|
كم مرة ولكم من..تقول..(حصري للرجال فقط)
ايها الرجل سيدي كم مرة من المرات.. ولكم من المساء تقول (احبك). باليوم الواحد؟؟ وكم مرة (بالعمر) تكون صادقا؟؟ هامش: وكالعادة الموضع لو راح يغلق لو ينحذف, كانهم ما بدوياني اكتب بالصالون!! |
قلتها ذات مرة ... أحسست بشيء ما ... لاأعلم .. ولكنه للأسف .. كان مجرد حلم ..
أتمنى أن يعاد الحلم .. ويكون حقيقة .. علني أقولها .. مرة أخيرة .. |
بالزمانات كان في معنا واحدة بالشغل كانت تضل تتحركشني و نتغالظ عا بعضنا
كنا اليوم الما نشوف بعض و ما نأفل عا بعض ما نحسو يوم و كنا نتسلى من الصبح أول ما أفوت عالشغل لحتى ما نطلع المسا و كنت شوف الدنية من عيونها مع انو انا ما زيادة بورجي مشاعري و بظهرها و كان ضد عقلي حدا يغلط معها او يجرحها مع انو احيانا كانت تتقل بعيار المزح زيادة بعدين سافرت و تركت الشغل و لساتها ما فارقت بالي و مع انها ما حكت او اتصلت الا بعد ٦ شهور من سفري ألا أنو بعد ما اتصلت حسيت الدنية كلها تغيرت و اكتشفنا نحن التنين انو منحب بعضنا بس هيي تكابر و ما تقول بالرغم من انو ما تركت نوع من التلاميح و ما أظهرتو للحب بعدين فقعت قلتلها اني معجب فيها و انها من الناس القلال اللي فيني احبن و أتأقلم معن يعني أنا البارد الملامح المتجمد القلب و الأحساس قلتلها هالحكي و كان صادق قلتو بس من شانها و بتعرفو هي شو عملت......... تجوزت بعد اسبوعين ......... من يومين حكتني و قال هيي كتير مبسوطة و مروقة و بتتمنالي نفس سعادتها .... كلماتها لطيفة بنوع من اللؤم الأناني و ما زعلت غير عا حالي كيف انخدعت و عشت وهم و بس ............... فمشان هيك انا بندم عالساعة اللي قلت فيها لبنت اني بحبها و صار قلبي متجمد و متصخر اكتر من قبل و حاليا ماني مستعد قول هالكلمة لحدا مين ما كان يكون و الحب ولا شي بهالدنية هو عبارة عن علاقتنا مع شي متعلقين في و بس و بتمنى لو خلقنا من دونه كان اريح .................. انا مو بالعادة احكي هالقصص لحدا و تفاصيل حياتي الخاصة بفضل تكون غامضة بس ما بعرف ليش كتبتها هون بجوز لأنو ما ضل شي مستاهل |
بدي أتحشر بشغلة ، مع أنو حصري ، بس هيك انا خالف تعرف انا كتير بنزعج من التجني " اللي بفكر كتير من النساء الشرقيات " ، عن عاطفة الرجل يا أخي في كتييييييير نساء ، خائنات ، وبيحبوا وبينسو بسهولة ، وفي كتير رجال مخلصين ، الإخلاص والخيانة ، قيمة الحب ، كلمة الحب ، مانا صفات مرتبطة بالجنس ، هي صفات مرتبطة بالشخص عموما ً ( بس نحنا طلعنا من دور الانثى المقهورة لسنين ، فما لاقينا غير هالزلمي بوشنا ، وبدينا نتصيد أخطائو ) بعدين " أحيانا ها " ، بحس أنو نحنا كتير منعطي لكلمة أحبك أبعاد أكبر من حجمها ، هي كلمة متل أي كلمة تانية ، متل نظرة بتلقيها أنثى على رجل لتلفت نظرو ، حتى لو ما كان بيعنيها ، متل ابتسامة ، والله يعني اعتقد ما مشكلتنا أنو نحنا منقول " أحبك زيادة " مشكلتنا أنو نحنا ما عم نقول للي نحنا منحبن قدي نحنا منحبن يعني إذا هو اليوم حاسس أنو هو بيحبا ، خليه يقلا ، اللحظة الجميلة بتسوى العمر ، ما حدا رح تقتلو خيبة أمل بالحب ، وإذا انتهى الحب ما رح يموتوا ( الحب ما بيموت .. سأليني إلي ) بس :D |
اقتباس:
وشخص ما حس تجاهنا نفس اللي حسيناه ، ما بيعني أنو نحنا ما منستحق الحب ، أو أنو الحب سيء الحياة بتستمر ، بجمالية أكبر بوجود الحب .. بتصير يعني مبلوعة شوي ، :) ومشرقة شوي اكتر |
في البداية كن أقولها وأرسل بعديها / كذبك حلو
وبعدين صدقنا وسلكنا |
اقتباس:
بس المصيبة وقت شخص هوي الي بيبدا و وقت بتوصل معو لأحلى رمرحلة و بوصلك لحلم وردي انت بزمان عمرك مو شايفة و فجأة بحولك ياه لكابوس ما بتتخيلي صعوبتها و الشغلة اخر شي كانت شغلة مجرد انو انا ماني من ملتها و التفسير كان اقسى من أنو يتحملو شخص خلقة عايش لحالو بعيد عن كل شي بعنيلو و بقدرو كره انك تعيش الناس بجو ما بحلم ما فيك تحققلن الياه شكرا لمواساتك مارسيل .:D |
اقتباس:
انت نوع نادر من الشباب لان كلمة احبك صايرة مثل السلطة..! بس تدري شي كمان..انت سبب خسارتك الها المفروض تسرقها من الحياة ومن نفسها;) الحب يجي صدفة ودائما بالوقت الغير مناسب داااائما شطارتنا ومجساتنا لازم تستوعب لموضوع وننتهز الفرصة هاي الحياة:? |
اقتباس:
|
اقتباس:
اولا سيدتي الضيفة على الموضوع:الحب مو احساس عابر بلحظة نقول الكلمة والله كريم:shock: ثانيا: ما قصدت النساء المتجني عليهن هنا..نو ابدا بس الشباب الكلمة هاي عدهم ما اعرف... بالنسبة لتجربة شخصية وليش ما اعرف يمكن صايرة مع باقي البنات او بس انا كلما التقي بشب شي حوار حوارين معوا يئلي احبك!!:? ادري هو الحب سلطة..ايمته عرفني ايمته حبني وله هي كلمة والسلام...!! بس طرحت المضوع لاشوف وجهة نظر الشباب ..سياستهم..السيستم .. ليش؟؟ وهيك شي |
اقتباس:
بس انت جنتل مان ما عملت مثل بعض الشباب لمه هو يترك البنت او يتخلى عنها او يخذلها عذره ظروفة ولما البنت تتركه لسبب وجيه(ما في بنت تحب شخص جد وتتركه هيك اذا مافي سبب قوي) يقول عنها لعبت في وكانت تتسلى!!:cry: |
لم أعرف جمال هذي الكلمة........وكنت احسبها خيال من أفلام الرومنسية.....وراويات.....والا شعار.......
الا ان جأت بيدون أستأذان....وهزت هذا القلب.......لم أقل أحبك غير لأنسانة واحدة......... رغم الفروق الكبيرة بينا.......الا أن الاروح.......يجمعها قداسة وهي الحب فما بظن نظرة عا شباب كتير سليمة.......ما عم دافع عنون بس عم بحكيكي عن تجربة الها عمر.......عرفت كتير صعوبات ولليوم عايشة.........وعليها لليوم بتنفس....وبحس وبعيش :D |
اقتباس:
هيك يعني .. مرسيـــــــل :adal: |
اقتباس:
|
اقتباس:
لا في كتير و اكتر من ما بتتصوري كمان أول ما تجيهن الفرصة بشمعو الخيط و بلا حب بلا بطيخ و بيكونو حاسين كمان انو الحق معون بسيطة الواحد كل ما كانت مشاعرو ميتة كل ما كان مرتاح شكرا لكلماتك:D |
هالكلمة الها قدسية يعني ما لازم ابدا تنقال بدون شعور وقناعة ان هدا هو شعور الحب الحقيقي اللي بيحيرني انو كيف بيقدر حدى يقولها وتحسي انو فعلا صادق وبعد فترة يتبخر الحب كيف ما قدرت اقتنع ان في هالقدرة العظيمة على التمثيل وبظن ان في سر لان الكدب بيبان بين الحروف وفي رنة الصوت وبنظرة العين بظم صوتي لصوت ايفان وبسال اللي بيقولوها بكل مناسبة ولكل بنت كيف بتقدرو تقولوها من غير ما تحسوها؟ او انو انتو فعلا بتحسو بحب مؤقت وعابر ومتعدد ؟؟؟؟؟؟؟؟؟ معقول!!! ل dakness متل مافي شباب خداعين في بنات اسوا -وان كنت بفترة مضت افرح لما شوف بنت بتتسلى بحدا خداع تشفي يعني- في ناس روح قلبهم التحدي يمكن لانك ما اظهرت لها اهتمام صرت تحدي بنظرها وبهالحالة بس يروح الدافع يطير اللي اعتبروه حب صعب كتير اللي صار معك بس اتاكد بما انك انت صادق وموجود فاكيد في بنات كتير صادقات وموجودات والحب لما يجي بيجي هيك لحالو بينحط بينكم بلا ما تحاول انت تلفتها او هي تلفتك وبدون ادنى جهد منك ولا منها |
اقتباس:
للأسف الشي اللي عم تسميه حب انحذف من قاموسي لأنو الشغلة صارت عبارة عن شغلة الظروف بيعملها مو القلب اللي بيصنعها و لازم الواحد يعتبر من مرة واحدة و يوقف قلبو عند حدو من شان يرتاح |
اقتباس:
خليك هيك مرتاح لاتدور عليه لحتى ما تتعب وان كان موجود فعلا فما رح تحس على حالك غير وانت بنص الاعصار ولا رح تقدر توقف قلبك ولا شيء مهما عملت بس تصير معك بتمنى تخبرني حتى اطمن ان الحب الحقيقي واقع مو حلم ولا وهم :D |
| الساعة بإيدك هلق يا سيدي 23:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون