|
Journey from USA to IRAQ
 أهل الطائرات يجب أن يكونوا على استعداد لاستقبال صواريخ ستنجر أو طلقات من مضادات الطائرات You must be ready to receive stinger rockets  القوات الأرضية ستكون معاناتها أكثر فيجب أن يكونوا مستعدين للعبوات الناسفة وهي كثيرة جدا بالإضافة طبعا للطلقات من الأسلحة الخفيفة والآر بي جي on the ground you will have more troubles you should be ready always for the mines & RPG      فرق الدعم اللوجستي في القواعد يجب أن تكون مستعدة لاستقبال الصواريخ وقذائف الهاون logistic teams should be ready to receive rockets & mortars  قد يقع بعض منكم في الأسر maybe you will be catch  ولكن لا تخافوا سنحرص على العثور على الرأس والجسد but dont worry we will do our best to find your body & head  بالنسبة للعودة للبلاد ستكون على النحو التالي for back home will be as per the following: إما جرحى بعاهات مستديمة Injured & Disabled    أو بتوابيت مزخرفة من الخشب ومغلفة بالعلم الأمريكي or by Coffins covered by USA flag  أو or قد يتعذر العثور على الجثث فيتم عمل مراسيم شكلية ولن ننسى الخوذة والحذاء if we dont find your body , we will not forget you also  بادر بحجز مقعدك من الآن try to reserve your seat now  فقد تفوز بجولة مشي مع الرئيس بوش maybe you will win a walk with Bosh  ما أحلى العودة إلى الوطن !!!! What beautiful backing home !!!!  نتمنى لكم رحلة سعيدة !!!!!! have a nice trip !!!!   مع تحيات So0oS |
موضوع جميل ورائع
فعلا خير الكلام ماقل ودل تحياتي :D |
بشرفي فرطت من الضحك
تذكرت أيام طفولتي لمّا كنت فكر ممكن العرب يتوحدو و يعملو حرب و يهزمو اسرائيل .!!! موضوعك يصلح لقسم على الطاير كأفضل نكتة لهذا الموسم .. :o بقا خلينا بالمهم يا معلم أول شي معظم القوات الأمريكية في العراق عبارة عن قوات مرتزقة مهنتها الحرب و الموت .. يعني مشان ما نفرح كتير على حالنا و نفكر ممكن أمريكا تستدعي جزء من جيشا الاحتياطي كرمال العراق .. بكير عليّا هي كتير تاني شي يا حباب الاستهانة بقوّة الخصم ضعف و ليس قوّة .. يا زلمة حسيتك عمتحكي ع جيش لبنان ما ع جيش امريكا ..!!! و كمان نقطة .. يكون في علمك أفراد الجيش الأمريكي عمياخدو رواتب أكتر من ميزانية دول الوطن العربي مجتمعة بقا لما رح يصحلك هيك مبالغ و إنت أول واحد .. رح تركد برجليك و سنانك .. آخر طرفة .. :o اقتباس:
بقا بدك تقلي وين مضادات الطيران في العراق .. :lol: ها ها ها .. |
بالنسبي إلي عجبوني الموضوع و الصور
|
اي كلامك صحيح وهاد الي عم يصير
يعني نحن العرب كتير مبسوطين بحالنا بنفرح لما بنشوف الجندي الاجنبي مقتول بس ما بنبكي لما بنشوف المية من الشعب العراقي يلي عم يموتو كل يوم |
هالق انا كانسان بتمنى ان الاميركان بيطلعو اليوم قبل بكرا بس ياخيي المشكلة ان الثمن الي عم يدفعونا اياه الي بيسمو حالهن بالمقاومة لسا على العن من الي عم يعملة الامركان كل جندي اميركي عم نشوف قدامو شي 100 عراقيين عم يموتو لان المقاومة هونيك هي مقاومة قائمة علي اسساس اسلامي متطرف ولحد اليوم الشباب مانسو ا فتوة ابن تيمية وعم يقتلو باسم الله والمقاومة الشعب
كمان في نقطة الراس المقطوع يعني كتير فرحان ان المقاومة عم تقطع روس وتارجيهن عالهوا يعني اذا كان في واجهه للاسلام سكروها هالمقاومين وبعتقد ان المقاوم الي بيقطع رووس ماراح يعمل اقل من هيك يو م منافسيه يوم الي الاميركي بيطلع من العراق |
اقتباس:
|
هيدي الصور واقعية وكتير عم تتكرر في العراق حتى الامريكان لما بيجو على العراق بيعتبر انو هاد اخر يوم بحياتوا واذا رجعوا عا بلادون ام على الحمالة او معهم كم مرض نفسي او اعاقات جسدية ومشاً حيك بنقول الله يعين اهل العراق ولبنان وفلسطين يلي عم بيموتوا على ايدين اخوانهم
|
اقتباس:
لإني برأيي الي حكيتو حقيقة بس نحنا عمنعمض عيوننا .. و على كل حال .. أنا بعتبر حالي سوري و مالي عربي ..:hashish: |
اقتباس:
معك ........... من فلسطين |
اقتباس:
|
اقتباس:
لاتنسى انك عايش على اراضي الجمهورية العربية السورية يعني عربية قبل ماتكون سورية |
اقتباس:
المقاومة ليست جيش منظم لكن على الاقل كسرت ظهر الجيش الامريكي الذي لايقهر على أساس أول كنا نسمع بالاخبار مقتل جندي او جنديين امريكان الان صرنا نسمع مقتل 7 و 9 و 15 الخ يوميا اللهم زد وبارك ولاتنسى ايضا قديش امريكا صرفت عشرات المليارات من الدولارات كلها تاتي من دافع الضرائب الامريكي يعني المقاومة توجة ضربات تقسم ضهر الامريكان لدرجة انهم غضوا الطرف عن فكرة احتلال ايران او سوريا المجاورة والامريكان هلق بانفسهم مو عارفين كيف يخرجوا من المستنقع العراقي على الاقل وهم مرفوعي الرأس لكن هذا الشيء بأحلامهم لأن المقاومة راح تلحقهم حتى وهم بطريقهم الى المطار لكي يركبوا طائرة العودة الى الوطن تحياتي اليك ايها الغير عربي وبتكتب وبتحكي عربي :melody: |
اقتباس:
بالنسبة للغة .. اللغة نتاج إنساني ملك الإنسانية أجمع .. لذلك ما فينك تقلي ليش هيك عمتكتب .. ما من حقك هالشي .. اقتباس:
و لاحظ أمريكا لعبت اللعبة صح و تمام التمام و ساوت حرب طائفية بالعراق ( الشيعة و السنة ) و حرب قومية ( الكراد و العرب ) \ و الأنكى من هيك هالحرب اللي عبتصير الا تأثيرات نفسية عالطرفين يعني رح تضل الأحقاد بيناتون ليوم الدين .. بقا بدك تقلي مقاومة شو الفايدة إذا عبموت كل يوم 1000 عراقي مقابل 10 اميركان اي طززززز و ألف طززززز في هالعشرة .. أمريكا بتضحكي بعشر أشخاص يومياً مقابل تصل للي بدا يا و إيـــه .. صارت شركات النفط كلا أمريكية .. و استثمارات العراق بإيدي شركات امريكية .. إذا وقفت على هالعشرة بلاااهون عمّي .. بلاااهون .. من عندي عمقلك .. و تحياتي :D |
اقتباس:
اما اذا كنت تكره العرب واللغة العربية فهذا شأنك ورأيك الخاص بس ماحتقدر تنكر انك عربي امام الجميع لأن جميع اوراقك الثبوتية تثبت انك عربي شوف جواز سفرك مكتوب عليه الجمهورية العربية السورية وشوف بطاقة الهوية تبعك بتلاقي مكتوب عليها نفس الشي مشان هيك ماراح تقدر تنكر هالشيء الا بينك وبين نفسك الا في حالة هاجرت لشي دولة اوروبية او امريكا واخدت جنسية هالبلد ساعتها افتخر انك غير عربي وماحدا حيلومك لأن معك اثبات انك غير عربي ! تحياتي شلاما :p |
اقتباس:
رجعنا للاتهامات .. عمأغني بالطاحون أنا .. هلق مشان أحطلك النقط عالحروف و تحل عن رب هالموضوع و نرجع للموضوع الأصلي .. أخي أنا أول شي حر و كل واحد ع دينو الله يعينو .. تاني شي أنا قلت بفتخر بكوني سوري و ما بفتخري بكوني عربي و هاد شي من حقي علواني أفتخر بكوني حيوان شو الك عندي ؟؟ أنا سوري أولاً .. بس باعتباراتي الشخصية مالي عربي لا ثانياً و لا ثالثاً .. هيك أنا يا أخي عقل كردي حاشاك .. و بعدين شو عرفك إني ما بعرف بحكي غير عربي .. يعني حضرتك الله اللي بيحكو عنو و بتعرف بالغيب ؟؟ لذلك بطلب منك طلب حار مرفق بطابع مكافحة ايدز و طابع جنون البقر .. أنو تنساني و تطالعني من راسك لمدة عشر دقايق و ترد عاللعي اللي فوق إيدي بزنارك .. بدك تحكي عني فتحلك موضوع بالسقيفة هون حكينا عالعراق و أمريكا .. |
اقتباس:
شلاما الوخن خلص خيو :D المهم وصلت وجهة نظري بالنسبة للعراق فشعب العراق هيك من يوم يومو من على أيام الحجاج ... يعني أهل العراق أهل الشقاق والنفاق ومابيمشي معو الا حاكم يحكم البلد بيد من حديد متل صدام رحمة الله عليه كان ماسك البلد بيد من حديد وماكان حدا يسترجي يقول اي كلمة اما هلق كل واحد صار بدو يساوي دولة لحالو الاكراد بدهم دولة .. والشيعة بدهم دولة حتى السنة نفس الشي وهم بالاساس شعب متخلف اغلبهم عندهم تبعية لأصحاب العمائم مشان هيك عندهم الطائفية منتشرة وللاسف فضلوا الانتماء الديني على الانتماء الوطني على كل حال بالنسبة لموضوع المقاومة نرى ان افرادها عندهم انتماء وطني ,, وقد فضلوا محاربة الاحتلال واعوانه وسوف يحاربونهم بكل مايملكون من قوة ... الى ان يخرج المحتل ولاحظ معي الضربات الموجعة التي تلقتها امريكا في العراق والخسائر المادية الفادحة والخسائر بالارواح ولاتنسى ان روح جندي امريكي اغلى من روح 10000 عراقي يعني الشعب الامريكي كله يحزن عند سماع خبر مقتل جندي امريكي بالعراق ولاتنسى ايضا ابار النفط التي حرقتها المقاومة مشان ماتستفاد منها امريكا ولاتنسى مئات المليارات التي دفعتها الحكومة الامريكية من جيب دافع الضرائب الامريكي ولاتنسى كيف اصبح الاقتصاد المريكي بعد الحرب وكيف اصبحت المظاهرات منتشرة بامريكا للمطالبة بخروج الجيش الامريكي خلاصة الكلام : المقاومة هم من اشراف البلد وقد قسموا ظهر امريكا بالضربات الموجعة اليومية مع العلم ان المقاومة ليست جيش منظم لكنها تحارب الاحتلال بكل ماتملك من قوة وعتاد وهاهي ملامح الانهزام تظهر على الامريكان يوم بعد يوم حيث انهم اصبحوا يطالبون بالخروج من جحيم العراق المستعر لااحد يستهين بالمقاومة لأنها هي الأمل الوحيد المتبقي لطرد المحتل والمتواطئين معه سلام |
أنا حابب علق على كام نقطة ... فيما يتعلق بالصور ... أنا ما حبيت الصور ولا التعليق على الصور بصراحة .... مشان كون واضح من الأول وما حدا يتهمني بالعمالة والخيانة، أنا لا أحب أميركا.. وبعرف أنو غزو العراق خطأ من أساسو.. وبعرف أنو شو عملت وعم تعمل أميركا من أمور أقل ما يقال عنها أنها سيئة بحق شعوب المنطقة ... ولكن ....... منظر أحد الجنود وهو مصاب بعاهة دائمة، منظر أحد الجنود وهو مقطوع الرأس من قبل أحد الهمج الذين يطلقون على أنفسهم اسم المقاومة، منظر الموت في بعض الصور ..... كلها كانت وستبقى صور مؤذية لأن ضحاياها هم بشر في النهاية.... أعرف أن أميركا تقتل العراقيين... كما أعرف أيضاً أن العراقيين يقتلون بعضهم البعض بشكل أكبر وأكثر وحشية... أعرف أن أميركا تنهب ثروات الشعب العراقي، كما أعرف أيضاً أن اليد التي يسرق بها الأميركان هي يد عراقية بالدرجة الأولى .... ما علينا، ما بدي اطلع كتير عن الموضوع الأصلي... بس حبيت عبر أنو أنا تضايقت وقت شفت الصور... وفي فرق كبير بين المقاومة يلي ممكن تكون بمرحلة من مراحلها مقاومة مسلحة لخدمة قضيتها... وبين القتل الأعمى البعيد عن أي مبدأ أخلاقي أو فكري والتمثيل بالجثث وقطع الرؤوس بهذه الطريقة الوحشية يلي عم نشوفها بالعراق... النقطة الأخرى يلي بدي عقب عليها هي حديث بلاك.... بلاك لا يعتبر نفسه عربي..... طلع مع أحد الأخوة أنو بلاك ما ع كيفو يكون عربي أو لاء !!!!!! انتماء أي شخص هو حرية مطلقة للشخص.... هذه نقطة مفروغ منها ولا داعي للحديث مطولاً عليها.. بس يلي لفت نظري اعتبار خروج أي شخص عن البديهيات المزروعة في عقولنا منذ ولدنا هو خيانة !! القومية العربية لم تكن مطروحة قبل القرن التاسع عشر... وعليه فشعوب المنطقة قبل هذا التاريخ لم يكونوا يتحدثون عن انتماء عربي.. غير ذلك، قبل أن يسكن العرب في هذه البلاد (وأقصد سوريا) كان يعيش فيها سكان، منهم سكان أصليين ومنهم هاجروا إلى هذه المنطقة مثلهم مثل القبائل العربية.... يعني البلد ما كانت فاضية وعم تستنى حدا يعبيها!!! وهدول السكان يلي عاشو هون منذ قديم الزمان لحد هذه اللحظة عايشين بسوريا... فمن غير الممكن أن يتم تهميش هذه الفئة لمجرد القول أن انتمائون هو وطني سوري وليس قومي عربي..... أما فيما يتعلق بما هو مكتوب في الدستور عن أن اسم سوريا هو : الجمهورية العربية السورية ... فهذا يعني أن النسبة الغالبة من السكان هم من العرب.... نقطة انتهى .... ولا يعني إجبار كل أفراد الجمهورية على الانتماء إلى التيار العروبي.... كمان مكتوب بالدستور (دستور معظم الدول العربية) أن الدين الرسمي في الدولة هو الإسلام .... فهل يعني هذا أن انتماء الشعب كلو لازم يكون للدين الإسلامي؟؟؟؟ اكيد لاء ... وهون الموضوع مماثل... نقطة أخيرة فيما يخص اللغة .... ما لازم ننسى أنو في كتير سكان سوريين بيحكو لغة غير اللغة العربية (وهي لغتهم الاساسية)... متل اللغة السريانية في الجزيرة.... متل اللغة الكردية في الشمال أيضاً... متل اللغة الآرامية في معلولا... كمان بالنمسا مثلاً وبجزء كبير من سويسرا فإن اللغة الألمانية هي اللغة الرسمية والمحكية في الشارع... هل يعني هذا أن المواطنين بسويسرا أو النمسا صارو المان ؟؟؟؟ والأمثلة من هذا النمط تكثر فلا داعي لتعدادها كلها ..... وللحديث تتمة.. :D:D |
| الساعة بإيدك هلق يا سيدي 22:39 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
