|
اليوفي العظيم
كشر فريق يوفنتوس عن أنيابه كمرشح قوي للفوز بلقب الدوري الإيطالي لكرة القدم بتغلبه على ضيفه ليفورنو 5/1 مساء أمس السبت في المرحلة الأولى من الموسم الجديد من المسابقة .
وتصدر يوفنتوس الصاعد حديثا لدوري الدرجة الأولى جدول الدوري:gem: برصيد ثلاث نقاط ليوجه تهديدا قويا للفرق الإيطالية بأنه ليس بالخصم الهين. وأحرز المهاجم الفرنسي ديفيد تريزيجيه ثلاثة أهداف (هاتريك) ليوفنتوس في الدقائق 28 و85 و89 بينما سجل المهاجم الإيطالي فينتشينزو ياكوينتا الهدفين الآخرين للفريق في الدقيقتين 70 و83 وجاء ثانيهما من ضربة جزاء. وجاء الهدف الوحيد لليفورنو في الثواني الأخيرة من المباراة وسجله ماسيمو لوفيسو. وكان يوفنتوس قد عوقب بالهبوط لدوري الدرجة الثانية في الموسم الماضي مع تجريده من لقب الدوري في الموسمين السابقين لتورطه في فضيحة التلاعب بنتائج المباريات الإيطالية الشهيرة. وسنحت الفرصة الأولى لتريزيجيه في الدقيقة 13 إثر تمريره من قائد فريقه أليساندرو ديل بييرو ولكنها خرجت بجوار مارك اميليا حارس مرمى تورينو. وفي الدقيقة 28 افتتح الفرنسي الدولي تريزيجيه التسجيل ليوفنتوس من تمريره جديدة لديل بييرو. وتصدى اميليا لتسديدة خطرة من تريزيجيه ثم أفسد هجمة أخرى لجورجيو كيليني مدافع يوفنتوس قبل أن ينقذ هدفا مؤكدا في الدقيقة 39 من ضربة حرة مباشرة سددها ديل بييرو. وكاد فاوستو روسيني أن يدرك التعادل لليفورنو في الدقيقة 69 ولكن تسديدته ضلت طريقها للمرمى. وفي الدقيقة 70 نجح ياكوينتا في إحراز الهدف الثاني ليوفنتوس مستغلا تمريره لزميله أليساندرو جراندوني. وأضاف ياكوينتا الهدف الثاني له والثالث لفريقه في الدقيقة 84 من تسديدة قوية إثر تمريره لزميله بافل نيديفيد وبعد الهدف بدقيقة واحدة عزز تريزيجيه من فوز فريقه محرزا الهدف الرابع ليوفنتوس والثاني له بمساعدة زميله انطونيو نوسيرينو ثم اختتم الفرنسي الدولي سلسلة أهداف فريقه في الدقيقة 89 محرزا الهدف الخامس ليوفنتوس :sosweet:قبل أن يسجل لوفيسو هدف ليفورنو الوحيد في الدقيقة الأخيرة من المباراة التي انتهت بفوز يوفنتوس 5/1 . موقع كووورة. :yahoo::yahoo::yahoo::yahoo::yahoo: :clap::clap::clap::clap::clap::clap::clap::clap: :gem::gem::gem::gem::gem::gem::gem: |
اي مبروك لليوفي
الحمد لله صار بالدرجة الاولى وبالتوفيق بالدوري الإيطالي بس ترى في فرق منافسة قوية كميلان والأنتر وروما..... :clap::clap::clap::clap::clap::clap::clap::clap::c lap::clap::clap::clap::clap::clap::clap::clap::cla p::clap::clap::clap: |
وعاد الأسد الى الغابة ...
لا بد في الكورة الايطالية اليوفي مشان ما تتكرر روتينية الموسم الفارط |
مبروك صدارة الدوري من المرحلة الأولى لليوفي العظيم :yahoo:
|
GREAT JUVI
Juvi will win serie A + Champions league this season:clap::clap::clap: |
خخخخخخخخخخخ شليفة ميلانو وبس بايطاليا
|
الدوري للرومانيستا لو بتضلو تحكو ميت سنة
يوفنتوس كم مرحلة وبيفرط |
مبروك الفوز التاني عالتوالي لليوفي العظيم هالمرة على حساب كالياري بأرضه :yahoo::yahoo:
الشي الحلو إنو الشباب فاتوا بجو السيريا A فوراً و بسلاسة :adal::gem: |
اقتباس:
|
نسينا نقول إنو النتيجة كانت / 2 - 3 / و إنو تريغول حط هدفو الرابع بالدوري معتلياً و بقوة صدارة الهدافين :adal:
و انشالله تضل الهمة هيك لأبطال إيطاليا المغيبين ظلماً السنة الماضية :pos: |
ونسينا نخبرك انو الظاهر عادت حليمة لعادتا القديمة
:o "90" |
اقتباس:
ولا نسيت يا حبوب ;) بس لظروف قاهرة راحت للموسم الجاي |
اقتباس:
ههههههههه روق روق ... ما حكينا شي... لساتنا بال 90 وعصبت عادي عادي... سلم على موجي بس ... وقلو تيك كير:lol: :D |
اليوفي العظيم إلى المركز الثاني
تألق البطل المغيب اليوم و سحق ضيفه باليرمو بخماسية نظيفة بقيادة الإمبراطور دل بييرو أفضل لاعب في تاريخ كرة القدم المعاصر:gem:
مع العلم أن الإمبراطور شارك كبديل في الدقيقة /70/ لكن هذه الدقائق كانت كافية ليسجل مرتين من ضربتين ثابتتين و يصنع هدفاً ثالثاً من تمريرة عرضية رائعة الهدف الأول كان لتريزيغيه الذي عزز صدارته ترتيب الهدافين ب /11/ هدف أما الإمبراطور فسجل هدفه الأول من حرة مباشرة لعبها ملتفة و بمحاذاة القائم الأيسر تماماً مما جعل الحارس يراقبها بحسرة .. و هذا الهدف ماركة مسجلة لعمالقة الكرة فقط , و الهدف الثاني من ضربة جزاء بعد عرقلة السهم الأشقر ندفيد و ليرفع الإمبراطور رصيد أهدافه إلى /5/ من شاهد مباراة اليوم لا بد وأنه استعاد ذكريات الأمجاد التي صنعها هذا الثلاثي لليوفي "تريغول و دل بييرو و ندفيد" |
تعادل صعب جداً لليوفي العظيم خارج القواعد
مباراة كانت صعبة كتير عاليوفي مع كاتانيا , الفريق العنيد اللي عندو دفاع جهنمي على أرضو (دخل عليه 4 أهداف بأرضو و 15 خارج أرضو)
و زاد من صعوبة المباراة وجود خلل واضح بتنسيق الهجمات بين الوسط و الهجوم , بصراحة الوسط كان ضايع أما كاتانيا فكان عم يافع بكل اللاعبين لما يهجم اليوفي بالملخص ... هجمة واحدة و وحيدة لكاتانيا و من تسلل واضح جداً بيسجل "إسبينيزي" هدف حلو كتير اكتفى الأخطبوط بوفون بمراقبة الطابة و هيي رايحة عن يمينو "يمكن لأنو توقع الحكم يرفع الراية" المهم ... متل العادة كان اليوفي متجه للخسارة التالتة هالموسم و بخطأ تحكيمي مجدداً ومع إنو هدف كاتانيا كان بالدقيقة /15/ بس نقص التركيز أدى لفشل كل المحاولات ... و مين غير الإمبراطور:ss: دل بييرو :ss:بيحل هيك مشكلة :sosweet: ؟؟؟ أكيد ما حدا (خصوصاً إنو صنع كتير فرص لندفيد و تريزيغيه بس الشباب كانوا محششين) دخل الإمبراطور بالدقيقة /90/ لمنطقة الجزاء و راوغ /4/ لاعبين و خلا واحد يضطر يعرقلو لأنو كان رح ينفرد و بيحسب الحكم ضربة جزاء بيتوجهلا دل بييرو و بثقة الأبطال بيسجل هدف التعادل و هدفو التامن هالموسم لتنتهي المباراة بالتعادل اللي بطعم الخسارة لليوفي. |
بصراحة ...كان اليوفي اليوم عاجز تماماً
و لولا أنو الحظ ابتسملو بضربة جزاء ........ كان مستحيل يتعادل |
هلأ اليوفي كان عاجز ... صح
المنافس أقل مستوى ... صح نحنا استلمنا المباراة من الباب للمحراب و ما قدرنا نخترق الدفاع ... كمان صح بس يا زلمة أنو حظ اللي ابتســـــــــــم هاااااااد :? ؟؟؟؟؟!!!!!!!1 لك نحنا إلنا علاقة بكلشي إلا شغلتين ... الحظ و الحكام على كل حال ليس بالإمكان أفضل مما كان اليوفي حقق معجزة بتصدر المراحل الأولى و من ثم الوصافة و حالياً تواجدو بالمركز التالت المؤهل لدوري الأبطال يا أخي هاد طالع من السيريا B على دوري العمالقة !!! شو قليلة ؟! و مع هالشي فات بالجو تمام و حقق أفضل من المتوقع تحياتي |
اقتباس:
يمكن كان اليوفي مسيطر بالشوط التاني بس بالشوط الأول ما قطع نص ملعبو ....و كانت خطوطو بعيدة عن بعضها و هجومو عقيم تماماً اقتباس:
بقصد بالحظ ... أنو حصلوا على ضربة جزاء ( صحيحة ) بس بدونها ما بظن كانو قدروا يسجلو مبارح اقتباس:
بس بالنسبة للحكام ............ بدك تسمحلي فيها عالهامش : أنا بشجع اليوفي متل ما بشجع اللانتر و الاي سي و روما .. و أنا متعصب للدوري الايطالي جداً بس برأيك اليوفي هالسنة ...... ما عم يعكس اسمو تماماً ( السيدة العجوز ) ..؟؟ أنا برأيي الفريق كلو بدو نفضة قوية ...و بدو روح جديدة |
اليوفي يتعادل على أرضه مع سامبدوريا
أداء هزيل لعب عشوائي انعدام الثقة بالنفس عقم هجومي غباء مخيف للمدرب تبديلات متأخرة تخبيص تحكيمي شوية عوارض هدول أهم عناصر الBlack List لليوفي اليوم للأسف اللي كان لازم يصير إنو الشباب يسجلوا بالشوط الأول مشان ما يركضوا و يلهتوا بالتاني عالفاضي, وهالشي ما صار بسبب رعونة ماركيوني و قلة تركيز دل بييرو و ندفيد و عدم التوفيق لريزيغول و التأخر بإدخال بالادينو , إضافة لاتباك الدفاع اللي كان عم يشتت الطابة (حتى لما ما يكون مضغوط عليه) بدل ما يأسس لهجمة جديدة , و منضيف لهدول الكرة اللي تجاوزت المرمى بس كانت صعبة يبت فيها الحكم إنها غول و بالتالي ما حسبا متل ما امتنع عن احتساب ضربتي جزاء و منيح اللي ما حسبن مشان ما يتعودوا الشباب يفوزوا بهيك طريقة كلها ذل بالنسبة لاسم اليوفي العريق ياللي اليوم حسيت حالي عم شوفو بمباراة ودية لأنو نص الفريق وجوه جديدة؟! المباراة فيها شخص واحد ما أخطأ و كالعادة يستحق التحية و الإحترام و هو الحارس الأخطبوط بوفون .... شي مؤسف مباراة اليوم و خصوصي بعد فوز روما على كاتانيا و صار بعيد عنا ب /5/ نقط و أكيد الإنتر اليوم عندو إمكانية لزيادة الفارق إلى /12/ نقطة لو فاز. بتمنى يكون الإياب أحسن من الذهاب و بالنهاية اليوفي مالو حل غير إقالة المدرب الغبي كلاوديو رانييري ياللي لو فيه خير ما كان تركو تشيلسي :pos:. |
يوفنتوس X إنتر ميلانو (2 -3 )
الحقيقة إنو المباراة كانت حلوة كتير مع إني كتير زعلت عالفرصة اللي سنحت لليوفي إنو يقهر الإنتر اللي ما عرف طعم الخسارة هالموسم أبداً ، خصوصي لما تقدم قبل نهاية الشوط الأول بس ضربة الجزاء اللي "بلا طعمة" ضد البوسني حميدزيتش و إجا من وراها هدف التعادل للإنتر (2-2) حسيتها خففت كتير من حماس اللاعبين بالشوط التاني اللي شهد فرص لا تصدق لليوفي و خصوصاً فرصة ندفيد وهوي بوش الكول و شاطا بالحارس اللي كان متألق بصد تسديدة تريزيغيه الرائعة من على حدود منطقة الجزاء.
بذكر إنو مباراة الذهاب بميلانو انتهت ( 2 - 2 ) و شهدت طرد لاعب إنتراوي و اليوم كمان كان في طرد بس للاعب اليوفي كامورانيزي اللي يمكن ما لحق يلمس الطابة بس لحق إنو يصيب رجلين لاعب الإنتر و من دون كرة ؟؟؟!!! مع إنو إلي فترة مستني يتعافى من الإصابة بلكي بيتحسن أداء اليوفي برجعتو ... بس للأسف تصرفو اليوم كان مخيب بكل معنى الكلمة . شي مفاجئ كان اليوم بعدم دخول تريزيغيه و كامورانيزي لبعد منتصف الشوط التاني ؟؟! و متل ما انحكى باليومين الماضيين إنو الأخطبوط بوفون عم يشكي من آلام ظهرية شديدة ممكن تخليه يغيب عن الكلاسيكو اليوم ... هالشي للأسف صار و لاحظت عالحارس البديل إنو كان كتير متلبك و مكركب و بصراحة بيتحمل شوية مسؤولية اليوم. وحده الكبير بيضل كبير ... الإمبراطور دل بييرو :larg: عمل كلشي اليوم متل العادة ... من التهديف ، لصناعة الهدف ، لصنع الفرص الخطرة ، لأرباك دفاع الخصم .... كلشي ممكن يعملو أسطورة طليانية متل الساحر دل بييرو :ss: أهداف اليوفي: دل بييرو (14) ياكوينتا (31) أهداف الإنتر: بالوتيللي (10) و (53) كروز (39) من ضربة جزاء و هيك بيكون اليوفي ودع مسابقة الكأس وغالباً ودع البطولات لهالموسم باعتبار إنو الدوري كتير بعيد عليه كونه متأخر عن الإنتر المتصدر بفارق 10 نقاط مع بداية مرحلة الإياب. هارد لك لليوفي و مبروك للإنتر :D |
اقتباس:
بس ضربة الجزاء كانت صحيحة 100 % اقتباس:
بس لاعب الانتر انطرد بالدقيقة 8 يعني لعبو كل المباراة ب 10 لاعبين بينما كامورانيزي انطرد بالدقايق الأخيرة من المباراة اقتباس:
مو مجرد اصابة ... كانت ضربة بهدف اذى اللاعب اقتباس:
هدف ديل بييرو كان بالحظ ... يعني لولا ما تصطدم كرتو بحائط الصد و تغير مسارها ..ما كان تسجل الهدف اقتباس:
بحب ضيف كمان أنو الانتر لعب ب 2 لاعبين اساسيين فقط ..و الباقي كلو من الاحتياط بعكس اليوفي |
:lol:والله هالاب سمرا متمحس تمام ..
مبروك سمرة .. وهارد لك فادي |
اقتباس:
 اقتباس:
|
شامم ريحة المباراة النهائية بالملعب الأولومبي هالسنة حتكون بين روما والإنتر كالعادة .. الإنتر رح يفوز على نازيو ولحنا حنفوز على كاتانيا .. بس هالسنة المباراة النهائية حتكون مباراة وحدة بس وبالملعب الأولومبي بروما .. يعني من هلأ للإنتر بحب قول لجماهيرو .. انسو الكأس ويمكن كمان أنسو الدوري :p
|
اقتباس:
كمان أنا حاطط مبروك للإنتر وماني عم سب و إلعن الحظ أو كتير متدايق ... مشان هيك بتمنى ما تخلق حساسية لأنو مافي داعي... خلي روحك رياضية :D و بحب زكرك إنو أحسن لعيبة الإنتر أخدوهن من عنا ( فييرا و زلاتان) ;) و بحب قلك جملة لما فاز الإنتر بالبطولة السنة الماضية وكان اليوفي مغيب قسراً بالدرجة التانية و قريتها يمكن بالرياضية " غاب القط إلعب يا فاااار " :lol: هلأ هاد الواقع ... التاريخ لليوفي و الحاضر يمكن للإنتر أو روما بهالسنتين ... بس المستقبل أكيد أكيييييد لليوفي العظيم :gem: |
اقتباس:
ليش معتبرو نئار ليش ما يكون نقاش رياضر موضوعي ..........و بالنهاية عم نتسلى اقتباس:
لك ما حدا عم يسب ...... اقتباس:
شو دخل اذا كانو عندكون زلاتان كان كان بالأجاكس قبل اليوفي ..و يمكن بكرا يصير بالميلان ....يعني هي أعراف الاحتراف يللي بيدفع بياخد .. اللاعبين بس أنو .... مشتهي الجوفانتوس يشتروا شي لاعب عليه القيمة من كذا سنة متل عادتهون .. بينطروا وين في لاعب خالص عقدو ... بيتعاقدو معو ... مشان ما يدفعوا لأي نادي ....و يمكن أكبر صفقة بآخر عشر سنين ..كانت لما جابو ابراهيموفيتش اقتباس:
اذا عرفنا ليش تغيب قسراً .. رح نعرف ليش كان يا خد بطولات اقتباس:
رح آخد الجانب الايجابي ..... يعني عالأقل بتعترف أنو الحاضر مو لليوفي ... و لا الهون أمل بأي بطولة هالسنة و هي الك :D |
شو شباب....شايف الفريق الختيارة المهرهرة صايرلو حس و يصول و يجول :ghazool:
|
أنا بشوف أنو يوفنتوس رح يرجع ويصير نادي عادي يعني بينافس وبيفوز بالبطولة مرة كل 10 سنين .. بإعتبار انو التحكيم والمنشطات ماعد صار بإمكانهم يخدموا يوفنتوس هالفترة وبالمستقبل كمان .. يعني متل بينفيكا مثلاً يللي عندو بطولات أكتر من يوفنتوس صار نادي عادي بالبرتغال ونادراً ما يفوز بالدوري ..
الإنتر وروما يبدوا انو المنافسة بيناتهم رح تمتد لمدة 5 سنين مقبلين ويمكن الميلان في حال جهز نفسه للموسم القادم يستطيع الدخول في معركة المنافسة على الدوري .. |
يوفنتوس بحسب كل الإحصائيات هوي النادي صاحب الشعبية الأولى بإيطاليا :adal:
هاد الشي ما حدا بيقدر ينكرو و كمان ما بدو منشطات و حكام ومن هالحكي السخيف :lol:.. هاي حجة الفاشلين و اللي بيتابع الكالتشيو و أخبارو أكيد بيعرف هالشي إنو نادي تأسس 1897 و عندو تاريخ عريق و ركعت قدامو كل الفرق على مدى تاريخ الكرة ما بيعيبو إنو إحدى الإدارات اللي مرت عليه تلاعبت بالنتائج متلها متل غيرها من الفرق ... فما بتقدر هالفئة العابرة بتاريخ نادي اليوفي العريق تلغي تاريخ حافل بالبطولات عمرو 110 سنين ;) بعدين يا عمو لو كان هالحكي الخيالي بإنو اليوفي بياخد البطولات الإيطالية بالحكام و مدري شو من هالحكي الطفولي المضحك :lol: ... شو بتفسرلي إنو أخد مرتين دوري أبطال أوروبا و أحد أربع أندية أوروبية "فقط" قدرت تاخد كل البطولات الأوروبية ؟ طبعاً ما في جواب :yahoo: |
هههههههههههههههه
شو النالكم اليوفي ما بيصمد لاخر السنة بتوقع ما يرجعو يطلعو على منصة الدوري بعشر سنين |
اقتباس:
لأنو قبل شوي خلصت مباراة ألميريا مع ريال مدريد و أكيد حضرتك شفت كيف ألميريا سحق ريال مدريد نتيجة و أداء :gem: و كانوا المدريدية متل العجايز العاجزين بكل معنى الكلمة :o مبروك الخسارة المستحقة :yahoo: عالهامش... (باينتك ضعيف بالإملاء:ghazool: :lol:) |
اقتباس:
اي و الله خزقون خزق .. فينا نقول ع المدريدية هلأ بكل صدر رحب " مخزوئين " .. :lol: |
اقتباس:
حلوة هي بكل صدر رحب :lol: |
اليوفي العظيم ........ يتعثر :p روما الفظيع ........... يسقط :p و الانتر يستمر :gem: الكبيــــــــر كبيــــــــــر  |
جوفنتوس X كالياري ( 1 - 1 )
خلصت قبل شوي مباراة اليوفي مع ضيفو كالياري بالتعادل الإيجابي مع العلم أن الفريق الضيف يحتل المركز الأخير بالترتيب بس كان ند قوي لأعظم نادي إيطالي و مو بس هيك تغلب على اليوفي بكتير من مراحل اللقاء من ناحية الأداء و قدر إنو يفتتح التسجيل بالشوط التاني:pos: بس ندفيد سمحلن بالفرحة لشوية ثواني قبل ما يطلق صاروخ أرض أرض بمرمى كالياري:o.
بيلاردي ... الحارس البديل لبوفون كان على مستوى المسؤولية و تصدى لهدفين محققين:adal: محمد سيسوكو ... اللاعب المالي الجديد باليوفي لعب أول مباراة إلو اليوم و الظاهر إنو صفقة رابحة لأنو حامل لافتة ممنوع المرور (بيزكرني بفابيو سانتوس :p) كان الظاهر على لعيبة اليوفي التعب ، يمكن من مباراتن القوية جداً يوم الأربعاء الماضي مع متزعم الكالتشيو حالياً نادي الإنتر !! بشكل عام لسه في تخبط بفريق اليوفي و النتائج الإيجابية عم تكون برأيي نتيجة المهارات الفردية للاعبين متل دل بييرو و ندفيد و تريزيغيه ... أما الأداء الجماعي فلسه بدو شغل كتير و هون مسؤولية المدرب الفاشل رانييري:jakoush: مبدئياً اليوفي محافظ على المركز الرابع و عم يبعد عن الصدارة أكتر و أكتر ... |
اقتباس:
انتو ما بتربحو إلا بضربات جزاء :frown: |
اقتباس:
المهم فزنا :p |
اليـــوفي العظيــــــم انتقم من أودينيـــــــــــــــــــ ــــــــــــزي
بعد معركة حامية الوطيس تمكن رجال اليوفي من حسم الصراع مع أودينيزي و في عقر داره و الحاق الهزيمة بهم و تكبيدهم خسائر فادحة :gem:
- أودينيزي هوي الفريق الوحيد اللي قدر يفوز عاليوفي بأرضو السنة خلال منافسات الكالتشيو ، و أحد فريقين فقط حققوا النصر على بطل إيطاليا المغيب ... - كمان ... في شي مهم لازم نقولو .. إنو أودينيزي سجل مبكراً و عادل كامورانيزي .. بس هدف الفوز سجلوا ياكوينتا اللي انتقل السنة من أودينيزي لليوفي . مبروك للبطل المغيب هذا النصر المؤزر :yahoo: |
اقتباس:
 بس دخلك ......مين يللي غيّبو ...؟؟  |
اقتباس:
|
| الساعة بإيدك هلق يا سيدي 05:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون