|
اقتباس:
اقتباس:
قول أيام من بداياتي هون بحوار الاديان للمنبر كل يوم كنت شارك فيه كنت اعمل تسجيل خروج بالاسلامي انو خلص بس كنت ارجع رغم اني كنت اترك فترات طويلة كتير ومتباعدة لأنو مارح اقدر انكر انو أخوية مختلفة عن 90% من المنتديات العربية والسورية بس هاد مو يعني إني راضية عنها:pos: والحديث يطول.. اقتباس:
مامنقدر نقول انو هو مو انجاز ... بس السؤال الاستمرارية الخجولة هي شو عطيت لاخوية؟ واخوية شو اخدت منها لهلىء؟؟ باعتبار المرحلة هي لسه ما انتهيت اقتباس:
معروف عني انو لساني سليط وصوفتي حمرا :p وبصراحة مالي حابة قيّم حدا او قيم المنتدى ككل لهيك مابعرف شوبدي قول اول شغلة بعملها بنشر سياسة العدل هون للأسف فيه محسوبيات وخيار وفقوس وشللية وبنشر احترام الاديان وقدسية الله سبحانه وتعالي غصب عن الكل لو منتدى ملحد بجدارة التطاول على الاديان والمسخرة لشخص الانبياء بمنعها منع تام مو لاني متدينة بس في شي اسمو قدسية بالوقت نفسه يلي مارح اسمح لاي عضو متدين يهين عضو ملحد وبغير القوانين الرهيبة باغلب الاقسام قوانين لما تقرأها بتحس أنك مالازم تنزل موضوع ولا تحط مشاركة واذا فكرت تكتب مشاركة نظامية خالية من مخالفة لهالقوانين بتلاقي حالك مخالف مو طلعت عامل سبام:lol: اقتباس:
بس اخوية مرت بفترات كتيرة غيرت منها الكتير من عاداتها واسلوبها هية لادينية ؟؟ طيب لشو أنتم ملح الأرض... لما شخص فتح لينك اخوية وقراها رح يفكر حالو بمنتدى مسيحي بعدين فجاة بيكتشف انو ممنوع المواضيع الدينية بصراحة مابيهمني كيف لازم يكون حتى لو كان منتدى الحادي درجة اولى لكن يلي بيهم اكتر تحديد مسارها واحترام المسارات التانية منلاقي كتير اداريين و اعضاء بيحكوا عن الانسانية بيشكل بيخليك تعجب بطريقة تفكيرهم فجأة بتلاقي رد لها الشخص عم يتمسخر أو يستخف أو يهين باسلوب غير مباشر عضو تاني بيكون جديد اخ طازة ومافهمان الشربة في نقاط ضعف قوية كتير بالمنتدى برأيي لازم تنحل وبسرعة لو بدهم استمرارية لاخوية الاستمرارية ممكن تكون دليل للنجاح بس يمكن الاستمرارية السيئة بتقود للفشل والله عالم شوفي بالقلوب واني ماعمري احتفظت بمشاعر كره لاي مشرف او عضو وتواجدي بينكم دليل على كلامي ولو مابتهمني الاستمرارية الناجحة كنت قلت غير هالكلام بس من زمان كتيييييييييييييير ومابعرف قول واحكي غير عن يلي بقلبي وشكرا كتير طارق .. ما؟:D |
اقتباس:
اقتباس:
|
اقتباس:
بس في اساءات كتيرة بيتبادلوها الاعضاء بين بعضهم وبيتم ارسال تقرير مشاركة عاطلة لمرة واتنين وتالتة ومابيتم الحذف لبعد 4 او 5 ايام يمكن اقل يمكن اكتر بحجة غياب الاشراف واستقالة معظمهم و توقفهم عن العمل مع انو لاحظ في تقرير مشاركة عاطلة.. وبيكون الموضوع تحول لساحة معركة واذا بدك انا لهلىء عندي مشاركات فيها اهانة وماتم حذفها ورح ابعتلك لينكات على الخاص هلىء :D |
اقتباس:
يعني تحبي تقري عن الامل البعيد لعله يحدث ... كثير حلو هذا الشعور ... اهنيكي عليه و هي الرواية هديتك من اسرة المايسترو  و يا ريت تشوفي الفيلم و تعطينا رأيك فيه .... اقتباس:
اقتباس:
|
لو نجي على مسيرتك و نظرتك ب أخوية ...
أخوية اليوم مو عاجبتك ... هل كنتي معجبة بأخوية الأمس ... و أي شي كنتي تحسيه سبب نجاح أخوية ... ؟ بردك على اسئلك طارق ... لفت نظري هي الفقرة .. اقتباس:
كــ عضوة في أخوية .... شو موقفك من منع حوار الادبان ؟؟ و منع المواضبيع الدينية بالمجمل .. ؟ - برأيك ... المشكلة في اخوية تتلخص بعدم احترام القدسيات للاديان المختلفة ؟ و شلون توافقي بين قدسيات الاديان المختلفة و حتى قدسيات اللادينيين يعني اذا عضو انتقد الديانة الهندوسية ... شلون رح نتعامل معو ؟ |
اقتباس:
وكانت الصورة واصلة برؤية واضحة تماما اكيد رح يعتبر انو صار في ايجابي مو المهم نحكي وجع الناس ونوصل وجعهم للعالم كلو المهم نعمل شي نعالج هالوجع ونداويه :D |
اقتباس:
رغم الحركة الكبيرة الكانت موجودة والمواضيع الدسمة المطروحة والمهاترات والنقاشات الكبيرة كانت اخوية ناجحة بسبب وجود الكتير من الاعضاء المميزين وسياسة المشرفين بشكل عام مو خاص.. المواضيع المطروحة طريقة النقاش الاسلوب اقتباس:
اقتباس:
والمواضيع الدينية لانو اغلب الاعضاء لادينيين وهالشي ممكن يسيء النا والهم اقتباس:
اقتباس:
مو ضروري اذكرها ادامهم مافي اصعب من لما تجرح شخص بدينه خاصة اذا كان مقتنع فيه وعامل علاقة خاصة بينو وبين الله اما بالنسبة للناس الادينيين بصراحة مابحس اني ممكن خوض معهم بها الحياة باي شيء بدي احترمهم غصب لاني بطالبهم باحترامي مقتنعة جدا بانسانيتهم ومقتنعة انو ممكن صادف بحياتي شخص ملحد يكون انسان اكتر من شخص تاني متدين بس فكرة انو هالانسان مابيأمن بوجود رب لهالكون بحس فكرة توافقنا العقلية مستحيلة بس بالنهاية هو انسان وانسانيتي بتحتم علي شوفو هيك اقتباس:
سؤال صعب:lol: بسيطة منشوف شو ربون لهاالهندوس ومنقلون ماحدا يجيب سيرتون بالعاطل:p |
هي الاسئلة من مجهول
اقتباس:
|
اقتباس:
وأنت كيفك؟:p اقتباس:
ولو انفرض علي عيش تحت هالحكم مارح قول لاء طالما الكل أخد حقو متل ماهو بدو اقتباس:
رغم انو اصولي ساحلية لكني مواليد دمشق وعشت فيها طفولتي ومراحلي الدراسية كلها يلي عايش بالشام بيعرف شويعني مابقدر اتخيلها مو دولة مسلمة ميزة الشام واهلها بعاداتها الدينية ويلي هلىء عم نعيش اهم ميزة فيها شهر رمضان بجوامعها بشيوخها شوارعها والناس المتأصلين فيها وبالدين بفضل سوريا دولة مسلمة ومابقدر شوفها غير هيك اقتباس:
بس انا كان قصدي كل شي وهية ممكن تروح لمعتى القصد كلشي يلي هو دينو ومنطقو بيئتو اسلوب حياتو انا ماهربت انا عندي رد ورد طويل بالنسبة لهالموضوع الزواج تحديدا هية اكبر واهم شراكة ممكن تصير بين شخصين الحب وحدو مو كفيل بنجاح هالشراكة خلينا نعتبر الحب هو المال لقيام مشروع ما بالمصاري ممكن نعمل اكبر واعظم شركة لكن لو انعدم التفاهم بين الشركاء رح تنهار هالشراكة لو دعامتها حب كبير او مثلا مليارات كتيرة لو قلنا كمان انوجد الحب والتفاهم لكن الدين مختلف ولنفرض متفاهمبن بامور الدين الاولاد لمين ؟؟؟ الزواج لازم نحسب حساب كل شي فيه حتى اصغر التفاصيل انا مع هالمثل قلب وقالب للاسف يعني بس الحب مو كافي لاستمرارية الزواج ربما لاني اؤمن بنظرية الزواج مقبرة الحب ....لازم يكون كلشي كامل لتستمر الحياة مو بس الحب اقتباس:
وامامي تجارب كتيرة عن هالحالات وعندي احساس انو هالحب بيكون اكثر استمرارية او اكثر مصدااقية مجرد احساس اقتباس:
بس رح احكي شيء الحب درجات اولو اعجاب مو هيك بقولو:p من الممكن اتزوج شخص كون معجبه فيه بس ويكون عندي قبول اتجاهو بس اذا اتزوجت بها الطريقة ممكن اطلب زواج كامل وما اتنازل عن شيء ابدا مو انانية ولا زواج مصالح بس اضمن حياة مشابه لحياتي اكيد مو القصد عرس ب فندق 5نجوم وبدلة بنص مليون وخاتم الماس وهيك بس انو اتنازلت عن الحب فما معقول اتنازل عن ماهو اقل منه أمل يجي الحب بعد الزواج؟؟؟ هو رح يجي رح يجي مو بايدو ما يجي يعني الشراكة بكل شي مو شيء بسيط خاصة لما بتدخل الاطفال بالنص وفكر انو هالرجل هو اب لاطفالي رح حبه من كل قلبي :oops: اقتباس:
لانو انا مابقدر كون غير انا بكل بساطة حاولت خمن مين انت يامجهول؟؟بس ماقدرت :shock: بس شكرا على الاسئلة ولموافقتك تشاركني الحلقة:D |
نسرين
بدي منك تتركي هون شي يذكرنا فيكي اهلا وسهلا فيكي نورتي البرنامج الليلة ضيفنا استثنائي بكل معنى الكلمة لانو من زمان ما طل صوبنا |
تذكار مني صورة لضيعتي لأغلى وأكتر مكان بحبه
 |
بشكركم جميعا
سوا ربينا رجل من ورق وشكرخاص لـــ زيد :D وخبروني مين المجهول ؟ |
اقتباس:
كان العضو المجهول ... سامر .. MadMax و هلا ما ظل مجهول .. صار معلوم :larg: |
ضيف الليلة عضو من الجيل القديم المعتق
فينا نقول انو الليلة معه فينا نتذكر اخوية بالابيض والاسود SIMON اهلا وسهلا فيك قبل ما ابدى الحلقة بدي اشكر كتير قرصان الادرياتيك :D |
اقتباس:
|
اول سؤال بيخطر بالبال سيمون انو ليش كنت غايب ؟
يقول المثل ان لم تزد على الحياة شيئا فانت زائد عليها ؟ شو موقع سيمون اليوم بالحياة ؟ برايك اي المعادلتين ادق الانسان اهم من الارض ام الارض اهم من الانسان ؟ خدمة الجيش شو اخدت من سيمون وشو عطته ؟ |
اقتباس:
ليش كنت غايب امممممم... شوف حبيب القلب .. ببساطة كان في عندي امور كتيرة شاغلتني عن اخوية .. حاولت ارجع بس شوي امور اخوية كانت مكركبة وقت فكرت ارجع.. بس السبب الرئيسي لابتعادي عن اخوية هالفترة كلها كان تردي الامور بأخوية بشكل كبير و ابتعاد معظم الاصحاب القدماء عنها .. وقت اللي عم فوت ع اخوية عم اتحسر ع اخوية زماان ..المنتدى اللي كنا نتصفحو من أولو لآخرو و ما نمل و لا نشوف مشاركات بلا طعمة و مهاترات من دون سبب او لشي تاهف جداً .. فا يا ريت ترجع اخوية متل ايام زمان و يرجعو المحاربين القدماء .. اقتباس:
بالنسبة لهالموضوع فا ما بشوف حالي زائد عليها .. انا شخص عادي صح عندي احلام و امنيات و عم حاول حققها و عم طور حالي و الامور في تطور مستمر .. انا راضي عن اللي حققتو لهلأ و اسعى للأفضل بشكل طبيعي .. و الأهم انو الواحد ما يوقف عند حد معين و يستسلم لأنو الحياة ما بترحم .. اقتباس:
برأيي الانسان قبل كل شي .. بس عاد ما يتمادى كتير !! اقتباس:
لأنو كل شي اسموا احترام بالجيش ملغي .. بتحسو عالم تاني !! شو عطتني .. كنت بدي قول ما عطتني شي .. لولا انو في الاصحاب اللي اتعرفنا عليهم عن طريق الجيش .. خدمنا سوى و قضينا معهم لحظات ما ممكن انساها عالحلوة و عالمرة .. بالعقوبات آخر الليل للذل بباقي النهار و الطلعة عالاجازة اللي كانت حلم عنا ايام الدورة .. بعد الجيش الواحد بيطلع انشان تاني و بدو شهور لحتى يرجع على الحياة المدنية .. نشكر الله خدمنا و خلصنا بخير و سلامة و ما تركنا الا كل الخير و السمعة الطيبة . |
سيمون وحمص شو هيي العلاقة بينون؟
لو شي يوم انتقلت العاصمة من دمشق لحمص شو ممكن يصير برايك؟ بتعتقد انو حمص مظلومة بين مدن سوريا او بتقول خلينا هيك ؟ |
| الساعة بإيدك هلق يا سيدي 17:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
