|
الوشاة
بيشبهو البشر بكل شي....بياكلو ,بيشربو ,بيتزوجو,بيبتسمو, بيحلمو, بيتألمو,بيمشو على اجرتين,متل كل الناس.
الوشاة بشر بكل المعايير بس هنن ببساطة بسيطة :وشاة!!! الوشاة متواجدين على يمينك وعى يسارك,أمامك وخلفك,بشغلك وبيبيتك,تحت التخت وين ما بدك لك حتى مخلوطين مع الهوا والمي. كلون حسد وغيرة من كل الناس ,بيسمعو حكيك وبيحفظو أسوأشي فيه, بيبتسمو بوجهك بكل مناسبة وحتى بلا مناسبة,بيأيدوا رأيك حتى لو قلت انو اللبن اسود وانو الفيل بيطير . بيحملو معون دائما كيس بهارات من افخر الانواع \طبعا لزوم الشغل\ كذابين ملفقين وبكل مرة بتشوفون فيا بتكتشف انو بجيبتون في أخبار جديدةعن اشخاص جداد, وحكايات جديدة عن ناس بتعرفون وما بتعرفون. حكيون وسيرون كلا عن الناس وأخبارون وهفواتون وبيركضو ورا كل صغيرة وكبيرةوما بيفوتو عليهم مناسبة لا أذا كانت فرح ولا اذا كانت ترح. هنن صيادين مهرا والناس التانين بالنسبة الون مجرد طرائد,وكل الاسلحة بالنسبة الون مباحة وكل الكلمات قابلة للتحويروكل المعاني جاهزة للقلب ونشرة اخبارون على مدار اليوم. مابيرتاحو الا اذا وقعو بين الناس, بيكرهو الحب وبيدمرو الصداقة, ما بحكو الا اذا سألتون وما الون راي بيشي بيجاوبوك بالعمومياتوكل شي تمام بالنسبة الون وعال العال نشيطين مهذبين مرتبين واثقينمن انفسون, والمشكلة ما فينك تعرفون لحتى تكتوي بنارونوبعدا بتعرف وبتتأكد انون ناس متل كل الناس بس هنن \\\وشاة\\\\ |
اقتباس:
كترلنا منهون هدول أبو شريك تحياتي |
انو بيكون عارفين حالن واشين ولا مفكرين انو هن الطبيعيين وباقي الناس هن الغلط؟
|
اقتباس:
الله يجيرنا :D |
اقتباس:
وبالفعل مافيك تكشفهن لانن حلقوا لحاهنن واتحمموا منيح ورشو كلونيا ولبسو ماركات وبيحكوك فلسفة وعلم ودين وسلام ويسار ويمين بس مستعدين يذبحوا حيالله روح بداعي التسلية.... عرفتن شي ؟؟ بقدملك المغول الجدد |
وشاة
مشكور الموضوع كتير حلو والله يستر يعني شي بيخوف:p
|
مشكووووووووووووور عيون على هالموضوع
|
اي هني بشر متلون متلنا
بس بيفتخرو انون وشاة واذا مالقيو حدا يكتبو عنون بيكتبو عن حالون |
اقتباس:
شي بيشبه الغبرا ...يعني بتلزق فيكي بتيابك بشعرك ولو كل يوم اتحممت بدها ترجع بالصيف بتدخل من الشباك وبالشتوية بتضل عم تفوت من مدخنة الدفاية لتطفي نار الصوبيا الالعن من هيك ان كل يوم انت ونازل عالمدرسة فيك تلاحظ ان كتار من الناس الي كنت عم تمرق حد للامس القريب ...صاروا غبرا ,ماهالنوع من الغبار بيعدي :pos: |
اقتباس:
يعني لو انت حابب تنعدى بتنعدى وهذا يعني انك بالمبدا مشروع واشي واتيحت الظروف الك لتترقى من مشروع واشي الى واشي |
| الساعة بإيدك هلق يا سيدي 12:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون