|
بخصوص ابو طوني..
مرحبا..
ما بعرف شو اللي صاير بالضبط .. ومو ضروري اعرف.. بس شخص متل ابو طوني بعتقد انو اخوية كتير خسرانة اذا بيتركها.. مفترض تنحل المسائل بدون ما توصل لها الدرجة.. وخاصة انو من وقت فتت على اخوية ما شفت ابو طوني عم يحكي بهي اللهجة اللي كتير قاسية واللي واضح انها ردة فعل على ظلم او على اهانة اذا ما كنت غلطانة.. وبعتذر اذا كنت غلطانة.. بيزعجني كتير انو فكر بحالي انو اذا بيوم من الايام صار سوء فهم بيني وبين حدا من المشرفين انو اترك هيك وبكل بساطة مكان اثر فيني وحبيتو كتير .. و بيمثلي اكتر بكتير من مجتمع افتراضي.. ومشان هلأ ما يجيني حدا ويقلي.. شو المطلوب.. المطلوب انو المشرفين والاداريين مفترض كمسؤولين عن ادارة هادا المنتدى يحلو المشاكل اللي بتصير.. وانو لازم هي المشكلة تنحل.. مو تنهمل.. وهيك تمر.. ويروح ابو طوني متل ما كتير ناس بيعنو لأخوية راحو.. نتيجة تقصير او قصور او فشل اداري.. اللي بدكون سموه.. |
اقتباس:
اقتباس:
إذا ما بتعرفي شو صاير .. كيف حكمتي أنو تقصير إداري..؟ و كيف حكمتي أنو الاساءة هيي ردة فعل ..؟ و افترضتي جدلاً أنو في إهانة الو بعدين ما حدا جابر حدا يترك .. يللي بدو يترك يترك .. و يللي بدو يضل يضل ... بس تحت سقف نظام المنتدى |
حكمت انو رد فعل.. لأنو من خلال ما شفتو كيف بيتعامل مع الاخرين ومن خلال اخر الاحداث اللي شفتها على الساحة.. ومن خلال مطالبتو باعتذار عن مخالفة ما بيستحقها وعدم وصول هادا الاعذار على حد علمي.. وتقديري الشخصي لاستحقاقو لهادا الاعتذار..
ونحنا دايما الطرف الاضعف بالمنتدى " بقصد الاعضاء" يعني انتي اذا اسأتلي انا بعترض والكل بيطنش بس اذا أسأتلك بتخالف وممكن تتطبق عليي اي عقوبة بتلاقيها الادارة مناسبة بحكم انك انت ااقرب للادارة.. ومشان ما حدا جابر.. جابر .. لما بيكون في ضغوط وقلة احترام.. بيترك بسبب الادارة.. وانا صارت معي بأول عشر ايام من مشاركتي بأخوية كان في مشرف قلل احترام معي كتير كتير.. وانا بعمري ما اتشاكلت مع حدا.. عملت تقرير مشاركة عاطلة ونزلت بالبريد اعتراض ولا حدا لحدا ... ولأسباب مختلفة ولأنو في واسطات بعتلو ياها .. عمل خط رجعة ووضح موقفو وبدون اعتذار.. هادا واحد من كتير امثلة بتصير ... وبتطفش العالم |
اقتباس:
و كل عضو برأيو هو على حق .. اتركيلي تقديرك الشخصي .. و كل الشخصنات على جنب .. هون أي عضو بيخالف .. رح يتخالف .. بغض النظر عن تقديرك الشخصي و على فكرة ... هو كان بيستحق مخالفة تالتة .. مو إعتذار .. و المشرف المسؤول .. تساهل معو بس ما بظن رح يضل متنساهل على طول اقتباس:
قلة الاحترام و المسبة ... اجت منو ... مو من الإدارة هو استحق المخالفة .. و اتخالف .... ما في داعي يوزع مسبات على كيفو برجع و بقلك .. كل عضو بيستحق المخالفة .. رح يتخالف ... بغض النظر شو رأيك انتي فيه |
مرحبا ناي :? اول شي فاجئني الموضوع ، أنو برأيك نحنا طفشناه لأنو خالفناه ، لأنو خالف :? ما زبطت معي ؟ ما حدا حابب أنو ابو طوني يترك أخوية ، بس ما اعتقد كل السيناريو اللي صار .. هو أخطاء الإدارة من المسبات ع المشرفين ل إهانات للإشراف الإداري مو ؟ |
انا يا جماعة عم قول انو مسؤولية الادارة انو ما تترك الامور توصل لهدا الحد لانو هيي العنصر الاقوى وهيي اللي بتقدر تحل الامور.. وتهديها وما تشعلها أكتر.. وخاصة لما بيكون عضو مالو بالعادة يأذي حدا ومالو طقاق حنك وعالة على المنتدى.. وهادا هوي الخطأ.. انو توصل لامور لهون
ولما عضو بيتخالف وبيسأل ليش لازم يتجاوب عليه ولازم يتعامل باحترام وما يصير مسخرة للمشرف.. متل ما صار معي.. |
اقتباس:
وابوطوني ماجديد باخوية ، + انا اعتقد تم الجواب ع السؤال ، بس الإدارة ما مضطرة تتحمل مسبات في سبيل والله أنو العضو ما يزعل :D أما بخصوص شو صار معك ، ما بعرف شو صار وما بعرف إذا في موضوع بالبريد سألتي عن سبب مخالفتك وما تجاوب عليه ا |
اقتباس:
الموضوع تبع المخالفة كلنا شفنا وشفنا الموضوعين اللي نزلو بخصوصو بالبريد وبناء عليه انا عم احكي |
| الساعة بإيدك هلق يا سيدي 11:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون