بين صدام القوقاز و صدام الخليج .. تشابه
 

صدام القوقاز سكاشفيلي عنده جنون العظمة و حب هائل للتسلح - تصوروا هذا الشعب الجورجي الفقير المعدم و لكن لا هم لهذا المجنون غير صفقات السلاح مع اسرائيل ، مثلما كان صدام همه الاول و الأخير التسلح .. الاثنان : مستعدان لتدمير بلديهما من أجل طموحات سخيفة لا تضر و لا تنفع و مجرد أوهام السيطرة و الغرور .. الصدمان : عملت الولايات المتحدة تمثيلية بدعمهما و عندما جد الجد وجد نفسه وحيداً أمام مصيره الحتمي و الذي هو تدمير نفسه و بلده من أجل وعود خلبية قطعها الغرب .. و بالنهاية ننتظر نهاية سكاشفيلي و آمل أن تكون أفضل من خاتمة صدام العرب

خرجون اتنيناتون الله لا يردون ..
الاحمق يلي بصدق الوعود وما بيتعلم من الواقع الحقيقي هيك ع طول نهايتو
سياسيي اخر زمن ومنافقي اخر زمن

ما بحبو لساكاشفيلي من طلع (في عندي زميل من جورجيا يدرس معنا و صرعنا فيه و من وراها قريت عنو... لا تفكروني مهتم بجورجيا من حالي هيك :lol:)... لكن ما بعتقد تشبيهو بصدّام دقيق.. هاد زلمة اجا عن طريق انتخابات نزيهة.. يعني هو خيار شعبو و ليس اجبار...

التشبيه اجا من خلال الدعم الامريكي الاولي للدولتين والتدمير يلي لحق فيما بعد للدولتين
صدام بالسابق وخاصة خلال الحرب العراقية الايرانية دعموه الامريكان ولما صارت قضية الكويت ما بلغوه بالمعارضة وانما خلوه يعمل هالحماقة وبعدها اجو وخربو العراق وحاليا هيك عم يصير بجورجيا

ما عم نحكي اذا اجا الواحد عن طريق انتخابات او لا ......وانما الحكي انو الحماقة السياسية وعدم معرفة الحجم الاصلي للنفس والدعم الخارجي اثارون غالبا بتدمر بلد.. الاتنين كانو حمقى وما عم يتعلمو من تجارب التانين واخرون فربق 14 اذار بلبنان وشو صار فيه
ع الاقل لو بس صمدلو شوي مو من اولها بلش يستصرخ انو من شان الشياطين تعو ساعدو جورجيا

حتى من خلال وجهة هالنظر مافي مجال للمقارنة بنوب... يعني هاد ما عمل شي عملو صدام.. انو مدعوم من أميركا ما اختلفنا... لكن هو مجرد دافع عن وحدة أراضي بلدو ضد نزعة انفصالية بدها تقتطع جزء من هالدولة اللي هو حاكمها... متل ما عملت روسيا بالشيشان ..

صديقي هوي قام بحركة عسكرية بيعرف انو مانو قدها من دون الدعم الخارجي ..... وبتوقع بديهية انو الامريكان ما رح يساعدو جورجيا بهيك موضوع لانو ما الون مصلحة بحرب ضد روسيا وبتوقع حاليا ع الاقل ما قدها
يعني النقاش انو الاتنين خاضو حرب مانون قدها واعتمدو دعم ما اجا.. وادت لتدمير بلد ..... شيل اي مقارنة تانية

ع الهامش :

[quote][لكن هو مجرد دافع عن وحدة أراضي بلدو ضد نزعة انفصالية بدها تقتطع جزء من هالدولة اللي هو حاكمها... متل ما عملت روسيا بالشيشان ../QUOTE]

تشبيهك عليه بالنسبة الي اكتر من سؤال بس ما محل الجواب هون لهيك ما رح ادخل بالتفاصيل

هلأ خلينا نجي عالوقائع... مو هو اللي قام بالمغامرة.. بالأحرى هو عمل اللي لازم يعملو... أو اللي نتظر من رئيس دولة انو يعملو تجاه عصيان انفصالي مسلح ضد الحكومة الشرعية

أوسيتيا الجنوبية مقاطعة تابعة لجورجيا من بدايات تاريخ الاتحاد السوفيتي (ذاتا بتشوفي بالمراجع التاريخية انو جوزف ستالين مكتوب انو ولد بجورجيا, و المدينة اللي ولد فيها جوزف ستالين -مابتذكر الاسم- موجودة بأوسيتيا) ..

النزعة الانفصالية لأوسيتيا الجنوبية انوجدت حديثا نوعا ما... و روسيا دعمتها من منطلق انزعاجها من ارتباط جورجيا بالمعسكر الأميركي و أطماعها بالدخول لحلف الناتو (هاد موضوع تاني لسنا بصددو ان كنا مع أو ضد هالشي... ).

هيك حركة مانها وليدة مبارح و اليوم.. محضرلا من كذا سنة.. اذا بتلاحظي كان في سهولات بالغة لسكان أوسيتيا الجنوبية للحصول على جوازات سفر روسية.. و هالحكي من كذا سنة, يعني تبرير المرحلة بانو شاكاسفيلي دخّل الجيش بأوسيتيا... طيب مزبوط هو دخّل الجيش بأرض تابعة لألو بكل المعاهدات و المواثيق و باعتراف الكل لقمع حركة مسلحة ضد الحكومة (مهما كانت هالحكومة و مهما كان الموقف من توجهاتها) .. مين روسيا لتفوت هالفوتة؟ أساسا اللي عملو ساكاشفيلي عملتو روسيا مليون مرة ان كان بالشيشان أو بالداغستان أو بغيرها من هالجمهوريات الفراطة.. و هي حركة متل ما قلت سابقا.. ما تخططت و انعمل كرد فعل على "تصرف أخرق" من قبل ساكاشفيلي, انما يتم التحضير لها من زمان..