مرحبا بك في معتقلآت أخوية، شرّفت .. نوّرت .. بيتك و مطرحك ..
 

معتقل أخوية الإصلاحي (السجن)، مكان مخصص للأعضاء المشاغبين او للدقة اكثر الخارجين عن القانون، وهون الخارجين عن القانون (قانون اخوية طبعا)، قد يكونو اناس مشاغبين ، قد يكونوا اناس لا يتوافقون وقوانين اخوية، (اي كانت الأسباب ، مكانهم بالنسبة لأخوية هنا)،
كمثال ممكن في شخص بالنسبة ليه اهانة عقيدة الآخر أمر طبيعي، بالنسبة لأخوية هو امر غير طبيعي، بمعنى المخالف لقوانين اخوية، و هيك رح ياخد مخالفات تأهلو لدخول سجن اخوية، هلق ما بعد ذلك ، اذا العضو قرر يتراجع عن سلوكو الغير متلائم مع آخوية

(وهون بحب نوه انو ما عم بستخدم مصطلحات متل سلوك أعوج او شاذ، عم ركز على انو سلوكو غير متوافق مع اخوية، قد يكون سلوكو ممتاز جدا ، و الشخص متل الوردة، بس احنا بأخوية وفق قوانين اخوية منشتغل ، بالتالي اكدت على انو سلوكو لا يتوافق و اخوية .. دون استخدام اي اصطلاحات اخرى، لكون عم أشير هون مجددا انو احنا لسنا بالمكانة الي بتخولنا للحكم على ايتها شخص، لهيك منتعامل مع معطيات الشخص، وليس الشخص، مع مشاركات الشخص، مع مواضيع الشخص، مع افعال وردات فعل الشخص ضمن اخوية ووفق قوانين اخوية الخاصة فقط)

اما معتقلوا اخوية ، فهني بالمعتقل بحسب و بقدر المخالفة/ات الي اخدوها ، ممكن يوم ممكن 3 ممكن اسبوع .. (حاليا مافي احكام في الإعتقال تتجاوز ال 10 ايام كإعتقال، الأفعال الي بتستوجب اكثر من 10 ايام اعتقال ، غالبا بيكون اخد العضو حكم بالنفي (اي لخارج اخوية) .. )

الأعضاء و غير المسجونين ، عندهم القدرة على زيارة المسجونين (يجيبولون غراض، حلاوي، كعك ، بسكويت املح .. فلافل.. ) وهيك .. بمعنى آخر بيقدر يرد على مواضيع المسجون بس ما بيقدر يفتح موضوع جديد ..
اما المسجون بيقدر يفتح موضوع جديد بالسجن كما بيقدر يحط ردود (يشوف الزوار وهيك ..)

طبعا و كأي سجن بيقدر العضو يطلع من سجن اخوية بكفالة ، (ممكن بكفالة وظيفتو، بكفالة شخص آخر من اخوية قادر من حيث قادر على كفالته ) او بكفالة ماديّة ، (كذا من الودّات و فق نظام داون تاون اخوية )



وهلق رح بترككم مع شوية صور قديمة كان أخدها احد السجناء سابقا (كان مسموح لإنو ادخال الكميرات عادي يعني .. بعدين منعناها لانو صار يصورو شغلات بستحي قولها .. لك اي بعدين لأنو صار يصورو الطباخين و الطباخات ..:lol:)