|
هل نستطيع ان نعتبر ان سوريا هي دولة علمانية ؟
بكل اختصار السؤال هو
هل سوريا هي دولة علمانية تفضلوا المنتدى الكم انا حاببب اعرف رأي كل عضو فيكم و نتناقش بهالموضوع يلي في كتير من العالم و كتير م الناس يلي معهم شهادة دكتوراه بيقولوا انو سوريا علمانية . فأنتو شو رأيكم |
بتمنى تكون علمانية
لكن للأسف القوانين والأحكام عكس هالشي |
اقتباس:
|
سوريا دولة غير علمانية . العلمانية هي فصل الدين عن الدولة والمساواة بين المواطنين على اساس المواطنة . ومن اهم مبادئ العلمانية هي الديمقراطية . بالتالي سوريا بلد لا يمكن باي شكل تصنيفة كبلد علماني . فالقوانين والاحكام ليست مدنية . الزواج والطلاق والتعدد وتغيير الدين وكثير من القوانين الاخرى.
|
اكيد مو علمانية اصلاً بسوريا نظام الحكم جديد لهلأ لسا ما صنفو
يعني بيجمع بين الشيوعية بلعن دين العباد و الرديكالية الاسلامية بنفوس الناس وبالامبريالية اقتصادياً وشو مابدك في وفي شي هيك خاص بالنظام السوري مو موجود بغيرو |
لأأأأأأ :blusted: ولا منقرب العلمانية ولا سمعانين فيها....:cold:
دولتنا طائفية بحتة:shurup:..... والمناصب موزعة حسب الطوائف.... وبدنا شي مليار سنة حتى نقدر نفكر كيف بدنا نتقبل فكرة العلمانية...:razz::razz: |
طيب اذا اخدنا من منظور تاني
يعني شيلو فكرة الدولة السياسية خلينا بالمجتمع السوري يعني خلينا ناخد سوريا كمجتمع هل يقترب من العلمانية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ |
لا اظن ذلك ابدا . . الدين يتحكم في المجتمع بشكل رهيب
اضافة الى ان سياسة الدولة عم تأثر المجتمع بشكل رهيب |
لا طبعا
ولا الها علاقة بالعلمانية لا كمجتمع ولا كدولة اذا نص قوانينك ماخودة من الدين الاسلامي فكيف علمانية؟ |
اقتباس:
|
من القانون الفرنسي
|
اقتباس:
اقتباس:
اقتباس:
اقتباس:
|
سوريا مش علمانية ...
بس من جهة تانية .. هي أقرب دولة ( من حيث القوانين ) بالمنطقة للعلمانية .. حتى أقرب من تركيا .. يللي بتسمي حالها علمانية |
اقتباس:
اقتباس:
انو نحنا بلد مش ديني ولا طائفي بس بنفس الوقت نحنا مو بلد علماني |
كل شي صار قدام عيونك باخوية كمثال
وبرة بجامعتك وبجامعتي وبالشارع وبالجيش ووالبلد مافيها طائفية؟ |
ما فيك تنكر أنو القوانين للأسف ما لا عن العلمانية
يعني من كم اسبوع نزل موضوع وهو مثال منيح لموضوعنا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أو لما القوانين لهلا بتمنع زواج 2 من دينين مختلفين طبعاً الحال الممنوع هو زواج المسيحي من مسلمة وبعتقد (مش متأكدة) حقوق الزوجة المسيحية لوراثة زوجها المسلم فيها اجحاف بحقها هاد اسمو تمييز على أساس الدين وهالشي ما بيجوز بدولة المفترض تكون علمانية هلا أنا ما عم قول سوريا دولة دينية (لحسن الحظ انها مش دينية) بس يعني لسا بدا تغيير منيح بالقوانين لنصل للدولة العلمانية اقتباس:
|
هي دولة مش معروف شو ربها لا علمانية ولا دينية طيب شو؟
النظام الاقتصادي لا اشتراكي ولا راس مالي نظام مشترك بين التنين طيب شو؟ |
دستور سوريا 1950 النص النهائي للدستور كما أقرته الجمعية التأسيسية 1950 المقدمة نحن ممثلي الشعب السوري العربي، المجتمعين في جمعية تأسيسية بارادة الله ورغبة الشعب الحرة، نعلن أننا وضعنا هذا الدستور لتحقيق الأهداف المقدسة التالية: .................................................. .................................................. .......................................إقامة العدل على أسس متينة حتى يضمن لكل إنسان حقه دون رهبة أو تحيز وذلك بدعم القضاء وتوطيد استقلاله في ظل حكم جمهوري ديمقراطي حر. ضمان الحريات العامة الاساسية لكل مواطن، والعمل على أن يتمتع بها فعلاً في ظل القانون والنظام، لأن الحريات العامة هي أسمى ما تتمثل فيه معاني الشخصية والكرامة والإنسانية. نشر روح الأخاء وتنمية الوعي الاجتماعي بين المواطنين حتى يشعر كل انسان أنه جزء في بنيان الوطن وأن الوطن في حاجة إليه. دعم واجب الدفاع عن الوطن والجمهورية والدستور، وذلك بمساهمة كل مواطن بدمة وماله وعمله وعلمه. تحرير المواطنين من ويلات الفقر والمرض والجهل والخوف بإقامة نظام اقتصادي واجتماعي صالح يحقق العدالة الاجتماعية ويحمي العامل والفلاح، ويؤمن الضعيف والخائف، ويوصل كل مواطن إلى خيرات الوطن. كفالة المساواة في الواجبات العامة والحقوق التي قررها الدستور ونصت عليها القوانين وخاصة طرح الضرائب على أساس تصاعدي، حتى تكون مساواة في التضحية والقدرة على المساهمة. تقوية الشخصية الفردية وتثقيفها وتعهدها، حتى يشعر كل مواطن أنه المسؤول الأول عن سلامة الوطن وعن حاضره ومستقبله، وأن الوطن هو الحقيقة الخالدة الباقية، وأن السوريين جميعاً أمناء عليه حتى يسلموه إلى أولادهم موفور الكرامة عزيز الجانب، ويكون ذلك بتثقيف الشعب ثقافة وطنية صحيحة وينشر التعليم، وتسهيل أسبابه، وتنمية روح التضحية في سبيل المجموع. ولما كانت غالبية الشعب تدين بالإسلام فان الدولة تعلن استمساكها بالإسلام ومُثُله العليا. وإننا نعلن أيضاً أن شعبنا عازم على توطيد أواصر التعاون بينه وبين شعوب العالم العربي والإسلامي، وعلى بناء دولته الحديثة على أسس من الأخلاق القويمة التي جاء بها الإسلام والأديان السماوية الأخرى، وعلى مكافحة الإلحاد وانحلال الأخلاق. ونعلن ان شعبنا الذي هو جزء من الأمة العربية، بتاريخه وحاضره ومستقبله. يتطلع إلى اليوم الذي تجتمع فيه أمتنا العربية في دولة واحدة، وسيعمل جاهداً على تحقيق هذه الأمنية المقدسة في ظل الاستقلال والحرية. ونعلن أن هذه المقدمة جزء لا يتجزأ من هذا الدستور، وضعت لتذكر المواطنين بالمبادىء التي قام عليها قانونهم الأساسي وأننا نحن ممثلي الشعب السوري العربي، لنضرع إلى الله العلي القدير أن يحفظ امتنا وشعبنا ويقيهما كل مكروه، ويسدد خطانا حتى نحقق مثلنا العليا، ونعيد بناء المجد التليد الذي شاده اسلافنا العظام، ونرسم لأبنائنا طريق السؤدد والعز.. |
| الساعة بإيدك هلق يا سيدي 19:15 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون