|
اقتباس:
وتذكر انو الدول الاوربيه اغلبيتها ماشيه على مبدئ فصل الدين عن الدوله .... وشوف هني وين صارو ونحنا اللي مشينا على الدين وين صرنا .... ولعو الفتن فينا سواء سنه وشيعه ..... مسيحيه ودروز .... ليش برأيك لأنو نحنا ما بنصدق على الله شي نلتهي فيه ونضيع وقتنا فيه .... طول نهارنا صرنا قاطعو واتركو تحذير وماني عارف شو .... دعونا نجمع مليون محب للرسول ..... الـخ على العلم انو اغلبية الناس اللي عم تعمل هالشي الها اهداف ابعد من افكارنا بكثير كثير ... فهمت علي شريك .... يعني هني مافي شي بيهمن ... وحتى لو غلطت عاللي بيحبوه ما بيهمن ..... ولو نحن نعمل هيك ونتركن بيموتو لحالن من القهر .... طبعا لا تفهمني غلط اني ما بغار على ديني مثلا .... لا بالعكس بس بمشي على مبدأ الكلب اللي بينبح عالفاضي اخرتو يموت طقيق ... :o تحياتي الك ولردك الموزون :D |
اقتباس:
علما ان اوروبا خرجت ربما من دوامة الاديان بعض الشئ الا انا دخلت بموضوع اخر خطير ايضا وهو العنصرية وعنصرية العرق... والظاهر لا يعكس الباطن دائما حتى بالنسبة للاديان والحريات في اوروبا عموما هي قصة تانية:D |
اقتباس:
من وجهة نظري الشخصيه ان كانت العنصريه خلقت لشعب فانا اجزم بأنها خلقت للعرب .... وان كانت اوروبا تسعى وراء العنصريه العرقيه .... فنحن نسعى وراء العنصريه الدينيه ..... وحتى العرقيه موجوده عنا بكثره .... وما راح اذكر وين ومين .... لأنو الكل فاهم قصدي .... وبذكرك في دول كثير بعدت الدين عن الدوله وقدرت تحل مشاكلها وفي دول خلت الدين اساس في الحكم وظلمت الاف الناس .... تحياتي :D |
صحيح... لكن بشكل عام العنصرية التى اتكلم عنها هي بعيدة عن الدين
هي ليست بعنصرية الدين انما عنصرية العرق عندي تعليق صغير عن الدين والدولة في اوروبا كلام سليم في دول كتير ابعدت السياسة وشؤون الدولة عن الدين لكن هذا جزء من الظاهر حتى ما اتوسع بالموضوع لان كبير وبشتت.. السياسات الاوروبية كلها مسيطرة و تحت الكونترول من قبل اجهزة وسياسات امنية اخرى ايضا تمد الى الدين بصلة ... من شان هيك انا طرحت فكرة الكوكب الاخر عوضا عن اوروبا فاذا الديمقراطية ليست كاملة وفي بعض الاحيان تسمى الديمقراطية الكاذبة عموما هذا موضوع اخر وبعيد قليلا عن دائرة الالحاد |
اقتباس:
وهذا موضوع اخر بعيد عن الالحاد انت اللي فتحتو .... ;) بعدين انا بأعتقادي تكون الديموقراطيه موجوده وكذابه .... احسن من انو تكون مو موجوده من اصلو :frown: ومتل ما حكيت انت انو الدول الاوربيه حتى لو ماكانت ماشيه على الدين في غطاء ديني ماشيه وراه .... طيب انت احكيلي وينو هالغطاء .... او بالاصح اذا الغطاء هذا موجود ظلم طائفه معينه على حساب اخرى ؟؟؟ وها الغطاء هل هوي متشدد وهل بياخذ الحكي من الكتب او ناس بتدقق بالحكي وبتشتغل فيه لحد ما توصلو للناس بأحسن صوره .... على عكس عنا هذا ممنوع طيب ليش ؟؟؟ لانو حرام ؟؟؟ طيب انا ماني مسلم شو الك عندي :sick: .... فهمت شلون بتدور الحكايه شريك .... ;) :D |
طبعا عزيزي, انا ردي ما كان تعليك على ردك انما توضيح وابداء رأي لا اكثر
انا لم اقارن الدول الاوروبية بالدول الشرقية وغيرها انما اتكلم عن فكرة الدين و الديمرقاطية في اوروبا انها مع كل شئ ليست كاملة.. هذه عن حكم تجربة ولذلك لم اطرح مثال الدول الاوروبية بدلا من الكوكب:lol: الموساد هو اكبر غطاء مسيطر وله تفتح كل الابواب مهما كانت ضد الديمقراطية والحريات ... الموضوع كبير وبشتت عموما عفوا اذا فهمت من كلامي انك انت السبب بالتفرع الى موضوع اخر,, لا الحوار والنقاش هو الذي اوصلنا وهذا شئ جميل بس ما بدنا نشت عن الموضوع الاساسي شكرا لتفاعلك مرة اخرى عزيزي The stranger:D |
لا شريك بالعكس تماما هوي حديث بيجر حديث وبعمري ما شفت موضوع انتهى عند نقطه معينه .... والموضوع كثير شائك بصراحه وانا تحت منظور سياسي فيك تحكي ما بفهم كثير .... :lol:
بس اللي بدي وصلك ياه انو الدين بعمرو ما كان مسبب انما هوي سبب :D |
ولا يهمك فهمت عليك:lol:
وبدون مبالغة فهمت موقفك تماما وطريقة تفكيرك واسبابه بالنسبة للدين:deal: ;) |
اقتباس:
يعني يلي بيقرر هشي هو قدرات ومؤهلات الشخص... وفينا نقول انو ذكائة بيلعب دور كبير بنجاحة او وصولة للمراتب يلي بدو ياها... وما بظن انو الملحد مثلا انسان منقوص او المتدين احسن منو بس لانو متدين... ما حدا احسن من حدا... يلي بيقرر هشي وبيعمل مجتمع فاضل برأيي مش مدى التدين او عدمو وانما الاعمال والمبادئ يلي بتسيّر هلانسان... بس في ملاحظة بالنسبة للتعصب بالتدين... انا بشوف انو بيضر المجتمع ككل... لانو كلشي بتطرف مو منيح لحدا... التطرف والتعصب بيعمو لعيون عن كتير اشيا... حلو الواحد يشوف الدنيا باكثر من منظار ليقدر يوزن الاشيا مزبوط وليقدر ياخد قرارات صحيحة وسليمة... وبالنسبة للالحاد والمجتمع انا ما بشوف انو من غير دين لايمكن بناء مجتمع فاضل... بالعكس مالو علاقة ابدا... متل ما ذكرت المهم المبادئ يلي منغرسها ومنبعثها بنفوس شبابنا... هيي يلي بتقرر مسار هشباب بالمستقبل وبتصمم مجرى حياتهن وبالتالي بتأثر عليهن وعلى بيئتهن... |
اقتباس:
والدين يلعب دور كبير في تنمية الفرد بالطريقة الي المجتمع يصيغ الدين بها المبادئ اهم شي كلام سليم اذا خلاصة افكارك ان الحياة يمكن ان تكون من غير اي دين اذا ما اخطأت بالاستنتاج شكرا لمرورك وتفاعلك مع الموضوع |
في مقولة لفراس السواح قريتها مرة بتقول انو" الانسان خلق الدين اولا ثم خلق الله"
يعني الانسان اوجد الدين على الارض ليحل قصة الموت اللي مشكل منذ بدء البشرية سؤال ليس له جواب ثم انو كان الانسان بحاجة لقانون ينظم الحياه ولمجموعة روادع ونظم اخلاقية تجلت بالدين بعدين اوجدو الله كمنظّر لهذه القيم ومصدر اساسي يرسل كتبا سماوية تنظم حياتنا الانسان القوي صاحب المنظومة الاخلاقية التمسكة ليس بحاجة الى دين يحدد له الصح والخطأ وهو يمارس حياته بعيدا عن خوف من عقاب لذا يفعل الخير لاجل الير لاطمعا بالجنة ويبتعد عن الشر لانه يريد لا خوفا من النار وهذا اجمل ما في الوجود ولو كان الله موجودا فلن يدخل هذا الملحد جهنم فقط لانه لم يؤمن به..." الله اكبر من هيك موو" |
اول ما قرأت موضوعك خطر ببالي سؤال شو علاقة الملحد بكل اللي كتبتو وشو فكرة هالموضوع ؟
الدين بعمرو ما بيعني انو هالانسان رح ينجح او يفشل او يكون عيلة.. بالعكس تماما كتير من الملحدين عندهم رقي فكري وبيآمنوا بالحرية والمساواة وانو كل واحد حر شو ما بدو يفكر ويآمن وهاد اساس منيح لعيلة اقرب الى المثالية ! هاد اللي بقدر اقولو |
ليش حتى نسأل أو نحكي...خلونا بس نشوف..كتير علماء كانو ملحدين..وكانو هنن سبب تطور الحضارة...ومو بس هيك حتى كان التدين المتعصب حاجز في وجه العلم....يعني الإلحاد أفضل...
ومن الناحية الاجتماعية..وعلى صعيد التعامل...بسكل طبيعي الأخلاق هيي اللي بتحكمنا ومو خوفنا من رب بدو يهلكنا |
اقتباس:
الانسان لا يحتاج الى دين يوجهه الى الطريق الصحيح اذن يمكن للحياة ان تكون من غير اي دين شكرا على المرور |
ليش شو ناقصو الملحد مثلا ً ناقصو مخ أو عقل , ما فهمت ! :shock:
|
اقتباس:
حرية الفرد في تحديد حياته دينه او الحاده انا احترم كل من يؤمن بديانة او بالله بالتالي يجب ان يحترموا هم ايضا ماهية الحادي هذه هي الديمقراطية, ليس فقط ديمقراطية الدولة بل ديمقراطية المجتمع ايضا وهي الاهم من وجهة نظري وطبعا ليس الالحاد من يقيم الفرد |
اقتباس:
اما ان سألت ربما على سبيل المثال امام الجامع او القسيس او ربما جارك اظنك تكون ناقص بوجهة نظرهم |
اقتباس:
كتير حبيت الل كتبتو يسلمو على كلٍ |
| الساعة بإيدك هلق يا سيدي 02:33 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون