|
فشة خلق
انو هو فشة خلق وشكر متل ما بدكن
شكرا كتير لمجتمعي الطائفي المتخلف شكرا من قلبي عنجد شكرا للخوازيق العاطفية اللي اكلناها من سنة 2003 لهلق شكرا شكرا لنظامنا التعليمي الرائع ونسبة النجاح شكرا من كل قلبي لكل انسان ندل تافه مصلحجي شكرا شكر خاص لبنت لعبة بشب 7 سنين وشكر خاص اكتر لبنت لعبة فيني شخصيات سنتين شكرا لجنس حوا كلون ولكل شي للرب وللمجتمع ولكل بطيخ ويلعن سعدو على هالبلد على كل شي |
شعب اختصاص خوازيق ينعن ديبو .. كلو بخوزق بعضو
يااخي انا خايف تعدي علي مرحلة اتبرا من جنسيتي واطلب جنسية تانية .. حتى لو نيجيرية مامشكلة شي صاير بدبح يا |
حاج يازلمة
قال حب ورفقة وبطيخ ومافي طائفية حاج حاج كذب |
اقتباس:
اقتباس:
يا ولد روق شوي وهدي حالك اخر مجتمع بتقول عنه طائفي هوي مجتمع حمص وولا كلمة تاني شي يا بابا مشكلتك انك بتاكل الخوازيق العاطفية وبتضل بتتذكرون ببكائيات لا تسمن ولا تغني من جوع اما بالنسبة لنظامك التعليمي اللي عم تحكي عنه انا مستغرب شي انو ليش البشر بتنتجح بالكلية وانت لا ؟ طبعا مو الحل انك تنتسب للبعث ولا انو الدكاترة عم تخبص وانت بترعف شو الحل بالنسبة للبنت يامن مو حابب انا اتدخل بالقصة بس كان فيك تحط حد للموضوع من اوله وتركز على امور تانية اهم من الاول وما تترك الامور توصل لهالمرحلة وروق وصبلي كاس معك |
اقتباس:
|
بيضل يا زلمي في شي بيفرح ولما بيأس رح فش خلقي تكرم
|
لك فش خلئك مايسترو
بس بدي خبرك شغلة كل عالم متلك ماحدا مرتاح |
قبل شوووي كنت بقول لواحد "تفائلوا بالخير تجدووووه" :pos:
|
هلق ما عاد غير سعدو ينلعن :frown:
بس صديقي مو معناه انو بنت ضحكت عليك انو خلصوا الصبايا المناح صدقني متل مافي صبية تافهة وكذابة رح تلاقي وحدة صادقة تكون جنبك :D |
اقتباس:
عكلا انت قلك بلا رفقة بلا بطيخ |
انو جو الكابة اللي هون كتييير عالي
ليش هالتشاؤم هاد حاول تنظر للحياة من زاوية جديدة ورح تلاقي انو في كتير اشيا حلوة انت ماكنت شايفها من قبل :D |
فشششششششششششششششششششش لقلك ..لك اييييه
|
اي عم يفشششششششششششششششششششش
|
يا صبي لونك صاير نيلي الأزمة طويلة و ما في حيلة
يا صبي الأزمة مش لح تهدا يا صبي أهدا ___________________ و خي معليش لازم نتعود على الخوازيق ________________________ و شريك يلي ببيعك بالفول و بيعوا بالقشور قوم اعزمك على ال crazy hourse تنسى ست ستها |
انو هو فشة خلق وشكر متل ما بدكن
فيك تفش خلقك ونحنا بانتظار فشة خلق بس المهم انو يكون بعدها صحوة مو مجرد صرخة وبس شكرا كتير لمجتمعي الطائفي المتخلف شكرا من قلبي عنجد وهو بقلك شكرا كتير الك لانك متلك متلو ما قدمتو اي خدمة لتحرقوها هالطائفية عشت فيه ساكت لا الك ولا عليك واكتفيت بانو تلعنو كان فيك تلعن الطائفية بانك ما تعيشها ما تقبلها بس ما بعرف شكرا للخوازيق العاطفية اللي اكلناها من سنة 2003 لهلق شكرا وشكرا كمان الك لانو ضليت تطالب الحبيب بانو يمنح وهاد معناتو انو نحنا حبينا الشخص ما حبينا الحب ذاتو ....لانو انت كمان باسلوبك ما سمحت للحب انو يعيش يعني اسمحلي احكيلك مو نحنا يللي كفرنا بالحب لكن الحب هوي يللي كفر فينا شكرا لنظامنا التعليمي الرائع ونسبة النجاح شكرا لالنا كمان لانو ما بنعرف نحب العلم بنكتفي نلعنو وما بنعرف انو نحنا صرنا طلاب شهادة بس...شكرا لالنا كمان لانو مو حسنانين نستوعب كم الجهد يللي بنحتاج نبذلو لنحس انو بنمنح العلم القدسية اللازمة شكرا من كل قلبي لكل انسان ندل تافه مصلحجي شكرا وهوي بقلك شكرا كمان لانو احيانا المذنب بيكون الضحية والمجني عليه هوي الجاني... شكر خاص لبنت لعبة بشب 7 سنين لما تسلمها قلبك وتعرف انو ما رح تقدر تمنحك قلبا ساعتها الانسحاب افضل بس الغلطة غلطتك وشكر خاص اكتر لبنت لعبة فيني شخصيات سنتين وشكرا لقناع ما قدرت انت تمزقو لما شفتو عوشها شكرا لجنس حوا كلون ولكل شي للرب وللمجتمع ولكل بطيخ وحوا بتقلك متل ما في شيطان في ملايكة ويلعن سعدو على هالبلد على كل شي يقبرني الله اللي خلقك اسفة عالقسوة او العصبية بس انت بتعرف شو معناك بالنسبة الي ومو قدران تشوف شي غير الاسى |
احم احم
شو ماعملتو مارح يطلع بايدكن شي |
لك رد عليي ورو ح ع اقرب جسر زت حالك من هنيك احسنلك و الله ..
|
عيش كتير تشوف كتير
|
| الساعة بإيدك هلق يا سيدي 10:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون