|
حمزة لعيب الشدة !
حمزة لعيب الشدة هذي القصة.....قصة حمزة.....حمزة الشب اللي يتحدى حمزة كان لعيب شدة....حمزة كان ملك الشدة حمزة يلعب.....حمزة يغلب.....حمزة ما كان حدا قده وفي يوم, عملوا دوري شدة.....الدوري كان فوق المدة اليوم الأول جابوا الشدة...اليوم الثاني عملوا القعدة...ويوم الجمعة فتوا الشدة قعد حمزة...وقعد قبال حمزة شريكه فتت لعبت وما بتفرش اللعبة حمزة اتبهدل طول اللعبة اجت مملكة حمزة.....طلب حمزة شيخ الكبة سمى حمزة.....سمى حمزة شيخ الكبة !!! ولبسو حمزة عصب حمزة...خشب حمزة...وصاح بشريكه ما أريدك ما أريدك...لو حتى تفوزني بإيدك...ما أريدك صاحبي و مثل أخويا......لكن ما بلعب شريكك تلبسني شيخ الكبة بإيدك؟؟؟ طالب سنك و الجويزة بإيدك.....بتقلك ارميني من إيدك مقطش بستوني......واللون مليان بإيدك ما أريدك...ما أريدك...لو أنقطعوا كل اللعيبة ما أريدك حلفوا الشباب....وترجوا حمزة....وقالوا كمل كمل حمزة وقال لشريكه......إلعب صح والإ أبيدك ومشيت اللعبة.....وكمان مرة سمى حمزة شيخ الكبّة من تاسع فتحة...برقت برقة...وهبت ريح من شرقه و فلتت ورقة....فتح شريك حمزة جويزة الكبة اتلبك حمزة.....انعجق حمزة.....ولبس حمزة شيخ الكبة حمزة اتعجب.....حمزة عصب.....وبوجه شريكه ضرب الشدة حمزة اتكركب...وهو يعد و يحسب...قلو بتفتح كبّة؟؟ولك العمى ضربك من قص الكبة هرّب حمزة سكت...حمزة انعبط...حمزة انجلط فرطت اللعبة...ومعها فرط حمزة...مات حمزة...حمزة مات فوق الشدة كل لعيبة التركس مشوا بجنازة حمزة حلفوا اللعيبة.......بليلة جمعة وفوق القبر يلي ضامم حمزة !!!حلفوا أنهم سمعوا حمزة من جوا القبر...يصيح و ينده !!!يلعن شكلك...بتفتح كبة؟؟؟ اعرفوا شو القصيدة الاصلية لـ هي .. ولـ مين .. وبتاخدوا جائزة :lol: |
:pهههه
طيب شو الجائزه!!:o |
ههههههههههههه
يخرب عقلك ياميرو |
دخلت حمدة عالكلية مثل الوردة ...
خمس سنين و طلعت حمدة م الكلية شبه القردة ... حمدة خدودا متل الفجله و تلاتا و أربعين نمرة رجلا :o |
مممممممممممم
ما حابب كون هيك بس انو قديمة.. امير سمعتا عالجوال انتي؟ ولا اجتك ايميل ازا اجتك ايميل راح نص عمرك :D |
صحي ..
حمدة .. عمر الفرا :P بخ |
| الساعة بإيدك هلق يا سيدي 00:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون