|
لعشاق البارفان
كيفكون يا صبايا :D
لأنني من عشاق البارفان بكل انواعه الرجالي والنسائي كان عندي جولة مبارح .. وشميت بارفان عمري ماشميته ريحته رائعة رائعة خيال الخيال بنصح كل صبية تشتري منها هي منإسكادا واسمها إن كردبل مي جد من زمان ما طلعت ريحة مميزة متلها وكانت النصيحة بجمل:pos: ويلي جرب يخبرني :D |
:sosweet: فخامة السكادا .. هي الذذ واهم واهضم واجمل وأكثر بارفان أنثوي بالعالم ...
بس في عندن مشكلة جدية ، أنن بس يطلعو رقم موديل جديد .. بعد فترة الموديل القديم .. خلص بتفتلي عليه بح ما عاد بتلاقيه .. :pos: وهني عندن كثافة بالانتاج .. يعني شي زيادة .. عموما ً انا بحب السكادا الصيفيات الهيك بتحسيهن كلن الوان وفرح .. وبتحسي حالك طالعة يمي يمي هلق اتفقنا ع سكادا واختلفنا على إنكردبل مي .. لأنو ما حبيتها ، تقيلة حسيتا .. ( ولا حبيت تبع الصيف .. الأوشن مدري شو ) انا السكادا اللي بحبن نمبر ون ...  أسكادا كوافيفا .. هي لهلق ما بلاقي منها :cry: خلص بح .. انفقدت بعدا بتجي السكسي جرافيتي ..  بعدا بتجي الباسفيك بارادايس .. هي عندي شنتايتها وهيك كتير بحبها .. فيها اكتر لونين بحبن .. الزهري والتيركواز  بعدا أيلند كيس ..  خلصووووووووووو اللي بحبن |
اقتباس:
ولا عن اللانجيري :? |
ع فكرة فراشة أنا معك بكل يلي ذكرتيه وخاصة أنها
اقتباس:
مو خرج صباح وشغل وهيك بس لاتقليلي مو حلوة ومو مميزة ؟؟:pos: انا حسيتا ستة مو خمسة;) |
اقتباس:
أنا صرت لما أنزل لسوريا روح على محلات تركيب عطورات وأطلب منهم البارفان يلي بدي ياه ... وبيكون أرخص بكتيييييييير :p صحي الأصلي بيضل غير ... بس شو منساوي إذا هنن لئمة هالايسكاديون :pos: |
اقتباس:
فااااااااانية :pos: بتتعلقي ببارفان بتحفظ تيابك وحدة وحدة ، وحتى اكثرها خصوصية :pos::pos: بيصير بيناتكن عشرة واخد ورد .. وشكلسة وحركات ذكريات وآخر شب .. تحممتي بالبارفان لأنك رايحة تشوفيه والمحرمة اللي بخيتي عليها بختين وخبيتيها بدفتر مذكراتك أبو القفل والمفتاح .. اللي مخبيتيه تحت مخدتك و البخات السرية :oops: .. وقصص وبعدين .. بعد ما تعتقدي أنك أخيرا ً خلص لاقيتيها البارفان تبع حياتك .. وبتعتقدي أنها رح تكمل معك طول العمر بيجي شي جديد وما عاد بتلاقيها وكأن ما كانت يوم من الأيام شي جوهري بحياتك ... بتحاولي تجيبي هيك نسخ تقليد ، أرخص .. بتشبهها بس ما حدا بيعبي مطرحك بقلبي .. :cry: وبتمضي الإيام وشوي شوي .. بتحسي ريحتها عم تطلع من انفك عم تنسي شو كنتي تحسي وقت تحطيها .. وبتروح معها كتير شغلات مهمة وشوي شوي .. أنفك بيتعود ع ريحة قويق و الكولونيا اللي من عالبسطة .. وريحة العرق بباصات النقل الداخلي وخلص بيموت فيك الإحساس الشمي وسمعوني( - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ) |
اقتباس:
بزمناتي شميت بارفان وعجبتني ريحتو كتير وكانت الميزانية لاتسمح رحت ركبتو ام حزري شو طلعت الريحة احلى من الاصلية :o ويسالوني شوبارفانك خبرون بعد فترة يقلولي عم تكذبي مابدك تقولي عليه ولله تسالي:lol: |
اقتباس:
مرسيلو لو عبالك بارفان وماعم تلاقيه بدلك ع محل بجبلك يلي بدك ياه ولو قديمة شوي خبرني لو عبالك |
ابقى جربي nina ricci s parfum
 ] |
اقتباس:
اقتباس:
يا ستي من شي 9 سنين كنت بسفرة لإيطاليا و هيك صبية و بأول طلعتي :sosweet: و قضيت كل جولات الشوبينغ بهالسفرة بمحلات البارفانات و أنا عم بخبخ و شمشم (و يوجعني راسي:lol:) على أمل انو لاقي بارفان أصلي و ابن عالم و ناس و على ذوقي لأشتريه ، يعني مو هدية نجاح من شي حدا ولا تركيب هات ايدك و لحقني (و أنا معي شقيقة -صداع نصفي- من و عمري 10 سنين و الروايح الزخمة ما بتواتيني بنوب لهيك ما فيني حط حايلا بارفان) المهم بلا طول سيرة قبل ما ايأس بشوي ، وقعت على اكتشاف هالتحفة هي  الاسكادا سبورت و انلحس عقلي لحس بالخضرا لدرجة اني أخدتا عالكايس دغري و من دون ما شاور عقلي إذا سعرا مناسب ولا .. و فعلاً كانت شغلة عظيمة .. تخيلي انو أمي قد ما حبتا صارت مرات تغافلني و ترش منا :pos: مع انو ريحتا خرج صبايا و مو ستاتية بنوب ، و قد ما حبيتا و صرت رشرش منا عالرايحة و عالجاية -أنا و أمي:pos:- خلصت اوام و كانت الصدمة الكبرى انو ما في منا بسوريا :cry:  و هداك يوم و هاد يوم .. وصّيت كذا حدا من معارفنا اللي عايشين برا .. لا تندهي ما في حدا :cry: حتى لما طلعت لفرنسا دوّرت عليا كتير بس عبث .. و لهلأ كلما بدخل على محل بارفانات أو عالسوق الحرة برجع بعملي تطليعة سريعة على رف الاسكادا لعلّ و عسى ... و من بعدا استعملت كذا ماركة متل :  DAVIDOFF COOL WATER  NOA - CACHAREL و حالياً عم بستعمل بارفان كتيـــــــــــر حلو و مين ما شمّو بيحبو و بيسألني عنو و هو  ALIEN - THIERRY MUGLER بس هلأ هلأ إذا برجع لاقي الاسكادا سبورت الخضرا بشتريها عالحارك و ما بعود بحط غيرا :sosweet: |
اقتباس:
أنو كنت بعرف :shock: كنت متأكدة انو في بيناتنا أشيا مشتركة .. ودور وحوص ولوص .. وما كنت اعرف وراجع نفسي بهالحياة بالحياة السابقة اكيد في بيناتنا شي مشترك وما كنت لاقيه ، وفجأة هيك انتي ومارقة وباخة الكول ووتر :sosweet: ( اللي هي البارفان اللي بحب استعملها للأيام العادية - حسيتا دعاية شغلة ما فيني قلكن شو :p - والرياضية .. والرحلات والمشاوير اللي سبور كتير ) .. عرفت .. عرفت أنو وين مارقة عليي من قبل :lol: طلعنا منحب نفس البارفانات .. :gem::gem: أما بخصوص أمي تبخ منها :? هون جينا على موضوع حساس وحيوي ، نحنا بالبيت تلت بنات ( كنا ) قبل ما نتخلص من اختي ونجوزها .. المشكلة الأساسية .. أنو أمي أحلى من تنيناتنا :frown: وتجي تستعمل غراضك .. ويطلعو عليها احلى من عليكي والله موقف بايخ لأ وتبخ بارفانتك كمان :pos: فلأ .. نحنا كل وحدة مننا كان تخبي بارفانتها بمحل ، بس إيام التشحيط المادي .. اضطر بالنهاية استعمل من عندن شو بدي ساوي وبخصوص السكادا الخضرا .. هي أنا ما لحقتها :cry: مو ع جيلي على ما يبدو :flala: اقتباس:
نقّل فؤادك حيث شئت من الهوى .. ما الحب إلا للحبيب الأول :gem: |
اقتباس:
:lol: يا ستي و أنا متأكدة انو في شغلات كتيرة تانية .. :D اقتباس:
انو صحتين على قلبا تبخ (أصلاً أنا ياما كنت بخلا من بارفاناتا أنا و صغيرة و على شي بلا طعمة و هيه حرام ما كانت تحكي شي) بس انو البارفان الوحيد اللي خطرلا تشاركني فيه طلع مفقود :cry: اقتباس:
مو على جيلك قلتيلي ؟! اي تيتا انتي كنتي لساكي بيبي لما كنت أحط منو لهالبارفان .. و جدك كان يحبو عليي كتير :sosweet:.. الله يرحمو :p هو طلع بسنة ال96 و أنا شكلي لحقتو بآخريتو ..[/quote] اقتباس:
|
اقتباس:
لك شو تبخ :pos::pos: انتي لانك صرتي ماما صرتي تتعاطفي مع المامايات اللي متلك بس فعليا ً تخيلي أنو أمك ، هيك .. سابقتك بالجمال ، وأنتي عم تكبري بالحجم وبالعمر( فعليا أنا يمكن بفصل تلاتة من أمي .. ) وفي نقطة وحيدة هي انو فيكي تستخدمي بارفان انثوي شغل صبايا .. وهي بتستعمل جادور وبارفانات النسوان .. وقت بتجي ع هي المساحة الصغيرة البقيانة ألك .. وين بتروحي بحالك :cry: اقتباس:
طيب مشان ما نكون طلعنا من الموضوع ! .. خلونا نحول شوي عالديودورون .. ما عم اعرف استقر ع نوعية |
اقتباس:
|
والله معك حق يا أحلى فراشة، أنا عايشتا لهل التجربة مع أمي. بعدا لهلأ أحلى مني حتى بعد ما صارت فوق السبعين :cry: وكل ما بمشي أنا وياها بالطريق ما كنت أسمع غير عالم عم تقول الأم أحلى من بنتا! وبحياتا مو مستعملة غير شوية بودرة ونتفة حمرا!
أنا هالأيام عم أستعمل Samsara بس للصبايا يمكن تكون تقيلة شوي. أنا أزمة حياتي كانت مع ديودوران وبودي لوشن اسمو Indian Summer جبتو مرة من ألمانيا بالصدفة وما عاد لقيت منو ولا بأي محل! وهلأ كل ما بيسافر جوزي بيدورلي عليه وما في فايدة، لا ء وما حدا سمعان بإسمو كمان، يعني لو ماني محتفظة بالعلبة الفاضية كنت بفكر حالي عم اتوهم!! |
دخلـك ! بتعـرفيــلي شــي عـن صحــة معـلومـه مفادها .. الاحتفاظ بالبارفان طويلــن بيزيــد من فاعليتـو مــدري بيـعـتــئــو .. شــيئ مــن هـذا القبيـــل ؟ |
[quote=طفوله;1344998]
دخلـك ! بتعـرفيــلي شــي عـن صحــة معـلومـه مفادها .. الاحتفاظ بالبارفان طويلــن بيزيــد من فاعليتـو مــدري بيـعـتــئــو .. شــيئ مــن هـذا القبيـــل ؟ :Dاللي بيعتئ هو النبيذ, سمعت انه البارفانات الها مده صلاحيه يعني بعد سنه بتبلش تخرب |
اقتباس:
I Know :D |
| الساعة بإيدك هلق يا سيدي 10:33 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون