجذب ..

هلا من احدى اهم النقاط اللي الواحد لازم يتذكرا بهيك شغلات هية النقطة الاولى اللي انت حكيت عليها تبع .. اترك الكبريت ما تقلو لا تلعب بالكبيرت .. ليش .. !

طيب .. هلا الولد لو بدنا نجي الو .. وهوة كامش الكبريت وبدو يلعب او بدو يجرب شو هاد اللي قدامو بدو يشوف النار .. وقت تجي انت .. وتقلو لا تلعب بالكبريت .. على مرة وتنين وتلاتة .. انت بهي حالة ما تعتبر انك عطيتو امر بالابتعاد عن الكبريت بنسبة 100 % او بالاحرى .. مثلا بجوز هوة ما يعود يلعب بالكبيرت ويشعلو بس تضل العلبة بايدو فلنفرض " كلها فرضيات .. عم حاول اني وضح فيا وجهة نظري واللي بعرفو " ..

طيب .. هلا منجي للحالة التانية تبع اترك الكبريت .. وقت عم تقلو هيك انت عم يطلع منك الجملة اقوى اول شي كردة فعل او كاستجابة عند الشخص اللي عم يستقبل الجملة .. وتاني شي .. على عدد مرات التكرار بصير العقل بشكل صورة انو ممنوع اني قرب على علبة هالكبريت هي .. وانو ما بصير قرب عليها ..

هلا ما بعرف ازا وصلت الفكرة منيح هون او لا وبعرف اني طولت بالرد .. بس لح حط مثال صغير على شغلة النفي والامر اخر شي .. هلا .. من احد اهم التميرنات اللي بيقولو عنها بقانون الجذب مثلا .. ولحتى بدك تطبق شي عملي .. هوة قانون ال 21 * 14

هلا هاد القانون لو بدك تعرف عنو اكتر عميل سيرش على جوجل ولح يطلعلك كتير شغلات .. او فيك تعمل سيرش على جوجل انو مثلا تمارين قوانين الجذب او شي .. طيب ..

هلا وباختصار هاد القانون بيحكي عن انو كل انسان فينا .. عندو القدرة انو يحط هدف ما معين عندو ويحققو .. عن طريق مخاطبة العقل الباطني لالك انت وكيف .. طيب بدك مثلا اول شي انك تحدد هدف ما معين ..
هلا هي النقطة والهدف اللي بدك تحطو .. بيشبه المثال السابق اللي حكينا عليه انو النفي ما بفيد بقانون الجذب .. هلا مثلا .. انا حاطط هدف انو لازم كمل هالشهر وانا مبسوط ومروق .. بصير مثلا كل يوم .. بككرر جملة .. انو انا مبسوط والحمد لله كلشي منيح .. وووضعي ممتاز .. ( ما لح اشرح طريقة التمرين متل ما قلتلك فيك تقراها بس عم اعطي امثلة على الحكي هلا انا )

طيب .. هلا اعادة هي الجملة وعن طريق شروط التمرين كتير بيعطي منفعة منيحة .. اما انك الحالة التانية .. انك تقول انو انا ما بدي كون مالل هاد الشهر او انا .. ما بدي مل او انا ما بدي كون زعلان هاد الشهر .. ما لح تعطيك النتيجة المتوقعة او اللي انت بدك ياها ..

لزلك المطلوب منك .. انك تبعد عن النفي .. انك تقول جملة الها قوتها والها وقعها .. بنفسك .. ودائما حاول تطلب اللي انت بدك ياه يصير مو اللي ما بدك ياه يصير .. وجرب وشوف ..

عكلن اعذرني عالرد الطويل .. موعلمنا .. بس حبيت وضح وجهة نظر بعرفها وقريتها من قبلك .. وازا في ايا شي غلط بحكيي .. يا ريت حدا ينورا ..

عراسي موعلم .. :D

اذا الشباب والصبايا كفويين بالانكليزي يعني بتفهمو انكليزي محكي
بحملكن اربع اجزاء ملفات صوتية عن The Secret

الي رجعة عالموضوع بس لافضى شوي :D


هاموش
(كانو انا بقول على طول انو برجع بس افضى ومعد برجع بنوب :shock:)

شباب هاد الرابط لكتاب السر بالعربي هاد الكتاب لصحفية و إعلامية استرالية اسمها روندا بايرن ..عمل ضجة كبيرة خصوصاً بأمريكايلي بحب يشوف الكتاب على هاد الرابطأنا بصراحة ما حسيت كتير الحكي منطقي ... يعني في شي من أساليب تحفيز المهارات و التطوير الذاتي بس كمان بحتوي على بعض المبالغات

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

اللينك يا صديقي مو زابط

انا وعدت انو رح ارجع
على ما يبدو ما حدا تحمس لفكرة المقاطع الصوتية او انو الشباب مو كل هالقد بالانكليزي المحكي
على كلن كتعليق على موضوع The Secret او The Law of Attraction او متل ما سميتو هون قانون الجذب

قانون الجذب هادا بيختلف عن قانون الجاذبية اللي اكتشفو نيوتن

قانون الجذب بيقول انو كل انسان في عندو غلاف جوي متلو متل الغلاف الجوي المحيط بالارض بس الفرق انو الغلاف الجوي المحيط بالانسان مخلوق من الانسان وافكارو هيي اللي بتكون هالغلاف المحيط
هالغلاف المحيط الو شحنة وشحنتو اما بتكون سالبة او بتكون موجبة

كيف بتتولد هالشحنة ؟
بتتولد عن طريق الافكار تبعيت الشخص
اذا الشخص عم يفكر بشغلات سيئة او بشغلات نفي الشحنة بتكون شحنة سالبة
اذا الشخص عم يفكر بشغلات منيحة او بشغلات ايجابية الشحنة بتكون شحنة موجبة

وبعكس المغناطيس اللي بيقول انو الاقطاب المتماثلة بتتنافر والاقطاب المتخالفة بتتجازب
قانون الجذب بيعمل بالعكس الموجبات بيتجازبو والسالبات بيتنافرو

يعني في حال انتي عم تفكر بشغلات سيئة والشحنة تبع الغلاف المحيط فيك سالبة الطبيعة رح تستجيب لهالشي وانتي رح تجزب كل شي في اشيا سيئة حواليك
وفي حال انتي عم تفكر بشغلات ايجابية والشحنة تبع الغلاف المحيط فيك ايجابية الطبيعة رح تستجيب لهالشي وانتي رح تجزب كل شي في اشيا ايجابية حواليك

لنفرض مثلا انتي طالع من بيتك وعم تفكر بينك وبين حالك انو انتي رح تتاخر عن جامعتك او عن شغلك (تفكير سلبي ) الطبيعة رح تحط مقابيلك كل الاسباب اللي تخليك تتاخر على شغلك (جزبت كل شي في اشياء سيئة )
بينما لو انك مغير تفكيرك شوي وقايل لحالك انك رح توصل بكير (تفكير ايجابي) الطبيعة رح تسهلك الطريق ورح توصل بكير (جزبت اشيا ايجابية )


نفس الوقت لما بتقول للولد لا تلعب بالكبريت (تفكير نفي شحنة سلبية ) رح تجزب اشيا سلبية
بينما لما بتقلو اترك الكبريت (جملة ايجابية شحنة ايجابية ) رح تجزب اشيا ايجابية

الامر مو بالسهولة المتخيلة انو يتطبق هالقانون
هالقانون بيمر بمراحل
اول مرحلة لازم تحدد شو بدك وانتبه على كلمة شو بدك
لازم تحدد شو بدك مو من شو بتخاف
تاني مرحلة لازم تقول هالشي اللي بدك يا بصوت عالي يعني تكتبو على ورقة او تحكي بصوت عالي بينك وبين حالك او تقولي لشي حدا وبدك تضل عم تهدس في
تالت مرحلة بدك تتخيل حالك بعد ما حصلت على هالشي يعني تتخيل كيف رح يكون شعورك شو رح تعمل وقت تحصل على هالشي اللي عم تفكر في وكمان لازم تضل عم تفكر بهالموضوع


الامر بيحتاج لتدريب لانو حتى لما بتكون حاطط ببالك انو يصير عندك سيارة مجرد فكرة بسيطة سلبية انو انا من وين بدي أمن حق السيارة مستعدة تنزع المجال اللي حواليك وتشحنو بشكل سلبي


كنت سارح بكتابة شوية شغلات تانية بس حسيتها شغلات معقدة ما رح نقدر ندخل فيها هلأ
اضافة الى اني لعيت كتير :D

حلو كتير هالحكي ... ومنطقي ... بس انو في شي اثباتات علمية عن قصة المجال اللي حول الانسان ؟؟


شغلة تانية انو هاد الفلم موجود هون بسوريا ؟؟ وبيلتقى بالسوق يعني ؟؟ مين الممثلين او اذا بدي اسأل عنو شو بدي قللن ؟؟



:akh:

يا ريت لو الاخ هاني .. بيحملنا المقاطع .. وبكون مشكور ..

لانو .. مطلوبين .. بالنسبة الي وجاعبالي اني اسمعن ..

وبكون مشكور موعلمنا ابو وليم لو بيحملنا مقاطع الفيديو او بيقدر يوصلهن لحدا يحملن او ايا شي ..

بس انو نوصلهم بطريقة ما معينة ..

ورددي .. للجميع :D

مسترات & مزموزيلات ... :D

وصلت للفلم .. بعد شوية بحبشة .. مع اني مستغرب جدا وحزيلا .. وانو كيف مارق مني الفلم ..

على كلن اللي بحب يشارك .. وهيك يتصمبعلو .. بفرنكين قدام الشاشة ... يفقش ويدعيلنا ..

طبعا منشان ما حدا ينط وما يحط .. ملاطيش الروابط ..

3 اجزاء ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

+

الكتاب .. اللي صار عنو الفلم .. فيكم تشوفو اللي عبالو يقفز قزفة عشوائية لتحت ..

الكتاب باللغة الانجليزية ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

الكتاب مترجم للغة العربية ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

والي رجعة .. بس عطوني كم يوم .. والي رجعة مطولة بازن الله ..

:D

* منرجع منقول سوري .. لايا حدا لح ينجعص انو استخدمنا رابط .. من حقّو والكل هون دون استثناء .. اللي لح يحملوه بقلولك شكرا .. ومفضل على الشو اسمو من فوق ..

****************************************
في مشكلة بفك الضغط
فقط لأخذ العلم ... مشان ما تعذبو حالكم
sandra

قال الرسول صلى الله عليه وسلم : ( تفاءلو بالخير تجدوه )) هذا الحديث يؤكد على قانون الجذب :)