|
ظاهرة تسول جديدة علي على الاقل !!!
مرحبا كيفكن مبارحة وانا عم اتمشى بهالشوراع ولا بيوقفني شب مابو شي لابس منيح شكله ابن علام وناس ودار بينا الحديث التالي هو : انت من هون اخي انا : اي انا من هون خير لازمك شي هو : والله يا اخي انت شكلك ابن عالم وناس ورح قلك مشكلتي انا : تفضل ( مع ان مافهمت شودخل شكل بمشكلته المهم ) هو : والله جيت لهون لعند رفيقي مشان شوفه صرلي زمان ما شفته ولا بيقولولي الجيران انه انتقل ومابيعرفو لوين وانا جيت بدي ارجع على بلدي ( هو من غير بلد ) ولا حسيت ان حزداني ضايع ما لاقيته وما معي ولا ليرة فياريت انت تقدر تساعدني يعني هي القصة ممكن تصير معك بيوم من الايام وانا والله بس ارجع رح ابعتلك المصاري انت بس عطيني رقمك ورح ابعتلك جبنة وغراض كتير لانك ابن حلال ( كمان ما فهمت الرابط ) انا : طيب ممكن اسالك سؤال هو : اتفضل انا : مو انت نفس الشخص الي وقفني من شي 6 شهور وحكالي نفس هي القصة معقول 6 شهور ما لقيت حدا ابن حلال يعطيك ولا انت كل رفقاتك انتقلو وكا مابتجي لعند حدا بكون منتقل ولا ماشوف الا واحد طلع فيني نظرة حقد ما بعرف ليش ودار ضهرو ومشي شو رايكن بالله :D |
لا والله ما مرق بهالشكل
يعني مرق انو حجي بدو خمسة لانو مدري شو وبعد بكم يوم تكرر نفس الشي |
ييييييييييييييييييييييييي ييييييهه شو صايرة معي
بس عنا مافي قصص سفر لأنو احنا بحصار ومافي حدا بيقدر يسافر أو يجي من السفر القصة بتصير عنا على أساس انو اجا عالمستشفى واكتشف انو مرتو بدها عملية وهلا فورا فورا لذلك الله يخليك ساعدني بقرشين لأني مارح اقدر اترك مرتي وأروح عالبيت اجيب مصاري بس المسكين قادر يترك مرتو ويطلع عالشارع يشحت:jakoush: لعمش وعلى فكرة هو هو نفسو وقفني مرة تانية قدام الجامعة وقال شو عندو 8 ولاد وراتبو مقطوع وللصدفة رجع وقفني بعد حوالي اسبوعين وأعد يشرحلي القصة انو هو عندو 12 ولد وماقادر يصرف عليهن طلعت فيه وقلتلو شو عاملين متل الأرانب؟:shock::? من أسبوعين كان عندك 8 ولاد بهالسرعة بتخلفوا حمل حالو وراح بعد يومين وأنا عباب الجامعة المسكين اجا بدو يشحت مني وعم يقلي لو سمحتي ممكن ........ طلع فيني وعرفني:o هههههههههههه حط راسو بالأرض وسبلو مسبتين ومشي |
هه ...صارت معي بزمناتو ...و هاد الزلمي كنت شوفو كل يوم بنفس المحل و انا طالع ع الجامعة ..يعني محل ما بنطر السرفيس !!
حكالي الحكاية نفسها هاي..قلتلو شو رايك وصلك ؟ قلي معك سيارة ؟ قلتلو لاء منطلع سوا ...بوصلك و برجع :lol: طبعا الزلمي ا**عص و قص حالو تسالي الشباب |
في حلقة من بقعة ضوء عن هيك موضوع ....
بكرا منحطلكون ياها  |
على سيرة هي الظاهرة،
صار معي هيك نهفة هون بالاخوية... من اسبوع وصلتني رسالة من عضو جديد انو عندو مشكلة ويا ريت فيني ساعدو، قمت انا بقلو تفضل بشو ممكن ساعدك؟ قام سردلي قصة واحد رفيقو مريض ومدري شو شي بيقطع القلب وال بدو يجمعلو مصاري وانا شكلي بنت حلال وشهمة وما بعرف هيك قلي كمان شوية تخابيص وانو بكسب ثواب ازا بساعدو... باختصار قصة شي فظاعة يعني بالافلام ما حبكوها هيك... انو شو رايكون فيها؟؟؟ معقول بكرا تصير الاخوية بسطة تبرعات؟؟؟ |
اقتباس:
|
اقتباس:
|
والله قصه عبره وهاد الي اشي بصير بمجتمعنا كثير :deal:
|
أنا صوتت أنه صارت معي كتير...المشكلة أنه مو بس بسوريا...أنا صارت معي كتير ب دبي كمان ..وبقصص متنوعة.. تخيلوا مرة واحد راكب سيارته هو وزوجته وولاده..وطلب مني مساعدة...مع العلم انه كانت الدنيا شوب..وأنا عم وعم أمشي تحت الشمس لحتى لاقي تاكسي....
ولله في خلقه شؤون.:shock: |
من شي 4 سنين كنت اسا بسورية فات لعندي عالمكتبة واحد وقلي انو بدو يرجع على اللاذقية ومضيع جزدانو
|
اقتباس:
 |
اقتباس:
|
مارق كتير وللاسف من نسوان معون ولاد او من شباب طول وعرض .. نفس المراة وقفتني 3 مرات وحكتلي انها بدها 50 ليرة اجار سرفيس الها ولولادها.. هيدا الحكي من ست سنوات ع الاقل !!!!
|
اقتباس:
|
صارت وياي ... باسلوب مختلف ...
شاب بايدو ورقة من كتاب مرسوم عليها رسم للقلب ..... قلي عندي عملية اليوم بالقلب و هذا التقرير الطبي :lol: |
صارت معي بس غير هيك انو هو بس بدو اجار مكرو لانو مضيع مصاريه
|
انا بدي صارت معي اني في واحد بدو حق ربطة خبز
وكل اسبوع بيجي لعندي عالمحل |
| الساعة بإيدك هلق يا سيدي 12:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
