طالب المسلمين بالاعتذار عن "غزو أسبانيا" واحتلالها 8 قرون
 

طالب المسلمين بالاعتذار عن "غزو أسبانيا" واحتلالها 8 قرون
اثنار يدافع عن البابا ويتساءل: لماذا لا يعتذر العالم الاسلامي ابدا؟


واشنطن- وكالات
دافع رئيس الوزراء الاسباني السابق خوسيه ماريا اثنار عن بابا الفاتيكان بنديكتوس السادس عشر بعد تصريحاته المثيرة للجدل حول الاسلام, متسائلا لماذا على الغرب ان "يطلب الصفح" دائما ، في حين ان العالم الاسلامي " لا يعتذر ابدا".
وتساءل اثنار خلال محاضرة بالانكليزية في معهد هادسن في واشنطن السبت 23-9-2006 "لماذا علينا دائما ان نطلب الصفح وهم لا يقومون بالمثل ابدا؟".
وقال "من المثير للاهتمام الاشارة الى ان العديد من الاشخاص في العالم طلبوا من البابا ان يعتذر عن محاضرته, وانا لم اسمع يوما مسلما يقدم اعتذاره لغزو اسبانيا واحتلالها على مدى ثمانية قرون".
كما عبر عن قناعته خلال هذه المحاضرة التي كانت بعنوان "التهديدات العالمية" "اننا نعيش في زمن حرب. فاما هم واما نحن. الغرب لم يهاجم الاسلام, انهم هم الذين هاجمونا".
وتابع قائلا "لا شك لدي في انه علينا مواجهة اسلام جموح واسلام راديكالي يؤثر على العالم الاسلامي, اسلام اصولي يجب مواجهته لانه لا خيار لدينا. نحن مهاجمون بصورة دائمة وعلينا الدفاع عن انفسنا".
كما اعتبر اثنار ان ما يسمى بتحالف الحضارات التي تدافع عنها اسبانيا وتركيا بدعم من الامم المتحدة لمد الجسور بين الغرب والعالم الاسلامي "سخافة". واضاف "الحوار امر آخر. ففي السياسة هذا شيء لا غنى عنه وايجابي".
وكان البابا قد استشهد باقتباس لامبراطور البيزنطي قال ان كل ما جلبه الاسلام شر وغير انساني وان العقيدة انتشرت بالعنف ، وهو الامر الذي اثار غضب المسلمين في انحاء العالم وطالبوا البابا بالاعتذار.

لذيذ جدا اذنار
فعلا رجل ذكي

السؤال هو
لماذا لم تخرج هذه التصريحات التي تنم عن شجاعته وهو رئيس وزراء اسبانيا

ام انه تذكر ان على المسلمين الاعتذار بعد خسارته السياسيه المهينه امام تباتيرو :lol:

ندم
 

أظن ان الشعب الإسباني ندم لانتخابه ثاباتيرو فهو ليس أهلاً لرئاسة الحكومة
التي وصل إليها عن طريق الصدفة ..

مو هادا أزنار اللي طيروه القاعده بتفجيرين في أنفاق مدريد
طبيعي يكون منغاظ من المسلمين

كلامه منطقي وانا بعتقد انو بغض النظر عن الشخص الصادر عنه هالكلام فهالكلام منطقي

اه والله ليش ما يعتذرو المسلمين عن احتلالهم لل إسانيا 800 سنة

وكمان بالمرة تعتذر فرنسا وايطاليا وبريطانيا عن احتلالهم للوطن العربي

وامريكا تعتذر لانها احتلت العراق اه والله فكرة

واسرائيل كمان على البيعة تعتذر وومالو

اااه يلا حملة اعتذارات كلهم مرة وحدة يعتذروو :p

والله مثل ما قلتي يافا

خليهم يعتذروا وبنشوف بيطلع منهم فعلا كلمة اعتذار ؟؟

خلي اسرائيل تعتذر عن 58 سنة شردت فيها اهل فلسطين

خلي بريطانيا تعتذر عن المجازر اللي صارت بفلسطين بسببها

خلي اميركا وبريطانيا يعتذروا للعراق ، عن كل الشهدا اللي سقطوا

قال شو تحرير العراق من نظام ظالم

اي روحوا شوفوا كم شهيد سقط في العراق من بداية الحرب

استغفر الله العظيم، والله العرب نايمين سكارى وما هم بسكارى

:jakoush: :jakoush: :jakoush: :jakoush: :jakoush: :jakoush: :jakoush: :jakoush:

بغض النظر مين هو وشو هو. ومنين هو.

كلامو منطقي كتير.

بس هلق حملة الاعتذارات فكرة حلوة.
بس مين بدو يبلش؟؟
وعلى انو اساس هالشخص رح يبلش؟؟

على اساس انو البابا حكيو كتير رسمي ومش لازم يرجع فيه , وحكيو يمشي على الكل هيك العدالة ولا بس على اسبانيا ;-)

حملة الاعتذارات بتبلش من البابا مثل ما حكت يافا
كونه هو السبب في اثارة القضية واعطاءها البعد اللي اخدته

واللي رح يمشي على خطا البابا لازم يكون من الشخصيات المهمة
يعني مش اي واحد يجي ويعتذر

مثلا ما بينفع معنا يجي واحد ويحكي والله قتلت اربعة ما بعرف من وين
لازم يكون عامله عملة كبيرة جدا

مجزرة
احتلال دولة
تشريد
ارهاب
يعني هيك اشيا

مافهمت
يعني ليش البابا بدو يبلش.
شو هو الاساس اللي بدنا نمشي عليه بحملة الاعتذارات؟؟
يعني هلق يا ترى الكل بدو يعتذر ونحن نبقى وما نعتذر؟؟

هلق انا من معاشرتي لولاد هالوطن. بعرف انو مستعدين يعملو كلشي الا انو يعترفو بالغلط. ويعتذرو.

انا بشوف انو افضل طريقة هية منعملها بتسلسل الاحداث تاريخيا.
يعني من البداي, من وقت غزو اسبانيا وباقي البلاد لحد ما نوصل لعند البابا
هيك بشوفها منطقية اكتر.

لانو مافينا نقول انو البابا هو اللي اثار القضية.
القضية مانها بحاجة مين يثيرها

انا ما قلت انو البابا هو الي يبلش
انا قلت على اي اساس بدنا نبلش

على اساس انو البابا بدو يانا نعتذر عن انو المسلمين احتلوا الاندلس 800 سنة اوكى بنعتذر

هل امريكا سوف تعتذر عن احتلال العراق
وفرنسا عن احتلال دول المغرب ولبنان سوريا ولا احتلال فرنسا كان شوي عليكوو

ولا اسرائيل كمان لازم تعتذر عن احتلال فلسطين ولبنان ام انو هادا مش من حسابات البابا
ازا المسلمين لحالهم بدهمم يعتذرو فهادا هو الخطأ

اما الكل يعتذر فهادا هو الصح

انا مع فكرة البابا بالاعتذااار لانو الاحتلال كلو خطأ , بس ما تنسى انو المسلمين فتحو حضارة ضخمة في الاندلس , يعني مش متل احتلال امريكا ولا فرنسا ولا الدول الاستعمارية

يا جماعه و الله أنتو عطيتوا الموضوع أكتر من حقه
البابا لا يمثل المسيحيه الا بالأسم اليوم فقد تغلغل اليهود في الفاتيكان و أصبحوا قساوسه و رهبان بعد ان اعتنقوا الدين المسيحي و المسيحيه براء منهم و لا تنسوا ان البابا السابق قد برأ اليهود من دم عيسى عليه السلام عندما قال بأن الرومان هم من صلبوه
تصريحات البابا مخطط لضرب المليار و ربع مسلم بالمليار و نصف مسيحي في العالم لهف واحد هو تسلط اليهود على رقاب المسلمين و المسيحين

هلق بس تنويه, البابا مو هو اللي طالب بالاعتذار
اثنار هو اللي طالب.

بالنسبة للاعتذار.
هو ما رح يصير.

بس نحن عم نحكي فرضا انو اتفقنا انو رح يصير اعتذار وكل الدول رح تعتذر.
مين اللي لازم يبلش؟؟ وليش؟

وللي هادا هوو.........

هو اعتذر لانو اساء للاسلام

بعدين كيف المسلمين يعتذرو عن احتلالهم لـ اسبانيا 8 قرون

بالعكس هادا انجاز النا وبضل شي كبير بتاريخنا احنا كا عرب دليل على انو كنا اقويااء

بعدين ليش احنا نعتذر وغيرنا ما يعتذر على هيك شي ازا هم شايفين الاحتلال خطأ ولازم نعتذر عليه , بينما دول تانية ما تعتذر متل الدول المحتلة ’


مممم مين الي بدو يبلش بالاعتذارات هم الدول الاستعمارية الاولى الي تنافست على قارات العالم الجديد متل امريكا اول ما اكتشفوها , تنافسوا عليها قتلوا الهنود الي فيها