|
جزء من قصيدة : أأنساكي ـ من أشعاري ـ
أأنساكي ............؟ بعدما أدمنت هواكي بعدما أرعشتي جسدي من حلاكي بعدما تقطرتُ دموعا في عينيكي و راحت جذوري تنمو من خلاياكي أأنساكي ............؟ كيف ينسى الليل صوت الصمت ؟ كيف ينسى الأسير مر الكبت ؟ كيف تنسى الشمس إطلالتها كل فجر ؟ كيف ينسى القمر شكل البدر ؟ كيف أنسى شكلكي الملاكي ؟ أأنساكي .............؟ ماذا إن جف الدمع من عيوني البواكي ؟ من يروي ظمأ نيران تأيد في الوجنات ِ ؟ من ينقذ فؤادا ً يختنق عشقا ً لو في لحظة أنساكي من يقنع رموشي بالرقص فرحا ً بعدما ذابت سهرا لترعاكي دخان التبغ يملأ غرفتي غيما ً أتراه يطير فرحا ً ؟ أتراه يمطر ضحكا ً ؟ أم تراه يستغيث حماكي ؟ أمير النسيان مر بي مرور الكرام ما التفت إلي ولادعاني لمجلسه فهل دعاكي ... ؟ أأنساكي ........ يا ملاكي ؟ وقد عشت أحلى أيامي في رباكي في رباكي جنات خلد إله الكون تحاكي خاطبها أن اطمئني قد فرشت عرشي في علاكي في رباكي أشجار تزهر أحلامي وتثمر ذكرياتي و بحار سحر تغمركي جنونا ً و تنساكي و عصفور جريح اجتاح خلسة سماكي يغني فرحا ينتشي عشقا ً لولاكي ما كان لينتشي عشقا ً و فرحا ً لولاكي :sosweet: :clap: :sosweet: :clap: :sosweet: |
اقتباس:
يعني لو سمحتوا قولو رأيكم |
شو كأنو القصيدة ما عجبتكم
وين الردود ..... ؟ |
شوف القصيدة ناعمة بس
مو معروف هل هي فصحى ولا عامية؟ بعدين وين الصور شفت شعر بلا صور اعذرني لصراحتي في الرد لانه من واجبك علي قول ما اراه صحيحا ملاحظة: هل يوجد حماية في المنتدى لهذه الانتاجات الادبية من السرقة؟ |
أول الشي شكرا إلك شريك ـ مش هيك بيكون الحكي ـ
هلأ إجينا للجد : القصيدة فصحى و ما فيها ولا كلمة عامية ولا شو ؟ وهي بسيطة و رقيقة و مفهومة لمعظم الطبقات الثقافية < أسلوب نزار قباني بلا تشابيه > و بالنسبة للصور الحق معك بس اعذرني لإني جديد بالملتقى ولسا بدي فت خبز كتير و مرة تانية شكرا إلك على رأيك و صراحتك ويا ريت على طول تشاركني رأيك ......... |
[ما تزعل بس لقيتها سيئة وسطحية
يعني متل الشعر اللي بتلاقيه مكتوب على طاولات كافتيريا الجامعة أو ع حيطان مدرسة الصناعة عفواً بس الصراحة حلوة |
شكلك انزعجت...
قلّك شغلة؟؟ انا بكتب من أكتر من خمس سنين وما تحسّنت لحتّى سمعت حكي العالم الناقد ونسيت المدح لحتّى تكتب شعر لازم عالأقل تحترم اللف االي عم تكتب فيها... يعني أأنساكي هواكي حلاكي عينيكي خلاياكي.. كلها كلمات مو موجودة باللغة العربية أنساكِ هواكِ حلاكِ عينيكِ... إلخ... الشعر مو حكي حلو.. مو حكي موزون... هو حكي عاطفي ممكن يكون حلو ممكن يكون موزون... بس مو ضروري |
| الساعة بإيدك هلق يا سيدي 14:39 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون