|
أخوية حبة الباندول الأكسترا
فجأة هيكة وبدون مقدمات سكر معك كل شي من جميع الجهات بالمختصر المشرمحي مافي شي زابط معك بالبيت الكل معجوء بحالوا (مو ليكون في كل) والرفقات عم يحتفلوا بعيد الصم العالمي والحبيب مو شايف غير أغلاطك وأخطائك وكل شي بشع وسيء فيك وبالشغل شي بيكرهك وشي عم يطبقك وشي عم يفكر كيف ممكن يزحلقك من الشغل ليجيب رفيقو أو رفيقتو محلك وأنت صرلك فترة على هاالحالة مكانك راوح عم توزع ابتسامات لفلان وتجامل عليتان وتخجل من وقاحة علان وتعمل حالك أطرش بين مجموعة عم يلعنو سلسفيل أسلافك ليش؟؟ كرمال البريستيج والكركتر تبعك ما يتشوه قدام الناس الأكابر أنسان صرلوا فترة على ها الحالة شو ممكن يصير فيه ؟كيف رح يكون شكل قلبو ومشاعرو ونفسيتو؟؟ يمكن يكون بالنهاية انسان طبيعي متل اللي عايش بهوناللو ليش؟ لأنو عندو انترنيت بيقدر من خلالها ينفذ كل طاقاتو وشحناتو اللي عم تهلكو بالنهار ليوصل على البيت سليم معافى من أي كارثة متوقع حدوثها بأي لحظة ليش؟لأنو عندو أخوية حبة الباندول الأكسترا العلبة الحمرا الأصلية مو الزرقا اللي شغل معمل حلب شكراً أخوية:سوريا: :hart: |
كلام رائع منك ... مشاعر صادقة ووصف دقيق لواقع حياة مؤلم جدا
فعلاً أخوية منفذ ألنا وحبة الباندوا .... وكمان ومن القلب شكراً أخوية ولكل القائمين عليها وشكراً ألك كمان whiterose على مشاعرك الطيبة |
عنجد شكرا كلام بمحلوا
وكأنك بقلبي :سوريا: :سوريا: :سوريا: |
موضوع رائع
وبالفعل في كتير من الاعضاء بكون في عندن هيك مشاكل واكتر كمان شكرا كتير الك يا وردة |
أي والله هالأخوية اجت بنسبة حبة التهاب عيار 2000:سوريا: :clap: :clap:
|
بدي قول مو بس شكرا اخوية لانو صرتي حبة الباندول
بدي اشكر اعضاء الاخوية لانون صارو الميي يللي عم اخد فيون حبة الباندول :سوريا::سوريا: |
موضوع رائع ويسلمو أيديكي يا وايت روز عنجد الحكي بمحلو
|
موضوع رائع ويسلمو أيديكي يا وايتروز عنجد الحكي بمحلو
|
شكراً لكل اللي قرؤا
شكراً لكل اللي ردوا وولله مو مجاملة حبيت المنتدى من قلبي فيه بفش خلقي لك أذا تخانقت مع willi برتاح بعصب على كريم برتاح |
شكراً لكل اللي قرؤا:سوريا:
شكراً لكل اللي ردوا:hart: وولله مو مجاملة :gem: حبيت المنتدى من قلبي فيه بفش خلقي لك أذا تخانقت مع willi برتاح :p بعصب على كريم برتاح;-) بكتب همي بخلي حزني كلمات ودموعي حروف بعيدا من قلبي شكراً أخوية:سوريا: |
اقتباس:
تكوني سبب من أسباب جمال أخوية:سوريا: |
لما صرت اخت بالاخوية
كلام كل واحد عبر عن شعورو باخوية اجا متل البلسم على قلبي انا من لما صرت اخت بالاخوية تغيرت نفسيتي كتير قبل كان فراغ عظيم بوقتي رغم انو عندي عيلة الحمدالله بس الغربة سببتلي.... ما بعرف شي..,...بس هلق بحس انو في ناس بعرفون
 بشرب فنجان قهوة معون بناخد ونعطي وبنتسلى وبنستفيد كمان من كل موضوع بنكتب...... حكيت كتير بس هادا بالمختصر.....thanks  |
شكراً ماريسو كلامك حلو
|
اقتباس:
|
| الساعة بإيدك هلق يا سيدي 18:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون