|
مصادر اسرائيلية تشير الى تحركات غير طبيعية في صفوف الجيش السوري
كتبت صحيفة "يديعوت أحرونوت" أن عمليات الرصد التي يجريها الجيش الإسرائيلي على طول الحدود الشمالية في هضبة الجولان السوري، في الأيام الأخيرة، تشير إلى تحركات غير عادية في صفوف قوات الجيش السوري.
وجاء أنه طيلة السنوات الماضية، دأبت القوات السورية، في هذه الفترة من السنة، الانتقال إلى "انتشار قوات شتوي"، ومغادرة المواقع الأمامية التي كان ينتشر فيها الجيش السوري خلال أشهر الصيف، والتركز في مواقع في داخل الجبهة السورية، بيد أنه في العام الحالي لم يحصل ما كان متبعا في السنوات الماضية، حيث بقيت القوات السورية منتشرة على طول الحدود في المنطقة، تماما كما هو الحال في أشهر الصيف، بالرغم من الصعوبات الكامنة في إبقاء القوات على طول الحدود، خاصة في ظروف تسود فيها أحوال جوية قاسية. وأضافت الصحيفة أنه منذ السادس من أيلول/ سبتمبر 2007، الغارة الإسرائيلية على منطقة دير الزور، دخل الجيشان، الإسرائيلي والسوري، من جانبي الحدود في حالة تأهب عالية جدا. وأضافت أن وكالات أنباء أجنبية نشرت أن الجيش السوري وضع منظومة الصواريخ أرض- أرض في حالة تأهب، إلا أنه تم خفض حالة التأهب قبل شهر من قبل الطرفين، وعادت الأجواء في المنطقة إلى سابق عهدها، كما كانت قبل الحرب الأخيرة على لبنان. كما تابعت الصحيفة أن انتشار القوات السورية في الأيام الأخيرة، وفقما تم رصده من قبل الجيش الإسرائيلي، أدى إلى رفع حالة التأهب. وأضافت أنه حتى الآن لا يوجد أي تفسير لخروج الجيش السوري عما كان متبعا في السنوات السابقة. وبحسب المصادر ذاتها فمن الممكن أن يكون الأمر ناجما عن تقديرات سورية للوضع بشأن عملية إسرائيلية محتملة أو أن الأمر مرتبط بحالة عدم الاستقرار في لبنان، أو ربما يكون الأمر ناجما عن تأخر أمطار الشتاء وتأخر هطول كميات الثلوج الغزيرة المعتادة في كل عام. وأشارت الصحيفة إلى أن الجيش الإسرائيلي في كل الحالات يتابع ما يحصل في الجانب غير المحتل من الجولان العربي السوري. المصدر: عكس السير ملاحظة اشرافية: تم تعديل عنوان الموضوع بما يلائم سياق الخبر |
يمكن
بيجوز الله اعلم |
حكي وتفقيع بوالين غازات ذات رائحة عسكرية
|
اي ليش لا
صارو اذا تحرك جندي سوري يموتو رعبة ولو شوصاير بالدني |
النظام السوري ما في عندو القدره ليحارب اسرائيل ..
قدرة في قمع الشعب ليحافظ على الحكم وبس .. |
اقتباس:
شكلك انت مدير مخازن الاسلحة بالجيش السوري وبتعرف الامكانيات كتير منيح |
اقتباس:
بتمنا تمني تترك الأمور السورية و الصراع السوري الإسرائيلي لأهلوه و ما تتدخل بشي ما بخصك .. |
اقتباس:
لا مدير ولا غيروا .. بس شو يعني بدك تفهمني من هالحكي .. بجوز سوريا دولة عظمى وبتمتلك اسلحه نوويه وانا ما عندي خير .. ممكن تفيدنا بمعلوماتك عن هالقوه الخارقه يلي بسوريا !! :o |
اقتباس:
صراع !! تسلم اخي .. على هالنصيحه .. بس انا بهمني حال كل عربي .. ولهيك بحقلي ارد على كل موضوع .. يعني اذا انت مو هامك الا الشعب السوري .. فهذا بعود الك .. وانا بحكي من جهة نظري .. النظام السوري دمر سوريا .. وسوريا ما في عندها قدرة تحارب اسرائيل .. بكفي نضحك على بعض .. سوريا حالها حال كل الدول العربيه .. |
اقتباس:
لك اخي فهمنا بتكره سورية بس لما بدك تناقش ياريت شوية منطق يعني عندك معلومات عن نوعية الاسلحة لدى الطرفين والتكتيكات العسكرية المتوقعة تفضل ناقش اما مجرد علاك وحكي فاضي فحليق من هون حبيبي بحرب 73 سورية حررت الجولان بساعات بس خيانة انور السادات وتكالب الكرة الارضية على سوريا ترك شوية اراضي تحت الاحتلال :larg: |
ياشباب رجاءا بلا نقاشات جانبية خارج سياق الموضوع
شكرا:D |
اقتباس:
اولا انا ما بكره سوريا .. وثانيا .. النقاش بكون بادب .. وثالثا .. اسرائيل بتمتلك اسلحه نوويه .. سوريه بتمتلك اسلحه نوويه .. !! بكفي هالسبب ... |
يا شباب شو هالنقاش الفاضي هدا يعني معقول ولا واحد منكن خدم جيش في الجيش العقائدي تبعنا ما شفتو الاسلحة المهترية المصدية ما شفتو الجيش نصو مفيش ونصو مدعوس على رقبتو وقرفان من الوضع ماشفتو المعنويات والعزيمة المصدية اكتر من الاسلحة مين اللي بدو يحارب يعني
العسكري المسكين اللي بيشتغل مرمطون عند الضابط وما بيسترجي يفتح تمو لانو هو برايي الضابط تبعو نكرة وما بيسوى شي ولا الضباط اصحاب الكروش اللي تحولو لمهربين و مافيات مو فاضية الا للرشوة وجمع المصاري منين ما كان ولا عناصر المخابرات الساديين المتخصصين بقهر الناس ودلن وتعذيبن نحني دولة فاشلة بكل النواحي وصدقوني ما منصمد قدام الاسرائيليين يوم كامل مشان هيك مهما اسرائيل تمادت علينا واغارت هون وضربت هون ما رح يجي الرد المناسب ولا الوقت المناسب لانو المافيات اللي عنا ما اجو للحكم ليحاربوا اسرائيل انما مشان يحلبوا هالبقرة الحلوب اللي اسمها سوريا |
يعني يا إخوان هلق سوريا صار في عندها تحركات هالشي صح والتحركات هي بيكونو صارو يطعموا الجيش برغل ما فيو حجر ولك آه ه ه ه ه مافي عنا شي لنتحرك 85بالمية من الميزانية عم بتروح كب عالجيش(سرقة) والباقي سرقة بغير محلات:x
ما قيمة الإنسان بلا وطن بلا علم ما قيمة الإنسان:cry::cry: |
التعليق واضح شو
قلبتوها معارضة و موالاة؟؟ .................................. بدي علق عالخبر بشغلة الله يجيرنا من شهري شباط و اذار شي بيخوف .... يمكن تكون هالمعلومات اكيده مشكور |
اقتباس:
|
اقتباس:
ولا مزعوجين .......:sly: |
يا شباب للمرة الثانية رجاءا بلا حوارات جانبية خارج الموضوع
شكرا |
| الساعة بإيدك هلق يا سيدي 01:18 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون