حماة الديار عليكم سلام
 

مرحبا اخوية
من كم يوم كنت عم بقرا تحقيق صحفي بسوريا صعقني لما عرفت انو 68% من شباب سوريا مو حافظة النشيد الوطني للبلاد واللي حافظين طلعوا مو متاكيدن من كل كلماته

قبل ما ناخد ونعطي وقبل ما الناس تحمل بعضا البغض المسؤولية تعوا نحط كلمة تحية العلم بالذاكرة ونضغط بحث ونكوشة ونتذكر شو كان يعنيلنا وقت العلم

بالنسبة الي : فترة تحية العلم كانت نهار الخميس والسبت وكان من المفترض انو نكون بالباحة بس الاساتذة اصروا انو الدرس ما خلص (من حلاوته للدرس) طيب اقتحم مدرب الفتوة الصف ونزلنا للباحة ووين الطاقية وليش البوط مو اسود وما بعرف شو
والموجه عم ةيبهدل والمدير ما بعرف شو وضعه
المهم مو هون حكينا بالنسبة للعلم بحد ذاته قطعة قماش هفاتنة مغبرة عم تهوي وعم يرفعا وينزلا ابن الانسة
وحنا على اساس عم نؤدي النشيد الوطني وبالواقع او الدريسة منا ماسكين كتبون او طقاقين الحنك كانوا عم يطقوا حنك

هاد المشهد ايام البرد وايام الشي وابام اللو لو والمدرسة

هلا نرجع للجد قبل ما حج ياس يطرقني شي مخالفة

:lol::lol:

انو معقول لهدرجة وصلنا ؟ يا ترى لو انسال الشباب اليوم عن الخاشوقة كم واحد رح يعرف او عن يا طيبة ؟
طب شو مشان النشيد الوطني

وشو ممكن تسموا مشهد بحفل كبير يبدا بالنشيد الوطني يقوم عدد من الشباب ما بيوقفوا وبيضلوا قاعدين وكان شيئا لم يكن

من المسؤول عن هالنقطة؟
وهل فقدنا احساسنا بوطننا
وهل طارت الشعارات قدام الواقع

هات وخبرونا
تحياتي:D

NO COMENT

هلأ أنو لازم نحترم النشيد كونو رمز وطني


بس بصراحة .... النشيد بحد ذاتو .....ما بحبو ...... و مو كتير ضروري احفظو
ما بعرف اذا هالشي غلط .... بس خيو ما حبيتو

انا من جهتي حفظانو كلو كلمة كلمة .. ماعدا كلمة وحدة لهلأ مو فهمانة :oops:
بس بشكل عام حافظو
وبحترمو كتير كتير هو والعلم وعندي ياهن شي مقدس ..
وخاصة بالمباريات وهيك مناسبات :D

بالعكس نشيدنا حلو كتير كتير وممتع ..
ماتسمع نشيد الوطني تبع اليمن
مرة كنا عمنلعب مع اليمن وشغلو بالمعلب الجمهور تبعنا ويلو يدبك وايد بايد ع الدبكة وينو يفرط لا الله من الضحك :lol:

ما بعرف ...
بس مثلاً ... نشيد موطني ... بحس فيه أكتر

هي النشيد الوطني السوري
للي بحب يسمعوا ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ماد نشيد موطني انا كمان كنت بحس فيه اكتر
بس النشيد العربي السوري انا بحب لحنو اكتر
بتذكر لما غادة شعاع ربحت الالعاب الاولمبية وعزفوا النشيد بالملعب
كانت هي اول مرة بحس ادي نشيدنا حلو لحنو ومميز

الللللللللللللللللللللللل للللللله ذكرني بايام الدراسة ... وترديد الشعارات بالباحة

يسمنوا ايديك حسن

ع راسي يا ابو المجد ..:D

اللــــه الواحد لما بيسمع نشيد الوطن إلا ما يدق قلبو
عن جد يا جماعة حب الوطن من الايمان
:D

اكيد كتير .. :D

شو بيعني احمر اسود ابيض ونجمتين خضر؟؟
بصراحة ولشخص مصاب بعمي الوان الجواب مش
بس لما بعرف ان هالشي رمز لبلد كل شبر منها بينعبد وكل حبة تراب سقط عليه قطرة عرق لانسان عم يعمر سنبلة فيها ...بصير هالعلم بيعني كتير
النشيد مابيكتسب حال من الكلمات علي قد مابيكتسب هالقدسية من الشي الي بيمثل
يسلمن رفيقي علي هالموضوع:D

انا بصراحة بحط المسؤولية على النشيد نفسه
يعني بصراحة مليان كلمات انا بتذكر انو كنت رددها بدون ما افهما يمكن ضعف باللغة العربية ولساتني لهلأ ضعيف بس الكلمات كنت اكرها ولهيك انعكست القصة على النشيد كله
كمان موسيقاه بحسها موسيقى جنائزية مدري ليش .... ما بحسها موسيقى وطن ..
موطني بحسه احلى مدري ليش
كمان نشيد كلنا للعلم بحسه احلى
تحياتي الحارة
ظل جيفارا

طيب شو رأيكن بما انو انفتح المضووع وانفتح ..
كل واحد يحط الجمل الو الشغلات اللي مو فهمانة من النشيد الوطني ..
واصحاب المعرفة يجو يوضحو القصد منا ..
حتى نصير ازا رددنا نردد ونحن فهمانينا معانيو فهمانين شو عمنررد مو هيك ع عماها ..

للصراحة وقت بكون باحتفال كبير ويعزف انشيد الوطني جسمي بينمل

والنشيد بغض النظر لو حبيناه او لا هو نشيد كل سوريا بكل الوانها واشكالها
وموضوع من وقت الاستقلال


بس انا اللي عم شوفه انو النشيد الوطني فقد اعتباره لاسباب عديدة انا مو بوارد ذكرها
بس القصة انو هاد الانتماء الوطني شو مشانه ؟
صحيح حلو الانتماء الوطني بس لازم ننغترب او نكون سياسيين لحتى نقول والله نحنا منتمين لوطننا؟