|
سوريون يروون لعكس السير قصص " الحقد " الذي مورس عليهم في لبنان ..
التفاصيل   لطالما كنا نستمع إلى أغنية فيروز " سوا ربينا " في زمن كنا نتغنى فيه بكوننا " شعب واحد في بلدين " وكم من فقراء سوريون بسيطون ساهموا في بناء لبنان وعمرانه وكان لهم جهود كبيرة وما زالوا .إلا أن ماجرى بعد مقتل " الحريري " جاء ليشعل نار الحقد من قبل فئات لبنانية " عنصرية " لم تنطفئ نيران الحقد في داخلها أصلاً . وتتخذهذه الفئات من سوريا شماعة لتعليق مشاكلها ، وزاد نار الكراهية والعنصرية التصريحات التي تعتبر " السوري " هو سبب كل مصيبة تنال اللبنانيين ، وبدأت الاعتداءات تطال العمال السوريين بشكل فظ ولا إنساني . ولاقى كثير من السوريين حتفهم وسط جو مشحون بالحقد الشوفيني الأعمى ، وتعرض كثير منهم للترحيل التعسفي رغم زواج بعضهم من لبنانيات . وأشار تقرير صادر عن منظمة العفو الدولية حول أوضاع السوريين السيئة في لبنان إلى مقتل 20 عاملا سوريا بطرق مختلفة . درك لبناني يطرد مواطن سوري ويقول " بالناقص كلب " . سنوات طوال ونديم ( 45 عاما ) يعمل في لبنان سائقا لسيارة أجرة، وكانت حياته هادئة تماما حيث تم له الزواج من سيدة لبنانية وأنجب منها ولدان : " تركت حلب بحثا عن مردود مادي أفضل وكان أن تزوجت من سيدة لبنانية في عام 1989 ورزقت منها بولدين جميلين هما عامر وأماني وهما يدرسان في مدرسة في منطقة برج حمود ". وتابع " نديم " قائلا : " حتى قبل مقتل الرئيس الحريري كنا نتعرض لمضايقات من البعض وقد صدر قرار إبعاد تعسفي بحقي بحجة عدم تجديد الإقامة مع العلم بأن القانون يقضي التجديد بشكل روتيني لكنهم احتجزوني أكثر من عشرين يوما ، لقد سمعت الدرك يبحثون أمري حيث قال أحدهم ( بالناقص كلب ....) " وبعد خروج نديم تم تسليمه إلى الحدود رغم أنه أخبر الدرك بأنه متزوج من لبنانية ولديه ولدان وأبرز الوثائق الرسمية لكنهم لم يصغوا لتوسلاته وتم ترحيله تعسفيا ، أما الآن فنديم يدخل خلسة من اجل مشاهدة زوجته وولديه حيث تم إصدار مذكرة توقيف بجرم هو " مخالفة قرار إبعاد ". يكمل نديم بحرقة شديدة بالقول : " هل هذه هي الأخوة والشعب الواحد ، مع أنني لا أنكر وجود كثير من الطيبين الذين ساعدوني من اللبنانيين في محنتي فليس الجميع سواسية أرجو أن ينصفني أحد من المعنيين مع أنني فقدت الأمل من الجميع " . لم يكن نديم الوحيد الذي تم ترحيله من لبنان فقبل عيد الفطر عاد " م . ح " مع أخيه وأقربائه بخسارة كبيرة نتيجة لإغلاق مطعم صغير كانوا يعتاشون على رزقه البسيط في احد أحياء بيروت . " لقد كان زبوني .. وفوجئت بحقد كبير في داخله " يروي " م . ح " قصة إغلاق المطعم قائلا : " لقد اعتاد زبون لبناني على زيارة المطعم لمدة طويلة , وفي أحد الأيام , فوجئنا بمجيئه بسيارة عسكرية مع مجموعة من الرجال حيث تم اقتيادنا للتحقيق ومما قالوه لنا بأننا نبيت نية سيئة لعمليات تخريب وقتل في لبنان " وتابع :" لقد صعقنا مما قاله رجل الأمن ، لقد أخبرناه بأننا مجرد عمال نعيش على رزق المطعم الصغير ولا دخل لنا بأي أحداث , لكنه أعطانا مهلة قصيرة لتخليص أمورنا المالية في لبنان من اجل الرحيل وكان ذلك وتكبدنا خسائر بمئات الألوف ، لقد كانت تجربة مريرة حقا ". ردود أفعالنا خجولة .. وحقدهم كبير كانت دائما ردود الأفعال من وزارة الشؤون الاجتماعية والعمل خجولة فلم يتم إجراء أي إحصاء جدي لأعدادهم وظل دورها " ضعيفا " أمام الزخم من أطراف لبنانية تسيء إلى علاقات سورية في لبنان وترسم صورة السوري , بطريقة أقل ما يقال عنها بأنها رخيصة . و الة " المستقبل " الإعلامية العميلة لأمريكا ولجهات عربية , تمارس يومياً أبشع حملات التحريض على سوريا وعلى العمال السوريين البسطاء هناك . " سوري يقتل زوجته ..وسوري.........." وعناوين أخرى بقيت تصدرها أيضاً صحيفة " النهار " لتصوير هذه " الوحشية " طوال الفترة التي تلت مقتل الحريري بصورة مقرفة مستفذة للمشاعر بطريقة مدروسة ممنهجة فما كان ردنا ؟؟ وقد أثبتت الأيام في حرب تموز نبل الشعب السوري في مواجهة " الحقد " , عندما احتضن السوريون أشقاءهم اللبنانيين لإدراكهم بأن لبنان لا تمثله النهاروالمستقبل وجعجع وجنبلاط و ... . عكس السير - عمار دروبي |
مرحبا
سمعنا كثيراً عن أحداث تنم عن عنصرية فجة أظهرها بعض اللبنانيين تجاه العمال السوريين . و الحقيقة أني أريد أن ألفت النظر لنقطة مهمة فنحن نعلم بأن الطائفية هي السبب الحقيقي للمعضلة اللبنانية,وأذكر كلمة لباتريك سيل أجدها قربية جداً من الحقيقة: أن سوريا هي لبنان بشكل أكبر,بمعنى أن اطلاق يد الأديان سيؤدي بنا لكارثة حقيقية أكبر من مثيلتها اللبنانية. تحياتي |
خيو أنا متأكد أنو ما كل اللبنانيين حقودين ... بالعكس في منون كتير بيحبونا ... ونحنا منحب الكل .... أصلا نحنا بالأصل شعب واحد :pos:
|
مابعرف شو بدي احكي ...
الشعب البناني الشعب اللي معروف شو هو ومين هو وشو سمعتو ع مستوى الوطن العربي فمافي مشكلة منو .. بصراحة اكتر الشي استفزني العمال السوريين اللي ماتو (الله يرحمن ) بس هادا اذا دل ع شي بدل ع حقار ووطاوة نسبة 75% من هالشعب .. ناس ماطلعلى تتقاوى غير على هالكم عامل ضعيف عايفين سماهن انو هالناس هي وين كانت ايام زمان ايام ماكان الجيش السوري داعس ع راسن وع راس كل واحد بفكر يرفع راسو .. عنجد شي بيحرق القلب واللي بيحرق القلب اكتر .. السوري الفهيم اللي بجي بقلك سوريا ولينان واحد ;) اخي سوريا سوريا ولبنان لبنان وماحدا واحد بحدا كل واحد لحالو وبربو وشغلة الاخوة هي والهتافات والشعارات هي شغل بطاطا دائما بسمع السوري بقول سورياو لبنان واحد بس ولا مرة سمعت لبناني قالا مع انو المفروض البناني يقولا والسوري لأ بحكم الشعب السوري اكتر عددا وتعدادا وسوريا وين ولبنان وين .. ع الهامش * انا زكرت نسبة 75% فوق مشان مانحط الشعب البناني كلو بزمتنا .. لانو في كم لبناني بصراحة بيستحقوا الاحترام والتقدير كتير وبينحطو ع الراس ومشان ماحدا يجي يقلنا مافينا نعمم ومن هالحكي .. |
طبعاً نحن ما رح نكون متل اللبنانية ونسب الشعب كلو عالطالعة والنازلة لان اكيد مو كلون عنصريين بس الاغلبية إي نعم قمة بالعنصرية.
انا لو كنت محل سوريا كنت سكرت الحدود وقطعت العلاقات مع هالجار وخليون يضلو يقتلو ويضربو ويشرشحوا بعض ليشبعوا بصراحة بهالايام ماعم يجينا منون غير وجع الراس وعلى رأي المثل " الباب اللي بيجيك منو ريح سدو واستريح"  |
اقتباس:
|
العين بالعين والسن بالسن....
وياريت يرجع التاريخ ليقلك شو فُعل باللبنانين.... |
اقتباس:
ي انت قلي لماذا برأيك ؟ بعدين بعد ازنك يعني بدي اغلبك معي تكتب بالعربي .. ماخرج اترجم لاني ..:D |
اقتباس:
and it's a little good exercise to improve your english |
قصه شفور التكسي مأثره....!
|
ياعيني ..
بس طلب صغير انو تغيرو اسم منبر اخوية الحر وتخلو منبر اخوية بلا حر لانو شايف كل ماواحد ع بحط رد مو ع كيف صحاب المنبر برجع بعدي يومين بلاقي طاير .. بقى ماعاد الا طعمة الحر ازا الحرية مايتخلي الواحد يكتب رد متل العادة ;) |
اقتباس:
هاد لازم يسموه المنبر اللبناني الحر بالتعاون مع التيار الوطني الحر:x |
اقتباس:
لا بس بدك تشيل كلمة الحر من اخرو وتخلي المنبر حاف لانو ماعاد الا طعمة الحر وصارت مجرد اسم من افضال الشباب الطيبة ;) اي بس بالاخير تذكير بالردين اللي انحذفوا كان مضمونن انو لبنان لبنان (شي بهوي) وسوريا سوريا ومالنا اخوة مع حدا ومالنا شعب واحد ولا ربينا سوا ولا منتشرف نربى مع الشعب البناني ولا رح نربى ولبنان لبنان وسوريا وسوريا ومالنا اخوة ولا قرايب وهي ردا ع كل واحد بقل سوريا ولبنان واحد ;) ومن جهتي اي لبناني بدي شوفو بحلب بدي طقو قتلة شلون ماكان وماجد نفس الشي |
اقتباس:
بعدين اي واحد منكون بيرضى انو يفوت لبناني ويسب سوريا هي الحرية يللي بدكون اياها ..... وردودكون كلها ما فيها كلمة من الموضوع ومعترضين كمان ....:x شي ظريف |
أنا شايف أنو ..كل شعب حر بدولتو ....و حر يتصرف مع الغريب بالطريقة يللي بحبا
يعني هالعمال السوريين يللي نزلوا على لبنان ..... المفروض يكونو حاسبين هيك حساب بس بنفس الوقت ..... لا يبلّشوا اللبنانية ينعو ...كل ما قطعنا عنهون الكهربا أو كل ما سكرنا الحدود أو كل ما قاطعنا البطاطا البعلبكية ... كمان نحنا حرين ببلدنا |
اقتباس:
ما بعرف اذا في حدا منكم عم ينزل على لبنان ويشوف انو الحواجر الحدودية اللبنانية بيعملو السوريين احسن من الامن العام السوري وداخل لبنان ماحدا بيحكيك انك سوري او شي من هالهبل يلي متخيلينو عيب هالحكي لا نحنا شعب واحد هي حقيقة تاريخية مو على كيفك ولا كيف حدا |
اقتباس:
بس انت كمان كلامك بعيد جداً عن الواقع أنا شفت بعيني كيف الامن العام اللبناني عم يعامل السوريين ...و خاصة يللي مبين من منظرهون أنو جايين يشتغلوا |
اقتباس:
اقتباس:
لما السوريين بروحو على لبنان وبكونو محترمين البلد يللي هنن فيها او المنطقة وحتى الشعب فغصب عن الكل بدون يحترمو ... اما يللي رايح مشان يشتغل متل بقية العمال السوريين يللي بس همو شغلة وحدة هي المصاري وكيف يدبر راسو ولو يصحلو يسرق ما بقول لاء ولما بصير يلم من الزبالة شغلات كابينها اللبنانية فشي اكيد ما رح يتعامل باحترام ... بس لما الواحد بروح ويفرض احترامو فشي اكيد بدون يحترمو .... دخلكون مين عم بروح على لبنان من السوريين ؟ نسبة كبيرة مو شايفين شي بالدنيي غير الغنم والبقر ... ولما بوصلو لهونيك بصير فيهون متل العديم يللي وقع بسلة تين ..... ونسبة قليلة جدا يللي بروحو محترمين حالون |
| الساعة بإيدك هلق يا سيدي 16:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون