|
انهيار امريكي؟؟؟؟موضوع للنقاش
بيوم من الايام قالتلي العرافة انو انهيار امريكا قريب يعني يمكن شي 15 سنة تانيات
وكتمني نحنا الشعوب العربية فبتوقع انو بدهن انهيار امريكي اليوم قبل بكرة بسبب الاعتقاد انو انهيار امريكا سيؤدي الى انهيار اسرائيل بالشكل شبه الكامل وكتوقعات فكتير من الخبراء والسياسيين والمحللين اللي منشوفون كل يوم بيقولو انو انهيار امريكا قريب جدا بسبب اكتر من شي من الحرب على افغانستان والعراق ...الى الازمة المالية الاخيرة اللي بتهدد امريكا بشكل جدي جدا طيب.. اول سؤال انو انهيار امريكا هل يعني انهيار اسرائيل؟ وكيف برايكن بدو يكون شكل العالم بعد انهيار امريكا؟وانتهاء القطب الواحد زمين هو المرشح الحقيقي لحتى يحكم العالم او يكون القطب الكبير بعد امريكا وليش؟ وهل بانهيار امريكا لح نرتاح نحنا العرب ام لح يزيد عذابنا ؟ موضوع للنقاش وناطرين ارائكن مايسترو |
بدافع الأمل كنت لأجيب نعم اذا ما انهارت امريكا ستنهار اسرائيل وأن العالم سيكون أفضل اذا ما انهار القطب الكبير وأننا قد نرتاح اذا ما حصلت هذه التنبؤات التي تستند الى أمل خفي بين ثنايا الجرح ولكن دعنا نستذكر ما كان من قبل هل شكل انهيار الدولة العثمانية - منذ زمن غير بعيد - تحرر للعرب من الاضطهاد والاستعمار أم شكل حقبة جديدة ومختلفة تماما وقاسية على الدول العربية أوصلتها الى هذا المآل و أيضا هل شكل تسلم أولمرت بعد شارون انتهاء لفترة الظلم الغاشم الذي سببه أم أنه كان فاتحة لعصر جديد من الحروب ؟ فالامثلة كثيرة والتاريخ يعيد نفسه بدافع التحدث بلسان الواقع لا أجد مبررا يدفعنا الى الفرح لدى انهيار تلك القوة اذ أن قوة أخرى أشد وأعتى ألف مرة ستأتي وتجعلنا نترحم على أيام القطب الكبير ثم ان أمر اسرائيل بات ينفصل شيئا فشيئا عن الشأن الامريكي اذ انه أصبح يشكل قوى أخرى تضاهي قوى القطب اذا ما استشعرنا أهمية أن نتحرك على الظلم أيا كان مصدره سوف لن ننجو و هنا أستذكر قول أمل دنقل : وخلف كل قيصر يموت قيصر جديد وتقبل المشاركة :D |
لاوالله انابشوف انو بانهيار اسرائيل تنهار امريكا.......
والي بشوفو انها امريكا ظاهريا هي اقوى دولة بالعالم..لكن الخفي أعظم وبالعكس ازا انهارت أمريكا ممكن تكون النتائج أسوأ..طبعا هاي مجرد افتراضات وكلها بيحكمها قدرة العرب على تحقيق اكتفائهم بذاتهم..اذا حققت الدول العربية الاكتفاء الذاتي فبهالحلة ماحتكون بحاجة لأي دولة تانية وتحقق استقلاها..لكن طول مااحنا بنعتمد عليهم بكل شي فاحنا عبيد بنظرتهم وهم اقوياء بنظرتنا... تقبل مروري:D |
هلق انو نكتفي ذاتيا هي بعيدة شوي مو؟
بس انو كمان يعني الدولة العثمانية كوضع عام بتختلف عن امريكا ان ماعم احكي انو والله اذا انهارت امريكا لح يتحول الموقف بشكل كامل لصالحنا لا لانو الموضوع مو بس مرتبط بامريكا |
| الساعة بإيدك هلق يا سيدي 22:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون