|
استغلال الجوع الجنسي.... و حسناوات الجنة المنتظرات؟؟!!!!
يا شباب ما بعرف ليش جايي ع بالي هالكام يوم روح ع العراق و فجر حالي بشي جامع أو كنيسة أو بشي مدرسة للولاد الصغار مشان فوت ع الجنة و روح مارس الجنس مع 42حورية من حواري الجنة هلأ ممكن كون بحياتي مو شايف بنت أو سمعان صوتا بس الا و ما يلتقى شي واحد خبير بالجنة يعلمني الوضعيات ال 15 و بعدين الباقي كلو عليي
بتصدقو أنو في شباب هيك عم يفكرو ....هاد الكلام مو من عندي .. من كام يوم قريت مقالة عن شب جزائري بيحكي قصتو مع التنظيمات الأصولية و الأفكار يللي بيغرسوها بعقول الناس لخدمة ماربن اي الجنس في خدمة الايمان حسب اعتراف الصوت والصورة والذي يعيد الى الاذهان رواية معترف سابق من الارهابيين عندما رتبوا له احضار مجموعة من الحسناوات بلباس حوريات الجنة وهن بانتظار استشهاده لتحقيق التواصل وبالطريقة ذاتها افتى هذا التنظيم مشروعية استخدام الجنس الآخر لاستمالة الشباب الى شبكته الارهابية بل ان رأس الشبكة وعقلها المدبر يعترف بان له عشيقات للاستفادة منهن في دعوة الجهاد والحصول على المعلومات وهذا يكشف من جديد نظرة الاصوليين المتخلفة الى دور المرأة في الحياة الاجتماعية باستخدام قدسيتها ومكانتها كأم ومربية ومبدعة وينبوع لاستمرارية الحياة وقودا في مخططاتهم الجهنمية . هاد التهكم يللي بلشت فيه الموضوع مو الغرض منو ابدا المسخرة ع فكرة الحوريات تبع الجنة يللي بتصور معظم المسلمين من كل المذاهب بيامنو فيها و انما الغرض منو انقلكن التفكير الوسخ يللي بيزرعوه الارهابيين المتسترين بالدين الاسلامي المتسامح بعقول الشباب المندفع مشان مصالحن الشخصية الى متى هالاسفاف بعقول الناس؟؟؟؟؟؟ ومتى سينتفض الشارع الاسلامي على هؤلاء ويعيدو للاسلام وجهه الناصع يللي تشوه بسبب متل هيك عالم؟؟؟؟؟ يا عالم والله حرام يللي عم بيصير بالعراق و غيرها ؟؟؟؟؟ حرام و الله حرام مين بيقول لهدول اصحاب اللحى انو أعداؤن مو الناس الأبرياء او الأطفال أو النساء أو الشيوخ ؟؟؟؟ مين بيفهمن أنو امريكا الشيطان الأكبر عم يستغل تفكيرن التافه و عم يأجج الصراعات أكتر و اكتر؟؟؟ |
42 حورية مو 7 :o
رايح فجر حالي سلامات |
اقتباس:
أي عودة للموضوع... موضوع هام طبعا, هنن يستغلو نقاض ضعف الناس, و بيعرفو يلعبو على هالوتر منيح, يعني بيوعدو "بالآخرة" بكل شي الواحد ما بيقدر يدبرو بالدنيي.. متل ما تقول "تعويض معنوي" عن العوز اللي عم يعاني منو, طبعا بعد اقناعو بانو اللي راح يشتغل ضدهون هنن سبب هالعوز تحية |
لك عشو بدك ياني علق
على مجموعة من المتخلفين عقليا المغسول دماغهم اللي شوهو صورتنا قدام البشر والله العظيم انو بهالبلد اللي انا فيه بس شغلت وضح للبشر انو الاسلام مالو علاقة بهالبشر اللي بيشوفوها بالتلفزيون |
اقتباس:
منيح هالتوضيح اللي حطيتو هلأ ليش ما حطيتو من أول شي.. توضيح هام و بمحلو, و امزح شوي ما في مانع بس مو تفتحلي ردود بس مشان تمزح و تسلّم على حدا.. اعتقد حكيت معك بهالخصوص... عودة الى الموضوع |
:lol: لا بس بحب ابدا بمزحة لانو ما بحب كون جدي 100% حتى بالمواضيع الجدية مشان ما تطفش البشر
وبحب اكتب ببساطة مشان يفهم عليي البسيط قبل المثقف مشان البسيط يتعلم شوي شوي ما بحط مصطلحات تفوت البني ادم بالحيط على كل الله وكيلك عانيت كتير كل ما تعرف على صبية او شب بيبلشو هالاسئلة الروتينية صحيح المسلمين هيك بيعملو و هيك بيلبسو و هيك بيفجرو وهيك وهيك لك حتى في وحدة سالتني هلق بسورية عندكم سيارات قلتاها لا والله اجيت عالحصان لعندكم لانو طيارات و سيارات ما عنا ولما شافو صور سورية و التالف الديني اللي عنا طار عقلهم |
بالنسبة الي انا بشوف هالانتحاريين ناس مختلين عقلياً لأن مستحيل إنسان عاقل يعمل اللي بيعملوه
أو ناس صار معهم غسيل دماغ وعلى قولة جاسم المطير "يا رب العالمين أغلق أبواب الجنة بوجه الانتحاريين ..!" ............ كان في عندي مقال حلو عن دوافع الانتحاريين إذا لاقيتو بدي حطو لإغناء الموضوع |
اقتباس:
شو الها علاقة امريكا ؟ امريكا هيي اللي عم تطلق هالشيوخ؟ منرجع للموضوع انو ما بعرف شو بدي رد,, بس حابب اول شي فرّق بين الانتحاري والاستشهادي الانتحاري اللي بيفجر حالو بنص سوق الاستشهادي اللي بيفجر حالو بسيارة معادية,, صح؟ |
بالنسبة لموضوع اللعب بالعقول ... فهذا يتم من الصغر
يتم تجنيد الطفل وتدريبه من صغره لكي يكون انتحارى ... كما نرى ببعض الدول الافريقية مثل سيراليون اما بالنسبة لمنطقتنا ... فكما نرى افعال الصهاينة والأمريكان لايستطيع أحد تحملها ... فيتوجب هنا الرد عليهم بكل الطرق ومن ضمنها الطريقة الاستشهادية .. عندما تسأل الاستشهادي الفلسطيني أو اللبناني أو السوري أو العربي عن سبب الاقدام على القيام العملية الاستشهادية ...فوراً سيقول لك للدفاع عن الوطن والمواطنين وللرد عليهم ولهز كيان الاعداء الصهاينة المجرمين القتلة هم وحلفائهم الامريكان بالمنطقة ... طبعاً بالنسبة للمعتقد الديني هذا موضوع آخر .. أنا اعتبر المعتقد الديني أمر خاص بالانسان هو حر باعتقاده ... هنالك شهداء اشتهدوا فداء للوطن من المسيحيين والمسلمين ... الامريكان وحلفائهم الاسرائيليين قاموا بأفظع الجرائم بفلسطين والعراق والسودان ولبنان وافغانستان ... لذلك وجب قتلهم لصدهم عن اكمال عدوانهم على دولنا ومنطقتنا اقتباس:
للمعلومية بن لادن صناعة أمريكية ... أمريكا كانت تدعم بن لادن بافغانستان وتعطيه اسلحة لمحاربة روسيا بعدين انقلب السحر على الساحر .... بالنسبة لأمريكا بالفعل أمريكا هي الشيطان الاكبر لأنها قام بتدمير وسحق شعوب ... وتفقير شعوب .. وتدمير اقتصاديات شعوب .... أمريكا دولة Imprelialist and Capitalist هدفها مصلحتها وبس ... لاتهتم بمصالح او اقتصاديات الشعوب الاخرى |
وهذا هو المقال
بعض دوافع الانتحاريين !!!.. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لقد ميز الإسلام تماماً بين الإنتحار والشهاده والقرآن حرم قتل النفس وقتل الآخرين وأجاز الشهاده ليس طلباً للموت و مضاجعة أثنتين وسبعين حوريه بل دفاعاً عن الأرض والحياه. ولا أريد أن اخوض هنا في موضوع الجهاد وجوانب دينيه أخرى بل أريد أن اوضح بعض أسباب أختيار هؤلاء الانتحارين ما اختاروه بإرادتهم أو تحت تأثير آخرين لأسبابهم ومبرراتهم التي كثيراً مانسمع عنها والتي لاتقنعنا إطلاقاً و لم نر منها إلاالدمار لكل شيئ جميل. إن الملاحظ لأبرز سمات هؤلاء الإنتحاريين يراهم شباب في مقتبل العمر عازبين في أحيان كثيره ذا تدين بسيط يكاد يكون لايعرف من الدين إلا مظاهره الخارجيه فقط ولم يكونوا بعد كونوا رؤاهم الفكريه والعقليه بشكل كامل او عاطلين عن العمل محبطين ويائسين من حياتهم مملوؤين بالكره للآخر ومتحفزين للأنتقام منه لأسباب وهميه بسبب ثقافته التي تربى عليها في المدارس والمساجد والمجموعات الدينيه التي تصور الآخر بأنه عدو متربص بنا لايريد إلا أن يتآمر علينا لذلك يجب أن نحذره ولا نثق به سواء كان متمثلاً في سياسي رجل دين امرأه رجل طفل أياً كان طالما هو مختلف عنا فيجب أن نعاديه ونتخلص منه في أقرب فرصه بتفجيره وتمزيقه الى أشلاء صغيره. ومن أهم السمات للإنتحاري هي حاجته الى الألتصاق والانضمام الى مجموعه والشعور بالإطمئنان وبأنهم محبوبين أو مرغوبين من قبل الآخرين ونجد أن هذه الجماعات الدينيه المتشدده تجذبهم وتشدهم لأشباع تلك الحاجات النفسيه لذلك تجد الانتحاري يخضع خضوع كامل لهذه الجماعات أو الأمير كما يطلقون على قائدهم. كذلك يلجأ الانتحاري الى الانتحار ليثبت للآخرين أنه انسان قوي وهو في الحقيقه انسان مهزوز من الداخل يشعر بالنقص وعدم الأهميه ولايشعر بالنجاح اواحترام الذات فهو يُظهر عكس مابداخله بالانتحار. ومن الملاحظ أن هؤلاء يتم إختيارهم بانتقائيه شديده مع كل ماذكر من صفات فهم ليس لديهم ذاك التوازن النفسي والمشاعر الهادئه نتيجة حرمانهم من العلاقات الإجتماعيه الصحيه بالمرأه فالمرأه بالنسبه له مخلوق مجهول مخبأ بين جدران المنازل لأسباب غير منطقيه جاهليه ليس لها علاقه بالدين فهي لاتتواجد معه في الجامعه ولا مكان العمل ولا زميله من الممكن أن يلتقيها في أي مكان عام ليتحدث إليها وتتحدث إليه في شتى الأمور بدون خوف من المجتمع أو رجال الدين وعند خوفه من رجال الدين ومن العقاب الأخروي ينشأ لديه عامل داخلي مانع وهو في نفس الوقت لايستطيع أن يفعل مايظنه محرم ولايملك سبيلاً أو قناه طبيعيه للوصول الى التوازن النفسي من خلال علاقه صحيه إجتماعيه طبيعيه ينشأ لديه عامل آخر مانع يتصادم مع العامل الأول لذلك ينشأ صراع كبير داخل هذا الشاب لذلك تراه في حاله نفسيه قلقه مليئه بالغضب فيتحول الى شخص سادي مجرم يختطف ويقطع الرؤوس ويمزق الناس بالمتفجرات المحليه, وربما يتحول الشخص الى شاذ جنسياً لانعدام البديل الطبيعي من خلال منع العلاقات الطبيعيه الصحيه فكيف لايقبل بفكرة من يقول له فجر جسدك وسيتحقق ماتريد من الإلتقاء بحسناوات الجنه ولن يعاقبك حتى الله أن التقيت بكل هؤلاء الحسناوات وضاجعتهن واحدةً بعد الأخرى فهل سيرفض ذلك طالما ان هذه الطريقه ستنهي الصراع النفسي نتيجة العاملين المنعكسين بداخله؟! وأرجو التركيز على كلمة (العلاقات الإجتماعيه الصحيه) حتى لايظن أي شخص بأنني أشجع لإنشاء علاقات محرمه بين الجنسين لكن المنع والإبعاد المبالغ به ومنع حتى الصداقات العاديه بين الجنسين احد الاسباب لهذا السعار الجنسي. ويمكننا ملاحظة مدى تأثير غياب العلاقه الإجتماعيه الصحيه بالمرأه على هؤلاء من خلال وصف الإرهابيين بعض القنابل بأسماء نساء وبرأيي ربما ليس لتشبيه خطورة القنبله بخطورة المرأه بل لأن هذه القنبله هي الوسيله الأسرع لرميه بأحضان حورياته الأثنين والسبعين. أن المتطرفين الإسلاميين لايكرهون المرأه كما يقول البعض عنهم صحيح انهم يكرهونها ككيان لكنهم يحبونها كجسد كشيئ مادي يستمتعون به ويحسون برجولتهم من خلاله وإلا لما حاولو التأثير على هؤلاء الشباب بإغراءهم بالحوريات الجميلات في الجنه وبالعشاء مع الرسول. كذلك يستغلون شعور هؤلاء بالإحباط واليأس والذنب لذنوب أرتكبوها وبدل أن يعطوهم فرصه أخرى ليتوبوا وويعيشوا حياه أخرى من الممكن أن تفيدهم وتفيد آخرين نراهم يحاولون استغلال ظروفهم بإقناعهم بأن هناك حل سريع غير جهاد النفس المؤلم هو الانتحار, كبسة زر وينتهي كل هذا العذاب والشعور بالذنب وستدخل الجنه فلماذا تتحمل جهاد النفس. ويُرجع بعض الأشخاص الذين يتكلمون ويكتبون لأغراض مخفيه في نفوسهم بأن ما هؤلاء الا العاب مسيره بيد مجموعه متشدده لمصالحها فقط وليس لأي جهات أخرى اي علاقه بهم ويحاولون ان يوصلوا فكرة ان هؤلاء مثل الخلايا السرطانيه او الكمأ الذي ينبت بدون سبب وكأنه ليس هناك من يرعاهم ويبارك خطواتهم ويرعى أفكارهم الخبيثه وينميها ويغذي عقولهم بها مع الطعام الذي يأكلونه والهواء الذي يتنفسونه منذ نعومة أضفارهم ويدعمهم بالمال ويسوّق لأفكارهم بالمدارس والجامعات ومعاهد العلم وينشأ مدارس دينيه في البلدان الاخرى ويكرّس الإعلام لبث أفكارهم الغريبه الدمويه. أنا أقول إن هؤلاء الانتحاريين ليسوا (فقع)(كمأ)ينبت من باطن الارض لانعرف كيف ولماذا؟ فالأسباب معروفه وأي عاقل لايستطيع أن ينكرها. |
اقتباس:
مين هم المتطرفين الاسلاميين ؟ معقول في ناس متطرفة مسلمين متل مين يعني طيب هل ينطبق الكلام عى فلسطين ؟؟ رغم انهم يفجروا حالهم في المطاعم والباصات واخر عملية كانت قبل يومين في مدرسة دينية للحاخامات ؟ كذلك على قصة الحور العين طيب في بنات كمان بيفجرن حالهن كمان هن بينتظرن 72 حورية وفلسطينيات هم ؟؟ وبعدين الحور العين وردت بالقران والسنة والنبي محمد صلى الله عليه وسلم ذكرهن بالسنة وبشر فيهم فهل يعني هالموضوع ايضا بصدد تكذيب هذه الرواية او الاستهزاء فيها غير قصة الانتحاريين ؟؟ ياريت تجاوب على الاسئلة مشان تتضح لنا الصورة |
أول شي مرحبا
تاني شي أنا نسخت المقال متل ما هو للأمانة ولان كمان بيحكي عن موضوع النقاش وهو الانتحاريين اللي بيفجروا نفسهم بالعراق وذلك للالتقاء بالحوريات يعني على حد تعبير الكاتبة مش حباً بالتحرير وغير ذلك ;) وما بظن إني خرجت عن الموضوع المطروح :? الموضوع عم يتكلم عن الانتحاريين بالعراق اللي بيروح عالسوق وبيفجر حالو وبيقتل معو شي 50 عراقي مساكين مالون ذنب بس بهدف الالتقاء بهالحوريات ما عم يحكي عن الاستشهاد والمقاومة الشريفة، هداك حديث تاني وموضوع تاني، فيا ريت نحافظ على مجرى الموضوع وما نتشتت وبالنهاية ما أنا كاتبة المقال أنا مجرد ناقلة إذا عندك استفسارات فموجود أمامك البريد الالكتروني لصاحبة الموضوع فراسلها تحياتي |
اقتباس:
بس الانسان ما يجعل نفسه وعقل اداة لغيرة او إمعة عفوا على هالمسمى بس لكن الانسان دايما يجعل لحاله مكانة وشخصية ورأي ما يجيب رأي غيره بيجوز التاني خبص بالموضوع بعد الكاتبة همها الوحيد قصة الحور العين واستهزائها فيهن وللعشاء مع الرسول ص وكانه هالحكي كذب وياريت نصحى بقى حملة مسعورة على الاسلام واحنا نايمين |
اقتباس:
ها ايوا و حضرتك اللي تقرر اذا مخبص هالحدا أو لأ..... حاج بقا... كل ما حدا كلمة بتجي سيرة "الحملة المسعورة على الاسلام" ... أساسا ما حدا عامل الحملة المسعورة على الاسلام غير اللي عم يتاجر فيه و عم يأجرم باسمو و عم يقحمو بالتفاهات من الأمور الغيور عن الاسلام يحافظ عليه و لا يشوهه و يعرضه للتشويه... |
اقتباس:
الكاتبة بتقلك حور عين وكذب وعشاء مع الرسول ص وكانها بتسهزء بكلامه وكلام القران تفضل يا اخي حافظ عليه من التشويه ويلا نشوفك |
اقتباس:
ببساطة الكلام اللي مو عاجبك ما تقراه متل ما كلامك ما يعجب ناس... فما تقراه و خلص... اللي عم يشوّه الاسلام هو اللي عم يجرم باسمو.. هكذا ببساطة. |
اقتباس:
يعني هلق رسوم الكركاتير المسيئة للنبي نعتبرها نبحة كلب نسكت وخلص ما بعرف احنا ليش تعودنا عالذل ونقول اي اي ونقبل كل شي وين عزة الاسلام وين عزة القران الله اكبر وينه خلص ما عدنا عزيزين بكرة واحد يطلع يشتم القران ويشوه فيه نقول يلا اسكت خليه ينبح العالم تصدق وتشوف واحنا ساكتين جبناء ما بنقدر نرد بس ياريت هالكلمة اللي تمسكت فيها نشوفها واعتبرني عم انبح وما نشوف الحذف والاغلاقات النا تحياتي الك |
اقتباس:
أيوا!! يا سلام أول شي ليش معصّب انت؟ يعني الاسلام حامل رايتو المقاومة حامل رايتها مافي موضوع الا و عامل فيه حرب أهلية... عمي امتى راح تتعلم تحترم رأي غيرك؟ الكاريكاتيرات الشيطانية هاي ما حدا عطاها أهمية غير اللي قلب الدنيا عشانها (يا ريت نفس التحرك و نفس الحملة تصير على أمور أكثر أهمية).. و لو ما جماعة المهسترين اللي عملو كل هالحوادث هاي كان ما وصلو و لا انتشرو... أساسا بعد سنتين لسى عم ينحكى عنهون... ليش؟ و طبعا متمسك فيها... القافلة تسير و الكلاب تنبح... و جدا متمسك فيه كمان... و بخصوص علاكك الأخير... اذا عندك شكوى تاخد الرابط و تقلع عين فيه بالبريد... لا تخربلي المواضيع بالمنبر فوق مانك مخربهون "بجهادك الالكتروني"... عودة للموضوع |
| الساعة بإيدك هلق يا سيدي 08:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون