تشديد امني غير مسبوق على مقاهي الانترنت في دمشق
 

أكد عدد من أصحاب صالات الانترنت في دمشق انهم اضطروا لتنفيذ القرار الخاص بابراز الهوية الشخصية لزبائن صالات الانترنت بعد الضغوط الكبيرة التي يتعرضون لها من عناصر للامن السياسي باتت تدخل الى صالات الانترنت بشكل مفاجئ لتسال عن هويات الزبائن .

وادعى أصحاب الصالات أن هذا الاجراء قلل من عملهم وخاصة ايام العيد لان بعض الزبائن ليسوا بالضرورة يحملون هوياتهم الشخصية وبعض الزبائن الأخر اصغر من 18 عاما وهم من الطلبة .
وطالبوا بتغيير هذا القرار وعدم الالتزام به والتخفيف من حدة الملاحقات الامنية لهم بهذا الشان والملاحقات الخاصة حول التقيد بساعات الاغلاق ايضا.

وكان قد تم تعميم قرار من الاتصالات على جميع كافيهات الانترنت بضرورة ابراز وتسجيل بيانات الهوية الشخصية للزبائن.


المصدر:نشرة كلنا شركاء

الخبر صار أمر طبيعي في بلاد محكومة بالأمن لأسباب كتيرة... !

اللي لفت نظري بشكل مزعج هو كلمة "كافيهات" أو "كافي" يللي بتدلّ فعلاً على قصور العرب وجهلن بكل المعاني... القهوة كلمة عربيّة أطلقت عالبن بعد ما كان تطلق عالخمر... وصار اسمها القهوة البنيّة... ومنها تسمية "مقهى" والغرب أخد كلمة "قهوة" عن اللغة العربيّة...
واليوم العرب يفضلون كلمة "كافي" برغم أنو أصلها عربي!!!
يا حرام... (شي بيحزّن أكتر ما يضحّك).

أشو هلتخلف الناس في الدول الأخرى عندهم في كل بيت لكل فرد جهاز حاسوب موصول بالشبكة و فضائي ليسى سلكي

و نحن في سوريا عما نخترع قونين قيود النت في المقاهي العامة

و بقلك سوريا الأسد الله حاميها

و الله مالى تخلف

اي حط بالخرج يا شيخ, الشغلة وقفت بس على اللغة, اصلا اذا ضلينا على هالحالة مو مطولين لحتى مابقى نقدر نميز بين اللغة العامية والفصحى.

شو مشان قديم الخبر كتير ! :?
انو يعني هالشغلات صرلها شي سنة عم يشتغلو فيها :pos:

لك يخز العين بعدين عاهالنت الفظيع اللي عنا اي بينعل قلبو الواحد

وبيسهر طول الليل ليمشي الحال ومافي موقع بيشتغل كلو محظور:cry:

وبدل هالقرارات هادي اي يروحوا يعلموا الكمبيوتر بالمدارس لانو المستقبل

هيك صاير عبر الاقمار الصناعية :oops:

لاء الخبر صرلو يمكن شي اسبوعين..... هي صحي هالشغلات صرلها سنة بس هلق شددوا عليها, اي لكن بلد الامن و الامان هي

اليوم قدرت فوت تهريب بدونما أبرز الهوية لصاحب المقهى وبهالمناسبة حبيت سجل حضور بأخوية
ولتحيا سورية الأسد:lol:

اه والله احنا في الاردن مافي عنا هيك شي اول مرا بسمع في هيك شي انا

والله يا ايهم .. مزبوط هالحكي .. نحنا كنا .. عاطينو لمقهى النت .. اللي تحتنا .. خط من عنا لمحلو .. شنو عنا النت .. صاروخ كان .. بس انو .. بعد ما .. شفنا هالتدقيق .. ابي .. وقف هالشغلة كلا .. وسحب منو الخط وقلو عمي ما بدي لا وجعة هالراس ولا شي ..

فـ انو .. عوجا ..

:?

زكرني جبلك الصورة اللي الورقة قد اللوح عبواب شي 50 كافيه موجودين بالشارع اللي محل ماني ساكن فيه .. وحاطين الرجاء ابراز الهوية ..

هلق انا ما بروح غير ع كافيه نت واحد و بطلت عادة انو شيل الهوية و رجعها لجيبتي ..................... حفظوني الشباب :o

بس انو انا بزعل ع اصحاب مقاهي الانترنت ..................... بيكونو لعنو رب الساعة اللي اخدو فيها الرخصة

و كما قيل سابقا ................... عوجا :jakoush:

أنو بهالمنتدى في ناس مغتربين من كل الدنيا, في حدا شاف او سمع ببلد بهالعالم لسا بيعمل هيك شي؟؟ في حدا شاف او سمع عن دولة بتخاف من مواطنيها اذا استخدموا الانترنت؟؟ لكن من الاصل ليش عاملين هالانترنت؟؟ اذا بدل ما يقعدو يطوروا الخدمة نفسها قاعدين عم يطوروا وسائل مراقبة استخدامها.

هلا عم تحكيلي الي ؟؟

يعني .. تعا لقلك في دولة بالعالم بتحجب الويكبيديا لكان ؟!!

أه كم أتمنى أن تكون الخدمة في سوريا مثل عندنا هنا

تصورو عندنا في أحدى المحافظات قامت المحافظة بتوزيع على كل منزل جهاز لا يتجاوز حجم الخليوي

و من خلال الجهاز يتم ألتقاظ النت عبر الفضاء و طبعاً بالتنسيق مع الشركة المالكة للقمر الأصطناعي هناك تغطية لكافة أنحاء المدينة و بالمجان يعني ببلاش دون تحديد لكمية الأستهلاك و السرعة أيضاً عالية

أقول مجاناً

أما بلنسبة الى النت التي أستخدمها فهي حكومية في المدينة التي أقطن بها

و هناك تخفيطات تصل الى ال50 % لتلاميذ المدرسة و الطلاب و المعاقين و المتقاعدين

الي بدي أقوله أن النت أصبحت من المسلمات في حياتنا اليومية