|
فهمتوا ليش نحنا شعب متخلف
يعني ياجماعة منظر الاخوية اليوم بيشهي وبعني اذا الاخوية هي المثال الحلو والحلم المثالي الي بنتمنى لسوريا فعلينا وعلى هالوطن السلام
من فترة ماهدت المناحرات بين محامين ربنا بالموقع ...وكل يوم موضوع بينكل فيه كل طرف برب التاني انا على علمي ان المسيح محبة وتسامح وهو الي قال من امن بحجر فقد برئ وبنفس الوقت النبي محمد طلب من الصحابة لالشتمو اصنام قريش لان هيك المشركين راح يسب الرب الاحد والمشكلة ماوقفت عند الاديان بل شملت حتي الاحزاب(راجع موضوع للاخوة الشيوعين) ياجماعة كل واحد خلي يعبد شو مابدو واذا بدوا يناقش بالدين خلي يحترم قبل ان هوه بمناقشت بيمثل الدين الجاي منو ثم نحنا هون كلنا سورين واذا ماكنا سورين فنحنا عرب واذا ماكنا عرب فنحن ناس بنتمي لانسانيتنا بطلب من الادارة لغي كل المشاركات الي هدفها اهانة الذات الالاهية او الفكرية لاي دين او معتقد ومع تطبيق عقوبة الحرمان التام من العضوية في المنتدى وهذا لايعني التوقف عن المناقشة في جميع الامور بما فيها الدين ولكن ضمن ظوابط حقيقية يضمن للاخوية استمرارها في عملية الارتقاء بالانسان والوطن اممي |
اقتباس:
بس لازم تعرف ان بلغت الادارة على اساءاته منذ البارحة ولو انهم حذفوها لما كتبت اي شيء وكل شي كتبه هو فقط بهدف الاستفزاز ولم يقرن كلامه باي ادلة ومراجع ولو فعل لناقشته لهذا رددت ولكن بادلة من انجيله |
زكرتني بقصص قديمة .. هيك صارت من فترة .. بتزكر أكيد لانو اشتراكك بالمنتدى قديم ..
لو ما في الله ودين ومدري شو يتخانقو عليه .. بلاقو شي تاني .. بكرا المشرفين بيلغو المشاركات العاطلة والمواضيع بس فكرك بيقدرو يلغو عقول متل هيك .. عالهامش وبهالمناسبة عجبني الشق التاني من توقيعك .. |
اقتباس:
كل الي بدنيا لالالالالالالالالالالالال ا تستخدمو شتايم عبر عن فكرتك بطريق المناقشة لا الارهاب الفكري وتفتيل العظلات |
انا معك مية بالمية كنت بالاول لما اقرا هيك موضوع احد الاطراف عم يحكي على الدين الاخر انزعج بس بعدين بطلت فوت لان العالم اللي بتكتب هيك مواضيع بتكون متحلفة ومتحجرة وبلا اخلاق حتى بتكون بعيدة عن دينها اللي بتدافع عنو وابعد ما يمكن عن الاسانية لان البشر مش هيك بيتفاهمو
كترت حكي بس الموضوع صاير مزعج كتير بالمنتدى مشكور كتير على الموضوع |
اقتباس:
|
اقتباس:
:lol: .. شر البلية ما يضحك .. وقال بقلك في أمل .. لا ما في أمل ..:pos: استنى شوي هلأ بيقلب الموضوع هون ساحة مناطحة .. :jakoush: |
أخواني.... لن تقوم قائمة لنا نحن العرب طالما لم نكف عن الحديث فيما لا ينفع...
توقفوا عن استنشاق الأفيون..... فالحياة بدونه أجمل ... وأكثر صراحة.. وشفافية... وعقلانية |
اقتباس:
والله كلامك دائما موزون وراكز وبايدك بكل كلمة قلتها بالفعل انك اممي:deal: |
اقتباس:
يعني انو عليك ان تحترم الحادي كي احترم ايمانك يعني جيب واحد بيعبد الجحش يصطفل وانت مسيحي او مسلم وبدك تهدي لشي دين اي مابيصير تسب الجحش تبعو لأنو هو مقتنع انو الجحش ربو فمشان هيك بيسب دينك وربك والحق عليك لأنو انت البادي لازم تستوعبو ضمن المنطق وتحاول تشرحلو الدين يلي انت بتعتبرو صح بطريقة اقناع علمي وتاريخي وهو بدورو بدو يحاول يقنعك بالجحش تبعو بنفس طريقتو وآخر شي بيبين مين الصح واذا بدك تمتص غضب شخص ملحد او مؤمن تعى معو بدينو مشان يجي معك بدينك بس نحنا بالمنتدى بدنا نستفز بعض ونجرح وهدا يلي عم يصير ولك يخرب بيتكن اكتر واحد مبين عليه الألحاد هو انا لك اسمي لحالو شغلة اكتر من الحاد لك الملحد عم يشوف اسمي وعم يستغفر الله وفوق هدا كلو عم اجي مع الكل بدون سب لحدا او شتيمة مشن الكل يستوعبني اذا بدي افتح شي موضوع مع العلم مو مبين انا شو ديني او شو بعبد لك خلص ولو حاجتنا تخلف وولدنة وبالنهاية انت اخي مادمت تحفظ حقي آمنت انت بالله او حتى لو آمنت بالشجر او الحجر ودمتم للتسطيل قاموس |
اقتباس:
مجد سعدو العظيم في الاعالي حيث من حوله كل الغوالي ...هاي هيه رفيقي سعدو ولا حمدو كلن بالنهاية بيطلع نفس الفكرة...بس جيب حدا يقنعن |
اقتباس:
|
احلى اممي :larg:
عقل متفتح وواعي وانا معك بكل الافكار السابقة وسب وطرحتا بس مافي امل وسبق وحكيت مع اشخاص من هالقبيل وما بيمشي الحال فأحسن شي نضل بحالنا اريحلي واريحلك لأن في عالم قديش ما تفهمها عبس :pos: |
رفاقي الشيوعيين نحن مكاننا ليس النقاش بالدين لاننا نعلم ان الدين هو مرحلة من مراحل تطور الفكر البشري وهو بالنهاية انعكاس ثقافي وفكري لبنى تحتية هزيلة
لذلك من يريد ان يناقشنا بالدين لا تقولو له سوى الدين لله والوطن للجميع لان الشيوعية لم تقم على نقد الدين انما على نقد الاقتصاد السياسي وهو صحيح انو معظم المتدينين لا يحترون الاخر والغائيين لكن نتمنى ان نصل معهم لصيغة مشتركة تجمعنا صح الطريق طويل لكن نقربه كلنا لكلنا |
اقتباس:
يعني صار في حكي منك (هلق سواء كان رد او تهجم عالرفيق الحب الازرق) ما كان عم يخدم قضيتنا رفيقي بالعالم كتلر بيسمعو عن الشيوعية وبيشتموها بدون مابيعرفو شو هية...بدنا نطول باالنا معن تحياتي الك رفيق:D |
اقتباس:
الشيوعية فكر علمي ويجب مناقشته باحترام ونقده نقد علمي ممن يخالفه لا ان يستهزيء به عندما استهزأ تهجمت عليه لكنك رأيت طريقة حواري معه لاحقا تحياتي لكل الرفاق والزملاء :D |
اقتباس:
|
هالمشكلة كتير قديمة بالأخوية و بتصور راح تستمر اذا ما لقيناالحل الجذري لها
|
| الساعة بإيدك هلق يا سيدي 11:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون