|
شي بيقرف ..........
لنعترف في البداية أننا شعب متذمر دائماً..؟!! اتفقنا على النقطة الأولى؟!! أو حتى لم نتفق. ننطلق إلى الثانية.. لنعترف أننا شعب سرعان ما يملّ الأشياء.. ابتداءً من أحدث موبايل والأحدث منه.. انتهاءً إلى أحدث صرعات الموضة.. هم يصنعون ويضحكون ونحن نستهلك ونضحك.. المهم الجميع يضحك ههنا. نعم نحن شعب مملّ وملول للغاية.. يعني الواحد مننا قرفان كل شي.. المواطن العربي يخرج صباحاً من البيت وهو قرفان الوظيفة وقرفان نهاره يلعن يمنة ويسرة.. يشتم من يراهم في طريقه ومن لا يراهم، من يسمعوه ومن لا يسمعوه.. حتى يصل الى الوظيفة، وهناك يلتقي بالمدير وطبعا الشعور متبادل فالكل قرفان من بعضو.. يأتيي أحدهم وهو قرفان يتذمر من حذف أحدهم لمقاله في إحدى المنتديات ويتكلم بقرف قائلاً: (ما معنى أن يكون قلمك حراً عند السادة الحمقى؟). في الحقيقة حل أكبر المشكلات الرياضية والطبية ومشكلات أمن الشبكات وغزو المشتري وفلسفة طاغور أسهل علي من شرح ذلك المعنى الهلامي في رأس هذا القرفان، وهو الذي سرق لباس العلماء وجاكيت المفكرين وجبة الأدباء وطاقية الماغوط ثم يخور بصوتٍ عال: أنا هنا.. آخر قرفان من زوجته يشبهها بـ(عجوز الشؤم) و(أم أربع وأربعين) ناسياً أنه استهلك جمالها وربيع شبابها.. قائلاً: قرفانها يا شيخة.. المعلمين قرفانين من الطلاب والطلاب يبادلونهم الشعور ذاته، والتدريس بنظرهم صاير كلو قرف بقرف.. والعلامات بتقرف والدراسة بتقرف. والكل بدو (money) بدون ما يدرس.. وآخر مستشعر قرفان الناس كلهم ينعق بما لا يسمع فلا يُفهم أهو (شِعر) أم (شَعر)، ويتكلم من راس مناخيرو قائلاً: (نفسي واحد يسمعني وأنا بتنفّس بدون ما إحكي.. ويفهم شو عم قله)..!!! بتلك العقلية الفريدة يشعر هذا المستقرف بأن شعره المقرف سوف يعالج مشالكنا ويخفف حرّ القيظ.. والشعراء وأتباعهم الغاوون يفوق عددهم ما في السماء من نجوم.. (عالقافية). التاجر قرفان من زبونه.. والمواطن قرفان الحكومة.. .والحكومة قرفاني الرئيس ....الرئيس قرفان الناس ..... والناس قرفانة بعض.. والشوفير قرفان من (نزلني عاليمين). والصبية قرفانة أواعيها اللي ما عم تلبسهون فكيف اللي عم تلبسهون؟!! والأخ قرفان أخوه وعم يحاول جهده ليخلص منو.. ووسائل الإعلام عنا بتنشر شغلات بتقرف دائماً ولا شيء جديد حتى الشوارع قرفت من مشينا عليها، والكراسي قرفت من الجالسين عليها طول عمرهم، والمنتديات قرفت من الكتابات المنقولة . إحصائية حديثة نشرت تقول أن ثلاثة أرباع الشعب العربي قرفان حياته.. والربع الآخر في طريقه للقرف. وبالمحصلة الكل قرفان سؤال يخطر ببالي: ما الذي يقرفك أنت؟ |
قرفتُ ثرثرة َ العَرب وَ قـَدَر المُثقف البائـس ,. . . موضوعكِ طريف جدا ً يا سَمرا لكنهُ يُثيرُ القرف في النفس وَ يُأججُها :p |
فعلا شي مأرف
|
بالنسبة للسؤال بلاخير...تاع شو بيقرفك
خزاة العين ما خليتي شي :o |
الحشرات:pos:
|
عنجد أنه ملاحقة سلبيات العرب صارت شغله مقرفه ! !:frown: لأنها كتيره وما رح يتركوها ابدا ! !:frown: هم يصنعون ونحن نتخزوقون ! !:larg: :Dتحياتي:D |
اقتباس:
أولا يا سمر .. خليني اقلك اني حبيتك .. :deal: تاني شي ما اتفقنا ع النقطة الأولى .. :shock: لك الشعب يا مخلوقة .. وضعو من سيء ولأسوأ وبيقرف وهو مستحي ليقوم الرب او الدولة تزعل :lol: .. شو بيقرفني ؟ اوقات بقرف حتى من حالي .. :lol: واوقات .. يعني بيكون كل شي بالدنيا جميل جدا ً بعيني بس عموما ً الأشياء اللي بتثير قرفي النفاق .. الفزلكة .. " كل شي بينتقص من قيمة الانسان .. بالحكي بالفعل .. " ، ما بعرف كتير اشيا بقرف من اللي بيكبو الزبالة اللي معن بالشارع بقرف من اللي محسب انو الوطن بس لألو وع كيفو ومزاجو والله بس لألو وع كيفو وع مزاجو بقرف من المتعصبين ما بعرف كتير كتير |
ظريف الفموضوع كتير .. هلأ بالنسبة الي حاليا ماني قرفان من شي ...
بس بالعادة بقرف من العالم يلي بتكب زبالة بالطريق ويلي بتلزق نعوات على حيط لسا مالو يومين مدهن .... وبقرف من العالم يلي بتشخبر عالحيطان ... بقرف من الطائفيين .... بقرف من المنافق ... ومن يلي عم بيطالب بحدود شي حدا ... وهوي ما بيطبق وولا شي من هالمطالب بقرف من يلي ما بيسمع غير اغاني الكراجات ... بقرف من يلي بيسوق مع السوق ... بقرف من المرتشي ... بقرف من يلي ما بيحب فيروز بقرف من المهووس بالجنس ... بقرف من المصلحجيين بقرف من العلاكين والكزابين والمفزلكين والمفلسفين على ولا شي والخ الخ الخ يمكن هي اول رد الي ما بحط فيه سمايلي .. بالظاهر قرفان من السمايليات ههههههه .... بس هالسمايلي الك :سوريا: |
بصراحة موضوع اخو قرفانة :shock:... يعني صحي فايق وقرفان ... بس روقت .... لانو قرف بقرف ... يعني لا قرف ...:yahoo:
شفتي كيف ؟ فعل ورد فعل ... انت بتخليني اقرف بهالموضوع ... بس انا قرفان ... فاجتمعو قرفي مع قرفك وصارو لا قرف ..:p ميغشي بوكو ... سافا ... وسلملي على بو عيسى ...:jakoush: تحياتي ومنورة :D |
والله انتا قرفتنى كتير هلد مو موضوع:larg:
|
تسلم على هالموضوع ..
وفعلا شي بيقرف :frown: |
بقرف هيك مواضيع
تانيا بقرف التشاؤم والمتشائمين و يلي بيعملو حالن فهمانين حتى لو كان عندهن شوية فهم |
بيقرفني اللي بيكولكو ... وعالطالعة والنازلة بيقولو يا معلم
|
بطلت اقرف من شي
لأني اذا بلشت اقرف من كل شي بقرّف قدامي..بوصل لمرحلة بقعد فيها بشي قرنة بالصحرا أو عراس شي جبل أقرع وبعنّ وبونّ لحالي:larg: يرحم ترابك يا بو صادق:sick: |
اقتباس:
|
اقتباس:
:pos: حردت |
اقتباس:
|
بتعرف شو بيقرفني يا عزيزي؟؟
الناس يلي بيحكمو ... او العرب يلي بيحكموا بشكل عام ما قصدي الحكام تبعات الدول .. لا قصدي العالم يلي بيحكموا على غيرهن .... ومالهن احسن منن بشئ .. لا وياريت هيك وبس ... ما بيهمتوا بالأخرين او بيشوفوا مشاعرهن وبعدين بيحكموا واكره ما خلق الله ... هو الكذاب .... يعني بيجي واحد بيعمل حالو رفيقك لمدة 3 اشهر بعدين بعد فترة بتلاقي انو كل رفقتكن كانت كذب ووهم ( طبعا بتكتشف هذا الشئ بعد خناقة ) لك وانا قاعد عم احكي؟؟؟ اي انا اقرف شخص بالمنتدى .. يلا باي خخخخخخخخخخ |
| الساعة بإيدك هلق يا سيدي 19:24 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون