|
هل للقبلة على الخد امتداد جنسي
من فترة شفنا بالأخوية موضوع حطه الاخ ويجا عنوانه لك البوس حلال حلاللللللللللللللللل
الموضوع قدم تحت اطار فكاهي نوعا ما وكان الفكاهي اكتر من الموضوع الردود شبه كاتب او خلينا نقول ناقل الموضوع الفتوى هي بمثيلتها رضاعة الكبير . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الردود كانت بتأكد هي الفكرة وبتستهزء بفاتيها لا بل بعض الردود تمردت وتمادت اكثر من ذلك واصفة مفتيها ب " الهبل ، دعوة للفساد ،والمصخرة ، ناس ما بتستحي ، اللهم لا توأخذنا بما فعل السفهاء منا ، ........... والقائمة تطوووووووووووووول وتطول وما زالت متزايدة . والبعض صنف الموضوع على انه على اانه من قسم النكت " على الطاير " بصراحة الفكرة هي جعلتني اعمل الاستفتاء والراي هاد خصوصا للمشاركين بالموضوع تبع ويجا هل ترى بالقبلة على الخد امتداد جنسي . ملاحظة : بعتقد ما لازم اذكركم انكم عالم مثقفين واعيين مؤدبين ، وانا متأكد اني ما بدي شوف رد عبارة عن كلمة واحد انا متأكد انه كل اللي بدي بستفتي بده يعبر ويصرّّح ليش اختار الشي اللي اختاره بدون ما انا اذكره . |
اقتباس:
لذلك انا بتعامل مع كتير من الصديقات بالتقبيل وبعتبرو أخوي . يعني هي علاقات اجتماعية بتحدد حسب العائلات منفتحة أو محافظة وحسب ثقافة الافراد. تصوتي أكيد بـ لا ... |
امتداد جنسي بحت وضارب بالصميم..
:D ___________________ اضافة هامش.. واصر ع الامتداد الجنسي..واللي بدو يتعمق اكتر بقصة القبلة (البوسة) يراجع موضوع بالملطوشات..وكمان يحاول يقرأ بعض كتب فرويد.. |
حسب الشخص اللي عم تقبلو .....
يعني اذا من المحرمات عليك ما الها برايي امتداد...يعني بتكون حبية و متل ما قال باشق انو بتعبر عن المحبة مو اكتر اما اذا ما كان محرم اي بدك تسمحلي فيها بقى خيو....بتصير امتداد و نص كمان :lol: و بما اني ما لقيت عندك حل وسط بخياراتك فلذلك ما صوتت نهائيا :? |
اقتباس:
بعتقد الفتوى كانت عن قبلة الشفاه... عموماً جوابي على انو ادا كانت قبلة بين 2 مش اخوة او متزوجين : انو اي طبعاً...وبلا ادنى شك...لانو: هلأ بتبلش بقبلة ما رح دغري تنتقل او تمتد امتداد جنسي..بس الشغلة بتصير تدريجياً..يعني ممكن تمتد شوي شوي..بعطيك مثال.. لما الطفل يسرق شي بسيط..ممكن تفاحة احنا بننهيه عن هالشي..هلأ كـ شئ مسروق هي تفاحة بس احنا منعناه عن شئ اكبر ممكن يصير مستقبلاً ادا احنا سمحنالو هلأ...لانو الشغلة بتبلش شوي شوي ورح تمتد لـ سرقة اكبر...وهيك القبلات..بتزيد شوي شوي القصة وبتصير تمتد...هيك برايي... بس بتمنى منك تأكدلي..ادا موضوع ويجا كان اكيد عن قبلة على الخد ولا الشفاه ؟! |
بوسة !!!
على ما أظن في امتداد جنسي ... وما بظن انو في اشي اسمو .. قبلة اخوية لصديقتي ... :lol: اخوية بمفهوم البنت .. بس بمفهوم الشب .. !!! :o |
بنا نسأل مجربين لنعرف
بس بتخيل يعني اذا في اعجاب او محبة او ماشابة بين طرفين تبادلو قبلة على الخد اكيد فيها امتداد جنسي |
اقتباس:
|
اقتباس:
بس يعني الهيئة مجرب:p |
اقتباس:
منشان هيك عم قول انو اي قبلة او بوسة الها امتداد جنسي.. قلنا وعم نكرر الاصل والاساس امتداد جنسي..مع مرور الوقت والزمان صار للقبلة تفسيرات انو بين الاب وابنو شي وبين الزوجة وزوجها شي تاني.. وهيـك.. |
قبلة عل الخد احسن من عشرة عل الشجرة :clap:
|
اقتباس:
يا صديقي الذكور ليسو ذئاب مفترسة والاناث لسن حملان وديعة. بل الظروف التربوية المتشددة هي التي ولدت هذا المفهوم الخاطئ. انا هون مو لشجع للتقبيل بل لقول انو اذا كان الانسان متربي تربية منفتحة تتجاوز النظر الى البشر كأعضاء جنسية وتتجاوز مرحلة نظرية الذئاب والحملان فلا مانع وقتها من تبادل القبل على اساس اخوي هذا بنظري شخصياً. |
اقتباس:
دينيا لاء (جميع الاديان) مارح ناقش من الباب الديني رح ناقش من باب علم النفس باعتبار اني دارسة علم نفس:larg: الجنس غريزة وغريزة قوية جدا وصنفت من اقوى الغرائز يعني التحكم فيها شي مقدور عليه وخاصة اذا الانسان عندو تربية اخلاقية بتحاول دائما تصقل ها الغريزة بشي تربوي بي انت تخيل انك اكل وشبعان وماشي بالطريق او اي شي وشميت ريحة اكلة طيبة او حدا عزمك على اكلة طيبة اكلة انت بتحبها بتاكل ولا لاء؟؟؟ |
اقتباس:
|
اقتباس:
لانو اثبت علم النفس انو الجوع غريزة بتدفع الأنسان للأكل متل الجنس غريزة لبقاء الآنسان مافيك تقول اذا شبعان ماباكل الآكل غريزة يعني شي انت مابتقدر تتحكم فيه بسهولة والدليل لما تجوع لازم تاكل واذا مااكلت بيتعكر مزاجك وممكن توصل لمرحلة بالجوع انك تاكل شو ماكان المهم نسكت الجوع |
الانسان بيفرق عن الحيوان بكبت غرائزو . والانسان مو غريزة فقط بل غريزة وعاطفة وعقل وروح ولما كانت الغريزة الجنسية موجودة ومطلوبة أكيد لازم نميز بين الاشياء الي بتثير هالغريزة وبين العلاقات الاجتماعية العادية بين البشر الي ما الها علاقة بالغريزة الجنسية. هون منرجع لمثالك تبع الاكل يعني ازا كنتي جوعانة ما رح يثير كيس الملح شهوتك للطعام بالتالي عيوني وايت روز منرجع لنظرية الذئاب والحملان تلك النظرية التي فرضناها على انفسنا. البشر ليسو اعضاء جنسية ولا يجب النظر اليهم فقط من منطلق غرائز لأننا بهالحالة نعاملهم معاملة حيوانية تماماً. انا مصر انو هناك علاقة ودية وأخوية ممكن أن تنشأ بين الرجال والنساء والامثلة كثيرة. |
البوسة حسب النية وأنا من جهتي نيتي عاطلة :p
|
متل ما انقال سابقا
تتبع للمجتمع و العادات و النية و انا صوتت مع كلا لانو اذا الواحد بدو يعمل بوسة الخد امتداد جنسي بيقرب البوسة شوي ناح الرقبة او بيشد على اليد اثناء التقبيل بس يعني الخد والله مالو طعمة |
| الساعة بإيدك هلق يا سيدي 09:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
