|
السيدات أولا
خائنات و لو عبدوك دائمًا تتردد هذه العبارة الشهيرة النساء أولاً على ألسنتنا ، وخاصة الرجال عندما يقدمون النساء لدخول أي مكان أو فعل أي شيء آخر ، مما يدخل السرور في قلب المرأة أو الفتاة ، لأن الطرف الآخر أظهر لها نوعًا من الاحترام والتقدير ، ولكن دعونا نتعرف على قصة هذه العبارة الشهيرة ونقف على أحداثها سويًا : هذه العبارة لها قصة عجيبة حدثت في إيطاليا في القرن الثامن عشر ميلادي ، ومفادها أنه كان هناك شاب من إحدى الأسر الغنية ، وفي إحدى مقاطعات إيطاليا وقع في حب فتاة من أسرة أقل منه في المستوى المعيشي والطبقات التي ينتمون إليها ، هنا اتفق الاثنان على الزواج ، ولكن الشاب لقي معارضة من قبل أسرته ، والتي اضطرت لتهديده بعدم مباركة هذا الزواج ، كبرت الضغوط على الشاب وكذلك على الفتاة ، وقررا أن لا يفرقهما إلا الموت ، وبالفعل بعد أن كثرت الضغوط خافا أن يفترقا ، وقررا الانتحار وتوجها معًا إلى صخرة عالية جدًا ومطلة على البحر ، عندها قررت الفتاة القفز أولاً ولكن الشاب منعها من القفز بحجة أنه لا يستطيع أن يراها تموت أمامه ، واتفقا بعدها على أن يقفز الشاب أولاً ، وبالفعل قفز الشاب وسقط ومات ، ولكن .... عندما رأت الفتاة هذا المنظر غيرت رأيها ، وغدرت بالشاب وعدلت عن مرافقته في رحلة الموت هذه ، وبعدها ورجعت إلى قريتها ، وتزوجت شخصًًا أخر من طبقتها ، وخانت حبيبها الذي ضحى بنفسه من أجلها ، وعندما علم أهل القرية بذلك قرروا أن تكون النساء أول من يقمن بالأعمال وأن يتم تقديمهن في كل الأشياء حتى يكُن أول الفاعلات .... حينها ظهرت مقولة النساء أولاً |
اقتباس:
|
والله حالتك صعبة، يمكن لازم تجرب هيدول الحبوب تبع إزالة الذكريات السيئة بلكي بيمشي الحال. يمكن أنت مثالي زيادة عن اللزوم ومشان هيك صعب أنك تشوف الأمور من وجهة نظر المرأة، صحيح في نساء خائنات بس هاد ما بيعني أبداً أنو كلن هيك ولا بيعني أنو الرجال معصومين.
بس حتى القصة اللي حطيتا فوق ما بتعني أنو البنت كانت خاينة، وإنما ممكن أنو ما تكون عندا الشجاعة اللازمة لوحدا، يمكن لو تركا تنط قبلو كانت نطت لأنو رح تستمد الشجاعة من وجودو أما لوحدا فخانتا شجاعتا. وبعدين كلمة الحب كمة واسعة كتير ونسبية وبتختلف من شخص لآخر، يعني كتير أوقات الإنسان بيكون عم يخدع حتى نفسو قبل ما يكون عم يخدع الشخص الآخر، ومو كل البنات ولا كل الشباب عندن الوعي الكافي والمعرفة الكافية لأعماقن ليقدرو يحكمو بصدق على مشاعرن وخصوصاً بأعمار صغيرة وحسب تجربتن. الحقيقة ما بتظهر إلا بالتجربة، بتظهر حتى للشخص نفسه |
اقتباس:
ما تنسي انو الموضوع ملطوش و زنز ماني شامل حدا بعرف انو الشغلة شغلة تناسب .:D |
ما عم انبحت، عم أحكي كتير برواق، ما تفهمني غلط، بس شفتك بأكتر من موضوع متأثر بقصة قديمة صارت معك، المشكلة أنو أخي صار معو قصة كتير بتشبها وأخدت الشغلة معو وقت كتير لطلع منّا، وهلأ ندمان عالوقت اللي ضيعو وهو مسكر عمشاعرو بالمفتاح ، فبس حابة أنك تكسب شوية وقت من يللي خسرو، فإنفعالي ماني ضدك بالعكس.
:oops: |
له له راااااحت عالزلمة ضحكت عليه :o
ضحى بحيااتو و خسر كل شي لانو بيحبا :cry: فعلااا خائناات و لو عبدووك :x:x |
اقتباس:
حياتي مانها مثالية بجوز بس أنا ماني ظالم حدا و شكرا لنصيحتك و من جهة الموضوع فهو موضوع عرضي ما في اي مشاعر حقد بس القصة عجبتني و نقلتها سلام:D |
وهاي القصة رد مناسب على كل أحاديث النسوة القائلات
"إخص لـ رجال مالهمش أمان " بس ملطوشة في الصميم :D |
اقتباس:
ما حبيتها منك ها .. انا اعترض وبشدة ..:frown: |
لك مثنى شبك انت والشباب قايمين علي:shock::cry:
الموضوع ملطوش من الإيميل و الجملة ملطوشة كمان:frown: و يعبدوني و لا هاد الهم:pos: |
اقتباس:
اها هي خافت شو المشكلة قلبها ضعيف انا احزنت عليها كتير والله :sick::sick::sick: |
لك انو يعني اللطش حرام ..:p جاي ع بالي صير افتي متل ايام زمان .. الله يرحم هديك الايام .. وينك شريكي ابو العبد ..:cry:
انو انا قصدي يعني حرام في بنوتات كتير حلوين وبتفديك بروحها يعني في كدا وفي كدا ..:oops: |
بس الشباب كلهم نفس الشي
خاينين صح ولما يشوفو بنت حلوة وعبرتهم شوي بروحو عليها وين الاخلاص |
اقتباس:
بعدين من كل مواضيعي لحقتو هالموضوع الملطوش:frown: لك انا كتير عجبني و كتير في وجهة نظر و الي تجربة شخصية كمان:pos: شو لسا بدك:x بس بسيطة انت بتمون:D |
اقتباس:
اقتباس:
شكلكن آكلين مقالب من بنات مو مناح بنوب:pos: عكل الله يصبركن انتو التنين وكل اللي متلكن بس بدي قلكن شغلة : أصابع ايديكن مو متل بعضا وبالبنات في المنيحة وفي الفاسدة والخاينة:x بس الله خلقلكن عقل وحكمة لتختارو اللي بتوافقكن.;).. مو تركدو ورا الجمال وبعدين تنخزكن بشوكا اختارو صاحبة الأخلاء والمبادئ والأخلاص والحب والتضحية وفي منن كتير هالأيام... الحمد لله...:p |
اقتباس:
.:D |
اقتباس:
مليان والله بكون حواليكن بس انتو فتحو عيونكن وعقلكن منيح ..... وبس تحطو عيونكن على شي وحدة أول شي بتعملوه انكن تسألو عنا الجيران ورفقاتا سواء بالشغل او الجامعة او غيرو.. والله يوفقكن باختيار البنت المناسبة يا حئ.:D.. |
نيالك عا عقليتك يا وردة
يعني ما بعرف تفكيرك بسيط جدا و قناعتك عا قدها نحن بدنا واحدة نحن نختارها مو القدر يخترلنا الياها و بكرر كلامي الكلام مو للشمول في بنات وفيات و بينخانو كمان و القدر هو اكبر خائن بالتاريخ و سلام:D |
| الساعة بإيدك هلق يا سيدي 02:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
