الحرب الأهلية الأخوية
 

8)

مرحبا يا أوادم

أول شي بتمنى من المشرفين أنو ما ينقلو هاد الموضوع ع الصالون أو ع الطاير ع الطاير ....الموضوع بجوز يكون لعبة ...بس اذا وجهنا بالاتجاه الصحيح ...رح يكون مكانو المنبر الحر


الفكرة ببساطة هي افتراض أنو أعضاء اخوية وصلو لمرحلة حساسة ..و يعني صارو على شفير الهاوية ...و ما بقي قدامنا غير أنو نفوت بحرب أهلية لكسر هالتوازن الحرج و خلق توازن جديد للقوى ( الأخوية )

و المطلوب ...و بجدية ....يعني بمنتهى الجدية .....أنت كعضو بالمنتدى ....كيف رح تتعايش مع الحرب الأهلية داخل المنتدى ؟

مع مين رح تتحالف و ليش ؟

هل رح تخوض الحرب بطريقة شريفة ...أو ممكن أنك تعمل أي شي...شو ما كان لتربح الحرب ؟

هل أنت مستعد أنك تستشهد الكترونيا في سبيل قضيتك الأخوية ؟؟

شو رح يكون شعورك اذا كلفت باغتيال احد اكتر الاشخاص القريبين منك بالمنتدى و اللي طلع للأسف بالمعسكر التاني اثناء هالحرب ؟؟

طبعاً الأسئلة مفتوحة ....ع قد مساحة الخيال

خلونا نشوف كيف ممكن كل واحد يعيش الحرب الأهلية الأخوية

رح بلش أنا بالرد

احتمال كبير اني ما اتحالف مع حدا .....أنا بطبيعتي ما بحب التحزب....و الحالة الوحيدة اللي ممكن اني اتحزب فيها هي أني كون انا زعيم الحزب .... بعتقد أنو بحالة حرب أهلية أخوية ...رح خوض الحرب مستقلاً :lol:



مع احترامي الك يا حشت نشت ...سؤالك غبي :?

مافي شي اسمو حرب شريفة ...كيف يعني حرب و شريفة !!!!
اذا كان المطلوب اني اربح الحرب...طبعا رح اعمل اي شي ....شو ما كان لحتى اربح الحرب ...اما شريفة و لطيفة و سعاد و فاتن و نجاح ...ما بينفعوك منوب منوب منوب وقت بكون القصف شغال فوق راسك ....8)


لاء .....لا الكترونيا و لا غير الكترونيا .....يعني أنا ما رح ارمي حالي باتجاه الموت ....لأنو اذا بدي ضحي بحالي في سبيل قضيتي ...شو رح يضل لقضيتي معنى ؟؟

طبعا ...بنفس الوقت الموت ..و بهالحالة اسمو الشهادة ما رح يكون رادع الي بالحرب ..بس يعني اذا استشهدت ...اتأكدو تماما أني ما رح كون مبسوط و أنا شهيد .....حتى لو سمي ع اسمي عشر مدارس ثانوية و حطو فيهن احلا صبايا :sosweet:


العمى ...هي حقيرة

أنو شو رح يكون شعوري؟؟؟ شعور تافه ....رح حاول أنو ما يكون عندي شعور ..... رح يكون عندي كذا يوم لازم اشتغل فيهن ع حالي ...غسيل دماغ ذاتي يعني ...لحتى اوصل لقناعة مطلقة أنو هالشخص صحي هو كان من زمان اقرب انسان الي ..بس هو تغير كتير ...و صار ندل و حقير و جبان و كافر :lol: و أنو اذا هالشخص ما قتلتو ...هو أكيد رح يقتلني .......و هيك بكون قدرت نفذ العملية و ضميري مرتاح ....و بنفس الوقت بكون انا مقتنع تماما أنو الشخص اللي انا قتلتو هو تماما غير الشخص اللي كان عزيز عليي ;-)


و الله ظريفة الحرب الأهلية .....شي تسالي يعني .... عم فكر أنو هيك اذا صار شي حرب أهلية ...رح كثف اتصالاتي مع شي سعودي رافع راسو .....و خلي يسحب شي كم واحد من موديلو ..مشان يجو يفجرو حالن بالاقسام المعادية ......و طبعا بكون وعدتن انو بس يموتو رح ينكتبلن عمر جديد بمنتدى المشرفين ..و انو لكل واحد رح يطلعلو ليلى و سورية مشتاقة و وايت روز :lol: :lol: :lol: :lol:

أنا رح أتحالف مع أعضاء الموقع القدماء الي بلشو مع الموقع من أولتو والي كان الموقع على دورون احلى شي
ليش لأنو الموقع بالأصل أسمو أخوية وكان بهداك الوقت وعدور هدوليك الأعضاء عنجد أخوية والكل بيعرف بعض من شان هيك بحس اننون قريبين الي
اي اكيد رح اعمل اي شي الا اني خون حزبي او اني ما اوفي بوعودي وبعدين ما بدي صير مجرم حرب:lol:
:lol: :lol: :lol: مافهمت شو قصدك:lol:
أمممممم صعبة هاي بس اذا قريب كتير ما رح اقبل حتى ولو اغتالوني الكترونياً:lol: :lol:

يا شباب طولو بالكن , اللي بدو ينضم ألنا , بياخد كيس سكر , ربع كيلو رز , كيليين حنطة ,
رغييفين خبز و علبة سيلاني و خمسين ورقة ,
ما حدا ضربكون على أيدكون وقلكن تعو لعنا , لكننا لسا الوحيدين و لكننا المنتصرين دائما و أبداً ,

من الجهات المشاركة بالحرب يا اخي؟؟؟؟؟؟؟؟؟؟؟
حتى نعرف مع مين بدنا نصف

كلنا بدنا نشارك
هي حرب اهلية
ما بيصير يكون في عالم قاعدة على جنب

من جهتي انا بعتبر الحرب اسرار (لا تدع عدوك يعرف بماذا يفكر)
و باعتبار انها حرب اهلية
انتوا كلكم اعدائي

مشان هيك ... ازا بتطلع عيونكم بالطول و بالعرض ما بقلكم على مخططاتي بهالحرب

بعدين ابو نهلا هاد مو عدل ( بعرف انو nothing is fare in love and war)
انت بالمنتدى تبعك عندك قسم كامل لادارة الانقلابات و الازمات
الشباب هون ما عندهم هيك شي
يعني لوجستيا انت ربحان من اولها

بس كمان المشرفين (حزب الخضر) عندهم اقسامهم الخاصة
مشان هيك احسن شي بعملو اني اتحالف معك و معهم سوا:gem:

هجووووووووووم:jakoush: :jakoush: :jakoush:

هههههههههههههههههه يا رجل كاين رئيس شي فررع بالمخابرات بهداك الجيل؟

انا ما بحب الحرب الاهلية
بس شايف حالي مضطر لخوض حرب عرقية
ضد الخليجين
بس مو كلون في استثنائات
:jakoush: :jakoush: :jakoush:

أعلن أنا , نسر السريان , ومن هذا المنبر الكريم , بأنشاء حزب خاص , المسمى "حزب الدفاع عن المنبر الحر لأخوية "
يهدف الى تنظيف المنبر من جميع لأعضاء الذين يسعو لـ تخريب المنبر ,
أعادة الحيوية و الأيام الخوالي للمنبر ,
التعرض لمخربي المنبر بـ كافة الوسائل ,
البقية تأتي
ودمتم سالمين

بس تاتي البقيه ياتي الرد

اللي بدو ينتسب لحزب الدفاع عن أخوي يقوم بأرسال رسالة خاصة لي ,
بعد ما أدرس العضو و مشاركاتو و توجهاتو و مبادؤو , رح يجيه الرد ,
تحياتي
معاً من أجل أخوية أخوية

شو اهداف حزززبك يا رجل ؟

يهدف الى تنظيف المنبر من جميع لأعضاء الذين يسعو لـ تخريب المنبر ,
أعادة الحيوية و الأيام الخوالي للمنبر ,
التعرض لمخربي المنبر بـ كافة الوسائل ,

هجوووووووووووووووووووم اذا هيك
:gem: :gem: :gem:

أول شي بدا ننظم الحزب و نرتب وضعنا ,
بعدين لكل حادث حديث

اوك اوك انا معك .... ان شاء الله كوون مقبووله

ولو أنتي من عضام الرقبة ,
بس بدنا تجاوب أكتر من الأعضاء

هلق بيجووو ولا يهمك هنن بمووتو بشي اسمه حروووب