|
مجرد .. تفكير..فكرت فيه
مرحبا
كيف الحال.. اللي من هلأ دايخ يدرمل على قولة الاخوان..:p اي لانو يعني فكرت تفكير شوي دوخ كم حدا يعني:pos: اي عميمة انا رح قلكن فكرة فكرت فيها..منطقية غصب عن اللي بيقول لا :pos: وشو رايكن يعني انّو هيكي بنتناقش شوي :gem: شوفو شو فكرت ..هلأ التفكير صرلو من يوم كان عمري 14 سنة ..يعني قبل 3 سنين بس هلأ استحدثته:lol: بسبب موضوع لـ علاء (تائه في النور) حكي فيه عن انّو ليش احنا عايشين..بقا شوفو شو فكرت من وقت كان عمري 14 سنة.. : فكرت انّو باجسامنا احنا في انزيمات وخلايا عم تشتغل تمام؟! في باجسامنا كريات دم بيضاء بنعتبرها"مقاومة" لـ اعداء اللي هنّي الجراثيم..يعني تماماً متل ارض الواقع..قمت اني قلت احنا عم نشتغل ونتعب والخ... يمكن لسبب اللي هو احياء جسد آخر احنا بـ داخله..يعني تماماً متل ما بداخلنا الخلايا بتعيش وبتموت والانزيمات بتشتغل لاحياءنا احنا ممكن نكون عم نشتغل لاحياء جسد احنا فيه او بالاحرى احنا بـ احدى خلاياه او بـ احد اعضاءه اللي هي الكرة الارضية..تمام لهون؟! بنكمل... ممكن هالكرة الارضية تكون خلية او عضو احنا فيه وباقي الكواكب ممكن تكون بقية خلايا او اعضاء الجسد اللي احنا عم نحييه بشغلنا...وهالجسد اللي احنا فيه المتكون من كل الكواكب له مثيل متل ما احنا (كـ اجساد) النا مثيل..يعني بقصد انو انا انسان في غيري انسان وانسان وانسان داخل خلية او عضو (كرة ارضية) بداخل جسد متكون من مجرّة..وهالجسد المجرّة ممكن له مثيل ومثيل ومثيل..وبالتالي يشكلوا مجتمع ما..وهالمجتمع كمان يكون عم يشتغل داخل مكان اكبر منه متل ما احنا مجتمع عم يشتغل داخل الكرة الارضية ومتل ما بداخلنا خلايا عم تشتغل...طيب وهالجسد المتكون من اجساد متكونة من مجرّات ممكن كمان هو له مثيل ومثيل ومثيل وبالتالي يشكل مجتمع آخر كمان يكون هالمجتمع بيشتغل لاحياء جسد اكبر منّه ... وهكذا دواليك..يعني الى ما لا نهاية القصة... للمعلومة انّو بعتوا ابرة للفضاء صوّرت الكواكب عن بـُـعد..كل ما تبعد الابرة بتقرّب الكواكب على بعض.. فـ لما قرّبت كتير الكواكب على بعضها شكّلت جسد امرأة .. اي وعرفوا وين موقع الكرة الارضية بهالجسد بس ماني بصدد اشرح وينها هلأ .. المهم انّو هالمعلومة انّو يعني بشكل وبآخر بتقول انّو تفكيري ممكن يكون منطقي :pos: باختصار انّو تفكيري هو: انو خلايانا شكلت جسدنا .. جسدنا له مثيل..شكلنا مجتمع..كلنا داخل خليه او عضو اللي هو الكرة الارضية وهالكوكب له مثيل يعني كواكب وكمان هنّي شكلوا جسد ( وبالصورة اللي صورتها الكاميرا بالابرة ظهر هيك ) وهالجسد المتكون من الكواكب له مثيل وهيك بيكونو المجرّات كلهن شكلو مجتمع من اجساد يعني كل مجرّة شكّلت جسد..وهالمجتمع المتكون من المجرات عم يشتغل داخل خلية اكبر بتحويهن..وهالخلية لها مثيل وبالتالي شكلو جسد آخر..وهالجسد الآخر له مثيل وشكلو مجتمع وكلهن ايضاً بيشتغلوا شغل معين لاحياء جسد اكبر واكبر واكبر هنّي فيه يعني متل الخلايا اللي بداخلنا والخ... الى ما لا نهاية :larg: تحية شباب وصبية MaTyA |
صايرة عم تفكري
بس شي حلو ها :D |
احم احم
قوليلي انك عملتي الموضوع طيب ثواني لأقراه بردلك خبر,,, اي عدنا خالتي العجيجة ,, اصدي العزيزة هلأ التفكير سوو كيوت واقتنعت نوعا ما,, بس انو معليش فوت بالدين شوي؟ الله هوي اللي ماسك هالشي كلياتو ما؟ تاني شي لك خالتي انو وقت كان عمرك 14 سنة شو كان جاي عبالك تفكري هيك تفكير يسعد فيصل شو كان عندك وقت فراغ |
اقتباس:
|
تائه فـــ النور ــــي
يعني من كتر التعقيبات اللي عندي كترت اقتباسات لردك :lol: المهم:اول شي: اقتباس:
اقتباس:
بالعكس يعني حتى بعمر الـ 14 سنة عم فكّر ووقتي مليان :p اي شو كتبت الموضوع كرمال نتناقش بتقوم بتطلع مقتنع جاهز ولا..كان ما تعذبت بكتابتو :frown: |
اقتباس:
هاتي الصورة |
علاء انا قلت تفكير يعني ممكن ما تقتنع عادي...بس انّو بيهمني تكون مقتنع انه منطقي :p
اقتباس:
بس انّو المعلومة مليون بالمية صحيحة يعني وسمعتها من زمان..شي سنة او اقل او اكتر بشوي.. :pos: |
بعدين اسمي علاء خالتي يستر عليكي حبابة قوليلي علاء لا تقوليلي تائه في النور
اوكي ما عندك الصورة بلا الصورة لك لك,,, ازا ما عندك اثباتات ماني مصدق ولا نص بالمية قال مليون بالمية طيب عطيني لينك بيثبت هالحكي للعلم : انا دورت بجوجل وما لقيت هيك شي منطرح شغلة تانية انو بما انو هي الخلاية منظّمة وكلياتا عم تشتغل صح؟ شو وجع المناطق التانية او الكواكب التانية ما عم تشتغل يعني نحنا في عنّا وظيفة بدنا نقضيها صح؟ والكواكب التانية ليش ما فيها عالم يقضو هالوظيفة؟ اصبح نحنا صرنا متل شلون بدي قلك يعني ,, يعني زيادة بما انو الكوكب تبعنا فينو يشتغل بدوننا متل هالكواكب التانية؟ صح ولا مظبوط؟ |
هلق من جهة التفكير في فكرة
بس يعني كتشبيه انا ما اقتنعت يعني نحن باجسادنا الخلايا عم تعيشنا وبزوال هالخلايا رح نموت بس نحن ما عم نعيش الارض احنا عم نعمل كل شي بيخربها وبناء على هيك الارض بلانا افضل مو اسوء وبناء عليه فما هاد سبب عيشتنا يعني فكري اكتر شوي |
:lol:
:o |
الفكرة قديمة.... يمكن من اكتشاف الذرة موجودة... في كتاب لعالم فيزيا اسباني اسمو ادوارد بونسيت (هو عالم فيزيا بس بيحب مواضيع "الخيال العلمي" من هالنوع) و يحكي عن شي مشابه جدا على شكل رواية... انو الانسان حلقة وسطى... يعني نحنا مكونات داخل الكواكب اللي هي معادل البروتونات بالذرة و الشمس هي النواة يعني المجموعة الشمسية هي "نواة" تشكل جزء من مجرة و المجرة جزء من شي لسى ما بنعرفو... ما بعرف, برأيي الفكرة شوي جانحة للخيال بصيغتها هاي... بس أكيد نحنا حبة رمل بصحراء و ما بنعرف شو في ... من 500 سنة الشغلات اللي هلأ نعتبرها حقائق علمية بسيطة كانو يعتبرونها ضرب من الخيال...
هلأ هيك عالبارد المستريح القصة اعتبرها فيلم خيال علمي... بس ما بعرف... العلم مالو حدود  |
اقتباس:
هي اول شي تاني شي اقتباس:
باينتو عجبك هدا اول مرة شفتو بهدا تبع المسابقة عالهامش : هي تبعيت الفقر حلوة ,, بس لازم يكون فيها شوية ارتجال انا هيك رأيي |
اقتباس:
انو انتا طلعت زرت المريخ لما الزُهرة ولا عطارد او حدا منن لتحدد انّو ما في عالم آخر؟!! وانو كوكبنا بيشتغل بدوننا؟! مين قال ومين بيجزم صدقية هالشي؟! واني برجع بقول كـ فكرة شي داخل شي ممكن يكون وممكن لا عميمة اقتباس:
خلينا بالكواكب انّو ليه هي عم بتدور...يعني لهيك شبهت انّي قلت ممكن لاحياء شئ اكبر بعدينا مين قال الكوكب بدوننا بيبقى :p وبالنسبة للتخريب اللي عم تقولوا..بطبيعة الكون لازم يكون في سالب وايجاب ولا بتتوقف الدنيا :D اقتباس:
اي المهم هي يمكن تكون خيالية شوي لما غير صحيحة شوي... يعني اني ما عما قول 100% صحيحة ..ما فيني قول هيك اصلاً:lol: بس يعني اني بحس انو اني بـ نسبة ما (لا على التعيين) بسدء انّو ممكن يكون متل ما تفضلت وقلت نقلاً عن اخونا الفيزيائي انّو جزء من جزء من شي لسة ما بنعرفو والخ... وللكل بقول انّو هالتفكير وغيرو من تفكير شوي خوفني يعني..انّو حسيت احنا صغار كتير نسبياً:pos: بس لا هلأ كبرت 3 سنين وما عدت خاف من هيك تفكير:lol: |
اقتباس:
انتي طلعتي صورتي الكواكب وطلع معك جسد انثى ;) |
اقتباس:
|
اقتباس:
اقتباس:
هون زبدة الموضوع .. لازم نعرف شو موقع الارض تماماً بهالمنظومة :larg: هلأ بالنسبة لرأيي ... هيك شي حتى لوكان صحيح ........ نحنا ما لازم نفكر فيه بيكفي نفكر بالاطار يللي انخلقنا ضمنو ...و بالوظيفة يللي انخلقنا لنأديها و نفكر مزبوط بكون يكتر خيرنا ........ ومنكون عملنا يللي علينا |
الفكرة موجودة سابقاً
بس بتضلّ فرضيّة لهلأ ما ثبت شي. اقتباس:
® |
الموضوع مشوق كثير و يفتح افاق فكرية حلوي !
اقتباس:
و مقارنة لطيفة ... انو الانسان لازم يعيش ضمن المجتمع .. هذا يعزز نظريتي ...... كل انسان لازم يكون له دور في الحياة ... مهما ضغر او كبر بس هو ضروري هذا يدخل ضمن حكمة الله ... المهم من هي المعادلة ... انو كيف نفعل دورنا ..؟ و كيف لازم نتصرف ؟ كيف نكون جزء فعال ضمن المنظومة البشرية في العالم ؟ التفكير شي حلو ... بس التفكير بالعمل احلى اقتباس:
يعني بالنهاية لازم نصل الى مرحلة قبل الانفينيتي! يعني صحيح الكون واسع ... بس بالنهاية محدود الارض هي جزء من المجموعة الشمسية و هي جزء من المجرة ... الخ بس في فرق شاسع بين دور الارض كجماد و بين دورنا نحنا و بالنهاية تفكيرك يدل على عمق فكري ... و لازم يتوظف للكتابة اكثر :D |
| الساعة بإيدك هلق يا سيدي 01:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
