|
يا ترى ليش بتسخن مواضيع الجنس والله والحكام العرب؟
برأيكن ليش المواضيع الي بتطرح
الجنس (الرجل والمرأة والجسد والاغتصاب والحب والانوثة ....) وكل الي يحرك الكبت أوالله ( وما يتفرع عنه من شد العصب الطائفي والمذهبي والديني...) أو الحكام العرب ( من القطرية الى التخاذل الى السجون الى .....) ليش بتصير صفحة الموضوع فورا صفرا ويمكن عم تصير حمرا من كثر ما بيسخن. وبعض الاعضاء ( من رتبة مستشارين ومتقاعدين .....) محترفون بإشعال هذه المواضيع ونشهدلن بذلك. بقا ليش؟؟؟ |
خلص هلق بحكي مع كل الاعضاء
يروحو على قسم المسابقات مشان يتعلمو العد من جديد |
اقتباس:
طيب الي بيعرف يعد للعشرة على أصابعه وين بدو يروح؟ |
اقتباس:
3 3 3 3 يااااااا رب يا رب انا آخد الخمسة .. بدي جيب شحاطة عالعيد |
اقتباس:
او يلي معقول نحكي فيها .. عن الموبايلات مثلا ؟ سيارات ؟ حب ؟ الأكل ؟ ما عم يخطر ببالي شي . انت شو رئيك |
انا مع مواضيع الجنس و مواضيع الله
لانو في نقاط تقاطع كتير خصوصا انو الاتنين بينعبدوا و بيصير عندك ادمان رهيب حاليا جرب تحكي انت عن شي موضوع تاني لربما بتنفتح قريحتك ع الحكي و المشاركات وبتصير جنرال مو بس مستشار و بس اسمع مني و تحية لسارية السواس :larg: |
اقتباس:
في كتير شغلات ال body building الصَلع ... ما هو الحل ؟؟ تعلم الصينية بدون معلم في خمسة ايام يا معلم الامام المجدد طلال الداعور فوائد المليسة |
عزيزي سمعان انت شي بالثلاثة المحرمين بالمجتمع ( يعني يلي ممنوع تحكي فيهن انت و غيرك ) يلي هنن :
الجنس الدين السياسة و حسب المقولة الشهيرة : ( كل ممنوع مرغوب ) لذلك بتلاقي هالنوع من المواضيع بيشد الاعضاء تشاو |
اقتباس:
ونعم الشراكة والله. انا سؤالي جدي ويبحث عن طبيعة الدوافع عند الاعضاء المتفاعلين مع المواضيع المذكورة وما عم اعترض على نوع المواضيع بالعكس مواضيع جادة وحساسة وتهم الجميع بس بعتقد المنتدى أوسع من هيك وأنت بتعرف اقسامه منيح والردود أخذت طابع المناكفة والمناقرة من أولها اكثر من طابع تقديم رأي يمكن ما كنت لازم أخصص( أعضاء من رتبة مستشارين ومتقاعدين)؟ بس ما جاوبتني ليش تسخن المواضيع؟؟؟؟؟ |
[quote=ويحد سوري;1196042]انا مع مواضيع الجنس و مواضيع الله
انا لم ادعو الى عدم الكتابة عن هذه الموضوعات وأنا مع مناقشتها ايضا. سؤالي كان واضح ليش نهتم جميعا وكثيرا وتسقطبنا بقوة؟ |
اقتباس:
و لأنو يمكن هل مواضيع .. كل واحد فينا ألو رأيو .. و الكل حابب يعطو رأيو .. و الأغلب حابب يفرض رأيو |
اقتباس:
منّي وجر .. ولا قلك .. بس عم بحكي عنّي .. وحياة اللي ما بينحلف فيه .. الا صح ماننا فرحانين كتير بالشي المكتوب تحت اسامينا .. يعني ليك .. قلك شغلة؟ فتاح موضوع .. وتم عم تكتب فيه رد كل دقيقة .. بتصير زعيم ومستشار ومدير .. حبيبي .. تاخد اللي تحت اسمي ؟ وتحل عن ربنا ؟ |
[quote=boy freind;1196049]عزيزي سمعان انت شي بالثلاثة المحرمين بالمجتمع ( يعني يلي ممنوع تحكي فيهن انت و غيرك ) يلي هنن :
الجنس الدين السياسة سمعان عن الثالوث المقدس أو المحرم( الجنس والدين والسياسة) شكرا لانك جاوبتني بكثافة. وفي حوار بين واحد عربي وآخر أوروبي في رواية " لصنع الله ابراهيم " قال سعيد مخاطبا الاوروبي: انتم تشربون الخمر كي تفرحوا وترقصوا وتحلقوا بالخيال أما نحن نشرب : كي ننسى القيظ والنساء والسجان . |
اقتباس:
اخي رضوان انت ليش كتير مهتم بهالناحية اخي هالمواضيع عم تسخن هيك و بأكدلك انو المستشارين هنن متل اي عضو تاني و حياتك كلّو القاب |
اقتباس:
انت من جماعة حطو عالجرح بيطيب نهفة من نهفات الزمن.:deal: |
اشباب حكولك ليش
هاد الطوطم المقدس اللي اسمو جسد رح يضلوا العالم يحكوا فيو طالما ممنوع الحكي فيو |
لانو هي المواضيع بالمجتمع تعتبر محرمات ما بيصير الحكي فيها
وبالنسبة لكتار هيدا شي ( مقدس ) حتى التفكير بتحليلو و نقدو اجرام واهانة لمعتقدات الغير برايي .. هي المواضيع هيي عقدنا ....... ويبدو لسا ما اتعودنا نحكي بحقيقة عنها |
اقتباس:
بس ما جاوبتني ليش مواضيع الجنس والله والحكام العرب بيسخن فورا؟ هلق سألنا سؤال جدي صار لازم حل عن ربك يعني مو ملاحظ هالرد قاسي شوية؟ |
| الساعة بإيدك هلق يا سيدي 14:46 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون