|
الانتحار
الدافع الاساسي لحتى نئدر ننتج اي شي ونكوّن اصدقاء ونعمل علاقات هو محبتنا للحياة اللي نحنا فيها فوقت يصير هاد الدافع شبه ملغي من حياتنا منصير نفكر انو كيف بدنا نخلص من هالحياة اللي صارت عبئ علينا سبب كتابتي للموضوع هو كلام دكتور كان عم يشرحلنا الحالات االي عم تصل عالمشفى واغلبيتها محاولات للانتحار وبطرق غير مألوفة وبتخلي الواحد يحس اديش هالشخص كان كرهان حياتو لحتى حاول يتخلص منا بهالطريقة الهمجية والمشكلة انو معظم هالاشخاص شباب وينات من عمر 20 -35 والسؤال هو ليش .. ممكن يكون اليأس ...طيب نحنا محكومين بالامل ........ لكن وقت يتحول هالامل لكذبة بتجرح صاحبها بعد طول انتظار بتصير فكرة طلب الموت تتحول بعقولنا لتصير الفكرة الملحة وخاصة انو معظم الاغاني وخاصة الرومانسية منها بتحمس على الفكرة وبتدعي الها وكانو هاد هو الحل النهائي وطبعا الاديان كلها بتحرم هاد الشي وبتعده جريمة بحق المجمتع والشي الملفت للنظر انو جماعة الميتل بعدوا الموت هو المخلّص ..... والشخص ما بيوصل لذروة ايمانو إلا اذا قدم حياتو فدى للفكرة الي هو مآمن فيها مافي حدى منّا الا سمع من رفقاتوا كلمة ايمتى بئى بدي موت واخلص ...... وياريتني موت لارتاح ...... كل هي الكلمات عم تتخزن بالعقل الباطن وعم نصير كلنا نرددها من ودن ما نعرف انو هاد الشي بداية وتخطيط لمحاولة انتحار |
حكيك مظبوط بس في شوية مبالغة بالاخير بس على كل موضوع الانتحار موضوع كبير كتير و هوي كان الشاغل الاهم لعلماء النفس في منتصف القرنين 18 و 19 على كللا الي رجعة لهون
|
اقتباس:
أولا .. موضوع حلو .. بس .. هدي شوي ... أول شي .. مش جماعة الميتال هني اللي بيعدو الموت هوي المخلص .. قصدك عبادين الشياطين .. وهودي طبعا غير جماعة الميتال .. الله يوفقكن في فرق كبير .. ثانيا .. الإنتحار .. ليس غاية .. إنما وسيلة .. والغاية من الإنتحار هو الراحة من هموم الحياة .. ف الغاية تبرر الوسيلة .. وع أساس هالحكي ... بيكون الشخص اللي عم يفكر بالإنتحار معو بحسب تفكيرو 90 % من الحق بالإنتحار .. لأانو بنظرو الحياة ما مستاهلة .. |
غالبا ما نشعر اننا نكرر تجارب سابقة وان التاريخ يعيد نفسه عن طريقنا - نحن- وبشكل ممل جدا ً يشعرنا بالجبرية المقيتة .
ان توغلنا قليلا في هذه الفكرة سنجد الا جدوى من هذا العناء وسنصل الى النتيجة الحتمية "التفكير بالانتحار" وليس شرطا ان ننتحر فمجرد الفكرة تترك لديك شعورا ً اكيدا ً انك لست على قيد الحياة ! |
قولي لها أنْ تهمسَ في أذني وَ تقول : التفكيرُ في المَوت ِ ليـس مِنْ شِّـيم ِ النـُبلاء ,. |
| الساعة بإيدك هلق يا سيدي 18:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون