أخوية

أخوية (http://www.akhawia.net/forum.php)
-   علوم و تكنولوجيا (http://www.akhawia.net/forumdisplay.php?f=24)
-   -   خطر عبالي .. حشيشة .. اليوم .. عن اليوم وين بيبدا .. (http://www.akhawia.net/showthread.php?t=128737)

يمان Rooooonaldo 06/09/2009 18:00

خطر عبالي .. حشيشة .. اليوم .. عن اليوم وين بيبدا ..
 
مرحبا .. شبيبة ..:gem:

انو هيكهي اليوم .. وانا بالحمام وانا عم اتحمم .. .. هيكه حسيت بالغيرة من .. ارخميدس .. ووجدتها يعني ..

خطر عبالي شغلة .. بجوز تكون فكرة بدائية بس انو .. ما بعرف ما لقيت تفسير ..

هلا .. كيف بلّش اليوم .. أو .. سؤالي بالأحرى .. انو مثلا لو بدنا نقارن بين منطقتين .. عالارض في بينهم .. فترة زمنية ..

هلا .. انو .. مثلا سؤالي لو بدي وضحو انو .. هلا نحنا منعرف فلنفرض انو في منطقة بأمريكا ..

بينا وبينها 7 ساعات .. طيب ليش نحنا قبلها .. انو .. ليش قصدي عم ينحسب انو نحنا قبلها ليش ما يكونو عمليا هنن سابقينا .. بيوم .. الا شوي .. .. انو بالمقلوب يعني ..

بقا .. شو رأيكم بهالسحبة ..:gem:


:D

ابو نجبو 06/09/2009 18:16

يمان ....


كيفك اليوم ....!!


:?

يمان Rooooonaldo 06/09/2009 18:20

لك جد جد اب نجبو ..

انو مغير نوع الشامبو شكلي .. ووهيكه .. الحمام السنوي كان خيالي ..

بس شيلنا من الأنجلة .. وحط القفلة ..

جد .. شو رايك بالحكي ؟؟ انو كيف ؟

شامي للنخاع 06/09/2009 18:31

أنو شي بيسطل والله أنو كيف؟؟؟؟!!!!:shock:
وحياة بو غيمة شي بي حط ئعل بل الكف:cry:

I_Love_Syria 06/09/2009 18:32

سؤالك في وجهة نظر, بس أعتقد إنو الموضوع بيتعلق بخطوط الطول هلأ نحنا بالخطوط الي جاية على يمين جرينيتش لو أخدنا الكرة الأرضية على إنها مسطحة والخطوط إلي على يمين جرينتش بيعتبروها موجبة والخطوط إلي عاليسار تعتبر سالبة وبظن هاد الشي إلو علاقة

يمان Rooooonaldo 06/09/2009 18:42

اقتباس:

سؤالك في وجهة نظر, بس أعتقد إنو الموضوع بيتعلق بخطوط الطول هلأ نحنا بالخطوط الي جاية على يمين جرينيتش لو أخدنا الكرة الأرضية على إنها مسطحة والخطوط إلي على يمين جرينتش بيعتبروها موجبة والخطوط إلي عاليسار تعتبر سالبة وبظن هاد الشي إلو علاقة
هلّأ .. انا ما اختلفت معك .. بهي الشغلة .. يعني علميا الارض مكورة واكيد منطقة ورا منقطة ببلش تجيها الشمس وبالمقابل .. منقطة ورا منقطة بيجيا الظلام ..

بس النقطة انو .. ليش انحسب قصدي من اول ما بدا الحساب اليومي .. انو ليش نحنا قبلهم مو هنن قبلنا ..

ابو نجبو 06/09/2009 18:44

صحيح ....هو انو
انا اللي بعرفو.....اللي بعرفو ها....
انو الارض تدور حولين حالها مع عقارب الساعة ...يعني من الغرب للشرق ....مما يؤدّي انو الشمس تطلع من الشرق وبتغرب من الغرب .....

اخترعو ...أو أكتشفو مابعرف ....خط الصفر الزمني "غرنيتش"...وقسّمو المناطق اللي تلي هالخط باتجاه الشرق لمسافات زمنيّة متساوية....وطلع معون 24 خط ..وكل خط بيمثّل ساعة....

هلاء على فرض انو الشمس بزغت الصبح الساعة 6 الصبح بغرينتش ....وانا موجود بالصين هلاء .....وبما انو الشمس عمتزحف شوي شوي من الشرق للغرب فنحن منكون سابقين غرينتش ب8 ساعات ....الساعة 2 الضهر عندنا.....
ونفس الشي للجماعة اللي موجودين غرب غرينتش بتأخر عندن طلوع الشمس كل خط بساعة ......
:?
المهم ....انو الشمس بتطلع ...بتظهر ابتدائاً من الشرق باتجاه الغرب ....وبالتالي بتكوّن مسبّقة عن المناطق اللي تليها غرباً بحسب خطوط الطول الزمنية .....

هازا والله أعلم ....

I_Love_Syria 06/09/2009 18:46

اقتباس:

كاتب النص الأصلي : يمان Rooooonaldo (مشاركة 1329431)
هلّأ .. انا ما اختلفت معك .. بهي الشغلة .. يعني علميا الارض مكورة واكيد منطقة ورا منقطة ببلش تجيها الشمس وبالمقابل .. منقطة ورا منقطة بيجيا الظلام ..

بس النقطة انو .. ليش انحسب قصدي من اول ما بدا الحساب اليومي .. انو ليش نحنا قبلهم مو هنن قبلنا ..


الصورة هي بتوضح قصدي بالمشاركة السابقة

هلأ لو نظرنا للكرة الأرضية من القطب الشمالي وحطينا أصبعتنا بشكل أفقي على خط جرينتش ودورنا الكرة الأرضية نفس دورتها هلأ ويلي هي أعتقد عكس عقارب الساعة مالي متأكد بنلاحظ إنو النهار عنّا بيبدا قبل الليل

أما إذا كان قصدك إنو إحتمال بلّش الكون لما كان بأميركا نهار وعنّا بالليل ونحنا بعدين سبقناهم فهاد حكي تاني

Nasserm 06/09/2009 19:43

اقتباس:

كاتب النص الأصلي : يمان Rooooonaldo (مشاركة 1329431)
بس النقطة انو .. ليش انحسب قصدي من اول ما بدا الحساب اليومي .. انو ليش نحنا قبلهم مو هنن قبلنا ..

لإنو الفاخوري بيحط دينة الجرّة وين ما بدّو :)

يمان Rooooonaldo 07/09/2009 00:03

اقتباس:

صحيح ....هو انو
انا اللي بعرفو.....اللي بعرفو ها....
انو الارض تدور حولين حالها مع عقارب الساعة ...يعني من الغرب للشرق ....مما يؤدّي انو الشمس تطلع من الشرق وبتغرب من الغرب .....

اخترعو ...أو أكتشفو مابعرف ....خط الصفر الزمني "غرنيتش"...وقسّمو المناطق اللي تلي هالخط باتجاه الشرق لمسافات زمنيّة متساوية....وطلع معون 24 خط ..وكل خط بيمثّل ساعة....

هلاء على فرض انو الشمس بزغت الصبح الساعة 6 الصبح بغرينتش ....وانا موجود بالصين هلاء .....وبما انو الشمس عمتزحف شوي شوي من الشرق للغرب فنحن منكون سابقين غرينتش ب8 ساعات ....الساعة 2 الضهر عندنا.....
ونفس الشي للجماعة اللي موجودين غرب غرينتش بتأخر عندن طلوع الشمس كل خط بساعة ......

المهم ....انو الشمس بتطلع ...بتظهر ابتدائاً من الشرق باتجاه الغرب ....وبالتالي بتكوّن مسبّقة عن المناطق اللي تليها غرباً بحسب خطوط الطول الزمنية .....

هازا والله أعلم ....
لك هلّأ .. بو نجبو الورد .. انا .. هي الفكرة متاكد منا تماما اكيد يعنوي ..

بس انو نقطتي .. هية بتندرج هون يعنوي ..

انو هلا أول ما حطو خط جرينتش .. او اول ما فكرو يحسبو اليوم ايمتا بيبدا وبيبلش .. انو يعني بلشو يحسبو انو بلش اليوم .. وكان بالطرف التاني من الكرة ليل .. ليش اعتبرو .. انو البداية كانت .. من هون وهدينك لسا ما بلشو ما كان .. البداية من الليل والظلام .. بالنصف التاني .. مع العلم انو اليوم ببلش كل يوم عال 12 المسا .. ببلش يوم جديد ..

اقتباس:

لإنو الفاخوري بيحط دينة الجرّة وين ما بدّو
اي .. هلا .. فكرت فيها .. بس ما لقيت هون بهي الشغلة بالزات الفاخوري لح يتفاخر انو ازا هنن لاقحينا او نحنا لاحقينو .. مالها كتير مفخرة عنا .. + انو ما اتوقع انو فواخيرنا كان الن علاقة بوضع هيك شغلات ..


الساعة بإيدك هلق يا سيدي 15:14 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03192 seconds with 11 queries