|
المعلم ........................................
>
>>بسورية بإمكانك أن تصف أي إنسان بالمعلم. >> >>حتى لو ماكنت بتعرف اسمه . >> >>كلمة معلم بتنوب مناب الاسم! >> >>يعني الشخص العادي معلم و الحلاق معلم و المكنسياني معلم و شوفير >>التكسي كمان >>معلم !!! >> >>صغار رجال الأمن بينادوا رئيسهم بالمعلم يعني واحدهم بيقلك عندي >>مناوبة ببيت >>المعلم (المعلم هون بيكون رئيسه يعني ضابط بالجيش مقدم أو عقيد أو >>مافوق) >> >>نواب الوزراء بينادوا رؤسائهم الوزراء أيضا بالمعلم والوزراء بينادوا >>رئيس >>الوزراء بالمعلم و كمان كبار القادة العسكريين بينادوا الرئيس ب >>المعلم! >> >>الوحيد يلي مابينادوله المعلم هو معلم المدرسة لأنه اسمه(أستاذ )! >> >>و الأستاذ بالعسكرية لها معنى غير لائق. بالجيش المقابل المعنوي لكلمة >>أستاذ هو >>الحمار أنت أكبر قدر ! >> >>كلمة معلم تجاوزت معناها اللغوي و صارت ثقافة و مؤسسة أو فرع مخابرات. >> >>لأن البعض قد يهددك بالمعلم كأنه عما يهددك بالشرطة أو البلدية. >> >> يعني إذا صار شي خناقة و حدا إجا فك الطرفين بتلاقي واحدهما عما >>يقول للثاني >>بفرجيك للمعلم ... و الأول إذا كان مدعوم بيرد عليه بنفس كمية الحقد >>لا أنا يلي >>بدي فرجيك للمعلم . علما أن المعلم الأول غير المعلم الثاني. >> >>و يمكن الشغلة تكبر و يتواجه المعلمين الأول والثاني. >> >>و من حسن الحظ أن المعلم مابيرضى لحدا من تحته بالإهانة. >> >>كرامة يلي تحت إمرته من كرامته و هالمبدأ هام من مبادىء ( الثقافة >>المعلمية) >> >> لذلك حتى تكون بأمان واطمئنان و راحة بال لازم يكون عندك معلم !!! >> >> المعلم مابيقبل الخطأ و لا الهفوات >> >>ما بإمكانك التنبؤ بردة فعل المعلم >> >>يعني قد يمسح واحد من على وش الأرض لسبب تافه جدا و كمان قد يمنح >>مكافأة ضخمة >>لشغلة أكثر تفاهة !!! >> >>من صفة المعلم مزاجه متقلب .... يمكن يضحك لما بتتوقع منه أن يغضب و >>قد يغضب >>لما بتتوقع منه أن يضحك ... لذلك يلي حواليه لازم يكونوا جاهزين لكل >>شيء ... >> >>المعلم ماعنده صفاء ذهني ... ليش لأنه يقضي الليل سهران عما يفكر وقد >>يخرج >>ليلا دون مرافقة أحد , هالتصرفات هي بتحوله إلى معلم خيالي ( شخص >>خيالي ) >> >> >> >>بيتساوى عليه قصص وأسطورات و أقوال و أفعال و يمكن يتحول لأسطورة ( بس >>لأنه طلع >>بدون مرافقة و تجول بالطرقات العامة) >> >>المعلم رجل عائلي لأبعد الحدود لأنه بيشرك زوجته وأولاده و أبناء >>منطقته في كل >>ماتحت ( معلميته)و عائلته مابتقصر بالتصرف على حساب معلميته >> >>و هيك بتزول الأسماء تبع العائلة و المقربين و يتحول الابن إلى ابن >>المعلم >> >>و الأخ إلى أخو المعلم و الزوجة إلى "مرت المعلم" أما العشيقة فهي >>"صاحبة >>المعلم"... وهيك >> >>و طبعا كل هؤلاء لهم نفس حقوق المعلم في حال عدم وجوده. >> >>و يمكن للمعلم أن يفوض أحد الأقرباء بصلاحيات معلم . و هون بينقال لها >>الشخص >>المعلم الصغير ( كلمة صغير هون ليست إهانة, فقط للتفريق بينه وبين >>المعلم >>الكبير ) >> >>و طبعا قد يتغير المعلم و يروح على المنفى أو السجن أو إلى بيته و >>بيجي معلم >>جديد >> >>و مابيتغير شي. كل شي بيبقى مثل ماهو و قد تحتار كمراقب محايد ليش راح >> >>هداك المعلم و إجا هاد المعلم و كلاهما معلم أخو أخته!!! >> >>تبقى إرادة المعلم التي لا تعلوها إرادة ...و التي يجب تنفيذها حتى >>آخر قطرة و >>مهما كلف الأمر و إذا حدا اعترض أو تذمر على هالإرادة بيكفي تجاوبه >>بشكل مختصر >>و مفيد و تفحمه و تخليه يسد تمه : هيك بده المعلم. >> >> >> >>سلام لكل المعلمين |
مشكور يا معلم :lol: :lol: :lol: :lol: :lol: :lol: :lol:
|
أهلين بالمعلم ................. :clap: :clap: :clap: :clap:
|
يازلمة بشيلك من بين عيوني و بزتك بتطلع هيك بلاقيك بقلبي:hart: :hart: :hart: :hart: :hart:
أحلى أبو جعفر مشكور يا..................أخويي |
ايلييييييييييي والله لحديت هلق نحنا ما بنجيب كلمة معلم بالشارع
يا اخي ازا قلنا بتلاقي المخابرات دقت فيك وشحطيتك:shock: |
أخوي أمين ........ على راسي والله ...............
oaddah ....... معناتا أهلين بالمعلم ................. |
اقتباس:
|
اي والله............. يا معلم
اهلا وسهلا............. فيكين وبهالطلي شحارييييييي ............ قد وينك من اول يا زلمي........... عراسي ................المعلم |
طيب بنغير أهلين بالشباب الطيبة والله ... وعلى راسي كلكن .......
|
اقتباس:
|
حول معليـــــــــــــــــــــــــــم
تعال شربلك كاس متة |
أيليييييييييييييييييييي متقرقع متة قرد لهلحكي ..........
جهز الأركيلة وبتلاقيني صرت عندك ................. |
ولك مو تكرم................ هالعيووووووووون:cool:
انا لح اشرب ............16 .....كاس متي..لحتى توصل....16...:7asheesh: وكمان الاركيلة نيطرتاك..........تحت سماع :o سمعان............. صوت الاركيلي............. يلا قبل ما ينحرق النفس...........تعا لحقلك كم شفطة:7asheesh: |
عيني الله عيني .... على صوت هالأركيلي ........
|
شلون لقيتلي نفس هالمعسل
شغلة |
من نوع النمر ....................... هاد السحبة من بتفوت على البصلة السيسائية وبترجع برجوع ..
بقوم الواحد بزهزه ........ يا عيـــــــــــــــــن ...... عاشت يمينك ..... |
لك واحلى معلم ابو جعفر الحبيب
شكرا عل الموضوع تحياتي |
هلا وغلى بطير الندى ........................... تحياتي ألك حبيب
|
| الساعة بإيدك هلق يا سيدي 11:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون