|
الاسلام اشرف الاديان!!!!
في خطوة ليست مخالفة لقانون الأحوال الشخصية السوريّ وحسب، بل ومخالفة أيضاً لما ورد في القرآن والسنة، قرّرت المحكمة الشرعية بدمشق إلحاق الولد بدين أمه وهو الإسلام لأنه أشرف الأبوين دينا
لا يوجد في أية مادة من مواد قانون الأحوال الشخصية السوري ما يشير إلى ذلك مطلقاً. بل إن القاضي قد اعتمد كتاب الأحكام الشرعية لقدري باشا الصادر في زمن الخلافة العثمانية التي ألغاها كمال أتاتورك في القرن الماضي الذي نص على : ( إن قرار المحكمة الشرعية 1379 القائل : "يحكم بإسلام الأطفال تبعاً لإسلام والديهم أي يحكم على الولد بالتبعية لأشرف الوالدين ديناً"!!. استند إلى أحكام معمول بها زمن الحكم العثماني، المعروف في قاموسنا وتاريخنا باسم "الاستبداد العثماني". فما مغزى العودة إلى قوانين من زمن الاستبداد؟ ومخالفة تقاليد وأعراف التعايش بين الطوائف والأديان في بلدنا. مهد الديانات السماوية. الذي يعيش الجميع فيه محترمين ومصانين |
بسبب خلاف نشب بين الوالدين على تبعية دين الولد لامه او ابيه تم التقدم الى المحكمة الشرعية بدمشق فقررت اتباع الولد لدين امه كما سبق وذكرت..
ليست المشكلة في القرار كما اعتقد بل في كيفية صياغته بأسلوب معيب.."اشرف الاديان".. من نصب القاضي ليحدد ان كان الاسلام اشرف الاديان ام لا.. غريب فعلا.. وهكذا يفرقون بيننا كمسلمين ومسيحيين ثم يطلبون منا التوحد والتعايش والتآخي والحفاظ على العيش المشترك فيما بيننا، وتعقد لأجل ذلك المؤتمرات والندوات وكلها تدعو في النهاية إلى ضرورة التقارب بين أتباع الديانات السماوية والتلاقي على القيم المشتركة. فأيّ معنى لتلك الدعوات والمؤتمرات، إذا كان حتى القضاء يقول بأفضلية دين على أخر؟ |
المشكلة أنو المحاكم الشرعية تعتبر تابوهات عالحكومة بحد ذاتها
يعني الحكومة بتعد عالعشرة قبل ما تدخل بعمل هالمحاكم |
لسى لسى ....التخلف ياما رح يظهر بكتير قضايا..؟؟؟؟؟
|
حكم غبي مع احترامي لكافة الأديان !!
|
بسيطه يا جماعه ...شبكن ...بيكون القاضي ارتشا وبدو يحكم للام وما لاقالها فتوة غير هالفتوى ...يعني بكرا ما بنستغرب بيطلع نفس القاضي عم بيلاقي فتوى لقضيه تانيه بس الحكم لدين تاني...
حسب السوق سوقو يا جماعه :lol: |
معليش ياشباب مو المشكلة بالحكم بحد ذاتو... منعرف كلياتنا القانون السوري وانو بالاصل ممنوع يتزوج مسيحي من مسلمة الا اذا اسلم.. وبالتالي الاولاد مسلمين رح يكونو اكيد وهادا موضوع تاني غير اللي عم نحكي فيه
اعتراضي انا على الصيغة.. معليش يحكم بالحكم اللي بدو ياه .. بس عبارة اشرف الاديان عيب كتير.. وما بيجوز تستعمل بدولة المفترض مالها دولة اسلامية.. |
يجب من دعاة حقوق الإنسان رفع دعاوى على هذه المحكمة و رفع القضية للجهات الوصائية لإلغاء أي عنصرية أو أية قوانين تحوي عدم مساواة بين أطياف الشعب السوري تحت أي مسمى ديني أو غير ديني - سواء من العهد العثماني العنصري او ما تلاه من عهود و قوانين :frown:
|
نحنا نعاني من نفس المشكلة ... و نفس الصيغة العنصرية ... اشرف الوالدين دينا !
و القاضي يعرف انه اللي غير دينه لا حبا بالدين و انما لغرض الطلاق و لمشاكل شخصية بحتة ... و الاطفال يدفعون الثمن .. و يتم تخييرهم بمحكمة في سن الرشد |
اقتباس:
و مشكلة تربية منطق باب الحارة |
ما عأساس الدين كلو للرب فبالتالي مافي دين أحسن من دين اذا المصدر واحد ...
الا اذا فيه نخب اول وتاني وتالت..... وهي شغلة أنو المسيحي لازم يسلم ليتزوج مسلمة ما بعرف مين يلي اخترعها ....وكلها ما خرطت مشطي....وهي قمة الطائفية.... يعني ما عاد في شي اسمو انسان اذا الواحد بدو يتقيم على أساس دينو , يعني الواحد صار بيتمنى يرجع للعصر الحجري عالأقل ما كان في أديان ومحاكم شرعية ..... |
اقتباس:
انو أخدو من باب الحارة اللي بدن ياه .. وبس ما اخدو التسامح .. ما اخدو المقاطع اللي بتظهر حب المسلم للمسيحي .. ما اخدو المحبة .. ما اخدو انو اهل الحارة كلن ايد وحدة .. سيدي كل واحد بياخد اللي بدو ياه .. بالنسبة للموضوع .. بعتقد انو الشغلة .. شغلة اجتهاد شخصي .. من اللي قال هالكلمة .. لانها اكيد ما بتمثل .. رأي القانون .. اللي على اساس انو .. " بيمثلو " .. بس للأسف .. فاشل بهالتمثيلية اقتباس:
يا .. حبيبنا .. هالهيئات هي .. بينطبق عليها .. نفس الحكي اللي قلنا فوق .. بس هون في فرق .. انو مدعومة .. 1 2.. عندا مشكلة .. السعي نحو السلطة ... ببساطة .. وجهة نظر .. يمكن تكون خاطئة .. |
| الساعة بإيدك هلق يا سيدي 21:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون