درس قواعد
 

وبه نستعين

مرحبا شباب!؟
حبيت نزّل كم درس قواعد إنكليزي للفايدة .. القواعد رح تكون أساسيات و مبادئ في طرق الحديث و صياغة الجمل إن كان بالحاضر أو الماضي و غيره من أزمنة .. كمان إستخدام الشروط و الظروف و أدوات التذكير .. و أكيد رح يكون في حواشي و شرح إنشاء الله يكون وافي بيخدم أساليب صياغة القواعد عن طريق الدعم بأمثلة صحيحة و خاطئه مع تبيان الأسباب.

بس قبل كل شي بدي اعمل إستبيان زغير لأعرف من وين بدنا نبلّش و شو هي أكتر إهتمامات الشباب

بالمناسبة شباب في قاعده مهمة سقطت سهواً من خيارات الإستبيان .. ممكن نحكي عنها بفرصة قريبة
القاعدة هي Verbs: intransitive and transitive الأفعال الازمة و المتعدية.

إذا في اقتراخات أو اضافات فالباب مفتوح لكل الشباب.

هدول اللي حسّيتهم بيهمّوني...


أو عالاقل اللي فهمت لشو بيستخدمو ....

فكرة حلوة جد

ورح كون من المتابعين لأني ماكتير بالقواعد أنا

وعن حالي بفضل would , should

طيب انا برأيي انو تبلش بالموضوع بالشكل يلي انت بتلاقيه مناسب وبالتسلسل يلي بيريحك


اذا جاهز خلينا نسكر هاد الموضوع ونثبت هداك :D

يعني عادي خلّي للإستبيان و منبلّش هي نزولاً عند رغباتكن, بس أنا في عندي هدف من الإستبيان منشان هيك بدّيا يتم موجود .. و إن شاء الله منبلّش بأول درس و بأقرب فرصة و من دون الإعتماد على نتيجة الإستبيان.
إذا ممكن حذفي الموضوع التاني و خلّي هاد:D

ماعرفت اي موضوع؟؟ كان في استبيان تاني حزفتلك ياه.. بكل الاحوال ابعتلي فيه تقرير مشاركة عاطلة :D

أكيد مش هاد يللي عم نتحاور في
قصدي التاني يللي مافي إستبيان.

لك أبو نجبو شو هالطمع؟:lol: كنت اخترت كل الخيارات مو أحسن هيك:lol:.
جد شباب و صبايا المواضيع رح ندرسهن بالتدريج .. منشان هيك إذا في إختيار تاني معليه بس مش أكتر من تلاتة:D

يبدو انا فهمانة غلط.. انا فهمت انك حابب تعمل استبيان لحال وموضوع الدروس لحال مشان ماتتشتت الدروس وتضيع بين الردود مشان هيك تركت موضوع واحد واستبيان واحد

يعني انت بدك تحط الدروس ضمن هاد الموضوع تبع الاستبيان؟؟

بالزبط و شركراً على تعاونك:D

موضوع حلو!
متابعه!:D

شكرا عالموضوع الي اجا في وقتو بالنسبة الي
الاستبيان اختارهم كلهم بس اعطي صوتي للخيار الاخير الافعال الازمة والمتعدية
متابعة طبعا طبعا:D

قلت صارت و صارت ....:lol:

خيو بلّش باللي بدّك ياه ...بس المهم تبلّش

وين الدرس الاول؟:shock: مستعجلين خيو وإلا منسجل بالمركز الثقافي البريطاني:pos:

أهلا و سهلا فيك عزيزي! منبلّش و بأقرب فرصة

أي تكرم عيونكن كلكن أنا حاضر .. بس خليها كمان يومين لحتى شوف عالقليل نتيجة الإستبيان و خيارات الشباب
و شو هوي المهم برأي الأغلبية لنبدأ في.
بعدين إذا جيبتك مليانة فلوس .. ففيكي تروحي تسجلي بالمركز الثقافي البريطاني .. بس هون الدرس ببلاش:lol:.

طيّب منبلّش الدرس الأول بإعتبار الشباب هيئتهن شوي مستعجلين, و كمان الإستبيان نتيجتو ما كانت خدمت كتير تطلّعاتي .. بكل الأحوال .. الإستبيات لساتو مفتو و أي حدى بدّو يشاركنا أهلا و سهلا إذا كان بأفكار جديدة أو من خلال الدروس و مناقشتهن:D!

بدّي الشباب تنتبه على شغلة و هي .. مو المهم حفظ العبارات أو الجمل و كمان المفردات .. الأهم من هيك تعلّم طُرق صياغة الجمل و القواعد يللي أساساً تنبني عليهن الجمل و الأفعال و غيرو كتير .. فالاولى التمرّرس على القاعدة و استيعابها.

مشكور مقدماً أخي الكريم

و هي تسجيل متابعة :D