|
الأمن العسكري يقتل شاباً في معرة النعمان ويلقي جثته في الشارع
ذكر شهود عيان أن عناصر الأمن العسكري في معرة النعمان (محافظة ادلب) قتلوا مواطناً رمياً بالرصاص داخل مقر مفرزتهم قبل أن يلقوا بجثته في الشارع.
ووفق رواية الشهود، فإن عناصر المفرزة، وبعدما قاموا بإلقاء جثة المواطن أحمد رمضان (26 عاماً) من فوق سور المفرزة إلى الشارع، قاموا بتطويق المكان وإبعاد الناس عن الجثة مطلقين التحذيرات بأن الجثة تحمل حزاماً ناسفاً. وكان أحمد رمضان مطلوباً للأمن العسكري على خلفية إسلامية. وقبل فترة قصيرة أقدم عناصر الأمن على اعتقال أهله وزوجته وأجبروهم على التوقيع على تعهد بأن يساعدوا في إلقاء القبض على ولدهم قبل أن يخلوا سبيلهم. وبعد عدة أيام اعتقلت الزوجة بحجة أن الأمن تلقى إخباراً بأن زوجها جاء إلى المنزل ولم تقم بالتبليغ عنه. وفي 13/10/2008 حضر رمضان إلى مفرزة الأمن العسكري في معرة النعمان، بعد معرفته بأمر اعتقال زوجته. وروى شهود العيان أنه دخل من الباب الرئيسي بعد أن تحدث مع الحارس، وبعد لحظات سُمعت أصوات طلقات نارية داخل المفرزة ثم شوهدت الجثة وهي تلقى من فوق سور المفرزة إلى الشارع. وقال أحد الشهود: "كنت أسير في الشارع المحاذي لمدرسة أبي العلاء المعري سمعت صوت عدة طلقات نارية بجهة المفرزة وبعد لحظات قذفت جثة إلى الشارع الرئيسي المحاذي لبناء المفرزة ثم طوق المكان بسرعة وتم إبعاد الناس بحجة أن الجثة مفخخة". وقد تضاربت الروايات بشأن ما إذا كان رمضان يحمل سلاحاً لحظة مقتله، ففي حين قال بعض الجوار إنه كان يحمل سلاحاً فردياً "وتحت ثورة الغضب قرر الهجوم على مقر الأمن لتحرير زوجته"، أكد شهود آخرون أنه كان أعزل وكان ينوي تسليم نفسه مقابل الإفراج عن زوجته. ورغم مرور عدة أيام على الحادثة، لا يزال الاستنفار الأمني بارزاً في المدينة، كما لا زالت الحواجز الأمنية في الشوارع وعناصر الأمن المدججين بالسلاح منتشرين على نطاق واسع. وقد عبر بعض المواطنين عن قلقهم من احتمال استغلال السلطات مثل هذه الحوادث لممارسة المزيد من الضغط على المواطنين، مذكرين بالحملات الأمنية مطلع الثمانينات. أخبار الشرق |
يا عمي والله مابدنا نظلم حدا ولا نتهجم على الأمن بدون مانعرف شو القصه ومع مين الحق... بس مو لازم هيك شغلات يطلع فيها بيان علة القليلة وينعمل فيها تحقيق؟؟؟
يا أخي على فرض هاد يلي انقتل أكبر ارهابي بالأرض بس بيبقى اسمو بني أدم وجنسيتو سورية... يعني حقنا كسوريين نعرف شو القصه..أخي على القليلة نعرف نقول الله يرحمو أما بيستاهل... تعبنا من قاعده انو أرخص شي بسوريا البني أدم. |
اسمو شو ؟؟؟؟ بني ادم ....ها اي مو عند الشباب الطيبه ...
قلتلي أرخص شي البني ادم ......اي نحن ماشين ع قاعده كل شي بيغلى الا البني الادم مشان يضل توازن طبيعي مع مستلزمات الحياه .. |
لاحول ولا قوة إلا بالله ، و بالفعل لازم يطلع بيـان رسمي بـ هالموضوع |
اقتباس:
مشكور على تعاطفك يعني بس عندي سؤال ما بتلاقي فيها شوية تناقض انك تتعاطف مع الضحية وانت بنفس الوقت بتحب الجلاد و معتبرو بطل رافع راسك في؟؟؟ |
اقتباس:
بالنسبة لسؤالك عزيزي ، كل إنسان بـ هالدني عنده سلبيات و عنده إجابيــات ، لهيك أنـا ما بنكر أنو في أمور عم تسير بشكل سيء داخليـاً (و هالشي بيرجع للرأس الأكبر أكيد كونه الرأس) و أكيد أنا بدين هالشي و بنفس الوقت عزيزي ، خـارجيـاً أنـا بعتبر هالرأس يلي عم نحكي عنه بطل و رافع لي رأسي ، بيكفيني أنو إنسان مثقف ، فهمان ، سياسي ، محنك ، صاحب مواقف ، داهية و أحسن من غيره ;) وبغض النظر إش هوه الشي يلي ما بنعرفه لسه .. بس نحنا عم نشوف من هالرأس دعم لأغلب قضايا العرب و في شغلة عزيزي في عنا آية بالقرآن بتقول "و لن ترضى عنك اليهود والنصارى حتى تتبع ملّتهم" هذا هو الميزان ، و ســوريا مغضوب عليها من اليهود و النصارى فهى على الطريق الصحيح (كـ مواقف خارجية) و من شكك فى ذلك فليزن نفسه بهذا المعيار بتمنى تكون وضحت لك الصورة .. أو بالأحرى توضّح لك موقفي من هالموضوع ويا هلا. :D |
اقتباس:
لاء وشو قال اليهود والنصارى, يا سيدي بهنيك على هالتحليل السياسي المتقن وبقلك انو غسيل الدماغ اللي بتعملوا الانظمة الديكتاتورية لشعوبها عن جد مصيبة |
اقتباس:
اقتباس:
طلعت الأية نازلة عن الرئيس وأنا مو عرفان؟؟ :? شو مشان ساويتو بالرسول؟؟ :shock: اقتباس:
اقتباس:
|
يعني هي اخبار الشرق شو وضعها
|
اقتباس:
بعدين قلتلي مواقف خارجية على الطريق الصحيح . ليش النظام أكل هم باقي الشعوب أكتر من الشعب السوري ؟ ... أبقى خليلي المواقف الخارجية تسكنا ببيوت وتبعتلنا فرص عمل |
الشيء بالشيء يذكر
أقدمت أحد الفروع الغير معروفة . على أعتقال الشاب منتصر شاهين من محافظة دمشق وأقتادته لجهة غير معروفة ولأسباب مجهولة . منذ أكثر من عشرين يوم . دون أن تطلق سراحه |
طيرتولنا السكرة يا اوادم..........معقولي هاااااااااااااااااااي؟وال له عم تحسسونا انا بدار فور
|
اقتباس:
أنـا ما عم بربط دين بـ نظام ، أنـا عم بعطيك مثال قريب لواقعنا العربي ، عندك الدول العربية الـ "مرضية" من قبل بابا أمريكا و ماما إسرائيل .. (اليهود و النصارى) أقرب مثال شي كتير حلو برأيك؟ شي كتير حلو مثلاً لما يكون قرارات هالدول الـ "مرضية" مربوطة بقرارات ماما و بابا ؟ شي كتير حلو لما بتتلقى الأوامر هالدول الـ "مرضية" و عليها التنفيذ غصباً عنها؟ بشار الأسد القائد العربي الوحيد الذي رفض مبدأ تقديم التنازلات والرضوخ للشروط الأميركبة المفروضة سوريا بغض النظر عن النظام البعثي فيها ، ولكن تعتبر من أشرف الأنظمة القومية ، لها مشاكلها الداخلية إلا أنها الاقوى قومية وعروبية من جميع الدول العربية التي تدعي أنها عربية! اقتباس:
و أنـا عزيزي ما بقصد إنتوا مو رضيانين ، و ما عم بحكي عن خلافة إسلامية أو .. أو .. أنـا عم بحكي عن واقع عربي مخزي للأسف ، بيكفي (خارجياً) أنو الأسد رافض الإنبطاج لـ أمريكا مثل بقية المنبطحين العرب وهون بكون عم بقصد لطالما أمريكا و إسرائيل غاضبين على سـوريـا لأنها لم تتبع ملتهم *ملتهم ما بقصد فيها دينياً فقط ممكن تكون ولاء ، سمع ، طاعة ، .......... فهي على الطريق الصحيح ، و بالنسبة لسؤالك إذا كنت فرنسي أو سـوري ، قلت قبل هيك أنو كل إنسان عنده إيجابيات وعنده سلبيات .. أنـا بفخر بـ هالإيجابيات يلي عم شوفها و بدين هالسلبيات يلي عم شوفها كمان! الإيجابيات عم نشوفها خارجياً ، و السلبيات عم نشوفها داخلياً! لهيك أنـا بحب أعطي كل شي حقه بالنقد و بالرأي ، أمـا إذا بدك تسألني إجمالاً كـ رئيس شو ؟ ممكن تتغير وجهات النظر. و ع فكرة ، أنـا ما عندي مشكلة لو هالصورة تتوضح أكتر إن كان عندي أو عندك من خلال نقاش بنّاء نوصل فيه لنتيجة. :D اقتباس:
لا مو غريب ، أنـا قلت في نقاط إيجابية بتستاهل الواحد يفتخر فيها ، و بنفس الوقت في نقاط سلبية بينقدها الواحد ، :D ------------------------------- و ما زلت أرحّب بأي نقاش بنّاء ، نقتنع فيه و نوصل لقناعة :D |
اقتباس:
أنت تقول أنو الرئيس رافع راسك "خارجياً"! ممكن تقلي وين مرفوع راس السوري؟ بالبلدان العربية ولا الأجنبية؟! اقتباس:
ولا قصدك بس المسيحية الغربية؟! |
اقتباس:
كيف مو غريب انت قلت انو لن ترضى عنك اليهود ولا النصارى . ويلي هدول تلت رباع الدول بالكرة الأرضية . وحتى بالنسبة للعرب فعلاقاتنا سيئة مع كذا دولة . وبنفس الوقت بتقلي أنو السياسة الخارجية في الطريق الصحيح . كيف هي ؟؟ وخلينا ننسى السلبيات ونحكي بالأيجابيات ممكن تذكرلي شو ايجابيات الطريق الصحيح للسياسة الخارجية وأنعكاسها على الوطن والمواطن |
اقتباس:
هو بيقصد خارجياً على مستوى الكواكب التانيه... يعني بمجرة درب التبان بشكل عام بس نحنا ما منعرف أو بتعرف بسبب بعد المسافات لسا ماوصلتنا الأخبار انو بالزهرة وبعطارد مرفوع راس السوريين.. |
اقتباس:
الحكي عن إسرائيل على أنها يهوديّة صحيح لأنا هي أعلنت هالشي، بس أميركا بتعتبر نفسا علمانيّة وهيك حسب الدستور تبعا. ورجاءً لا تدخّل الموضوع الديني بالنص لأن الإسلام كمان (ما شالله) مو ناقصو شي! |
اقتباس:
على هالسيرة ممكن أعرف رأيك بالقواعد العسكرية الروسية في سورية |
| الساعة بإيدك هلق يا سيدي 19:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون